玉桃軒酒家 (康怡廣場) (Closed)

話說尋日中午同屋企人去茶樓飲茶，想去間平時少去嘅茶樓試下，就去咗呢間玉桃軒。店面環境尚算ok, 我坐果度有個大水晶吊燈，都幾靚嘅。屋企人先叫咗一個飯同一碟米粉，我冇睇菜單，我都唔知係咩名。不過食落都好嘅，米粉唔會太乾。跟住仲有鴨胸、奶黃包、腸粉包春卷、蝦餃、紅油抄手、燒多春魚、牛肉球同炸豆腐。炸豆腐我覺得係最難食嘅其實。佢好乾而且完全冇味……好多茶樓嘅炸豆腐其實都會放好多椒鹽落放，咁樣就會好好食㗎！

家母生日，整左半圍龍蝦全包宴賀一賀佢。價錢已包加，茶介同汽水。五福喜臨門：估唔到個叉燒係幾肥味，好耐無食過好食既叉燒。燒腩仔皮脆，啖啖肉點埋黃芥末超正。龍蝦伊麵：龍蝦唔係太多肉，伊麵味道有d 淡，食到到喉唔到肺。醬皇花姿蚌片：都係例牌酒樓果味野，不過佢個醬有少少辣都幾惹味。素鵝拼紫菜卷：試左紫菜卷，個皮好薄好鬆化，都幾得意。竹笙海皇燴生翅：呢個勁足料，佢d 竹笙真係超爆多。蔥油大海斑：一個字"滑"鮮竹益菌泡翡翠：本身唔鍾意食菜，但佢d 菇上面d 汁幾好味，清新得黎唔會有寡既感覺。脆皮雞： 雞好滑皮好薄好脆，又係到喉唔到肺，可能我太大食。蟹籽薑米蔥花蛋白炒飯：又一清新之選，炒飯幾有咬口，入面有d 薑粒幾過癮。甜品係腐竹薏米湯水，帶少少杰身，唔知點解個感覺似食緊牛奶麥皮，好食但甜左dd

友人外遊回港，給我買了一些手信，而且還要專程拿來給我，實在太令人感動。既然好友咁有我心，我當然要一盡地主之誼，帶佢去我嘅主場度嘆下茶食下點心，而今次就揀咗位於康怡廣場北座的「玉桃軒」。呢間酒家每逢星期六、日同平日中午都非常旺場，為免排隊輪候，所以選了個較早的時段入座，而且更特意揀咗個開揚光猛的窗口位，坐得既鬆動又舒服。坐低後先開壺鐵觀音，然後再請友人代為揀點心。無嚟一排，原來茶錢同點心都已經加咗價，幸好升幅只屬輕微。先來的椰汁炸饅頭 ($19)，外形小巧，的的骰骰，加上炸至色澤金黃，入口外脆內軟，沾上煉奶吃，既香口又不過甜。接著上桌的沙律明蝦角 ($30)  亦炸得非常脆口，不但皮薄餡多，而且入面嘅蝦肉好鮮香，加上外層無泛油光，食落一啲都唔油膩，配沙律醬吃，滋味一流。一品貴妃雞飯 ($42)，碗雞飯賣相雖然唔算好靚仔，但原來入面的雞件份量都幾多，而且食落味道都唔錯，入口皮爽肉滑，配上軟硬適中嘅白飯同薑蔥，風味滿載。明爐即燒叉燒皇 ($58)，叉燒係酒家的招牌菜，當然唔可以錯過。以梅頭做的叉燒，質素的確唔錯，肉質夠曬鬆化軟腍，加上肉味濃郁，食落帶嚼勁，肥膏又唔多，細嚼下還隱約飄散出玫瑰露

行完太古城後就去搵食，突然想到酒樓食中菜，就選了玉桃軒。夜晚七點幾，酒樓已坐滿了客人，我們被安排坐於較入的位置，所以比較靜，啱囇傾偈。今餐吃得很健康，我們點了兩個素菜，一個燒味。上海蒜子湯豆苗 $108我最愛的豆苗，很翠綠，很嫩，加上少少蒜味吊下味，又不會太咸，鴻運燒味拼盤 $138燒肉個皮燒到脆卜卜，肉質軟腍，半肥半瘦，食下來非常可口，亦不覺得太肥膩，正！叉燒有水準，不會太乾太硬和嚡口，啖啖蜜汁味，每人數塊還是未夠喉。這個拼盤較特別，有肴肉。肴肉凍爽，而瘦肉不黏牙，亦沒有肥膩感。竹笙茄子豆腐煲 $98茄子豆腐切粒，份量十足，三款材料都好入味，茄子不會過腍，這個菜味道比較濃，佐飯一流。是日消費四百五十左右。

屋企人不嬲都好錫我，喺正式生日前嘅星期日已經同我食飯慶祝生日，佢哋就揀咗食傳統中菜。首先，嚟個晚膳三寶，一品蒜香雞半隻，雞皮好脆，雞肉又滑又夠味，唔錯；清蒸海石斑一條，冇火水味，時間蒸得啱啱好，好滑又唔腥；最驚喜嘅係南乳上菜齋煲，南乳味唔會好重，齋煲入面有好多材料，有支竹、蘑菇、粟米仔、雲耳、粉絲，一啲都唔寡！食完蒸魚就食炸魚，呢個瑤柱金粟魚塊，外脆內軟，啖啖肉，再同粟米汁一齊食，經典得嚟又好味。呢度有一樣嘢食我最鍾意就係菠蘿咕嚕肉，咕嚕肉每塊都炸到好脆，又有骨可以咬下，個菠蘿汁酸甜度啱啱好，值得一試。姨媽最近開始食齋，所以叫咗一個竹笙茄子豆腐煲，豆腐走咗油，口感好好，味道唔會太鹹。我好多謝屋企人咁錫我，今餐好有愛啊！

年輕人多數嗜好西餐，但有時去下酒樓、中式餐館又係另一番享受✨今日黎開太古，就特別來到裝潢別緻o既玉桃軒同老公撐枱腳。環境闊落，呢晚特別舒適自在👍🏻適逢平日一至五有優惠，當然唔會放過有得食片皮鴨o既機會😋因為片皮鴨成隻，無半隻揀，所以同老公叫多個炒飯就夠曬飽👫淨係睇賣相已經好滿足，皮香味濃，包住青瓜、蔥絲同醬料食，味道更是令人回味😋大滿足！最後以瑤柱帶子蛋白炒飯作結，粒粒分明，鹽道適中，水準之上啊🤗埋單都係二百蚊一個人，可以好滿足咁食片皮鴨cp值真係唔錯啊❤️

今晚想食有質素又有保證嘅中菜，所以選擇咗太古康怡廣場既玉桃軒。見到做緊片皮鴨嘅推廣十分吸引！可惜比隔離果台遲咗一步，竟然賣光了。😭之後就見到都有一個經濟又實惠嘅激底晚市三寶套餐，我們二話不說便選擇了！一品蒜香雞（半隻），皮脆肉嫰，好好味！清蒸沙巴斑，蒸煮時間同火喉剛剛好，魚很新鮮又很少魚骨，魚肉很滑！瑤柱粉絲什菜煲，估唔到都幾多瑤柱！菜煲好多菜同好鮮甜！花膠螺頭燉北菇湯，入面真係有大大嚿花膠同螺肉，絕無欺場，好抵飲！下次再想食小菜的話，我會再來的！

和朋友來太古城選購聖誕禮物～ 朋友推介不如來這間酒樓試一試他們的片皮鴨！片皮鴨是北京著名菜式，又名北京烤鴨。廚房師父會在旁邊把鴨用刀削成一片片➖即是「片鴨」，再配上大蔥絲、黃瓜絲、甜麵醬，用薄餅卷着食用。餘下的鴨架可以起肉用來做其他菜！今次就點了片皮鴨二食，有老京城片皮鴨和生菜包鴨崧～另外點了瑤柱帶子蛋白炒飯。上次我去北京時也有吃過當地的片皮鴨，和這間酒樓比起來，這裡的片皮鴨一點也不遜色！份量很大，皮油脂分佈得很好，也很夠脆～肉的部份也很多，連著配菜一起吃，真是滿足極了～生菜包鴨崧的鴨崧很好吃，他們用炸過的粉放在底，上面就放鴨崧，混在一起放在生菜上，吃起來脆脆的，口感很豐富。瑤柱帶子蛋白炒飯的瑤柱和帶子也不少，炒飯帶鑊氣，炒得很粒粒分明。每口也會吃得到配菜，不會只吃到飯～

前陣子朋友請我在這飲滿月酒，感覺挺有水準，決意再到來試試它的晚飯小菜！點菜的時候一直掙扎到底要激抵晚膳三寶還是原隻鮑魚鮑翅套餐，最後不敵餐牌上的那隻鮑魚店家貼心地為所有菜式預先分成兩份，第一道菜是上湯大花蝦伴伊麵！大花蝦新鮮彈牙！五頭鮑雖沒想像中那麼大，但燴得很入味，又不會太韌鮑翅十分足料，每梳都維持完整沒有散開，可以用筷子夾起！還能感受到燉湯內金華火腿的甘香！炒斑球煙韌鬆脆，跟那豉汁及香菌配合得天衣無縫！最後的西瓜即使不算時令，但仍鮮甜多汁三百多元能吃多這麼多矜貴食材，真的很划算

很久不見的姑媽約我們吃飯，因為她下午在太古探老朋友，所以我們晚飯就選了在康怡廣場的玉桃軒！星期一晚市都好旺好多食客，之前都吃過玉桃軒，最受歡迎當然是晚市3寶，有一品蒜香雞半隻，清蒸沙巴斑，另外再加一個小菜，小菜都有十幾款可以揀，我們選了鳳梨咕嚕肉！蒜香雞皮脆肉嫩，雞肉夠滑！沙巴斑蒸得剛剛好，size不大不小，沒有泥味，魚肉好滑！差不多每一台都有叫鳳梨咕嚕肉，可見受歡迎程度！咕嚕肉皮脆，醬汁酸甜度調得好合適，菠蘿又甜，肉又彈牙，美味！另外點了南乳上素齋煲和瑤柱金粟魚塊。齋煲的調味很好，南乳惹味但不會覺得重口味，有枝竹、粉絲、雲耳、菇、粟米芯等，姑媽很喜歡！魚塊的獻汁也不錯，粟米清甜！玉桃軒一直都能維持水準，難怪每次都客似雲來！

我個人較喜歡相約朋友或者與家人相聚通常都會選擇飲茶， 因為點心品種豐富又可以品茶， 飲杯茶食個包慢慢歎返幾個鐘都是唔錯的節目。所以每星期總會有一兩次嘆嘆茶食點心。 今日就約咗朋友在太古城康山廣場的玉桃軒茶聚， 喜歡這間酒樓點心選擇較豐富， 今次見到有懷舊芝麻卷是必食之選， 因為這種點心已經好少有酒樓會keep住做。 選擇了兩個小菜點心一個香煎焗魚雲， 惹味香口， 別一個是鯪魚球豆腐煲 滾熱辣上枱都唔錯。 其他基本點心叉燒腸， 鮮蝦菜苗餃，迷你蛋撻仔都Ok。

朋友回港旅遊的行程即將完畢, 想與他來個中式晚飯薦行。 為了方便他早點回酒店收拾, 便選了在太古港鐡站附近的玉桃軒酒家。見「老京城片皮鴨」有優惠, 只需$228。 另二食(生菜包鴨崧或涼瓜炆鴨片)加$68, 甚花算呢, 就點了這個。 老京城片皮鴨 : 片皮鴨鴨皮色澤油光, 但鴨肉不帶油膏, 不油膩。 餅皮一大籠, 有十數件, 質感煙韌。 配合片皮鴨的配菜(京葱和青瓜)丶甜面醬, 不錯呢。 生菜包鴨崧 : 鴨被片皮後, 鴨身還有不少肉。 廚師把剩下的鴨肉與一些瓜菜炒出來, 又是另一種吃鴨肉的方法。 以生菜包起來吃, 生菜爽脆，餡料炒得香口。 另外, 我們亦點了一個蒜片牛柳粒和擔擔麵。 蒜片牛柳粒 : 不要看輕這個小食, 蒜片丶菇粒和牛柳粒都炒得很香口。 菇粒菇味濃，而牛柳粒一點不韌。 四川擔擔麵 : 湯底好滋味, 充滿蝦的香氣和味道。 湯底有蝦米丶洋蔥粒和花生粒。 湯底不稀, 故每一口麵都能把湯掛在麵上。 這麵令我們有點驚喜。

呢間酒樓嘅裝潢感覺比較modern，唔太俗氣，座位都好寬敞，感覺幾清新。今次專誠嚟試呢度嘅片皮鴨。睇住佢成隻攞出嚟再純熟咁切片真係流晒口水。個waiter 仲好好咁每個step停低比我地影相😂完成左，食得!配菜都好新鮮片皮鴨咬落非常鬆化，肉同脂肪嘅比例啱啱好。塊薄餅都系熱辣辣嘅，整體配搭一流!淨低嘅鴨肉就用左嚟做肉碎生菜包。炒得好香，連d粉絲都炸得脆卜卜，好野味。之後叫左個金銀蛋浸白菜。幾清淡，唔太咸，最啱係食完片皮鴨呢d咁heavy嘅餸之後食啦。再叫左味花膠雞煲，花膠同雞件都份量十足，只係略嫌整體乾身左d。糖醋骨亦不過不失整體嚟講，呢間酒樓好值得推介。環境、食物質素、至服務態度都好好! 令我同朋友渡過左好愉快嘅一晩^ ^

又到咗一年一度同屋企人食中餐嘅日子，今日難得放假就同媽咪兩個去撐枱腳，媽咪好想食靚嘅叉燒，我就推介佢去太古城一間酒樓度食，之後我哋去咗玉桃軒度食中菜。好好彩嗰日係平日唔駛等位坐低之後我哋就開始點菜點菜媽咪最鍾意食嘅例牌叉燒，之後帶咗個炒班球，仲有上湯蒜蓉炒津白，先講個叉燒燒得晶瑩剔透頭半肥瘦比例啱啱好，而且個汁好夠味道送飯一流，之後炒班球炒得好夠鑊氣，而且份量都好多係我食過最好食嘅一碟餸，而蒜蓉炒津白炒得好入味而且津白炒得好香，蒜蓉嘅味道都有，果然係一間好食既中菜！下次成家人再去食啊！

茶樓去得多，但好好食既真係少之有少。今次同同事去咗公司附近既茶樓飲茶，點心又唔錯咼😝同事話飲茶點可以冇蝦餃！叫咗一籠，蝦好爽脆彈牙，係個皮有少少過厚。沙嗲蒸土魷，呢個係我最喜愛既點心之一。魷魚煮得好入味🙈 辣辣地又夠彈牙薑蔥牛栢葉，好吸汁既牛栢葉，煮得好淋🤤 加埋薑蔥既味道真係冇野食能及👍🏻金粟香煎墨魚餅，呢個個樣睇落唔多吸引，但食落甜甜地，都食到有墨魚味既，但就唔係話好彈牙🙊甜心流沙包，一咬開個包，啲奶皇流沙噴哂岀黎! 雖然好熱，但真係好好食👍🏻 仲有陣陣咸蛋黃味。沙律明蝦角，呢個味道怪怪地🙈 熱既沙律入面有蝦，個皮仲好硬，要小心食。瑤柱蛋黃珍珠雞，呢個珍珠雞味道唔錯，餡料又足~ 但啲飯硬翻少少好啲鮮磨豆腐花，呢個係正到!! 未食過咁滑既豆腐花😻 加埋黃糖仲正，成碗食得哂!