一品雞煲火鍋

Open Now

Now Closed

這間餐廳的食物質素尚可，但價錢略貴。當晚叫了很多東西，每樣餸菜看起來都乾淨衛生，也感覺材料新鮮。叫了個雞煲，質素也不錯。除了吃雞煲外，額外叫了個小菜煲，都煮得不錯，味道有水準。但是員工態度極差劣，令人極為不滿。一去到已可感受到在門口招呼的待應已十分沒禮貌，進去後餐廳內的待應也擺出一副不願工作的樣子，本人明白做飲食業是非常辛苦，但以這樣惡劣態度對待客人實在難以理解。只計食物的話這間餐廳都算值得去食。

期待已久嘅一品雞煲終於食到喇! 之前試過同朋友8:00黎，等到9:00都仲未入得，最後放棄咗。今日接完老婆收工，6:30已到達，完全唔駛等位，可以直入。麻辣秘制雞煲(半隻) $145 – 要咗個少辣，半隻雞2個人都好夠食。打開蓋，麻辣香已香氣撲鼻。雞肉嫰滑，但唔算多肉，個秘制麻辣真係做得唔錯，濃度適中，做到每件雞肉都掛有醬汁，好惹味。對於食唔到辣嘅我黎講，至中段尚可接受，之後就越煮越辣。竹庶茅根水(每酌) $38 – 唸住叫凍野解辣，點知熱嘅!? 原來係啱啱煲好，雖然味道唔錯，好清甜。但早d講嘛，可以叫其他野飲。食完之雞煲，加湯落去打邊爐，雞煲辣味減咗一半。金錢肚 $70 - 一碟8件，好腍易咬。通菜 $28

我覺得咁多雞煲之中最好食嘅係呢間，之前都食過好多次既一品雞煲。你間雞煲長期爆棚晚飯時間去到起碼等半個鐘，今次我就醒啦，預早去拎定飛然後去旺角行一陣就有得食。一對第一時間緊係雞煲先， 今次就嗌咗半隻小辣雞煲， 配菜就帶咗生菜，粟米，手切肥牛，同埋必吃炸響鈴。雞煲嚟到嘅時候仲未熟哂要煲多陣先可以食，可惜可能太忙，店員開爐後並無好似其他分店咁，過黎幫我地攪拌，以防痴底。10分鐘過後隻雞就食得啦，雞件都算大舊，啖啖肉，醬汁小小辣同麻唔會食完無哂知覺，啲醬汁最岩就撈飯食，送十碗飯都得！食完啲雞就可以開始打邊爐，今日小小上湯之後再撈埋雞煲啲醬就成為左湯底，麻辣味加埋有啲藥材味，最岩就係淥響鈴，呢間餐廳嘅響鈴係自己炸嘅食落去係脆卜卜既， 就算唔淥都好好食，手切肥牛有肉味又有咬口，栗米亦好甜。覺得辣嗌番杯凍檸茶、同葡萄籽，葡萄籽好似飲緊利賓立咁，30幾蚊一杯大大杯可以飲成晚。總括而言， 雞煲質素高但價錢偏貴

旺角分店-其實已經來過數次了. 香港雞煲越開越多, 但對一品雞煲是情有獨鐘. 環境夠闊落. 有卡位亦有大枱. 重點每次光顧都能保持水準先點了三文魚刺身 （純粹覺得抵食）主角雞煲方面因我個人是不太食到辣的 屬初級組, 所以點了一隻雞小麻小辣, 而這裡的麻辣是辣中帶甜, 非常惹味! 雞件肉量正常(沒有偏小), 醬汁的香料味濃郁, 很入味 醬汁跟白飯是絕配!當然, 肉質仲好滑再尼雞煲變火鍋, 手切本地牛是我比較喜歡, 肉質較軟 雖然有部分油脂較多. 但這個比例我是接受的 而牛肉粒牛味較重韮菜餃 雖然聽落普通, 但皮薄餡甜 值得一試一杯大檸茶剛剛好完成一個晚餐

==============================本人好多少寫食評，不喜勿插，純分享。8個人食，選擇都選多，不過今次食左好多海鮮食左成2800蚊，人均300+（其實除左雞煲夠味外，其他隨量叫就可以）不過一品 d 凍檸茶/凍凍7 好大杯 ，基本上 係必叫的。另外如果唔夠飽，個人建議叫白飯，叫雞煲汁「老」白飯，之後再加水叫其他野。==============================

本身book左10個，但之後比左細枱我地因爲我地小左一個人。張枱擺到兩個雞煲都擺唔到其他野仲要兩個gas爐貼到實一實！員工態度極之差，講粗口鬧你驚死你聽唔到如果想投訴佢佢會勸你唔好落單

一直想食雞煲火鍋好耐，今晚一行7人就去左旺角一品雞煲火鍋食，7點幾去到好多人，好彩一早已經BOOK定位。這裡不是任食，是先吃完雞煲再打邊爐，啲雞肉質唔鞋又入味，雖然好好味，但真係十分口渴。一隻雞份量黎計都算多，因為我們全女班，基本上食克隻雞已經飽了一半。另外，我們也叫了鯇魚、粉腸、鮮豬膶、脆炸響鈴、手打蟹籽墨魚滑、青口、手打蟹籽蝦滑等等，一次不能盡錄唯有影張大合照。提一提墨魚滑爽口彈牙好有口感，特別推介呢!如果要講缺點，員工態度欠佳，要杯水都有排等，所以通常自己搞掂。

雖然係夏日炎炎，但係今晚同朋友黎返個愈熱愈要食雞煲仔，打個靚邊爐！ 係荃灣都食過幾次，今次試下旺角分店！ 7點半左右到，下一張已經係我地..都要等到8點半..先有張6人枱坐。 我地7個人..唯有逼住逼住坐... 叫左少辣， 好入味呀 雞滑..始終未搵到一間比得上一品叫左煎米粉...第一似食...有啲油溢味...mama地必叫， 黎得一品 都知響齡係必點！ 好新鮮..雖然好😈😈😈普通打邊爐常料都有呀！好新鮮無雪味！仲有特大檸茶，一個人一餐邊爐一杯檸茶，岩岩好呀！

一品雞煲 一隻雞 $210. 半隻雞$135Chicken Fondue.講到食雞煲 絕對唔可以唔食一品雞煲 今次去左旺角好景分店 (都開左幾年) 唔係咩新野 但一定唔會失望 不過好食係香港一定要等 小瘦肉同幾個朋友等左一小時左右.雞煲個汁無得輸 一定要辣辣地先正 講到最好食一定要食個洋蔥 個辣汁將佢發揮到淋漓盡致 個雞都好好食 另外要叫埋索汁既食物 響鈴 蟹柳等等 真係無與倫比 好似可以再加汁 不過要收錢 都係加返湯算 加湯之後就要正常咁打邊爐 一大班人都ok 飲料都唔可以錯過 就係佢既凍大檸茶 大大杯 岩曬解辣

以前成日去紅磡或者荃灣食一品..旺角開左..我都係第一次黎..7點黎到..唔算好多人..但因為我地未齊人..有台都未入得..結果等到8:30先入到..門口已經勁多人..要10個以上先有得book位..一坐低當然叫個小辣既麻辣雞煲..一品既雞煲醬真係好正..好夠味..d雞好嫩..當然唔少得叫一系列既配料..響鈴係必點之選..脆脆既響鈴放個雞煲醬度 幾秒就入左味 食得👍🏽都係叫好多肉呀 丸呀 都👌🏽 今次仲係第一次食炸米粉餅..其實同食米粉差唔多..要煮耐d..如果唔係會好乾..反而覺得今次既牛丸麻麻..太淋唔夠彈牙..黎到一品..一定要一人一杯大檸茶..夠爽👍🏽但員工既態度真係麻麻..都無咩人理你甘..

一品雞煲火鍋佢之前已經同我講呢間雞煲好好味我今次係第一次嚟食8點半左右攞飛張飛顯示要等10個，但可能門口都幾多人等，所以有啲人已經走咗等咗10分鐘左右已經可以入座眼見場內都有2個人坐的卡位，因為有限時的（1-2位90分鐘、3位以上120分鐘）所以我唸早到的話都會有卡位，或者睇彩數啦（我見有人遲過我到2位都有卡位）男朋友之前食過，由佢發板食咩 ·一品雞煲（小辣，半隻）雞煲個汁好正好濃郁，啲雞亦好滑，每一啖都覺得好正· 手切牛肉肉質好腍·響鈴（呢個我叫的，我見好多枱都有叫）可能太期待，但唔算太脆，不過不失啦·油麥菜·大凍檸茶大大杯，影相靚·細鹹檸七因為第一次嚟食，唔太知份量其實2個人嚟食，可以先叫半隻，食咗雞煲再決定叫其他食品，個雞煲份量好多今次都食唔哂*可以叫白飯，雞煲個汁送飯應該好好味

這次和朋友一起去吃，真心不錯！味道特別好，東西也比較多，感覺唯一的美中不足的就是不是放題，所以單價配菜有點高！整體很不錯！特別推薦芝士丸，然後飲料的話可以嘗試下大杯的凍檸樂，很爽！

一品雞煲我地每個月都會幫襯一次嫁，真係好似中左毒癮咁呀，唔食唔舒服😂😂😂.今次叫左半隻雞，每次例叫小辣多麻多汁（一定要係叫雞煲個陣順便叫多汁嫁，如果食食下先叫多汁就要收錢嫁喇😂）..仲有呀，食一品一定要時不時攪下個底，因為都幾易燶煲嫁，燶左就超臭影響埋隔離檯既食慾就唔好啦😆😆😆..身邊人勁鐘意芫荽，但好可惜我同芫萎係天敵，如果唔鐘意既朋友記得叫佢走左佢呀😨😨😨😨.無乜叫到d 咩餸但食一品一定要叫魚皮 點佢雞煲d汁真係無得輸韭菜餃又係好好食不過佢d皮 薄得好緊要 一夾就穿.大杯到飲極都飲唔哂😆😂😂.仲有好多餸 大把選擇

琴晚約咗班好耐冇出嚟嘅朋友打邊爐，就揀咗呢間一品雞煲。都係食完雞煲然後再打邊爐咁。雞煲嘅價錢同出邊差唔多，但呢度唔係任食而係逐碟叫嘅。我哋叫咗兩個普通雞煲，叫咗一個中辣一個小辣，但係個中辣都唔夠辣同小辣差唔多，不過個味道唔錯。打邊爐材料比一般飲食幾好小小，唔係話特別好食好多。特別推介嘅係韭菜餃同即炸響鈴，啲蟹樓就外邊甩晒皮咁樣好似好梅但係中間就ok,賣相一般。順帶一提就係呢度嘅檸檬茶係有hogarden大杯個隻大size。整體上來講還可以嘅。可能因為同朋友飲咗酒嘅關係所以就要四百幾蚊，如果唔飲酒嘅話應該＄300就OK架啦。

近排興芫荽，鍾意食芫荽嘅朋友就啱哂嘞，一大撮芫荽！為免黐底，記得加熱過程中要攪攪佢。眼見現場唔少人「大安主意」由得啲雞响缺水嘅情況之下乾煲到出哂燸味，佢哋就顧住捽手機同傾偈，我真係唔知講咩好。雞件份量足，要麻有麻，要辣有辣，調味方面係冇得彈嘅，可惜雞件的皮下脂肪黃油部份太多，對於時下講究健康嚟講呢就唔係太好嘞。意想不到嘅係雖然呢度嘅主打菜色係雞煲，但係呢度嘅安格斯肥牛無論色水、肉質以至牛味都係上等水平。魚的確係脆嘅，由於响重麻辣嘅調味之中滾熟，所以係食唔出任何泥味、腥味。估唔到西洋菜嘅甜同麻辣湯底嘅麻辣味竟然係夾得到㗎喎！竹蔗茅根水望落就幾足料，但係飲落就淡口咗啲。