一品雞煲火鍋

Open Now

Now Closed

已经是第二次来吃啦 自从上次朋友带我一起来吃 就一直想再来吃一次 这次带了更多的朋友一起 可以多点一些菜 所有的食材都很新鲜 特别是鸡煲都很入味 因为没有及时加水 有点焦了 服务员很贴心帮我们换了锅 服务满分 下次会再带一些朋友过来 是一个聚会的好地方

旺角麻辣雞煲呢間都算好味！！尋日8:30上去大約等咗半個鐘左右就可以入座！！試過銅鑼灣今次試旺角！兩間比較銅鑼灣放工時間上到去唔使等位！！今次3人行叫咗一隻麻辣雞煲. 中辣 麻，多過辣味！！但食完雞煲後再打邊爐個湯底就會越嚟越辣！整體中辣 。 麻辣夠味道就夠 辣味就爭少少！ 下次試下大辣，睇下有咩分別。銅鑼灣雞煲 嘅雞件會比較細件,所以食起上嚟會更加入味 及 更滑!! 銅鑼灣分店 凍檸茶更加有味道， 反而旺角分店呢間凍檸茶個味淡！！食完雞煲再打邊爐， 正

一品雞煲依然地好食，作為雞煲愛好者，一品雞煲always on my list，想食雞煲就一品啦，是懶諗之選。一品雞煲不是任食放題形式的打邊爐，但一直保持質素，如果吃得不多的女孩吃一品就更刬。雞肉入味嫩滑，香料豐富，推牛雜雞煲。但就比一般任食打邊爐稍貴，是中價雞煲之選。不叫刺身埋單通常每人約300蚊。雞煲美味，火鍋料有多款可選都很好吃點了一隻象物䰷刺身（$700)及三文魚刺生（$忘了）大大杯檸茶喝起來很爽不會太甜，打邊爐喝涷檸茶真爽😎

#LuBie旺角🥘選擇左最基本既麻辣秘製雞煲，由於唔太食得辣既關係，所以就簡左微辣。雞煲既秘製醬汁好香好濃郁，唔算辣但就帶麻，食到好過癮，鐘意辣既朋友可以叫辣少少，因為會惹味啲。雞件都幾大塊，而且一煲雞既量都幾多，雞肉肉質嫩滑加埋個醬汁好出色。🔽食完雞煲就加湯打邊爐，一品既火鍋配料就普普通通啦，唔會太差 可以接受既水平。食佢既雞煲一定要叫佢地最出名既大大杯凍檸茶，一邊一邊飲超爽。🔽📍一品雞煲火鍋📍旺角花園街2-16號好景商業中心2樓#hkig#hkfood#foodpics#instafood#foodies#cuisine#foodshare#foodgasm#foodphotography#hkfoodie#foodseekerlu_bie#吃貨#美食#香港美食#大埔美食#食好西#一品雞煲火鍋#巨型凍檸茶#麻辣秘製雞煲

麻辣秘製雞煲🐔（半隻） HKD158；不專業評級：7/10由於朋友唔食辣的關係 我地叫左唔辣🙆🏻‍♀️但雞煲既美味程度依舊不變！依然咁好食😍 雞件好滑 味道好濃郁 仲有我好鍾意的紫洋蔥💜.手切肥牛（小） HKD150；不專業評級：6.5/10份量唔少 厚薄亦都適中👍🏻好有牛味🐮又唔會太肥/好鞋😍 仲好有咬口添！.西班牙黑毛豬🐷 HKD68；不專業評級：6.5/10雖然得6️⃣塊 但塊塊都好長 一大塊放入口 感覺好滿足🤤不過偏肥左啲.脆炸響鈴 HKD41；不專業評級：6/10好大件😍 雖然唔係即炸 不過唔梗要拉🤣都係咁好味！.雲吞拼韭菜餃 HKD49；不專業評級：5/10本身我地想叫水餃🥟拼韭菜餃 但佢泥錯左雲吞拼韭菜餃😭同啲工作人員講話泥錯左 佢又否認😭雲吞就普通貨色 韭菜餃的餃皮偏爛🤨 味道係幾好食既 不過佢好似落左好多糖🤣食落甜甜地.日本烏冬 HKD26；不專業評級：5.5/10無咩特別驚喜🤣.油麥菜 HKD30；不專業評級：5.5/10唔老🙈 正常菜 不過可能廚房比較忙 啲菜有少少洗唔乾淨😨.大青檸水 HKD 36；不專業評級：6.5/10次次泥L先生都必點飲品🤣 青檸水本身加左檸檬汁

好朋友生日，佢揀咗來一品食雞煲，老實講我好耐無來食了，但感覺價錢貴咗，份量少咗，係我既錯覺嗎？不過佢既雞煲味道非常獨特，我諗食過既朋友都會迷上，我哋5個人諗住一隻雞應該夠食吧，原來都唔太夠，我心諗爭住食更好味。呢次最令我驚喜既係竹笙，原來打邊爐配竹笙係咁好味，第一次食感到好意外，我哋仲加咗單添，其次就係杯凍檸茶超大杯，打邊爐既絕配，但好似成$42好貴呀！一人一杯就200蚊了，呢杯絕對是讓你非飲不可的凍檸茶。我諗最差係蝦滑好似唔太新鮮，其次係花膠桶只有3個太珍貴了。

我最愛食雞煲，所以今日又捉男朋友陪我食。今日星期六，好多人，我們等了1個小時才可以入座，比較久。其實食一品最好多人一齊食會比較好，因為可以叫多D野食。如果得2個人👯‍♀️，我們就叫了一個麻辣雞煲，半隻雞的份量， 小辣正常麻。食左甘多次，真心麻辣雞煲小辣係最正既! 因為主要係麻多過辣味，但之後會愈食愈辣，所以小辣先適合長期戰鬥，令你可以慢慢食多d野，如果唔係好食得辣，唔叫小辣，我相信你絕對食唔落去。下單後，雞煲很快就到了，而且份量十足，所以我們只係叫多左一個生菜同午餐肉就足夠。雞煲的雞肉肉質嫩口😋😋，而且雞肉大塊，口感不錯，但就咸了一些，所以我推介配個白飯來吃，就剛好了👍🏻另外有食開一品雞煲的FANS都知道，大檸茶是必叫的! 😝因為大檸茶好解辣，當你食到覺得好辣的時候,飲一啖，你戰鬥力又會繼續🤟🏻_________💵總消費$320😋食味質素: 10/10💸性價比：8/10🍱環境：7/10👩🏻‍🍳服務：5/10👍🏻整體評分：8/10——————

部門聚餐，諗唔到食咩,提議食一品雞煲；其實之前都食過一次，印象中這裡的麻辣雞煲是好食的，上次因為有小朋友，所以點餐時也沒有點上辣，今次就品嚐一下“小辣”（別笑我，因為我唔太食得好辣）首先大大杯凍檸檬水，賣點一定是大大杯，頭盔級，其實這是很好的賣點，通常打邊爐都食到十分渴，他們一杯大大杯，實在一解我心頭之渴再黎鮑魚麻辣雞煲，先說鮑魚，算是大隻，入口彈牙；再說麻辣雞，麻，香味十足，非一般任食雞煲質素可比。安格斯肥牛，牛魔必點；濃香的牛味，加上香口合適比例的牛脂，配搭完美，我每次到此必點。今次全男班去食，過程有傾有講，十分愉快。

好景行左咁多年都只係去睇game，原來都有好野食!!!今日朋友帶我黎食雞煲，本以為一般般，因為商場本身都有點頹味~會有好野嗎?上到黎先知原來呢間野咁大，面對勁多人食，好彩兩個人，十分鐘就有台朋友話飲檸茶，問我飲咩，我就跟佢要左檸茶，但原來40幾蚊一杯........上台先知佢有幾把閉!!!用平時酒吧既巨杯黎裝檸茶，檸檬都應該有一個，超誇張!業味香，檸味濃，一試無防，係幾好既，但打邊爐一杯點夠飲~長遠計都係汽水好要左半份中辣雞煲，味道超香。雖然唔係即場煮，但係佢既汁真係超好食，又甜又香雞味而且雞件都幾大舊，啖啖肉，見佢雞汁唔錯，都好期待加湯後既雞湯底安格斯牛，睇落雪花幾靚，幾厚身。煮起上黎牛味濃，又香又嫩夠咬口加上佢甜味十足既雞汁湯底，超正!魚皮超大份，打邊爐必備，薄身脆口，唔錯響鈴又係超大份，放湯一流，尤其呢個雞汁湯!呢都真係偏大份，幾個人黎食好扛，我地兩個人就有點多了墨魚滑，朋友超推介，食落知咩事!!!墨魚大大粒，而且墨魚滑夠彈牙，彈牙魚滑中又有粒粒爽口墨魚肉，口感層次夠豐富!朋友想食豬潤，自己平時打邊爐好少會叫，因為煮內贜通常會搞到成煲都係泡但今個豬潤冇問題0.0 因為餐廳洗得乾淨

一早就book左食雞煲，一到達發現好多人已經等緊位walk in而我地又有得即刻入去🤩大家記得book定啦~麻辣雞煲小辣係最正既！主要係麻多過辣味，但愈食愈辣，所以小辣先適合長期戰鬥😈 食多啲都唔怕。同時我地叫左唔辣既所以就食得出小麻辣更突出好味！味覺上的刺激🤪啲雞好嫩滑，切到細細粒可以吸收哂汁既精華，啖啖肉😍我地叫到成枱都係野食，埋單都幾和味🤦🏻‍♀️🤦🏻‍♀️叫左肥牛，生蠔，貢丸，珍寶腸，炸魚皮，面筋，豬肉，同埋幾款菜。其他不能盡錄😆😆但整體完部野食都唔差，高水準。整體尼講丸類都幾多汁唔錯既，生蠔好肥大又多汁🤩正！竹蔗茅根內有條竹蔗同紅蘿蔔，味道唔會好假，甜度適中，最啱打邊爐👍🏻野飲重好大杯呀，原本以為一定飲唔哂，但打邊爐會愈食愈咸，所以去到最後真係食得哂🤣🤣大青檸水本以為係青檸加水，點知竟然好好味！佢落既唔係水係似冇氣青檸梳打汽水，甜甜地幾好❤️❤️❤️

第二次嚟一品食雞煲，上次叫小辣，今次因為屋企人唔食辣所以叫咗個唔辣嘅。我個人鍾意食辣就覺得上次小辣惹味啲，但唔辣嘅味道都夠濃都相當唔錯。我哋一行人6大1小一共叫咗十七樣野。建議嚟一品都係約多啲人，咁先可以食多啲唔同嘅料，因為每樣嘅份量都好多， 特別係響鈴，冇記錯有8大條，見到有唔少枱都食淨。值得讚嘅食物係蝦丸同黑毛豬，蝦丸夠彈牙黑毛豬肉味濃香。菜好翠綠 ，但有苦味，唔知道係菜本身嘅問題定係索得太多花椒八角所以苦。同有一樣可惜嘅係個電子爐唔夠火，要等好耐先至滾， 打邊爐打得唔夠暢快。雞煲邊爐嚟講質素算不錯，可以再encore。

雞煲令我又愛又恨，每次吃完都會一大陣味道😂而一品雞煲永遠是我雞煲的首選，佢地的雞煲的秘製醬汁香濃，雖然每次我吃完都覺得超口渴🙈但每次還是令我念念不忘。我不太吃辣，可是我朋友是無辣不歡，而且我都覺得辣是比較惹味。所以我們點了微辣。2人所以點了半隻雞，再加配菜打邊爐。雞先爆炒令到雞肉內嫩滑及Juicy😍將肉汁鎖住在內面。內裡有花椒八角，又香又麻😂令人一試難忘。不得不提那杯「大青檸水」解辣一流，大大杯岩曬超級濃味的雞煲。

行過旺角想食雞煲,來了一品,看到好多人,只能搭枱食,還境好迫,亦可選擇不搭枱,坐卡位的,但就要等位,我們太肚餓了,所以選擇搭枱吧,點了麻辣雞煲ㄧ隻(小辣),ㄧ揸竹庶水,雞煲份量十足,2人食都加不了其他火鍋配料,下次去只點半隻雞就足夠了,味道方面隻雞很滑,亦夠晒麻,但不是太辣(因為點了小辣關係),食到差不多想加ㄧ碟牛肉或肥牛之類,拿起火鍋纸居然發現沒有牛肉,第ㄧ次食雞煲係冇肥牛的。總結,雞煲味道不錯,會再來

雖然已經過咗冬天, 呢排仲33-34度……但炎熱嘅天氣完全冇阻止到我想食雞煲嘅心, 所以就約咗中學同學兩個人在旺角好景商業中心食一品雞煲。我哋冇book枱，去到大概6點45分所以未算係好多人。大家記住唔好去到就禁飛然後坐響到等, 因為如果太早佢唔會開始用部機, 直接搵waiter就ok。一去到坐低就叫咗半隻嘅麻辣雞煲(小辣)。個雞煲係會預先響廚房煮咗少少, 然後再響自己個位加熱煮多大約15分鐘。呢間餐廳嘅麻辣雞煲有啲偏甜, 而我個人就好鐘意食。除咗雞煲我地仲叫咗青口,意想不到嘅新鮮!另外都叫咗魚皮餃, 就一般啦冇咩頭特別。跟住就係我至愛響鈴,總共有八條。新鮮炸出黎嘅響鈴配合麻辣湯底, 真係好好食!飲品方面我地就叫咗一榨竹蔗茅根同埋一杯超大嘅凍檸茶。兩個都好好飲同好大, 不過有少少偏甜。最後埋單大約二百幾蚊一個人 。 雖然話就話夏天, 不過食雞煲仍然係一個幾唔錯嘅選擇。

今年母親節和家人提早一天慶祝，一起到旺角這間一品雞煲火煱食雞煲再食火鍋，這間店也比較出名，在銅鑼灣，紅磡等也有分店，故特意前來一試，也許是近母親節的關係，等候的人流比較多，我們等了1個半小時才可以入座，比較久，幸好大堂前放有兩排長櫈，而且剛有空位，才比較舒服。入座後，我們很快就叫了一個麻辣雞煲，一隻雞的份量，由於媽咪不吃辣的關係，我們選了不辣的，不過雖然是叫作不辣，但仍帶點兒辣，麻方面剛比較重，下單後，雞煲很快就到了，而且份量十足，我們四人吃完也差不多飽了，味道方面麻辣味十分重，配上雞肉十分惹味，而且雞肉大塊，肉質較嫩，口感不錯，但就咸了一些，如果配個白飯來吃，就剛好了。吃完雞煲後，由於我們也差不多飽了，所以只叫了一份些牛肉，魚皮餃，鮮魷魚，兩款丸和菜等，牛肉方面肉質鮮嫩，咬下時真的會有肉汁流下來，份量也足夠，真的推介大家去試試，至於其他食料方面剛和大家平時食的差不多，整體而言，也值得推介給大家一試，而且我們四人人均也只花費了二百三十元左右，十分低吃。