一品雞煲火鍋

Open Now

Now Closed

三年前開始興起食雞煲嘅熱潮, 開到成行成市, 鐘意同朋友家人聚埋一齊就打邊爐比起曇花一現嘅雪花冰, yogurt, 珍珠奶茶店, 雞煲更顯得屹立不倒我又鍾意食辣, 根據食咗幾年嘅經驗留意到雞煲通常分成三類一、主要食湯底例如南北杏鱷魚肉湯, 椰子汁甜嘅湯底都試過, 將湯滾起加雞肉, 冚埋蓋等到第二次滾起就熄火焗二十分鐘, 用湯嘅熱力整熟隻雞, 食起上黎特別嫩滑二、無汁, 用生鐵煲煮, 上枱嘅時候吱吱聲熱辣辣, 然後要即刻搞下個底, 唔係就會黐底, 食落特別惹味三、有汁嘅, 辣嘅程度任君選擇, 食完雞再加上湯打邊爐, 秘訣係湯唔可以加得太多, 如果唔係雞煲嘅精華就會沖淡架喇 大檸茶 $29淨係記得呢到嘅凍檸茶大大杯, 嗌嘅時候完全唔記得走甜少冰添 份量夠哂兩個人飲成餐秘制雞煲一隻(少辣) $200啲雞好嫩! 如果唔怕肥, 連埋啲雞皮食就仲正! 完全停唔到口, 大比數拋離我對面嗰位 煲入面可以見到唔同嘅香料, 因為斬得好細件, 所以食起黎唔會好麻煩  雖然友人把口話辣, 但隻手就不停夾黎食, 哈哈, 其實啲辣好香, 只係有少少麻嘅感覺火鍋嘅各種配料, 無論係海鮮蔬菜定丸肉類都好齊全韮菜

諗住一家十一個人開開心心落去樓下屋企附近果間一品雞煲試下，點知今次真係出事，我從來末試過食d咁難食雞煲.....個雞煲d雞又老又(下)還帯有小小苦味先....d服務員態度又差又叫都唔應....俾起任食果d雞煲d服務员更加差....我地以後全家人都開會再黎呢間拉圾雞煲食野

8點食飯唔需要等位覺得好好彩！食落就天知點解，橙色汁雞煲又杰又咸，呀姐唔肯加湯，杰到食唔到，要辣又唔辣，加辣收$10我比無所謂。伙記唔應人，叫生菜45分鐘都未有得食，食物唔掂！酸梅湯變壞但伙記話酸梅湯酸係正常，暈！唯一推薦是大檸檬茶！只此一次，無下次！

收工特登搭的士去食 對依餐飯好失望年幾前食過荃灣一品愛上左食雞煲 自從佢愈來愈貴之後都少左黎食點知一食返個味唔同哂 一坐低一大陣膿味 好似檯檯個雞煲都痴低既味叫左個中辣一d都唔麻唔辣 個汁得個杰字 原全入唔到雞度 用細火一開蓋已經有4，5舊雞痴低成個味唔同哂 還返以前果間一品俾我

我發現一品雞煲已經一年多了。這一年內已經前前後後惠顧了十次左右了。那種麻棘確確實實好吸引，亦令人回味！！！今日大病初愉亦天寒地凍，所以也想暖𥅈𥅈既雞煲。不過我深信短期內我都未必再黎，因為水準下降，價格上升，實在不合理。主要係個雞煲，味道確實轉變了很多。重味不過麻棘味道好奇怪。我仲另加$10加一碗雞汁，不過來到時只是一碗雞湯，仲要令個煲冇變化既雞湯。浪費了$10。膠響玲,以下係我地食凈既數目，可見有幾難食，完全係膠膠地。乾燒伊麺，沒有什麼可言，普通。牛肉色澤味道ok,可以接受。肉魚片，沒有特別的一個魚片,沒有什麼新鮮可言。

天氣冬當然要食暖粒粒既打邊盧，先食雞煲再打邊爐係十分不錯既idea,雞煲既麻麻辣確實不錯，我今次叫左小麻同小辣，已經覺得不錯很中意麻麻的感覺，下次試下中麻中辣。因為真係幾好味  所以下次我會再去食， 而且一品雞煲仲開到零晨， 亦係宵夜好選擇。其實一品雞煲我之前都食過好幾次， 主要原因雞肉味真係好好味， D 汁配得好好， 麻辣麻辣的，好不錯。每一定要叫響玲， 因為響玲好吸收D 汁。其次海鮮價錢合理，又幾新鮮。牛肉都不錯，色澤同肉味都幾好。

除夕夜，諗住同班姊妹開心下，順便把握最後機會同十二月之星慶祝生日，所以決定去食雞煲大家一齊烚下烚下。荃灣一品雞煲享負盛名，認真食過翻尋味，奈何等候時間真係太長，又不切訂枱服務，加上除夕夜，真係唔敢去。然而聽同事講話土瓜灣開左分店，仲可以訂枱，所以二話不說即刻打去book枱，鐵定在一品雞煲度過2013的最後一夜。點之原來呢個係一個錯誤既決定！當晚一早放工，抱住開心愉悅既心情去到，門口個阿姐話搵唔到我個booking已經燥！由於當時時間尚早，入面仲有位，加上我地人數已經過半，阿姐即刻就俾我地入坐。一坐低睇電話，已經19:41，拿拿聲落左個少麻少辣雞煲先，費事一陣多人有排等，落完order再慢慢入紙落其他配菜。落哂所有orders，等到20:20，其他配菜都到哂，擺到連枱面都無位擺，個雞煲都未到！！！！我地叫個阿姐跟進下，同佢講話隔離枱仲遲過我地入坐都已經吮雞骨，但係我地連個煲都未到！佢竟然答我地:「我叫左廚房煮架喇！」我地聽罷頓時著哂火，同佢講：「唔通叫個洗廁所既煮咩？你而家先講，咁頭先我地追咁多次你乜都無做過呀？」個阿姐笠水喎，一路聽一路走！！！！！等個煲既期間，我地都唯有望下枱面既野食

細佬好LIKE 食雞煲，如果想近又唔洗排就會去朋友餐舖食，但想更滋味就要去荃灣一品喇但每天都會好掙扎，因為次次都排到癲架知道一品喺土瓜灣開左分店一於去試下啦大約9點鐘去到，食店喺地庫，落到去樓底都唔算矮喎！我地四個人坐卡位，仲有獨立電視添，可以睇住COOL魔食雞煲大大杯凍檸茶~~~食雞煲有大大杯凍檸茶真係爽呀，咁大杯都係29蚊炸！茶味又十足，仲有成一個半檸檬添熱辣辣雞煲~~~我地揀左小辣的雞煲，雞雞整得好入味，雞肉都好嫰滑，微辣帶一點麻先食左個雞煲，食哂雞雞就可以加水打邊邊喇！A5安格斯牛牛~~~好"林"好有牛味喎，脂肪分佈都好好喎即炸響鈴卷~~~係即炸的貨式，唔油仲好香脆，吸入湯汁，正呀珊瑚蚌~~~新鮮好味通菜~~~夏天當然食通菜啦，好嫰好味粉腸~~~是冷藏資，但吸收哂湯汁又幾正喎仿鮑片~~~無特別手打墨魚滑~~~味道很好，墨魚滑又好彈牙金菇~~~又是吸收湯汁之選水餃~~~味道不錯喎，餡料又好多喎，皮又夠薄貢丸~~~普通貨式桂花蚌~~~鮮甜味美，熟後爽爽脆脆好味真係好飽！好味全場都算幾爆架起，一路都有人入座；雖然係地庫，但又唔係好嘈；侍應的服務態度都幾好不容易，上菜及收碟的速度都好快

等左一個半鐘，雞煲太咸、響零似腐皮又薄又林，無野好食，最慘係服務差到爆。叫服務員落單佢話：等下啦。最爆係：食飯係要等嫁啦，有人等兩個鐘添，唔鍾意咪唔好食囉。（幾串）

估唔到一品咁出名，竟然唔駛排隊。入面好大，卡位坐得好舒服。大凍檸茶好抵飲，接近2／3個檸檬，又唔太甜。雞煲好足料，唔會得d頭頭尾尾，亦好入味，唔太油。但係有d痴底，所以之後加湯打邊爐就麻麻，好淡同有焦味。所以雞煲同打邊爐都係分開好食d

這家是我和鬆弛心目中好吃的雞煲頭三甲，所以得知道土瓜灣開分店都很高興，可是一直都沒有機會來吃，身邊朋友的評語好壞參半，還是要親身來試試才行。就在一個遲了點吃飯的周末，又下著雨，我和鬆弛決定在附近吃飯，立刻想到是時候來這裡看看了。到達的時候已經九點多，可是門口仍然有不少人在排隊，我們拿了號碼然後到附近的超市買點東西，回來後剛好過了一個號碼，還好三個之內都可以補。看著店內的座位表，這裡的二人檯不多，兩個人會等得比較久一點，最後也多等了三四個字才有位。上一手的火鍋店我也曾經來過，知道這裡地方很大，二人檯雖然有點迫，不過店方附設一張三層木檯可以放食物，檯面不至於太擠。因為太肚餓的關係，一坐下不理三七二十一先點個中辣大麻的雞煲，然後再慢慢點火鍋料。雞煲等一會兒就有，醬汁的顏色跟前兩次吃到的不一樣，帶點橙色，聞起來都算是正路的，可是一點都不辣，而且我們已經點了大麻，麻子是有下，但完全感受不到，味道不如以前的惹味，已經淪為普通雞煲店的大眾口味了。雞件切得很碎，像是頭頭尾尾的感覺，鬆弛說可能店家想雞件熟得快一點，所以切小一些，也容易入味，可是相比起啖啖肉的雞煲，我實在不太愛吃這些雞肉碎，唯一可喜的是紫

朋友一直想光顧一品雞煲火鍋，奈何荃灣區的總是人山人海，當知道土瓜灣有新分店，相信顧客會少一點，我們便去試一試。新店的環境頗舒適，感覺很整潔。我們坐在卡位，更有電視，可惜不能轉台，整晚都在播放「自家廣告」。我們只有三個人，所以不能點太多食物。我們吃了～秘製一品雞煲：一隻$188，半隻$118，我們點了半隻雞、小辣和小麻。雞煲放在電池爐上待它煮熟，卻遲遲未見冒煙，我們便向侍應查詢要等多久。她掀起煲蓋看了看，表示廚房只煮至半熟，所以要耐心等候。可能我們肚子實在太餓了，過不久又覺得嗅到燶味，再找侍應來問問，他仍然是說要多煮數分鐘。我心想：侍應們肯定覺得我們欠缺耐性，哈哈！終於可以開動了！雞肉十分嫩滑，最重要是調味極佳，辣中帶麻，非常惹味，連洋蔥都變得極入味，正！把雞肉吃得八八九九之時，侍應把白色的湯倒進煲內，便成為火鍋湯底，本來以為味道會愈吃愈淡，豈料事實相反，湯底始終如一，香濃中帶少許麻辣，實在是必食之選！雙拼滑($78)：四選二，我們沒有選牛肉滑、鯪魚滑，而選了蟹子墨魚滑和蟹子蝦滑，兩者都有水準，前者爽口，後者具蝦肉的鮮甜味。手打三拼丸($75)：我們吃了手打鮮牛丸、四寶丸、鮮蝦丸，當中以

係open rice 見到土瓜灣又多一間分店開左, 真係大好多, 終於可以唔洗等甘耐先有去得食。由於其他人未到, 叫左d野食住先, 先來個椒鹽鴨舌同避風塘三寶, 再叫埋HOEGAARDEN, 真係一流, 特別一提個凍檸檬茶, 超大杯都係$2X, 茶色同味道都好有水準。D炸豆腐炸得外受脆內軟唔油膩, 個鴨舌都好正。先來個中辣雞煲, 味道同荃灣一樣好好食, 加埋炸魚皮同響鈴, 不同凡響。仲叫左d豬皮, 蘿蔔同木耳去索味, 正呀!特別一提個竹昇面,真係爽架, 唔係出面食果d一”pat”野甘,呢個好爽同好彈。原來除了雞煲出名外, 小菜都好值得一食

漏單所以白等30分鐘，待應只係5至6次叫我哋order 象拔蚌。棘味蓋過鮮味，所以唔order。待應在雞未熟巳筴俾我哋，生嘅，又有血，所以我哋請該位待應俾我哋煮熟先食。鯇魚肉'梅'，hoagarden 啤酒杯冇雪凍，暖啤一杯。四個人輕食，點咗牛肉、菜，烏冬、大蜆、一隻雞煲，鯇魚，響玲、魚滑同雙拼丸，900+埋單。都係荃灣分店有水準。

今日一心想食雞煲,一行6人去紅磡一品,點知門口七靚姐話係碼等兩個鍾.係我地失望之際,靚姐話土爪灣開左間分店幾日,可以留張枱俾地,我第一時間問清楚係唔係一樣味先佢話保證一樣,見都唔係好遠,立即的士去!!去到門口見到無人等位,心諗新開張D人唔知所以先留到枱俾我地.點知去到下面(因係地庫)全埸滿晒,.經理話最後一張枱留左俾我地,真係多謝晒紅磡靚姐~~~~去到有三大驚喜俾到我地.1.地方超大,真係好大.....,唔知以為去左酒樓.坐得好舒服.服務都好好2.有HOEGARRDEN飲!!雞煲配佢一流3.$26大杯凍檸茶,超抵飲.講緊係用HOEGARRDEN隻杯上俾我地!!正而雞煲味道同其他野食就完全一樣,呢度坐得舒服好多,食食下仲有電視睇添!! 我諗呢度係我食雞煲第一選擇囉!!!