一品雞煲火鍋

Open Now

Now Closed

一品出左名雞煲係好好食 咁就一於去食下 冇錯 作佢係開左咁耐我都字未食過 今次係我第一次食架 雞煲 雞就嫩啦又滑既 我本身麻麻地食得辣架 但的我叫左小辣都已經覺得好辣 要係咁飲水先得

首先要仲紹下佢個'肥'牛......形容得好好👍🏻真係好好好肥👍🏻👍🏻睇相你就知...得一半係肉...仲要超硬....好唔得最好黎食雞煲算+飲酒算其他野唔好叫

以往一個月點都去食起碼一次，但去完呢次以後不會再幫襯，反正出面雞煲選擇多的是..話說每次去都會點墨魚滑，今次也不例外。來到已聞到少少酸味，不過即管照煮，煮完食第一啖已經知是變左（再重申，個個月去，次次都點）叫女侍應過來，想取消這碟，但她一副極不相信的態度，說什麼他們的食物是不會變壞的沒所謂，我們說反正只煮了一兩舊，剩下的你可以拿入廚房煮，親自試試誰知她堅持不會取消，說取消之類很麻煩，要打電話給老闆才可等等，就是不想取消她建議不如換食物....不過問心，已和食店員工有'不愉快'對質，誰敢再叫其他野食？！之後廚房有位仁兄走出來，非常極之不友善的態度，大聲在我們桌附近說'我地出品不會有問題既...係啲人有問題啫...'我們繼續吃，不想為一碟墨魚滑爭持誰知，他竟站在我們背後把魚滑放進水裡煮，煮完再吃，再不斷說'真係彈牙，不知幾好味，不明點解話變左..'一直到用餐完畢前，侍應均不斷在談論我們，雖是細聲說，但我們剛坐在收銀台前，說話是明顯給我們聽的，食得非常不愉快！永遠不會再去！

星期五與友人7pm左右去拎位等左30分鐘度就有位啦一品已經食過好多次仲係keep住咁好味去到即刻叫小辣、一隻雞食佢d汁好濃好香好好味試過嗌公仔麵、烏東煮黎食但最好味都係加汁再撈飯食，加汁嘅話就要加錢，唔係好記得要加幾多錢響鈴同小菜係必嗌，不過響鈴無之前咁好食佢地放落雞煲度煮就吸晒味，好正另外手打丸同雲吞都唔錯可以試一試

每次一食雞煲一定諗起一品，仲要係呢一間舊舖，可能座位冇新舖咁寬敞，不過勝在味道取勝。。隻雞真係好入味，＄220一隻，已經夠幾個人食，最緊要係個味夠濃，尤其個洋蔥吸收晒啲精華。真係超正，另外要讚一讚牛丸，亦都係令人哋不停想encore。總之荃灣雞煲之選。

復活第假期第一日梗係要約埋朋友一齊去食雞煲啦我覺得地庫呢間會坐得比較舒服d，無咁迫同焗促既感覺！呢度有大大0茶主角出場，微辣！當加湯後立即淡味哂，要另加$15 要個中辣汁，麻痹嘅感覺又返嚟啦牛肉仲有大蜆，好新鮮，睇住佢成日申出黎

一品單是計荃灣已有3家分店，而它只選擇在紅磡同荃灣落户，不難理解。荃灣區暫時仍然是火鍋店的天下，就連大鴻輝的幾家火鍋放題閒日都排到不再派籌就知。今次選擇去最老的眾坊街店，原來店面並不是看到的幾張台，而通過店面後巷左面仲有個鋪位，然後再向外走上1樓又有另一鋪位，實際是3個店面一條隊，所以門外人多但半小時內都入到去。位置都是不太夠用，小小的2人台擺火鍋料有點勉強，不過工作的姐姐快手得黎態度不錯大家就一就。半隻雞走麻微辣招牌菜當然正！醬汁依舊好味！走麻都會有小麻的，這微辣比潭仔少辣更少，下次可點少辣。其實份量不多是迷你雞。火鍋料與其他火鍋店無異，不多評論。唯一分別是湯底是雞煲，所以不用點鼓油就食加湯的雞煲醬味。大檸茶，大青檸水夠凍，其實火鍋配凍檸是絕配。價錢不便宜喔，但火鍋本來都是較高消費。

朋友係袋鼠國返，近排天氣又凍，一於食麻辣雞煲䡱下寒。荃灣人一定聽過一品🐥煲，除左🐥煲出名，排隊等食都好出名，十位以上先可以訂枱，十位以下乖乖係門口等下，等候時間輕則十分鐘；重則一個鐘。早少少拎定飛，或者食宵夜時段比較少人。麻辣🐥煲 ＄210汁好香🐥好滑食完🐔加上湯打邊爐見到壺底有少少肉碎似係用豬肉熬製而成響玲．吸湯一流日本蠔．急凍蠔，味道普通肥牛．如牛其名，有D肥雙併蝦滑墨魚滑．新鮮彈牙A级安格斯．牛味重大檸茶holegarden size 檸茶，一路打邊爐，一路喝咁大杯凍檸茶！超爽！

有朋自遠方來，不亦樂乎？朋友遠從比利時番港渡新歲，於是一行６個女生到荃灣吃雞煲火鍋，自知比較孤陋寡聞，一向都是和媽媽吃開吉野家或大家樂的一人一火鍋，所以有得吃雞煲火鍋，感覺新鮮。基本上，雞煲火鍋的麻辣味偏重，吃得出有花椒、八角，我吃了許多雞肉，味道佳，不過雞腳就唔夠火候比較唔淋，之後我地都點了肥牛、素根、嚮玲、冬瓜片、蘿白片、芝心丸、牛丸、豆腐釀鯪魚肉、油麥菜、娃娃菜，上菜時間都快。口頭上說６個人一檯只坐一小時，不過我們都由８時叮吃到１１時多，都夠我們女生六人談天說地，餐廳環境同服務都尚可的。另外，飲品，我和友人點了酸梅湯，而其他各人點了咸檸水，我想應該是這店的特色，非常大杯。整體用膳感覺佳，會回頭再試。

今日收工同幾個同事突登黎荃灣黎食火鍋。同事話呢間幾好所以一於試下。要食呢要一早黎先有位，我地等左10分鐘左右先有位。雖然唔係任食，但食物味道超正尤其是飲品超大杯(可惜忘記影相，一杯雖然要30幾蚊，但物超所值。一杯飲品頂出面茶餐廳4至5杯。我叫左杯凍檸茶，裡面有成一個檸檬，出面凍檸茶一般都只有2至3塊。)座位幾闊。阿姐好nice又好好傾。雞煲少麻少辣裡面有好多肉，唔會淨係得骨頭。肥牛。同平時火鍋既牛肉有少少唔同，佢比較厚身少少，加埋雞煲個汁好正菜估唔到有洋蔥叫...我個人覺得可以唔使叫呢個...呢度有牛肉滑同墨魚滑，仲有一款滑忘記了名字。款款都大大份。

本人第一次去呢間火煱店，見食評唔錯，就去試吓……點知谷住一肚氣走首先，侍應帶我地從後行轉去另一分店座底咗，跟手落咗個雞煲先 ，等朋友嚟先落其他火鍋order，落完個雞煲，個女話想要揸竹蔗茅根水， 想叫個侍應落order， 舉手好耐冇人應，大聲叫唔該，跟住佢話轉頭先，轉咗十幾分鐘都冇人嚟， 跟住難得有個侍應行去我哋身邊，我就同佢講想要一jat竹蔗茅根,佢完全應都唔應我，跟住我再大聲同佢講多一次佢先至話聽到😡😡😡個雞煲湯底咸到呢、啲雞又鞋, 其他火鍋配料尚算ok，同朋友嗌咗支啤酒食食下野之際，突然間有個侍應沖埋嚟叫我哋食快啲， 我哋問點解，佢話限時兩個鐘， 但我哋入嚟落order時,從來冇人同我哋講過會 限時兩個鐘， 過多兩分鐘又有人衝埋嚟叫我哋盡快食完😡😡當時仲有幾樣餸未食，半支啤酒未飲完， 之後匆匆忙忙食完飲完即刻要走😡😡😡😡

至尊未執時成日去，有次同男朋友想試新野，所以去左聞名已久既一品，果然名不虛傳，一入門口陣味香到一坐底叫左半隻雞先，由於配料係逐碟計唔同至尊，咁就緊係叫啲抵食啲既唔係菜個啲，叫左牛栢葉最入味兜雞一黎，嘩我暈低咁濟，點解可以香成咁，等佢熟一食，同至尊比真係差天共地，係好味多多聲，啲調味包括雞醬洋蔥芫茜等味道，完全滲哂落啲雞件到，連配料都好好食救命識食一定叫烏冬公仔麵響苓，一擺落去索哂啲汁，一食入口淡淡都是汁是油，你可話好肥膩，但都可以話其實好入味好正食到口渴叫野飲是常識吧，凍檸茶一大杯，唔使驚好快飲哂仲有檸水西檸水stella asashi等啤酒任你揀

一品雞煲，吃過的次數，我自己也忘記了，還記得當初吃的時候，雞煲的味道，真是令我瘋狂，見他分店越開越多，味道卻每況愈下，價錢卻不停加價，真的很失望。昨晚再到荃灣總店，味道根本是兩回事，雞肉全不入味，鞋得不想吃，味道不是以前舊有的。沒有解凍就拿出來的日本蠔， 硬得像石頭，六十八元，可否加多點誠意，先行解凍嗎？ 新鮮的不再新鮮，說好的新鮮鮑魚在哪裏？ 新鮮？根本已死……現在的味道，我真的接受不了， 對不起，我要找個另外一間雞煲了。

< 秘制雞煲 $200 >一品雞煲既料真係好足，真係有足足一隻雞，雞肉鮮嫩之外，個汁真係最正冇得輸！啲汁係極級香濃，另外用上唔同香料去調味，香菜同洋蔥等等，好惹味，成個雞煲好香，雞煲既好處就係淨低既汁用黎打邊爐，你可以叫豬雞羊或者蔬菜類你喜歡既食物打邊爐，食完真係只有一副笑臉！

心掛掛夜晚想食麻辣鍋同雞煲，響荃灣出晒名既一品雞煲是必然選擇，一來開得夠夜，二來質素又夠穩定！佢地會提供一個次性既密封膠盒比你外賣自取，唔怕打瀉漏汁，非常方便。成個雞煲拎到番屋企都重係熱辣辣，一剪開個包裝即刻聞到個雞煲好香。今次我地嗌左半隻雞，小辣，內面香料十足，有紅蔥頭，指天椒，蔥，芫茜，花椒，麻子，雖然見唔到薑同蒜頭，但我估起鑊爆雞果時一定有落啦～如果唔係個雞煲點會咁香辣惹味啊！小辣至中辣我都可以接受，雞煲不會太油，味道也唔會太鹹，雞件爆得剛剛好，食落口都重覺得嫩滑，唔會老。食完雞件，其實重淨番好多汁，如果冬天，加d雞湯或者水，就可用來打邊爐。不過呢家天氣熱辣辣，用呢d香辣惹味既汁黎撈飯，都別有一番風味架！