一品雞煲火鍋

Open Now

Now Closed

2015年3月16日無啦啦約了同事們在荃灣吃雞煲，一行七人只因大家都是為食鬼﹗志趣相投~~ wakaka~~~雞煲來了，熱燙燙的，很多香料哦由於水太太和幾個同事都不嗜辣的，我們點了微辣微辣汁其實也很「麻」﹗條脷有點痺，很有趣的感覺﹗而且帶點甜，又麻又辣，混在一起就很香很正呢雞脾肉是嫩滑的，但其他部份有點「鞋」，不過很入味，連汁同吃非常ok!吃完雞煲後加湯底，變成了火鍋我們點了很多推介蝦滑和魚滑，很爽很彈牙的而且推介大凍檸水或茶，超大杯的，配火鍋正哦﹗

認真，食雞煲，邊個會唔識一品？我一早黎到就已經見到有人開始等位了，真係好誇張，平均起碼至少要等成個鐘，如果唔係你真係唔洗指意入到去食-,-首先先讚下D裝修先，係出面睇，一D都唔似火鍋店，因為好得意，有卡位喎，而且D卡位重好大張喎，大肚腩都坐得落！地方好光猛，好簡潔，又唔迫，D顏色又靚，紫色架！跟位帶我地入位果位姐姐又好心機咁介紹D飲野比我地，佢地既"足料"竹蔗水同酸梅湯真係幾好飲，唔太甜。當我地唔知叫乜食之際，大家就周圍望下其他table既人食繄乜啦，奇景囉，張張table 都係食繄雞煲，而傍邊就有好打邊爐既食物。叫左隻雞煲先囉！我就怕食太辣既野，所以叫左半隻微辣既。店員姐姐都話，先食個雞煲先，然後先叫火鍋料。個雞煲黎到，一打開個煲蓋，香到不得了，但D顏色就好似差D咁，原來要用慢火慢慢慶住黎食先會越食越好味的！初初我都覺得辣既程度都可以接受，但會越食越辣架！食到差唔多就開始點其他野食啦，我地就用番呢煲雞煲既汁加清湯做火鍋既湯底啦！火鍋點少得 "牛肉"呢! 整體黎講，本人就非常滿意啦！大家一定要去試下等睇下最快可以等幾耐就得。ＫＥＫＥ 

一品雞煲多人排隊就係人都知，但係天寒地凍，最好就食個熱辣辣既雞煲暖下個胃。所以成班舊同學一早book左一品，決定過個火辣既晚上。雖然一早book左，不過都等左四個字先入得。(仲要十位以上先可以提早book枱)入到去即刻就叫左兩個小辣既雞煲，等既時候見到啲侍應真係好忙，騰黎騰去無時停咁，不過客似雲來，相信老闆最想見到。等左幾個字，個煲終於到左。侍應好細心咁幫我地攪匀個煲，而我地亦都好乖咁等。終於食得啦！啲雞真係好濃味，好入味好滑，超正！份量都唔少，一大班男人食都夠飽！而且個煲好足料，調味既配料好夠份量，食落有啲麻既感覺，兩片嘴唇痺哂真係好爽！食哂D雞就叫埋D火鍋材料打邊爐，呢part就一般啦，主要都係食返個雞煲d汁必試推介:大大杯凍飲！凍檸水檸茶平時飲得多，但係大大杯飲唔哂就真係第一次！與其用$1x買支汽水兩啖飲哂，大家不妨試下叫杯$28既凍飲，好正咖！個人認為除非一大班人預先訂位，或者係唔太肚餓唔介意等個幾兩個鐘，否則真係試過一試就心滿意足。

聽聞荃灣一品雞煲出晒名多人，膽粗粗無book位試下去等位，一去到已經見到門口好多人等位，就先攞左飛仔再去citywalk行一陣街再返黎，點知返到黎果時竟然過左10個號碼，好彩阿姐好好人，可能見我地兩個人啦，就即刻比左位我地平時我都有食開其他地方既雞煲，但其實一品雞煲既價錢真係唔算平，不過份量好足夠，兩個人食不知不覺叫左三個人既份量，食到好飽講番野食，雞煲真係好夠味，仲叫左傳聞必叫既炸腐皮，墨魚滑，再叫左肥牛，烏冬，菜同粉絲，炸腐皮我就覺得一般般啦，但墨魚滑真係好好食好彈牙，而係主打食雞煲既地方叫既肥牛我都無預期過會好食得去邊，點知出奇地好食，好林一d都唔un，仲有好爽口既日式烏冬（開頭仲以為佢會比超市買到果隻烏冬添，點知又估佢唔到）最後埋單$5xx，兩個人食係唔算平，但食到兩個人飽到行唔到，都叫超值啦，一定會再黎！

一向喜歡濃味雞煲，而一品一向也是我的最愛。湯底的味道於雞煲而言，本人認為十分重要。可惜今次到來時，味道比起以前淡多了，雞的份量也比以前大大減少，也不入味，雞肉也不滑，加入湯後更稱得上淡而無味，由高質雞煲變成隨街也能吃到的質素。其他食物如雞子，也因湯底而變得無味。手切肥牛新鮮，尚可接受。絕對不便宜的花膠筒，也受到湯底的影響。失望得很……………………………………………………

同幾位朋友天寒地凍唸住食個雞煲真係好多人排隊,我地已經係夜晚第二輪9點幾都要等我10分鐘先有位,香港人就係甘,出名既人未唸清楚就一窩豐去試叫左個雞煲,雞煲味道不錯,充滿住麻子,洋葱,汁比較傑同甜,就算中辣都吾太辣雞肉都算多,吾太滑但吸左D汁所以OK惹味食哂D雞就加湯打邊爐基本本係有中上既級數,但未致於甘多人排如果吾係多人到甘,我都會間中去食一次既

在眾多間一品雞煲之中，始終還這間總店最好。四個朋友，雀局完畢後，到荃灣一品雞煲宵夜， 結賬的當然是我，因為我以三比一勝出。。急不及待點了一隻雞的雞煲這裡的味道始終最好 味道香濃 而且不會過分鹹， 就是這個雞煲最得我心之處。雞肉，一如以往滑滑的，雞肉十分入味，真是令我再三回味。牛肉，竹生 ，響鈴離不開的火鍋配料 今次添加了花膠筒，味道真是不得了的口感，令我口張不開，真是推介推介也。。。

今日嚟到荃灣人氣最旺既一品雞煲！一坐低, 阿姐就問要咩雞煲, 但我係岩岩先收到MENU睇緊……等左20分鐘送上半只雞，裝雞既雞煲見有小少崩, 試下個雞先，雞肉無味又肥膩, 個汁比較鹹有又小少苦不過都仲有辣味. 食左幾舊已經放棄, 落湯打邊爐...大家所加湯的「湯」，實質是「雞汁」來的。個湯變左有小少苦味，唔知係咪雞煲落多左八角……北上南下。雞煲都食唔少，種以為人氣一品雞煲……提示，有加一服務！

等我補返之前初嚐雞煲既食評啦今次係我第一次食雞煲話說雞煲都興起左一段時間但因為我自己又唔太好雞(除左雞脾)於是一直都無去試但又一直聽到d朋友話好正好好味所以就一直心思思咁岩今年冬天特別凍試雞煲毫最合適不過啦因為未食過既緣故都唔知邊間好咁就梗係打開openrice搵下人地推介邊間啦機緣之下咁岩見到列間既食評唔差 食物質素同埋價$都合理於是就約好左男朋友仔收工揸車去食果日一去到鋪頭差唔多滿坐咁岩有張枱走左所以只係等左大約5分鐘就有位一入到去就梗係即刻點左何細雞煲兩份食先啦個雞煲我地叫左中spic個汁真係好惹4味而且d雞肉好滑令到我對雞煲完全改觀食完左雞煲之後就可以打邊爐啦我地就再叫左份細肥牛因為係手割果款所以比起一般肥牛厚但一d 都唔und牛肉吸左雞煲d 汁除左本身既鮮甜之外仲更加惹味另外唔記得左列個叫咩 但好新鮮食落好甜好鮮甜另外仲叫左響鈴同埋炸魚 不過就比較普通 所以我都無影相其實雞煲既精髓絕對係佢個汁到只要個汁惹味既 都唔會差得去邊食晒所有野之後我同男朋友都捧住個大肚腩走冬天食完個雞煲之後成個人即刻覺得暖粒粒

只要想食雞煲，我就從不猶疑，定必想起一品雞煲。就算是介紹別人，我都只介紹一品的雞煲。唯一令我不滿意，只是服務態度。不是很差，不過就好似要睇D阿姐心情既感覺囉。無可否認，一品既雞煲的確最香，不過D雞已經冇之前甘，個煲一到，D雞已經入晒味。依家個汁仍然好味，但雞就冇炒到入味甘。 已經不用太多的相片去証明食物及味道了。我已經去過十多次了。什麼好的，不好的，各種各各樣也試過了。首先說店舖就一定要去荃灣店。我主要食過土瓜灣及荃灣。定必荃灣比較好。多數同食既友人都認同的。配料方法。海鮮中我最愛珊瑚蚌及貴花蚌。兩種都好新鮮。個人必點item。大蜆也不錯，要謹記不過滾太夠，否則太浪費了。脆玉魚腩也很不錯，滾完還是十分肥美脆口。鮑魚雖然是很優惠價，但放入打邊爐的雞煲不合適，味道及肉質都變得不出色。 牛肉方面就要手切或安格斯。不要雪花肥牛，份量太少，而且味道不及。也不要叫羊肉片。很其怪的肉質。丸方面，就推介蝦滑。鮮蝦分量足。味道不錯。以前很鍾情於響鈴，不過這間釁鈴不推介。太薄不足香脆。另外不推介加錢要另外的雞汁。所謂的雞汁不是雞煲裹的那回事。已經分別在土瓜灣店及荃灣店叫過，完全不是那回事，加了是白費。也不

雞煲對大家而言一點都不會陌生，香港人愛火鍋是常識，雞煲算是火鍋衍生品的類型又怎會不吸引大家的眼球？最近跟朋友聚會，也在我的推薦下，帶朋友去了位於荃灣的一品雞煲火鍋，店內長期人山人海，等候需時，要有一定的耐心。雖然經已到訪過多次，但也詳細描述一下吧！點餐紙類似打邊爐那樣，有秘制雞煲（招牌）也有其他一些類似火鍋的鍋底，涵蓋很全，也有選擇辣度，以及是否走蔥等的要求，很細心。配菜類也算豐富，肉類的以牛肉為主，店內主打各類 "高級" 牛肉以及牛肉製品，像牛滑、牛肉丸等，也有少量海鮮。蔬菜類則較為平常，不過響鈴是我每次必點之物。飲品也很大眾，大家最後一致決定，點了雞煲不可缺的大啤！雞煲可選整隻或半隻，下單後很快便有的吃。砂鍋材質的鍋內塊塊秘制雞塊，色相很誘人，量也不手軟，滾騰後開著小火來保溫。這次我們點的是中辣，醬汁更濃稠更入味，又麻又辣的味覺快感很是過癮。雞塊十分入味，雞肉滑嫩，秘汁裹著雞肉，中辣的程度比我想像中的辣度高出小小，十分惹味。點了牛肉和羊肉，個人覺得還是牛肉的咬口質感比羊肉佳，牛肉很新鮮，厚切牛肉入鍋片刻便能吃，口感軟腍又不乏咬口。個人喜好是，必點響鈴，竹笙和豆卜，響鈴入鍋幾秒撈起，

一般般，雞煲無預期中甘好食，辣辣地有點甜，我吾鍾意甜，無乜雞味。肥牛ok幾靚。大蜆大大隻80蚊6隻，日本廣島蠔ok，但無乜鮮味。炸響鈴很大條好食。總體不過不失，可一試。

之前試過隔離常滿非常滿意, 朋友介紹一品都好好...所以一試, 試完就知賴野四個人平日六點去到攞位, 被派到後面二玻坊一間零裝修既舖位, 入面全部都係摺枱+膠櫈+膠枱布, 但其實問題都不大, 心諗最緊要好食. 坐左響一張四人正方摺枱, 雞煲同其他野食都上晒, 個煲燒左個幾字突然個姐姐叫我地搬去一張六人圓枱...望落好似大D多位擺野D, 所以照搬...點知坐低先知其實背脊係要"i"住隔離兩張枱先坐得落, 郁一郁都撞到隔離張枱個煲繼續燒多兩個字都仲係未食得但個底已經痴實晒...到d汁滾既時候食d雞既心都仲係冰凍 嗌左小辣小麻, 雞肉無味又少肉, 個汁勁鹹勁甜不過都仲有辣味. 食左幾舊已經放棄, 落湯打邊爐...個湯變左無晒辣同麻, 得返超超超鹹味不得不提姐姐服務一流, 想嗌一支汽水要嗌四次先有得飲...但其實佢地一"哦"完就企返響門口度吹水 個半鐘就走埋黎叫我地快d食埋d野, 話我地過鐘...跟住果15mins就輪流有姐姐企埋黎睇住我地食野, 仲好似阿媽叫仔食飯咁幾分鐘提一提, 驚死我地停低唔食野咁價錢係比常滿平, 但服務同環境令我唔會再去

天氣凍凍地，最好就係雞煲打邊爐。呢間都聽朋友講過話都唔錯，所以今晚就同我男朋友去試吓。兩個人叫咗半隻雞，熱辣辣雞煲出到黎，即刻食d雞先 。雞煲好入味，食完再落湯打邊爐。另外墨丸蝦丸都彈牙，入面仲有一粒粒口感好足料 ，其他肥牛、雞子同菜就一般，無咩特別。整體都唔錯，只係價錢偏貴少少，都會再來食。

早前已急不及待來品嚐，可惜只接受10位以上訂位，為嚐一口，必須提早起碼1小時等候，除非早過食飯時間(6點半左右)才不用久候今次為慶祝友人生日，再次來到荃灣出名的一品雞煲 因排隊人數眾多，故設有限時，上次3位1.5小時，今次6位則2小時   雞煲/半隻少麻少辣 $118今次辣度雖比上次微辣略遜，但香氣依然，味道依舊濃郁惹味，味道亦與別家不同，十分美味，大愛也 因主力打邊爐緣故，只點了半隻雞，所以今次轉戰邊爐料  手切肥牛/小 $120打邊爐當然少不了肥牛，單內有多款可選，分別為手切、安格斯、本地及美國雪花肥牛，我們選了中價的手切肥牛，但因有朋友不食牛肉，故只點細客賣相沒有太多脂肪，煮燙幾下也未見即時轉色，待轉色後食已覺有嚼勁，肉質偏靱，但勝在有肉味，故尚可接受  手打丸/三併 $75三併選了牛丸、蝦丸及墨魚丸，手打都是為爽口彈牙，肉味較濃，人手造的當然比機器製的美味  響鈴 $35雖然未有印象中食過好味的香脆，但也不過不失，沒有油膉味，而且份量不少，也是必食邊爐料之一  韭菜餃雖不太愛韭菜，但此餃做得不錯，皮薄餡足，肉菜比例恰當，味道不錯   墨魚滑因有朋友遲來，也未嚐手