慢煮工業 (Closed)

今次嚟度呢間主打慢煮嘅西餐廳，有兩層，感到裝修有花過心思，坐得寬敞舒適～～睇餐牌見到個「二人慢煮套餐」好似幾抵食，有牛扒、豬仔髀、豬仔骨、焗意粉、沙律同兩杯餐飲～～咁多嘢食，可以試多啲唔同類型食物～慢煮牛扒烹調溫度比較均勻，切開睇到肉質保持鮮嫩粉紅色，食落保持juicy有肉汁，再加表面煎煮更香口～～豬仔骨嘅醬汁好濃好好味，啖啖肉～～豬仔髀加咗芥末醬更添風味，辣辣地幾過癮～肉醬芝士焗意粉都高質，惹味肉質加上芝士撈彈牙意粉，飽肚～～呢個套餐性價比幾高～～

去到太子、都唔知食乜好、突然間見到一間位置唔起眼餐廳、心態十五十六、試唔試吓、最終同朋友商量不妨試吓、上到去餐廳環境優美、估唔到食物水準幾好、尤其威靈頓牛扒、價錢公道、服務唔錯、值得再去．

已經唔知第幾次嚟食嘅#慢煮工業係上環都有兩間分店的佢 憑住平民化價錢keep住！今日食肉獸出動 食盡招牌慢煮工架叫左8oz安格斯牛扒 豬脾 油封鴨🥩🍗牛扒粉嫩入味 調味略微太重手 不過配雜菜食剛好豬脾用BBQ醬烹調 濃郁惹味 啖啖肉☺️#DuckConfit 大隻厚肉 $78/2超抵食整體係性價比超高又好食的黃店 推介💛💛📍慢煮工業 Under Vacuum @undervacuum太子白楊街15-19號萬安大樓地下及1樓

經過太子，比呢間餐廳嘅霓虹燈吸引住，餐廳空間非常闊落，人流多但亦都唔會怕冇位！🥳由於我同朋友都唔算太大食，所以我哋淨係叫咗一個意粉，一份肉同埋一款小食。我哋揀咗龍蝦汁香蒜大蝦意粉，兩隻大蝦稍為煎過，十分香👍🏻龍蝦汁配扁意粉亦都非常之夾，雖然份量唔算多，但係兩個女仔食就絕對足夠。👌🏻慢煮肉方面，我哋揀咗鹹蛋黃炸雞鎚，四隻雞鎚都非常大隻，與其話佢係炸雞，我認為佢比較似係烤焗過，外皮唔會太乾之餘，肉質仲非常之淋，完全食得出慢煮肉嘅精髓，正！🥳小食方面我哋揀咗個輕食拼盤，入面包括有薯條、雞翼、炸蝦、芝士條同埋炸蠔，薯條嘅份量非常多，我哋兩個女仔都食唔晒，雞翼係單骨雞翼，唔會食得好論盡亦都好香口。我自己就幾鍾意食佢嘅炸芝士條，入邊嘅水牛芝士唔會太漏之餘，仲有好香嘅芝士鹹香味。😌飲品方面，我哋揀咗比利時玫瑰水果啤，同埋輕鬆果味白酒，個人比較鍾意水果啤，因為非常容易入口，適合啲唔太鍾意太勁酒精嘅人，而且果莓味濃郁，非常值得一試。🍹

同朋友行街行到差唔多有啲肚餓，就比佢啲霓虹燈吸引咗覺得幾有feel就入咗去食😆入到去服務員帶咗我哋上上層，發現都好爆場好多人食🤪環境設計係工業風格，啱啲比較型格嘅朋友嚟影吓相📸因為實在太肚餓嘅關係，所以我哋一坐低就叫咗個二人慢煮套餐😁-墨西哥辣粟米溫泉蛋沙律🥗沙律做前菜就最岩喇！有沙律醬有醋，超級開胃！-西西里肉醬芝士焗意粉🍝好多肉醬！啖啖意粉都有滿滿既肉醬好滿足💯食到尾仲熱架👍🏻-安格斯西冷牛扒🥩熟度岩岩好，唔會出血水，又唔會有渣，有水準！-烤豬仔骨一食落去個感覺好似食緊烤腸仔咁，好好食，bbq醬同豬仔骨真係好夾！-烤豬仔脾佢上邊加咗啲芥辣，食落去冇咁膩，啲豬肉好嫩🥰佢地慢煮既野食真係好出色😋套餐配兩杯酒類/特飲-西班牙果白酒有少少水果味既白酒，酒的濃度不高🍹-芒果蜜桃水果茶好香蜜桃味🍑，不會淡，岩哂中意飲水果茶既朋友們

☕️ 食物：👍🏻👍🏻👍🏻👍🏻 /5💰 CP值：👍🏻👍🏻👍🏻👍🏻 /5🤵🏻 服務：👍🏻👍🏻👍🏻👍🏻 /5🛋 環境：👍🏻👍🏻👍🏻👍🏻 /5慢煮是什麼一回事？就是用較低溫、較長時間烹煮不同菜式，尤其多應用在肉類方面。我自己都很喜歡用慢煮這個方法煮雞翼、乳鴿等，因為家禽類肉質一般比較難控制火喉，用慢煮就可好好控制做到很嫩滑的肉質～早前知道這一間以慢煮做噱頭的餐廳，剛巧朋友又推薦，我就立即上網訂位喇！☝🏻 吾… 反正到現在我已經回頭光顧兩次了，食品味道真心不錯，服務也好，CP值高，只是略嫌室內環境有點昏暗⋯⋯ ☺️ 個人覺得算是與家人、朋友好好大吃一餐的好地方呢～💋 二人慢煮套餐 ($368)✨ 墨西哥辣粟米溫泉蛋沙律 - 沙律菜和蔬果很新鮮脆口，加上溫泉蛋汁拌勻來吃，開胃非常 🥗✨ 烤豬仔骨2支 - 果然是慢煮之作！豬肉軟腍，味道濃郁，表面還有燒烤味呢！🍖✨ 烤豬仔髀2支 - 啖啖肉豬仔髀，肉質同樣軟腍，醬汁夠惹味 🍗✨ 安格斯西冷牛扒 - 雖不算是頂級牛扒，但肉味不錯，肉質豐盈 🥩✨ 西西里肉醬芝士焗意粉 - 意大利粉不會太腍，肉醬味道豐厚，滿口芝士香，不錯 🍝✨ 酒類或特飲2杯 - 點了蜜桃特

每次經過，因為得自己一個都唔夠膽入去😅，因為有點陰沉。今日經過，同屋企人一齊等個女放學，上來看看，一點也不可怕，環境也很闊落。上菜一點也不慢，平時的速度。pizza神奇地外脆內軟，外面係燶脆，入邊係一點也不燶，而且琳琳地，芝士足夠，可以更多。carbonara 一般，意粉不夠彈牙，有點凍。汁有點甜，特別。沒有過火的烹煮，熟度剛剛好，有口感。

驚多人要等位，都係訂定位先黎，餐廳職員親切有禮貌見到餐牌有半版都係牛扒，我地諗呢度應該主要係食牛扒，不過我地今次無嗌牛扒，淨係揀左其他主食同小食上菜速度OK，好快有得食墨西哥🌽薄餅 面醬味道似千島醬，味道有層次，批底又香又脆輕食拼盤［薯條 雞翼 炸蝦 芝士條 炸蠔 洋蔥圈］全部都炸得脆卜卜，六款小食，點都有一樣啱自己口味，適合一班人一齊分享黑松露野菌天使麵 洋蔥炒得好香夠淋無辣味，天使麵夠曬Al dente食物味道唔錯，不過餐廳人多嘈左少少

星期日7:00🕖去到 冇book枱 但竟然即刻有位餐廳係兩層 樓下只有兩張枱 樓上係主要用餐區域一上到去就見到set鼓🥁我估有時可能會有band show 😆叫左四樣食物 牛扒🥩煲仔意粉🍝蕃薯條🍟同溫泉蛋大啡菇🍄首先主角牛扒 幾好 唔韌再嚟係蒜蓉大蝦意粉 用煲仔上 幾得意 但個份量都偏迷你蕃薯條同大啡菇(好細粒)🤏🏻 味道都正正常常 冇咩特別環境嚟講 坐得都舒服嘅 加上人流唔多 所以都可以慢慢傾下計🗣🗣🗣食物質素同性價比就一般啦 唔洗特登去食😌

👆🏼 呢個今餐最好味嘅野食，三重蝦pizza！佢嘅醬真係整得好好食，餐牌上有辣椒🌶️符號，但個人覺得真係好少辣，脆香雞翼仲辣過佢。👆🏼呢個安格斯西冷牛扒都幾失望，本身想叫5成熟，但staff話慢煮只有6成，咁就6成啦！牛味係有嘅，但好韌☹️ 肉又唔嫩，見人地食豬仔脾呢啲應該幾好食，所以下次去就一定唔會叫呢個啦！👆🏼不過不失嘅龍蝦汁香蒜意粉，都ok好食嘅，但龍蝦汁如果可以濃啲就更好！

不得不讚個環境 每張枱都好闊落 坐得舒服 環境方面比較暗 用柔和嘅燈做襯托 好浪漫💕好啱情侶嚟食 有時同三五知己嚟chill下都唔錯到野食啦 本來諗住嗌2人set 但入邊無想嗌個款 所以最後都散嗌 出到嚟個價差唔到 但都幾推薦二人餐 睇過menu 除咗有幾款肉 都有主食 包埋酒 cp值高當日就試咗其中一款意粉 正常味 無乜驚喜另外嗌嘅pizza同炸物拼盤都唔錯 份量好足 完全夠兩個人食 炸物拼盤種類都算多 除咗薯條 洋蔥圈 仲有蠔同蝦 新鮮熱辣 好過癮除咗野食 同行嘅朋友嗌咗酒飲 因為本人唔太鐘意酒陣味 但朋友大讚佢嗌嘅酒唔苦 易入口 相信鐘意飲酒嘅人都會好鐘意呢間餐廳

原本都有 長期光顧這間餐廳今日 回去中午吃都快一年沒有這間中午了因為星期六日已經沒有 套餐啦那就只能吃快兩年都沒換過的菜單我今天吃的意粉不知是換了 廚師還是材料供應商還是換了裝修之後。水平大幅下降。感覺如同吃 水煮的一樣加了鹽和胡椒也是沒有味道其他 食物都已經大幅下降水準當年的 二人套餐食物十分之良好上次來的時候 已經水準下降不少 我都懷疑是我的錯覺豬仔骨是甩皮的 和 不夠熱牛扒是奀 和 水準下降。調酒也是沒有當年那種風味我還可以接受因為晚市人稍為多當年這個價錢是十分超值現在只能說是 有點稍貴應該不會再來了

食肉獸聚一聚，畀個慢煮吸引左，心諗慢煮一定剛好熟度，軟淋淋！上菜速度都算快，可以先影全相🤗「西西里芝士肉醬焗意粉」$78真心好抵食，好大兜，好多芝士，好多肉醬，好多意粉，賣相吸引，每啖意粉都可以包覆啲芝士肉醬，肉醬非常香，拉絲芝士好好口感，整體係惹味，會令人一口接一口。「芝士煙肉薯條併蕃薯條🍟」$98原本落單果陣仲心諗薯條成舊水，一上菜，嘩，好大份量，唔怪得，呢個係要趁熱食，一開始好滋味，芝士香同甜甜地既蕃薯條係好夾，但食到後來，芝士凍左就硬晒舦，變成一餅一餅咁，味道大打折扣。「極黑安格斯牛魔王肉眼」$188份量呢口價幾抵食，賣相又精美，熟度剛好，口感好軟熟，有牛味，可能因為慢煮既關係，肉汁保留，餐廳少有既慢煮手法，幾有驚喜。「荔枝接骨木花茶」$38雖然清新，但只飲到少少荔枝味，不過當用黎解一解膩感都幾好既，感覺佢食物既味道同質素更加好。埋單人均 $244 西餐黎講都值食。

由深水埗起步，慢遊舊區再走到文青新聖地大南街，沿途有著不少老店，有懷舊的鐵拉閘門和騎樓柱式建築，例如南昌押和雷生春等地方湧出對老香港的向往📻但香港人擅長變通，在舊土壤中種出不少可觀的新芽。走到太子，發現盛名已久的良心西餐店 - 慢煮工業💛 .地下門口有顯眼的霓虹燈💡吸引我進去來一個late lunch，地下的接待位置名符其實走工業風路線，上至2樓用餐區域就滲入了點餐酒吧的原素，令食客感受到片刻寧靜😌 .Menu中囊括了不少經典西餐菜式，連威靈頓牛柳和戰斧扒等高難度食物也有，可惜今日沒有預訂，只吃點簡輕食就可🤏 🍳温泉蛋卡邦尼意粉 $78上菜時有點驚訝，因為是用一個煲仔盛載著意粉，帶點港式風情，不過不用擔心底部會變焦糊，因為煲仔是正常室温的。用筷子刺穿温泉蛋，鮮黃的蛋液流進意粉，把卡邦尼醬汁化開，令進食口感變得滑溜而不黏糊🍝配料煙肉菇菌很充足，每一口都吃得到料。

二人餐Dinner。牛扒同豬仔比有啲韌。沙律好食。個意粉太乾，個芝士同意粉混唔埋，唔係難食不過唔理想。限九十分鐘，但係差不多一次上哂咁濟。好似好趕咁。整體上畀合格。下過再食機會唔太高。