The Point Kitchen (奧海城二期) (Closed)

之前在奧海城the point kitchen吃過晚餐，已經覺得環境和味道不錯，今日再來奧海城逛街,再次來這裏用膳。原來lunch set都好豐富, 好多選擇，加多$38 ，還有小食。是日餐湯是日餐湯是西蘭花忌廉湯，味道很濃郁，每啖都很creamy ，很高水準。鹹蛋黃忌廉雞肉闊條麵份量都幾多，每淡忌廉汁都有淡淡的鹹蛋黃味，不會搶去忌廉的香滑味道。雞肉的肉質也很鮮嫩，配上闊條麵超好吃。意大利泡沫咖啡我點了凍的意大利泡沫咖啡，咖啡味濃郁，每啖都很充實。黑松露薯條黑松露薯條炸得非常香脆，大大的一籃子，才加$38也太抵食了吧，配上特製的沙律醬，味道超夾，值得一點。

去左奧海城行街，諗住食埋飯換免費泊車點知成個商場都係人，得呢間餐廳剛好有一台走我哋先食到飯·餐廳主要係食西餐，環境非常有格調以啡色裝修，感覺舒服入去時以係好貴，但價錢同一般打卡cafe差不多大約108～148已揀到大部分嘅意粉、risotto同pizza我地有4個人，所以就join左會員有9折，可以揀個貴嘅龍蝦pizza $298但佢係比其他pizza大，可以切到八塊好靚，食物黎到就瘋狂打卡主食我地叫左龍蝦pizza,    鮑魚意大利粉，帶子risotto再加兩個小食黃金雞翼，黑松露薯條，再加兩杯特飲·龍蝦pizza打卡意味大於好唔好食😂不過估唔到都有驚喜，好多芝士，夾埋龍蝦肉鮮甜整體好邪惡呀🤣·鮑魚意大利粉就因為鮑魚好少而唔夠滿足，味道係香辣，幾惹味，有蒜頭唔食蒜嘅要三思🥴·帶子risotto不過不失，本身就係周街都會出現嘅菜式·小食都好味，薯條好脆，點埋松露沙律醬係會好快食哂，而黃金雞翼就唔夠鹹蛋味，不過點埋個墨西哥辣椒醬，有少少辣味都好惹味·服務方面，有一兩位比較新手嘅年輕侍應佢地都好禮貌同服務，只係對於公司提供嘅優惠唔太清楚，但都即刻搵左位經理黎講解，仲好好服務唯一可以再做好

終於都有返晚市堂食，即刻食返啲好嘢先，揀咗個二人餐，同朋友share是日餐湯同龍蝦湯。是日餐湯-椰菜花湯椰菜花湯味道好濃好香，而且足料，不會好稀。龍蝦湯好惹味，仲食到有龍蝦肉，正！第一個主菜甜蝦刺身意大利麵，甜蝦好新鮮，食到鮮甜味，配埋醬撈意大利麵食。甜蝦同意大利麵好夾，意大利麵軟硬適中，好好食。第二個主菜Pizza，有煙三文魚、蕃茄莎莎、牛油果醬、酸忌廉、墨西哥辣椒、青檸、墨西哥玉米片。pizza味道同口感都好好，主料係煙三文魚，夾埋其他配料，味道好豐富，而且加了墨西哥玉米片，令到個口感有脆脆嘅效果，層次分明。下次再嚟都會encore呢個pizza。小食黑松露薯條，加$38。薯條面加了刨出嚟嘅芝士碎，再點埋個黑松露醬，真係食到停唔到口。個醬有好濃沃的黑松露味，配埋薯條面頭芝士碎，令人忍唔住一啖接一啖。第一個甜品係香辣朱古力蛋糕，蛋糕不會一味得個甜字。好重朱古力味，配埋個dressing係辣嘅，甜甜辣辣，好特別，因為有朱古力味去中和，不會辣到食不到，反而係吊咗啲味出嚟，這個配搭好好。第二個甜品係朱古力布朗尼芭菲，朱古力布朗尼都係好重朱古力味，配埋個杯裏面嘅生果同埋sauce，令到個口感

咸蛋黃忌廉雞肉闊條面：每條面都沾有少少咸蛋黃碎，咸香味十足，而且麵條軟硬度適中，入口有口感不錯四色芝士pizza：這款Pizza我覺得非常好食，是我食過的Pizza裡面的前三名餅底薄滿滿的芝士，芝士仲可以拉絲，每一啖都有濃郁的芝士味，必食推介燒烤醬豬肋骨配檸檬乳酪椰菜沙律及薯條：燒烤豬肋骨味道不算非常突出，同大部份地方的水平接近，肉質燒得有點乾香蕉天堂pizza餅底松脆，加上香蕉香甜和雪糕的味道，感覺有點像再食比利時窩夫玉桂蘋果Pizza外皮酥脆，蘋果肉都幾大粒整體來說，這間餐廳水準出色，多款菜式也能夠做到高水平

終於可以晚市堂食，相約朋友來吃個西式晚餐，真的是期待已久。餐廳有些卡位，座位十分寬敞，與其他枱相距甚遠，不用擔心疫情。Weekday Dinner Set | $368 閒日晚上有套餐，都算幾抵。有餐湯、主菜、甜品，餐飲半價。椰菜花是日餐湯 一向較喜歡稠的西湯，椰菜花湯味道適中，不會太膩。加了幾粒麵包，沒浸湯的一面仍然脆脆。龍蝦湯 | + $28 偷飲了朋友的龍蝦湯，蝦味味道濃郁，又大碗。黑松露薯條2.0 | +$38 很久沒有吃過黑松露薯條，忍不住要點一份。薯條上鋪滿了芝士碎，炸得香脆，粗身薯條點黑松露醬，食不停口。甜蝦刺身意大利麵 意粉上有些設成粒狀的蝦刺身，意粉醬味道濃郁，十分惹味，意粉軟硬度適中。比薩 配料有煙三文魚、蕃茄莎莎、牛油果醬、酸忌廉、墨西哥辣椒、青檸、墨西哥肉米片。第一次食比薩是搭配墨西哥脆片的材料。煙三文魚味道突出，牛油果醬軟綿綿，味道不辣。一開六每人三件，感覺滿足。香辣朱古力蛋糕 | +$28 朱古力蛋糕味道十分濃郁，伴碟醬料有些辣椒，淨食醬料都幾辣。不過配起甜甜的蛋糕，辣味中和了。朱古力布朗尼芭菲 | +$48 布朗尼比較黏口，有好多粒，加上士多啤梨味道酸甜

約了朋友行奧海城，比較少去這區，有新鮮感，商場大人流少，食肆多選擇。見到這間餐廳地方寬敞，環境舒服，而且價錢唔貴，入去嘆個精緻午餐，吹下水，人生樂事罕有真牛皮做餐牌 cover，牛氣十足🐂🐂圖片清晰吸引set lunch 可以選餐湯 or 沙律，今次試慢煮吞拿魚鵪鶉蛋柚子汁沙律，吞拿魚慢煮口感跟刺身差不多，都是鮮嫩無比，大量蔬菜配酸甜柚子汁， 健康又開胃😀😀燒烤醬豬肋骨 配檸檬乳酪 椰菜沙律 薯條 份量超大， 賣相顏色似叉燒，肉質唔韌有層次，意外驚喜，跟椰菜沙律配搭新鮮麵豉醬配三文魚 配牛油果薯仔沙律青露筍2件厚切三文魚煎香肉滑，煮功一流唔柴口，牛油果薯仔沙律代替飯 or 意粉，有創意無咁膩 滯千層酥皮蘋果卷menu 見到這甜品非常吸引， 忍不住口都要試，肉桂+烤蘋果、葡萄乾、合桃+ 雲呢拿雪糕組成，外層皮焦香脆口，肉桂蘋果似發酵葡萄酒味道，未食先醉，好呀！餐飲加18元轉奶質豐厚的 cappuccino這餐非常滿意

疫情下，好耐冇約老友逛街，見疫情減退，終於可以放心約朋友去行吓街，食吓嘢。由於唔想去人流太旺嘅商場，所以今日同朋友去咗奧海城逛街。行到攰攰哋，見有間餐廳面積頗大，座位寬敞舒適，午餐價錢幾抵，就入去試下。我哋叫咗兩個午餐，之後發現有我最鍾意嘅白酒煮蜆，所以忍唔住加多一個白酒炒大蜆。香蒜辣椒白酒炒大蜆 ～ 果然冇令我失望，白蜆大大隻，無砂，肉好厚，加上好香嘅蒜片同陣陣嘅白酒味，辣辣地，好開胃，配埋迷迭香多士點汁食，一絕。跟住午餐到，今日餐湯係南瓜湯，非常creamy，好有南瓜味。麵豉醬烤三文魚 ～ 賣相唔錯，配有牛油果薯仔沙律，比較特別，青露筍好鮮嫩，冇渣。三文魚加上麵豉醬烤，外脆內嫩，魚肉嫩滑，好juicy，帶少少麵豉醬香味，有啲日本菜feel。燒烤醬豬肋骨 ～ 配檸檬乳酪椰菜沙律及薯條， 豬肋骨 size 都好大，配上特製沙律菜食，比較清爽，冇咁油膩。食完lunch，嘆番杯 cappuccino，悠悠閒閒同朋友傾下偈，好relax。呢間餐廳雖然係我第一次嚟，但畀我嘅印象好好，環境好舒適，食物質素唔錯，下次有機會會再來試其他食物。

為咗慶祝可以開始堂食，我同朋友決定去食西餐！朋友揀咗The Point Kitchen因為佢算係奧海城裏面較好食嘅西餐。今次叫咗3 course set, 首先有是日餐湯蕃茄湯👌🏼M5澳洲和牛西冷 +$188我地叫咗5成熟，肉質鮮嫩，但有啲位有筋唔好咬。不過夠肥又多汁，肉味香濃，想咬耐啲唔捨得吞😂 Margherita pizza 最傳統嘅Pizza，但簡單最能夠食到食材嘅味道。薄皮pizza香脆，清新唔油膩。芝士算係唔吝嗇，但個人覺得basil leaves可以多啲😋最後嘅甜品係Vanilla Puff, 雖然係普通嘅甜品，但皮薄Vanilla fillings夠凍又清新，食完都唔會飽飽滯滯咁，算係一個圓滿嘅一餐。

之前同班同事一齊嚟5個人嗌4個餐加一個散嗌pizza原本想order黑松露芝士焗薯條，點知侍應話無焗芝士 (下？唔明喎)，問轉唔係焗嘅得唔得，咁好啦...#黑松露薯條2.0 🍟 ★★★薯條新鮮炸起係幾好食不過灑芝士粉落去其實唔會食到啲咩芝士味#鹹蛋黃忌廉雞肉闊條麵 🐓 ★★★我真係食唔出有鹹蛋黃味不過個source係幾creamy，闊條麵軟硬適中#腐乳蕃茄汁長通粉 🍅 ★★★又係要食正粒腐乳先至有腐乳味同埋長通粉永遠都有個問題係個汁同佢嘅味道好分離#意大利豬肉腸辣椒醬披薩 🍕 ★★★唔好睇佢啲腸好似潤腸咁深色覺得古怪，其實都幾好食同埋最緊要佢夠芝士 (拉到絲)#冬陰功海鮮意大利飯 🐚 ★★★★我又係食唔出冬陰功味...不過佢個調味係好食嘅同埋都好濃，啱我口味#墨西哥煙三文魚披薩 🐟 ★★★★佢有牛油果醬、墨西哥辣椒、墨西哥粟米片同酸忌廉，雖然好似係夾硬放咗響個三文魚pizza上面，但呢個組合好難唔好食#曲奇忌廉芝士餅 🍪 ★★★Oreo 味，冇咩特別#香辣朱古力蛋糕 🍫 ★★★★我唔係第一次食辣味朱古力，個人都幾鍾意呢種味覺嘅衝擊#朱古力布朗尼配雲呢拿雪糕 🍨 ★★★★★呢個係今餐之最

而家盡量都留喺屋企呀女pizza癮起 唯有外賣pizza 🍕 外賣套餐仲有1人， 2人同4人餐選擇🍕而外賣主餐牌都有85折呀我呢個2人套餐凱撒沙律🥗估唔到沙律份量咁多沙律菜新鮮香甜 喺捱貴菜嘅時候沙律真係格外珍貴💚西蘭花🥦蘆筍意大利飯我當然唔會放過仼何有菜嘅主食 綠油油嘅意大利飯 有蘆筍去平衡口感 意大利飯唔會食到好溜但非常飽肚😋💚辣肉腸披薩🍕 9” 吋PIZZA即叫即焗外賣都一樣熱辣辣有香濃芝士味🧀同辣肉腸簡直係perfect match

呢期無左晚市堂食，係附近買返pizza 係屋企慢慢嘆。見到餐牌都算多選擇，外賣套餐有1人， 2人同4人餐選擇，就算 1人餐只係$82起，其實都算抵食既。就算唔想食套餐，外賣叫主餐牌都有85折。布拉塔芝士風乾火腿pizza我極度喜歡芝士，布拉塔芝士放在中央，大大個球狀，包有厚厚的奶油混合著細小奶酪，一刀下去真的會爆漿。乾燥的簿餅蘸上奶香四溢的芝士，的確美味。配上咸香的風乾火腿，非常惹味。烤牛肉梨子火箭菜沙律烤牛肉雖然望落去只有幾塊，但係很大很長，烤牛肉肉質嫩滑，不會過熟，梨子切片很清甜潤喉，火箭菜新鮮，配搭很新穎。和牛面頰手工意大利寬條麵和牛面頰很綿滑，感覺似食滑牛麵，每條寬條麵沾滿和牛肉碎，麵條很有彈性，煙韌。

近排外賣真係生活中不可缺少的🥡今日想食pizza，去咗the point pizza kitchen。揀咗個外賣二人餐。外賣選擇除咗二人餐，仲有四人餐。另外仲有全日外賣之選等等一人套餐、一人餐只係$88起～～如果套餐唔啱食，外賣叫主餐牌仲有85折！點完餐，等10分鐘左右就有，非常有效率！外賣二人餐🍕$368▶️烤牛肉梨子火箭菜沙律🥗烤牛肉有幾塊，大大塊，牛味香濃。估唔到沙律都有咁大塊牛，好足料！沙律有梨子🍐、火箭菜幾fresh! ▶️XO醬鮑魚手工意大利麵🍝幾fusion! 我鍾意麵質幼身爽爽地又煙韌，蛋麵般好香！ 鮑魚切成片，配XO醬微辣幾惹味！▶️布拉塔芝士風乾火腿披薩 (9") 🍕Pizza 焗得好香！中間布拉塔芝士成個波波咁，鍾意食芝士就啱哂！每塊pizza 都有風乾火腿，咸咸地好食！▶️汽水x2🥤呢個餐價錢唔貴，食物質素好，外賣之選👍🏻

呢一間餐廳食意大利粉Pizza都係好出名，但係冇諗過去到尾聲竟然甜品都好厲害喎！我哋叫咗兩三個甜品三個人一齊食，真係越食越驚喜！雖然價錢係貴咗少少，但係間唔中一次而且佢嘅甜品都幾有心機都幾好味，女士們小朋友嚟到係會好開心㗎 ！

聖誕將至，一於找間有氣氛又坐得舒服得餐廳好好享受，這次真得遇到了。餐廳別出心裁，每個角落都有聖誕裝飾，充滿聖誕氣氛。座位都十分舒適，桌椅間空間感十足，不怕興起時打擾到鄰座。我們點選了二人套餐，減低頭腦負擔。先來個龍蝦湯，非常濃郁，啖啖香濃龍蝦鮮味。前菜還有煙三文魚沙律，羽衣甘藍新鮮爽脆，不會太重草青味，煙三文魚幼滑甜美，完美的前菜。小食追加了黑松露薯條，滿滿芝士絲鋪滿薯條上，薯條香脆有薯味，沾上濃郁黑松露醬，雙重享受。另一個小食追加是黃金雞翼，雞翼新鮮香脆，鹹蛋醬汁鋪滿雞翼表皮，鹹香惹味。之後有主菜煙三文魚薄餅，薄餅體積剛好，餅底不會太厚而十分香脆，上面佈滿新鮮煙三文魚，而最有驚喜的是上面的牛油果蓉，真材實料令薄餅味道更能升華。另一個主菜是香煎虎蝦意大利飯，虎蝦十分出色，體積大而蝦肉非常嫩滑，開邊烹調蝦肉更入味。意大利飯不會太硬而粒粒充滿蝦鮮味，一啖一啖地不經已把整盤清空。最後甜品也不令人失望，有雲尼拿泡芙和曲奇朱古力芝士蛋糕，賣相出眾甜度又剛好，作當晚完美的總結。

放工後跟朋友約在奧海城晚餐，有特色晚餐或散叫，二人套餐吸引選擇多，店員有禮主動加水，位置方便，二人或一大班人也適合聚會的地方。👍🏻龍蝦湯濃郁撲鼻，龍蝦肉彈牙啖啖肉，質感濃稠帶鮮味，刺激味蕾。😝黑松露薯條薯條炸得乾身香脆，滿滿芝士絲，加上香濃黑松露沙律醬更添風味。😉黃金雞翼口感香口，蛋黃黏住雞翼皮，油香感更重，雞翼肉質多汁，當小食一流😝煙三文魚pizza薄皮pizza香脆，三文魚肉厚油脂適中，牛油果醬清新，酸忌廉開胃，加上墨西哥脆片更有層次。😋香煎虎蝦意大利飯虎蝦煎香，肉質爽嫩，意大利飯口感適中，醬汁香濃棉密。😍熱榛子朱古力有心機拉花，榛子朱古力帶果香味，濃淡剛好微甜，口感幼滑。😘😝曲奇朱古力芝士蛋糕芝士蛋糕綿密濃滑帶芝士香味，表面佈滿oreo餅乾碎，層次感十足。☺️雲呢拿泡芙泡芙皮鬆軟，雲尼拿香軟柔滑，加上朱古力醬，甜度適中。😋環境舒服闊落，播上柔和歌曲，套餐抵食多選擇，跟朋友慢聊的一個晚上🥰