The Point - Pizza & Pasta (將軍澳中心) (Closed)

The Point-Pizza and Pasta有很多家分店，這次去了將軍澳分店。我和女朋友已經很久沒有在外面吃意大利菜，終於滿足了我們想吃龍蝦的願望！這家餐廳的環境很舒適，很適合假期來坐坐，吃晚餐。我點了龍蝦湯、龍蝦香草Risotto 、Iced Oreo Chocolate。頭盤的龍蝦湯是濃郁的 bisque，用料很足，那橙紅色的賣相、香味俱佳，嘗到蝦與蟹的鮮味。龍蝦香草意大利飯，啖啖的龍蝦肉，用高湯和米煮出奶油般濃郁質地，以龍蝦、蔬菜為基底。加了奶油、芝士以及洋蔥。香氣撲鼻，值得一試！Iced Oreo Chocolate，一道Refreshing 的特調，上面放了厚厚的奶油和一塊Oreo餅乾，喝到濃郁的巧克力，多重驚喜啊！

夏天逛商場是頗舒服的，飲食購物皆可，青衣城各式美食俱備，The Point係一個好選擇。食店位於一期地下，座位闊落舒適。先來挪威煙三文魚，擺設整齊，薄切三文魚咸度適中又鲜滑。晚餐頭盤為精選沙律，沙律菜鲜嫩清甜，配以美味嘅甜醋，夠晒醒胃。我係牛扒愛好者，主菜當然係和牛肉眼扒，份量十足，果然係M5和牛，入口膻香鬆軟，充滿濃郁牛味和肉汁，配以精製醬汁，回味無窮!再來個卡邦尼披薩，風乾火乾，巴馬臣芝士和水牛芝士既咸香又軟滑，配搭出色，更有爽脆嘅鲜薯仔片，令口感上更有層次，值得一讚。

今日同男朋友去開將軍澳，揀咗係The Point食晚餐 😋我哋揀咗個二人餐（$348），有以下幾樣嘢食：1）頭盤：我哋揀是日田園沙津同是日餐湯各一：是日餐湯係蕃茄湯：2）9” Pizza：我哋揀咗明太子櫻花蝦軟殼蟹pizza（+$18）：開頭叫pizza我都驚兩個人會食唔晒，不過好在個批底唔會好厚，食多幾件都唔會話好濟，不過當然大部分都係由男朋友清咗 😛3）主菜：我哋揀咗紅酒燴羊膝（+$48）：羊膝好大隻，少少羊羶味啱啱好 🐑4）甜品：我哋額外再叫咗個朱古力brownie（$68）為呢餐畫上完滿嘅句號！

今日喺將軍澳附近睇完樓，所以行咗去將軍澳中心食野，因為想食西餐，所以揀咗The Point - Pizza & Pasta叫咗個set dinner揀咗一碗湯，同一份沙律，個沙律汁好開胃Pizza揀咗，Mentaiko Soft Snell Crab Pizza，個pizza有9寸，份量好大，三個人食都得，軟殼蟹好脆Main就揀咗 Red Wine Braised Lamb，好大隻羊腳，肉質好好，唔太"蘇"，加埋薯蓉，好好食。蘋果汁再叫咗個甜品，Brownie in a Pan

將軍澳好吃的西餐不多，而價錢也不太貴可以afford的更少。這次並非首次光顧將軍澳的the point，但決定嚐嚐新的菜式！首先，點一份餐廳主打的pasta絕對不會失望，所以我選了「明太子軟殼蟹櫻花蝦扁意粉」，軟殼蟹有兩隻我跟我男朋友不用搶著吃，而且蟹殼炸得外脆內軟，再送上明太子拌意粉，鹹鹹的，很好吃。另外，我們再叫了一份小吃：「棒棒雞翼配蜜糖燒烤醬」，餐廳貼心的把雞翼拆開一半，只剩一根骨頭，我們就可以很方便地吃雞翼了。而炸雞翼點上蜜糖燒烤醬，酸酸甜甜的，不知不覺就把整盤吃光了。 最後我自己要了一杯Iced Earl Grey latte，上面有一層打發泡沫，放上幾塊伯爵茶茶葉，攪拌後陣陣茶香味，而甜水是另上，可以因個人喜好而調配。走出餐廳門時，看到餐廳正在進行防疫價外賣自取八五折，下次下班經過先可以下單回家吃了。

想食西餐，又見呢度午餐幾多選擇，就入嚟試下啦！我哋叫咗兩個午餐，味道都唔錯。呢個係午餐送嘅是日餐湯，今次係番茄湯。口感好 creamy，唔似意大利菜湯嘅風味。但係都飲得都淡淡地嘅番茄味，都幾唔錯。呢個係菠蘿梳打，似有氣嘅菠蘿汁。呢個 Carbonara 味道好夠濃，加埋溫泉蛋味道更豐富。煙肉好香，同 creamy 嘅意粉其實都幾夾。食嘅時候加埋黑椒同芝士粉就完美喇！呢個辣味 pizza 因為有墨西哥辣椒，所以本身都幾辣，唔適合唔食得辣嘅朋友食。佢有兩款腸，兩款都好香脆，配合脆脆地嘅餅底真係好正。如果你鍾意食辣，又係個食肉獸，呢個 pizza 就非常適合你喇。整體嚟講，呢度可以再嚟，環境舒服，食物味道都好好。之前其實都食過呢度，如果鐘意食 pizza，又唔太鐘意以上嘅 pizza，不妨試下有香辣烤雞嘅 pizza！香辣烤雞味道好夠，加上好襯 pizza 脆脆嘅餅底，係我最鍾意嘅 pizza 配料。

叫了四樣東西，沙律、薯條、龍蝦湯、pizza。非常失望的是，食物來到的時候，都是凍冰冰的，龍蝦湯只有半杯！其他也不知所謂！這樣的服務水準，如何在疫情下生存！一定列入黑名單，以後不會幫襯！

The point之前係尖沙咀 THE ONE 店舖食過，果次仲買左couple join埋做會員，今晚因為約左朋友去將軍澳攞野，順便去TKO 分店食晚餐，點知實在有啲失望😞我哋order左個二人套餐：南瓜湯，味道正常，但個廚師沙律，個黑醋汁又杰又酸😑；焦糖菠蘿、意大利風乾火腿、松子仁、火箭菜、蕃茄醬pizza， 食唔倒有菠蘿🤨，淨係食倒火腿嘅咸味；可能冇芝士嘅關係，口感好乾，餅底都係麻麻。溫泉蛋卡邦尼意粉🍝，呢個味道最正常最後 另外order左個甜品Triamisu Affogato (意大利忌廉芝士、鬆餅、雲呢拿雪糕、意大利咖啡）將一杯仔熱咖啡淋落個甜品，個雪糕極速溶晒，中間果舊鬆餅又苦又澀，加埋有些少酒味，夾夾埋埋都幾奇怪⋯⋯總括嚟講，THE ONE 分店食物質素比較好，呢間就麻麻🤨

自疫情開始後，實在太久沒有與友人飯聚，是夜相約在The Point大談被此近況。The Point裝修以木色為主，帶大自然風，枱與枱之間空間十足，可以好好與友人暢談一番。香辣番茄家鄉肉丸見到肉丸就會想起宜家的瑞典肉丸，The Point的家鄉肉丸相比之下，較少肥膏，質感比較結實，但亦不失鬆化。番茄醬有番茄塊及蒜片，酸酸甜甜開胃可口。香草海龍皇披薩薄餅屬薄批底，酥香薄脆，配上水牛芝士、香草醬及一角檸檬很特別創新，薄餅灑上檸檬汁大大減低厚重感。薄餅上有不少海鮮，計有蜆肉、蝦肉粒及魷魚粒，增添咬口。伯爵茶拿鐵伯爵茶幽幽的佛手柑香氣，與奶香結合，入口柔軟細滑，非常愜意。

疫情下爆滿～堂食8折優惠、外賣單點更有85折現在疫情下每天上班下班回家～令人人都不願外出消費！但都要食好西待自己好一點吧，不然會屈病自己7點來到已經滿滿的食客，看到店員忙過不停，動作急促，這邊廂快快抹枱，那邊廂客人叫點餐，再另一邊廂又有人客要帶位，十分佩服他們忙到這個地步仍面帶笑容，語帶禮貌客氣，雖然話雖服務行業應有的，但實在抵讚主餐牌一般都有沙律/湯類、特色pizza、pasta、焗通粉、risotto(意大利飯)、甜品.....飲品更有酒類cocktails...這裡龍蝦類的食物都較多，幾乎所有以上類別都有款含龍蝦🦞軟殼蟹沙律 soft shell crab salad $124雖然等左一段時間，不過味道沒有被等待的心情破壞！份量不少～軟殼蟹入口還熱燙燙，那一刻的滿足不懂形容。配上蜜糖芥末汁～蟹和沙律菜各一口剛好平衡了油膩感，很好～還有大大粒的水波蛋～龍蝦香草意大利飯 lobster risotto $158很多大粒龍蝦肉，非常足料，口感彈牙！鋪上少許芝士片～添在匙上還見芝士絲！還有埋沒的蟹鉗～不過這肉質就有點乾了！非常豐富的一餐，一口子吃簡直是大大滿足

The Point Pizza And pasta  將軍澳四圍食，去到 popcorn商場行到去中心，見到呢間意大利餐廳 ，環境都算唔錯入去坐低，環境自成一區，重有露天茶座餐枱，真係唔錯。侍應親切可人，有禮貌笑容，仲有坐咗一陣就見到啲客，都一路續嚟啦。坐咗一陣，咁我哋order咗幾樣嘢食，一個焦糖菠蘿意大利風乾火腿 松子仁火箭菜蕃茄pizza $112蚊 ，安格斯西冷牛扒$138 ，香蒜辣椒大白酒煮大選大蜆$118 ，甜品加廿蚊，我哋要咗個雲呢拿拋夫同意大利奶凍，小食加廿蚊叫咗個棒棒雞翼3隻，飲品加$14蚊我哋要一杯 cappuccino同一杯 mocha ，總數$506蚊落樓午餐我都覺得有啲豪。焦糖菠蘿意大利風乾火腿 松子仁火箭菜蕃茄pizza個名好長，不過兩個人食一個九吋批，游刃有餘。非常夠份量，淨係松子仁出面都好少食到，火箭菜火腿加菠蘿係絕配，所以呢未冇得輸，加埋個批底脆薄冇得彈。安格斯西冷牛扒西冷牛扒本已經唔，仲係安格斯嘅牛肉，所以煮都唔使問我哋幾多成熟，都一樣係上枱咁好味，再加埋啲黑椒汁，係我嘅至愛呀辣辣地。香蒜辣椒大白酒煮大選大蜆白酒煮大蜆，加埋香香蒜辣椒，淨係聽到，味覺

近日意大利因疫症而封城, 我們好懷念意大利, 又想吃個 Pasta, 所以找了間意大利餐廳. The Point. 門外裝修有氣派.  酒架陳列得奪目.又有即烤即製的 Pizza 爐. 佈置環境平實,  令人感覺舒適.侍應送上餐牌, 會介紹客人各式食物.我們叫了套餐,  包 果汁梳打, 頭盤 ~  迷你三文魚凱撒沙律.一片煙三文魚襯托新鮮蔬菜, 消滯醒胃, 唔怕肥 !   仲有魚子及芝士, 吃起來 特別好味.  棒棒雞翼配蜜糖.  雞翼槌,  配蜜糖燒烤醬, 好好食.  炸得酥脆, 單骨更易食. 主食  Pasta ~  紅酒燴和牛勒肉配蜆殼粉 蜆殼粉配和牛是我最愛.  因為蜆殼粉比一般意大利粉有咬口, 掛汁也比較多.這道蜆殼粉煮得軟硬適中冇過火,  加上紅酒醬汁香味濃, 和牛肉質鮮嫩, 份量好滿意.M5 和牛西冷牛扒西冷牛扒肉質厚, 廚師煎到恰到好處, 表面坑紋煎得好靚 , 扒表面將內心肉汁鎖住.六成熟的處理非常好, 切開還是嫩紅色的, 肉汁豐富有牛味.伴碟的薯蓉軟綿, 薯味濃郁香甜,  焗茄, 青瓜也很美味.  烹調得很有水準.用餐後, 侍應會主動問我們要不要加甜品, 或飲品, 又

去到將軍澳探訪朋友, 朋友介紹去間意大利餐廳吃晚餐.The Point  在將軍澳中心商場的一角，位置清靜好坐.服務員平易近人, 有禮貌又有笑容, 座位感覺舒適. 餐牌選擇都算多.朋友和我都贊成叫 Deluxe set  dinner, $428-   內容豐富, 重有選擇.點了餐, 飲品 Fruit soda   果汁梳打, 立即送到. 果汁梳打, 不過不失, 解渴, 味略淡.頭盤 Caesar Salad with Smoked Salmon 迷你三文魚凱撒沙律煙三文魚大大塊鋪有魚子, 好吸睛, 又好食.沙律菜夠爽脆, 車厘茄及洋蔥好甜, 混合麵包粒, 芝士片, 健康又不油膩, 開胃!Daily soup  蘑菇忌廉湯  (加$20 ~  每位餐湯)忌廉湯 蘑菇味香, 有煙肉粒, 粟米粒, 同洋蔥粒, 重有點黑胡椒粒, 入口香滑, 美味.Chicken Lollipops   棒棒雞翼配蜜糖 (三件)炸得好香脆唔乾身, 有些蜜味.   單骨雞翼入口更方便. 如加點酸辣醬, 好 Yeah !!   雞棒啖啖肉 !!M5 Australian wagyu ribeye  澳洲M五和牛肉

是夜經過將軍澳中心The Point，堂食有八折優惠，外賣亦有八五折。餐廳全場滿座，等位亦等了一段時間。晚餐餐牌既有套餐，亦有a la carte。羅宋湯是夜餐湯為羅宋湯，湯料很足，很多蔬菜，味道濃郁，酸中帶甜。柚子味噌 烤南瓜 茄子 藜麥 羽衣甘藍沙律此沙律以羽衣甘藍為主，伴以烤南瓜及茄子，柚子味噌醬味道很特別，發酵豆香味加上清甜味，令略為寡口的羽衣甘藍變得美味可口。檸檬薄荷香蒜雞肉意粉意粉拌上檸檬汁帶清新酸香感，汁液足夠包裹每一條意粉，烤雞塊份量不算少但質感略乾。榛子朱古力榛子朱古力沒有坊間的過於甜膩，朱古力味與甜味取得平衡。

慶祝相識36紀念日子，便選了近近地鄰近地方午餐數數恩典。好喜歡這兒環境夠光猛闊落，有少許露天氣氛，女侍應生又有禮貌招呼，談天說地都是一個好地方，也可望望人群經過也不影響心情，啱晒慢活的日子，慢慢食慢慢享受細數過去點滴。首選當然係:焦糖菠蘿意大利風乾火腿松子仁 火箭菜加番茄醬$112Pizza有九吋大好夠份量，焦糖菠蘿是成片呢！好圓滿，配埋乾火腿入口食落不肥膩，重有我喜愛食嘅火箭菜，配搭入口清香。👍安格斯西冷牛排$138牛扒肉質juicy好香牛肉味超淋，仲有三條長長蘆筍配搭，可解食完肉質味道。😊✌香蒜辣椒白酒煮大蜆$118嘩，好大隻蜆呀！隻隻肥美有少少辣味，蒜味很濃郁，我喜歡食蒜味！😂午餐還可加特色小食添+24元有棒棒雞翼(3隻) 三隻小雞腿好特式放落個網籠裏面，外貌吸引 和好香脆，再點埋蕃茄醬食不覺油膩。最後當然唔少得甜品啦！甜品+20各選了雲呢拿泡芙和意式奶凍各一款再配+14飲品意式泡沫咖啡和摩卡總結: pizza最欣賞餡料配搭，菠蘿是成片架，不是一小一小粒的，入口好滿足。😋👍👍