The Pudding Nouveau (Closed)

The Pudding Nouveau呢間餐廳既名好似聽過下，今晚難得經過，一於入去試下。餐廳既枱唔多，我諗大概容納到二十人內。餐廳係半開放式廚房，四周既裝潢簡潔。其實想試佢既鴨腿窩夫，可惜我地太夜去到，已經sold out所以就試左其他野啦。其中一個main set揀左Jumbo French Style Croissant with Egg Mayo Crayfish（＄138）牛角酥入面有龍蝦肉，龍蝦新鮮，肉質鮮嫩，牛角包又脆又鬆軟，仲有啲沙律醬咁，好香口薯條大條而且粗身，咬落去薯味濃，仲有啲香草既味道，配埋個醬食就更香口另一個main set就揀左個Signature Pudding Breakfast（＄118）呢個main真係好豐富！材料好多Brioche Toast脆得黎幾鬆軟，仲有香香既奶油味Pork Sausage咬落口好有豬肉既香味，仲幾彈牙Sauteed Mushroom，蘑菇炒得幾香Scrambled Egg 炒蛋幾有香蛋味，但如果滑啲就好啦煙肉煎得幾香，薯餅都炸得唔錯，番茄都幾Juicy我揀左杯Vanilla Milkshake with mini donut

同朋友係附近食完飯，諗住去呢間看似好評如潮既餐廳食甜品，點知中左大伏😑朋友叫左cream brûlée cheesecake, 落單後15分鐘到，味道偏淡，食左都唔會記得自己食左d咩。最大問題係我ordered 嘅心太軟，我等到30分鐘後忍唔住問個侍應係咪漏左單，因為我見成間鋪得我地係未黎齊，個侍應答我”整緊，就黎得”。等到45分鐘，個心太軟終於到，但係個心太軟係未擺低已經徹底崩毀左，係一pat 野，流質狀態，即係完全唔熟！我問個侍應”你肯定呢個係心太軟？”, 佢答係，問完廚房都話係。呢個時候疑似老細經過，侍應問佢個心太軟係咪有問題，老細答” 個心太軟wo左，唔可以serve 比個客” 。然後就cancel 我個order . 最嬲既係，個侍應話”唔好意思，廚房整左2次都整唔到，所以唯有比呢碟比你“。即係話，廚房明知個心太軟係失敗左，但係都照比個客。唔通我比$78係想食一個失敗既心太軟？我永遠唔會再幫襯！

多次在openrice排行榜上看到餐廳的名字，今晚與朋友們慕名而來。店舖不大，只有約十多個座位。珍寶龍蝦仔牛角酥配薯條 $138牛角酥烘得暖脆，飽身鬆香。豐滿足料，龍蝦仔多得刀一切下去就翻倒在牛角酥旁。龍蝦仔頗大粒，亦有咬口，調味佳。粗薯條色澤不算金黃，但不油膩，也附有黑松露蘸醬。布丁三重奏 $98法式香草梳乎厘新鮮出爐，充滿空氣感，入口有糖粒質感。紫薯雪糕與梳乎厘更有冷熱交替的效果。焦糖燉蛋也很滑溜；焦糖部分薄薄一層，也不是死甜。吃完豐富牛角酥和甜品後，呷杯柑橘洋甘菊茶（$38），清淡茶香加上這文青小店的氛圍確實令人心神放鬆。

一間在大坑很出名的咖啡店， The Pudding Nouveau 經過裝修後更加感覺舒服，今晚和安妮聚舊，很想坐得舒服，又想能夠輕輕鬆鬆談一個晚上，我知道Pudding 的飲品又漂亮又好喝，馬上叫了這裏的招牌milkshake !首先看看這兩杯milkshake, 單是造型已叫好了，四為用上蝴蝶及花朵，而令我們拍案了，但喝了一口，士多卑梨又香又滑而且大雪糕旁边還有又香又軟的綿花糖，渴了一口已停不了口，真的令人回味呀!  安妮的綠茶Milkshake 很夠綠茶味，她說和東京的咖啡店可以平分春色!晚点我們叫了聖子卡邦尼意粉，聖子很鮮甜，而且意粉很爽口，我們一下子吃光光了!另外龍蝦多士真的份量十足，龍蝦肉又香又軟，而且一点也不欺場，我覺得外脆內軟的多士加上又香又濃的芝士，令人吃得開心又動心!最後法式甜品很特別，是紅酒梨子伴雪糕，没想到小小的咖啡店竟然有令人如此動心的甜品，感覺真的不錯!

今晚放工陪老公去天后大坑，佢幫朋友拎駕車去那邊的車房維修，等待中我們周圍睇下有冇地方食晚餐，車房工人介紹我們去附近的一間餐廳，名叫The Pudding Nouveau，說食物不錯，叫我們試試，餐廳地方不大但雅潔，等左一陣就入座了。雲呢拿奶昔：又香又滑的奶昔，加入雲呢拿雪糕，更添香濃，好飲！朱古力咖啡：咖啡味道香濃，有少許朱古力味，甜度自己調較。珍寶龍蝦仔牛角酥配薯條：牛角酥焗得好酥脆，主要用龍蝦仔肉做饀料，再混合蛋黃醬，十分惹味又有口感，再配埋香脆的薯條，令人食不停口！法式油浸鸭腿配窩夫班：有二隻去殻流心滑蛋、香脆的窩夫，炸過的鴨腿，鴨腿皮脆肉嫩，好入味，還有新鮮的沙律菜，均衡營養，食得健康！Pudding Trio ：四個字形容，色香味俱全。設計得好同心又美麗，真的捨不得食，我欣賞了一陣子才開始食用，甜品都好豐富，有雪糕、焦糖燉蛋......,特別是梳乎厘，好鬆軟又幼滑，甜度適中，很美味！焦糖燉蛋：香滑的燉蛋和燒香的焦糖一起食，份外香甜！

有一段時間無黎大坑呢邊啦，呢晚係銅記收工之後就約左朋友係呢頭食飯之前都有黎過呢間小店，無黎兩三個月，呢度裝修左啵，雖然擺位無乜大改動，但就光猛左好多唔淨止裝修過,連meun都有啲唔同左，加左入啲新菜式咁啵我地睇完一輪，最後決定要左兩個main set share 食左先我就要左呢個新出既“Curry Crayfish Croque”HKd$148+10%經過烤烘既多士外脆内軟，表面滿佈芝士，而餡内就夾上帶有咖喱味道既蛋黃醬，而當中既龍蝦肉既份量都唔少，食落“芝”味又滿足而朋友就揀左碟“Razor Clam Linguine”HKd$178+10%，不過當晚無蟶子，所以就轉左用大蜆蜆肉飽滿無沙份量亦比想像之中多，但我就略厭個扁意粉油左啲啲咁耐無黎就緊係要食埋甜品先夠滿足啦我又想食tiramisu，又想食souffle，而呢個“Pudding Trio”HKd$96+10%就可以一次過滿足到我，仲可以試埋個cream brulee 添拼盤既份量會細啲，但可以食到三種唔同既甜品真係好滿足而當中既souffle蛋味十足，加埋附上既雲尼拿醬一齊食就仲香而朋友就話要試下店家新推既“One Bite

真心未試過咁離譜嘅經驗 去到見到成間舖好靜 入面有兩枱客勁靜冇人講野 （諗返應該係中伏中到囧左）跟住食評 入到去諗住叫一個油鴨脾 一個蟶子意粉個侍應係新手 唔緊要 落左三次終於落到單後面廚房果個女人就同另一個男人講野 我聽到個男人話「冇喎」咁我地就主動問 係咩野冇啦跟住個女人就話冇蟶子 我地就主動問佢咁有咩alternative 結果冇人理 再問左兩次都冇人應隔左一陣就聽到佢地又話冇油鴨脾 我心諗 咁有咩？ 得五個餐 7點未到有兩樣都冇我地主動再追問 咁係咪冇野代替 然後個男聲話「長工唔係到」 （開頭我都唔明佢地講咩 到後來上菜我終於明白）個女人一路鬧個侍應 一路umum沉沉話同佢溝通唔到（起碼講左5次） 間野又靜 佢把聲簡直變埋背景音效最後我地一再追問佢就話可以轉蝦 又話去「拎」蝦同油鴨脾我地 咁我見佢問左幾次 又轉到就由佢啦繼續食呢間過左一分鐘 佢就拎左個油脾waffle 出黎 個waffle 好明顯係冧仲要凍嘅嘅 簡直冧過chef lemon 雞蛋仔 真心不得了 件脾唔洗講簡直衰左7-11叮果啲 乾到一個點果一刻已經好後悔 唔係整緊個意粉簡直想奪門而出果然 隔左五分鐘佢上埋個意粉

喜歡約朋友來大坑聚下, 貪呢度夠靜,今日黎到The Pudding Nouveau，店舖正推廣新菜色呢~ 賣相非常吸引方面！環境是excellent, 店面不大，但坐得好舒服~呢度的水用了薄荷葉加檸檬浸的, 好fresh餐廳一角佈置精美Special Milkshake ($68)我們點了曲奇忌廉奶昔及草莓奶昔，各$68一杯。單是賣相已經滿分, 誠意十足甜甜圈很有口感, 奶昔奶味不太濃，所以不會很漏的感覺。Coffee Tuna Waffle Egg Benedict ($148)材料是咖啡、吞拿魚、窩夫及班尼迪蛋，炙燒吞拿魚配上淡淡的咖啡味，非常獨特呢，班尼迪蛋滲出來, 加上脆脆的窩夫, 很完美, 不過咖啡味濃少少會更好呢~Crab Toast ($158)超多蟹肉的多士, 而多士味道充滿層次感呢~店舖選用上了牛油果，新鮮健康的配搭, 而多士亦很脆又香口~Oolong Creme Brulee ($78)烏龍茶焦糖燉蛋甜度不會很高，易入合，烏龍茶味道很清新香口, 燉蛋面屠的焦糖夠香脆~梳乎里+$68很軟，甜度適中， good~

晚餐來個 All day breakfast 這個All day breakfast 賣相精美，食落。。。都算OK蛋：炒得香滑軟熟，有蛋汁 薯餅：沒有太多調味，可嚐到薯仔味，薯仔粒幼細，所以口感比較稔。薯餅較薄，炸得脆口，可惜比較油膩腸仔：胖胖的腸好可愛，有肉汁煙肉：這塊煙肉較厚身，不算油膩（個人比較喜歡這種多於薄身脆口的煙肉）麵包：是厚身toast，烘得香軟，厚厚的有口感，很不錯沙律：是個敗筆，不夠新鮮（可能已由早放到晚），而且沒有醬汁😣蘑菇和番茄：沒有什麼特別總括來說，價錢合理，不過不失

睇食評加圖見幾令去試下，點知。。去到一個人都無，已經覺得有d伏，不過諗住已經落住毛毛雨特登入去就試下啦，點知坐低10分鐘都無人招呼你，餐牌都無問佢點解無左dount，一時話加錢，一時話無貨，其實都係同之前一樣價錢，m記杯milkshake都好飲過佢煙肉硬度好似豬肉乾咁，無薯餅焗住轉薯條好普通，d汁得個咸字，d魚子同d意粉又唔係好夾其實無左以前d飲品，出價錢又唔係話好抵食，一杯飲品，兩個主菜，400蚊，唔值。

之前見到好多人like所以揀左呢間, 同埋知道甜品好出名, 所以更更更加有期待呀~但但但好失望BOOK左7:30AM, 店內小貓3, 4隻, 原本男朋友話去第2度, 但見卜左, 所以都會試試~Staff俾左餐牌睇,  但嗌嘜絛嘜, 得返5 set dinner, 小食同甜品都無, 佢地話甜品師今日DAY OFF, 下?!心諗, 今日係平安夜wor, 點會off呀?同埋無甜品, 早知就唔卜呢間啦......算!!!揀左1個all day breakfast, 最好食竟然係沙律菜....無咩特別我揀左黑松露意大利飯, 又係黑松露xp個味道okay, 但點解個飯要生米喎.........最搞笑係, 嗌左early tea, 但用紙杯上, 如果轉做茶杯, 立即high class好多...唉

倒數到2018，由食個飯同飲杯野來為2017結尾。Duck and Waffle with poached egg and hollandaise $168。沙津有橄欖油同黑醋汁，有油感不酸，可以解鴨的味。蛋黃汁不是一味，佢汁仲有好少少芥末同黑松露味。依道菜係三層享受，先來我愛既蛋黃汁不濃不淡，再係poached egg既蛋汁配落去waffle做sauce，可以一解waffle既乾身。蛋白既軟林配住相比起硬身d既鴨。Bacon and Salmon Roe Linguine with uni sauce $188。望落平凡，嗅落有三文魚既鮮香，食落有海鮮膏黃的感覺。好食，因為好鮮味。當中仲有三文魚籽添加口感同海鮮味。煙三文魚一些同煙肉(煙肉係粒狀個隻)大加配合，不搶味下，特出鮮味。熱朱古力岩哂12尾充滿xmas and near happy new year既時候。有朱古力粉在上，溶得好快，影唔太切。薄荷香茅薑茶就解鴨肉既油脂感，有點泰菜感覺，清新但不失重味既茶。本身仲想食個甜品嫁，但賣哂啦，下次有機會再食。依度小店，用雲石枱 光明舒服既都，小小特色既大坑店。

冬至前一晚，相約好友G晚飯敘舊，住大坑的她建議去她屋企附近呢間cafe小店，佢話有我鍾意食嘅窩夫同梳乎厘。我哋八點半去到，有幾台客。鋪頭得10零個座位，地方小小，白色牆磚，走簡約cafe路線，至啱三五知己傾計地方！一坐低，店員就推介黑板上的新菜式，我哋揀咗最受歡迎的「咖啡吞拿魚賓利廸蛋窩夫」同「蟹肉牛油果芥末芝士牛油麵包」呢兩個主菜。呢個咖啡吞拿魚窩夫我好鍾意，半熟的吞拿魚沾上咖啡粉，表面輕輕燒過，有淡淡的咖啡香味，但沒有魚的腥味，點埋啲蛋汁同醬汁，一啖吞拿魚一啖窩夫，yummy yummy 另一款蟹肉牛油果芥末芝士牛油麵包得兩片，份量少左啲，當食tea就差不多。不過味道都很好，啲蟹肉碎混和牛油果芥末芝士醬沾在麵包上，有芝士味但唔會漏，麵包鬆軟，包皮烤得脆脆香口，味道夾得好！我哋仲叫咗兩杯特飲，mixed berries milk shake 同cookies & cream shake ，本來想點椰子shake但冇貨，下次再試啦！店員端上飲品時，喂呀，杯野靚成咁想點啊！我哋即刻放低刀叉，拎個手機出嚟相機食先啦！顏色好colorful,上面有冬甩、草莓雪糕球、用威化餅紙做的花花和蝴蝶都

聖誕前夕，係時候要買番幾份聖誕禮物，可能大家都同我一樣，一踏入12月，就忙於準備呢樣那樣，個個都出晒街，搞到銅鑼灣逼到一個點，所以我決定晚餐行遠D，去到大坑搵食，就唔洗同人逼THE PUDDING一直人氣爆燈，平常都會揀中午黎，晚餐就第一次，晚上的PUDDING無中午咁旺場，出乎意料之外，如果大家懶得等位，都可以試下晚上先黎揀野食除左睇MENU，記得要望下牆，有特別推介食物架，每次黎PUDDING，我最期待一定係靚靚飲品同甜品STRAWBERRY MILK SHAKE ($52)、CHOCOLATE MILK SHAKE ($52)就係呢杯令人期待的飲品，色彩繽紛，估唔到一杯奶昔可以加入咁多元素，跟奶昔同款味道冬甩圈在飲管上，配上加一球雪糕，再加上可用食的小花跟蝴蝶，實在係太靚了，唔好以為得個樣，冬甩同奶昔都好美味COFFEE TUNA BENEDICT ($148)這裡有三個主角，分別係吞拿魚、EGG BENEDICT同窩夫，大家都搶唔到大家的風頭，而且仲配合得天衣無縫，吞拿魚燒香表面，內裡依然保持鮮嫩的粉色，窩夫外脆內軟，再配上EGG BENEDICT濃濃的蛋黃汁，上演了一齣完美的

讀大學仲未有地鐵嘅時候，會成日約埋同學仔一齊搭23號去大坑食好西，之前淨係食過一次呢度嘅甜品，今次一於再嚐讀書時期嘅美好回憶，試埋呢度個main course!食物賣相滿分！Main course我地叫左set F同set G。Coffee  Tuna  Waffle  Egg  Benedict $148吞拿魚上面占滿咖啡粉，好特別的煮法，好有新鮮感 Egg Benedict同窩夫都新鮮煮起熱辣辣，窩夫點埋濃郁嘅蛋黃汁一齊食，鍾意食蛋黃汁嘅朋友唔可以錯過。Crab  Meat  Avocado  Wasabi  Brioche $158見呢個配搭好新穎好特別，所以就叫左一份試下，果然冇令我地失望，牛油果蟹肉多士，煎香至金黃色，wasabi份量適中，輕輕帶出清新嘅感覺，整體味道唔錯Oolong  Tea  Creme  Brulee $78薄薄一層焦糖，烏龍茶味道香濃，燉蛋口感幼滑。Apple  Crumble $78新鮮出爐熱辣辣嘅apple crumble同雲尼拿雪糕係最好嘅配搭。Green  Tea  Milk  Shake $68抹茶控可試試，奶味香濃，奶味又不會太重而蓋過抹茶