The Right Place (舊墟直街) (Closed)

難得幾個朋友都住大埔，近近就大埔食啦，但大埔咁多好野食，真係好難選擇😂好彩見到有間裝修幾靚，都多人排隊，應該唔會太差，人排我又排😜等食好西結果真係唔錯，尤其是碟蜆，你真係估佢唔到係咁好味，最大驚喜佢有鹹酸菜，中式都好小會咁整， 味道恰到好處，非常惹味🤤蕃茄芝士意粉🍝 都好出色，有小小咬口、每條都掛滿蕃茄芝士汁，滿足滿足👍🏻👍🏻👍🏻Pizza嫌佢個底似餅乾，係非常脆口，但係我嫌佢略為夠硬身🤪 牛扒就中規中矩👌🏻

值得推介既餐廳環境舒適，同朋友相約見面吹水，係唔錯既選擇。 食物水準亦有保證，價錢合適。 煙三文魚、牛油果、酸包、班蘭迪蛋。 賣相一流，味道都唔差。蔬菜同牛油果好新鮮。 食落好清新。 泰式辣汁手撕雞伴溏心蛋配日式烏冬 呢個極度推介，手撕雞好入味，有小小辣，充滿泰式風味。配上酸微微既烏冬，十分清爽，很適合夏天進食。 餐湯都好好飲，好濃厚綿密既味道。

星期六晚六點半到，叫了西冷同pizza，等左四十分鐘都出唔到份西冷，同檯的pizza一早出到食完，懷疑肉類全部要等人order先解凍，最後飲左幾杯水走左。waitress姐姐仲嘗試解釋話，諗住我地食完個pizza再上肉，被回敬如果要跟足，肉類一定要早過澱粉質上菜。

聽人講幾好食，6點就同屋企人去食，順便慶祝母親節環境普通，不過係乾淨嘅，坐位唔逼都幾唔錯坐低俾MENU我睇，一睇有起碼一半係停左無得叫嘅Set menu抵食但一定要係有一份main course再加一份pasta/risotto，嗰日唔想食咁多澱粉質就無叫。單叫menu入面，肉淨係得西冷、豬排同豬手我同屋企人都唔想食豬，結果都叫曬西冷...頭盤小食嗰啲選擇都因為暫停供應而得翻好少，唔明點解可以咁誇張最後叫左caesar salad, mussels同2個西冷西冷一個叫medium rare一個叫medium done 2塊上到黎都係一邊好生一邊好熟白酒青口ok，無乜酒味但青口肉質幾好2個人食800蚊，總結我覺得麻麻地

第一次嚟 The Right Place，等咗陣就有位不過因為坐近門口，有啲熱同埋有蚊😂香煎鵝肝多士伴無花果鵝肝從來都係我嘅摯愛，個多士亦都好香脆，配埋香甜嘅無花果真係無得輸🥰魷魚西班牙辣肉腸燒南瓜法邊豆鹹蛋黃意大利飯伴輕煎北海道鮮帶子估唔到佢嘅 snack 仲大碟過 main dish😂anyway，味道唔錯又唔會膩， @oliviawch 都要添飯🤫墨西哥菠菜芝士卷反而呢個有啲失望，芝士卷唔係我認知嘅一回事，而且卷裡面生菜仲多過菠菜 (不過個芒果醬好好食🤪)低溫慢煮燒西班牙黑毛豬五花腩伴芥末籽蜜糖青蘋嗌佢係因為我對錯相，不過又有驚喜喎五花腩好嫩滑，而青蘋果又可以減去油膩感👍🏻至於飲品就嗌咗 國粹無雙 同 大埔司令飲咗啖國粹，我第一個感覺係：泰國渡假嘅番梘味😂😂😂其實我係幾鍾意，因為佢個香味好清新而司令就味道豐富啲下次先試甜品🥴

黎呢間餐廳嘅時候係三月，當時仲係限二人敍餐。疫情真係深深咁打擊餐飲業，明明有啲餐廳做得好好都因為疫情、政府嘅政策，人們的防疫意識，最後都做唔住。我哋都少咗好多出去食飯，但有時又真係好想出去唞唞氣呀。雖然知道好多人都係仲未願意出去食飯，但係冇諗過真係包左場。一路食，一路替間餐廳可惜，希望喺呢度幫佢哋打下氣。晚餐全部都係食5道菜嘅menu,選擇唔算好多但係每個section 都有我鍾意食嘅嘢。我哋兩個人各自揀咗唔同嘅食物來試，總括來講我覺得啲嘢係好食嘅，賣相係靚嘅，廚師好有心機去present啲食物，我哋都食得好滿意。其實包場嘅感覺唔係咁好，希望疫情過後餐廳仍然能夠保持水準，生意回復正常水平啦

晚市重開左幾日，約左朋友食飯，不過去到餐廳話好多野都冇，有啲失望。最後我地嗌咗一個一人Dinner Set，再散叫左意粉同甜品。Dinner set 有個湯，普普通通，前菜就揀左溫泉蛋三文魚子豆腐，個汁幾好味！餐個意粉係細細碟，兩三啖就食完，酸酸甜甜幾得意！個主菜揀左西冷牛扒五成熟，生熟剛好，但牛扒唔夠Juicy，個薯蓉好食，如果可以多啲就好。散叫既意粉唔錯，幾清新，忌廉汁但唔會好漏。食哂正餐上甜品前佢地提供左少少果肉整既沙冰，佢話可以解下啲味先食甜品，幾特別。之後就到心太軟，正常水準。整體黎講普普通通，正正常常，不過可能期望過高，就有啲落差。

餐廳：The Right Place地區：大埔地址：大埔舊墟直街30號美利大廈地下13號舖日期：15/11/2020 時間：14:00人數：2人 等位：0mins 價錢：＄246今日放假所以就入大埔梁九記掃貨，買嘢之後就諗住去食下午茶，於是開OpenRice 望下有咩好介紹，咁啱見都幾多人俾尼間好評就決定食尼間，去到當時唔使等位，唔多人所以坐得幾舒服幾休閒嘅感覺。我地嗌左兩樣嘢食，分別蒜香慢煮黑毛豬配意粉（$128）及煎蛋安格斯牛肉漢堡配薯條（$118），但會送兩碗南瓜湯、兩杯野飲同兩杯雪糕，總共$246。蒜香慢煮黑毛豬味道唔錯，肉質鮮嫩而且蒜香好夠，兩人食尼個份量剛剛好。煎蛋安格斯牛肉漢堡中既牛肉太散，一切開就散開晒感覺冇咁好，而薯條普普通通同M記薯條差唔多，大致上都還可以。

原來大埔天后廟後面有間坐得舒服，有情調，又抵食嘅餐廳！😍😍😍全餐食到嘔仲包兩杯飲品，食唔晒兩個人再拎走，套餐價都係$163🤡🤡🤡🤡🤡🤡🤡🤡下次會想黎飲野同食晚飯！.🍟薯角雞翼拼盤(4/5) 炸得好脆！雞翼又唔會太乾，亦好入味！兩個人黎講，都好大碟！好好味！.🍕手造西班牙火腿批薩 (4/5)個皮同邊唔會過硬過燶，加上大量茄膏，同火腿，我覺得幾好食！但男友就比較覺得西班牙火腿無咁夾批薩，中意濃味啲個隻喎🤡😂.🍝芝士肉醬意粉(3/5)芝士滿滿，勁大碟！但肉醬略為淡味左少少，有待改善！.

雖然疫情嚴峻，但星期日都想同屋企人出嚟食下飯唞下氣！而香港政府嘅無能令到食肆小店，喺限聚令同禁晚間堂食底下，明白真係經營得好困難！我個人意見就係覺得餐廳既然決定要喺呢個時候開門做生意，就應該提供大部份嘅食物同飲品俾客人可以選擇。我咁難得出街食飯，想洗錢都洗唔到  例如，成本 drink list / wine list 淨係得兩款 draft beer available; 喺疫情其間，因為人手問題，所有 cocktail / mocktail 都做唔到.... 我哋最後嗌咗兩杯 draft beer, ice lemon tea, orange juice 嗰啲，個啤酒應該就咁斟出嚟，我哋等左15分鐘以上，要舉手提先至嚟.....然後所有食物上菜都係用膠盒，第一好唔環保、第二真係衛生啲咩？如果係因為用膠盒會衛生啲，咁點解刀叉羹要用鐵嘅？個啤酒同橙汁又唔用膠杯上呢？定係因為冇人洗碗？我諗唔明.....呢個係黑松露薯條呢個焗黑毛豬扒意粉焗芝士西蘭花，下面係薯蓉底Margherita Pizza呢度我疫情之前嚟過，亦都有去過尖沙咀分店，係性價比好高嘅餐廳；嘢食水準都係中上嘅，但係如果因為疫

話說以前都嚟過the right place 食lunch，高質得嚟價錢又合理，當然吸引到人返轉頭。今日再去，居然係堂食飯盒，一個個叮叮膠盒紙盒直送上枱。叫咗一個雞髀意粉，上面仲有隻supposed半熟但明顯overcooked嘅煎蛋，連跟嘅sauce都係用即棄膠兜仔裝。意粉一嚿嚿乾爭爭，亦都完全無任何調味。雞髀就中規中矩，尚算有彈性。Fish burger賣相還可以，但入面嘅菜同蕃茄都頗唔新鮮，淋謝謝；塊芝士真係似超市買，要搣開塊膠紙嗰啲；薯條亦係欠缺調味。其實事先都知佢哋喺疫情下成個menu都唔同晒，focus 做take away，只係無諗過堂食都仲要對住啲外賣盒。價錢係平咗，但寧願佢加價維持質素。服務就不提了，完全唔同晒。希望疫情後，佢以前嘅質素會再番嚟喇。

以單車做佈置嘅餐廳🚲環境舒服，食物質素吾錯😋Cocktail幾有創意🍹Ghost and Furious，I like it 😍生日order甜品送上小型煙花🎆p.s.提前說明就有嫁啦~

之前係ig story放過相之後好多人pm問我地點會就係呢間啦@therightplaceee特別推介佢既小食「避風塘椒鹽魷魚鬚」上面好多薯片同炸蒜，食到我損埋手指同埋佢地嘅mocktail又係特別好飲好香水果味好freshの連平時唔飲凍野嘅我都飲晒兩杯）。#therightplace #foodie #restaurant #mocktail #yammy

之前試過尖沙咀果間都唔錯，中。 因為本身住大埔所以今次試大埔呢間。 雖然款色冇咁多， 但質素都係好。 值得再食。 是日點餐， 一個藜麥沙律， 一個黑毛豬火腿pizza, 2個ser dinner, 一豬一羊。 最後來個心太軟。 完美既星期日

本身想試泰式雞漢堡餐，但去到同我講漢堡包啲包賣哂最後叫咗慢烤雞dinner set，結果真係好慢好慢先上主菜，味道唔太岩我口味，沙律菜ok，南瓜湯飲落似蘑菇湯多啲主菜隻雞比較乾身同淡味，飯好硬，可能食意粉會好啲？員工友善嘅，但比較善忘，要杯水，講咗3次終於比我環境氣氛ok嘅，適合同朋友小聚朋友點咗杯嘢飲，用中式風格嘅杯裝，好似同餐廳風格有啲唔夾仲叫咗藜麥沙律，味道唔錯但定價較高。兩個人最後$320埋單