The Right Place (舊墟直街) (Closed)

同幾個大學同學本身約好左去太和食雞煲，點知去到勁多人等唔切，見到隔離有間Ｂａr人唔算多，環境好又幾有氣氛，反正見有排等，就決定轉入去食。一入到去個環境暗暗地，每張枱枱面都會有盞淡黃色既燈，氣氛幾好，好岩人少少飲下酒傾下心事用。餐廳本身有播歌，唔洗怕太安靜會尷尬／比人聽到自己傾咩。坐落開始叫野食，因為叫得都比較多，所以我決定抽其中幾樣我覺得比較好食既分享比大家。我覺得最好食既有ＫＡＭＡＹＡＫＩ　ＧＲＩＬＬＥＤ　ＷＨＯＬＥ　ＣＡＬＡＭＡＲＩ，係原隻烤魷魚筒，同普通連鎖店唔同，隻魷魚平心而論烤得幾有水準，筒身可以鎖到汁，而魷魚腳可以比較乾身有咬口，加上佢獨特既醬汁，真係食完想再叫多隻。Ｐｉｚｚａ方面我地叫左個海灣蝦水牛芝士ｐｉｚｚａ，芝士真係落足料，一食入口有好濃郁既芝士香味，仲要有拉絲效果。同平時食開水準真係唔同。另外呢間鋪有好多唔同甜品同酒可以揀，今次我就揀左個綠茶心太軟，如果鍾意濃既綠茶味既話真係好岩你，加上表面唔會太軟，食落流心既效果更加出。酒既話今次試左佢地比較有特色既野，個名叫ＭＹ　ＣＵＰ　ＯＦ　ＴＥＡ，係真係有個茶壺裝酒，一杯凍加一壺熱，可以比大家個口享受到冰火交替既快感，值得

當日打去訂枱，店員話只有bar枱坐。但一唔緊要照。 準時去到，店員安排左唔係bar枱既二人枱俾我地。但張枱好細，只夠放碟餸嗰隻。而且同隔離枱係超近，近到係會聽到隔離講野既而且餐廳細食客多，整體環境都好嘈。食物方面，當日餐湯係南瓜湯，另外我哋加咗$30要個龍蝦湯，兩個湯都好味！ 主食叫左個烤春雞配薯菜，個烤雞春不錯，雞肉整體都滑既，薯條也脆口，好味另外，叫咗一個肉眼牛扒。我哋叫五成熟但黎到似七成熟，切開睇d肉唔係粉紅色，明顯一定唔係五成熟。不過都在肉質都林，味道亦唔錯。飲品方面，叫左杯Dr Kitty，黎到先知咁細杯。酸酸甜甜咁，幾好飲。另外叫左杯普通紅酒，味道一般。環境方面，本身係幾浪漫既，但因為同隔離枱太近亦太多人既關係，餐廳變得好嘈。可能比較適合大夥兒而不是二人浪漫晚餐。當晚亦有波睇，餐廳開左部細電視直播，但眼見村餐廳都無人睇。而大電視（projector)播類似外國廣告既野，都係無人睇。

餐廳格局和氣氛富有情調，枱上的小燈為食客帶來浪漫的二人世界。食物方面，每一道都給我們驚喜。避風塘軟殼蟹 - 一共四隻由點心竹盤送上。熱熱的惹味，加上脆香的口感，還配有薯片，果然是招牌菜。鮮帶子意大利飯 - 帶子大顆，質地爽口。味道鮮甜，米飯creamy入味，有嚼口。Angus rib eye steak - 叫了五成熟，很大塊。肉質厚度適中，肉感鮮嫩，薯條配上黃芥末醬。mocktail - Dr Kitty，濃厚荔枝味，小杯，是很特別和有趣的搭配。份量來說，二人已經捧著肚子走了。留意到身旁客人的甜品，賣相不錯，下次必定要試試。The right place，是情侶約會，閨密聚餐的 right place。

呢間餐廳係尖沙咀成日都好多人食，估唔到係大埔都係。星期六冇 book位諗住 walk-in，6點黎到已經話得返 Bar枱位。但因為真係好想食，所以照坐啦個意大利飯幾多料，有帶子、勝瓜、玉子豆腐，仲食到鹹蛋黃味。鹹蛋黃汁同個飯幾夾，唔錯唔係好食到有黑松露味，不過個魚煎得幾好食，如果個皮可以再脆d就好啦。雞翼好香好滑好 juicy最鍾意都係呢個軟殼蟹，次次都一定會叫。份量又多，加埋d薯片同炸蒜食超夾。不過尖沙咀個間d炸蒜係多到鋪滿哂d蟹，呢到得好少不過都係超級好食，必嗌！

大埔一直不乏美食，米米今次同大家介紹嘅係位於大埔嘅西餐廳，質素唔錯又唔算太貴～ 🥩烤美國特級安格斯肉眼牛扒 10oz $28810安士比想像中多，雖然個樣睇落有少少普通，但絕對係值得一試。作為肉眼扒就可能薄左少少(似西冷嘅厚度)，不過就真係好大塊🙈仲大過我塊面🤣師傅嘅處理手法好好， order左五成熟，但完全唔會有血水流出黎，同時又保持到肉質嫩度，筋同脂肪嘅部份係食得到嘅，唔會過肥/過韌！油香感仲幾Balance！-🐟黑松露菌醬烤海鱸魚柳貓意粉貓意粉嘅份量唔算多，但係魚柳都算幾大塊！未食已經聞到黑松露嘅香味（爆多黑松露），平時嘅黑松露剩係得香味，而呢一個黑松露菌醬就香得嚟非常甜，真係越食越惹味🤤而且海鱸魚皮烤得好香脆，油香味重，肉又滑，真係令平時好少食魚嘅米米都忍唔住係咁食！-🍸大埔司令 $78橙皮味非常重嘅一杯酒，味道略帶澀及酸甜-🍸Mojito $78薄荷葉爆多，賣相都非常靚，薄荷再加檸檬味道好清新，酒味唔算太重

入到黎就幾好feel ，入面一路播住外國流行歌，有個bar台，雖然地方細細， 但應有既都有。呢到餐牌都好有特色，最鐘意樣樣有圖唔洗估！叫左個海灣蝦卡拉布里亞辣香腸水牛芝士pizza，好多料好滿足而且拉到絲！之後叫左個汁煮美國馬尼拉鮮蜆，好惹味，本身個汁較濃，配埋附上既蒜蓉包就剛好。主食叫左個八爪魚寛條面，個汁配埋意粉食落好creamy。個人較鐘意帶子意大利飯，用左咸蛋黃落西式菜原來都幾好食， 幾有新意。醬烤原隻魷魚筒個醬好好味，而且食落唔un 。避風塘軟殻蟹都好夠味，如果作為下酒菜的確唔錯。最後仲叫左甜品，creme brûlée ，仲有綠茶、朱古力心太軟，做到流心效果！

大埔好多好嘢食相信好多人都認同，今日我就去咗又有好嘢食，又有靚嘢飲嘅 The Right Place 食晚餐。Soups：法式龍蝦湯。非常鮮甜的龍蝦味，作為餐湯，實在係好好嘅開始Appetizers：香煎鵝肝。煎香咗嘅鵝肝，配上無花果同多士。鵝肝同多士入口即溶，鵝肝嘅香味立即滲透口腔每個角落，一瞬間有種超級幸福嘅感覺。Main course：12小時低溫慢煮烤乳豬件。依個真係極力推介，皮脆肉嫩又Juice，再配上芥末籽蘋果燒汁，可以話係Perfect。配菜嘅椰菜仔、手指薯同沙律菜都好好食。成隻碟俾我清得乾乾淨淨呀。Drinks：茶葉浸美麗、DR Kitty。 茶葉浸美麗，一凍一熱，熱嘅係接本骨花茶，而凍嘅係綠茶。茶香酒醇，非常之好飲。DR Kitty 係一杯荔枝芒果菠蘿Yoghurt嘅Mocktail 特飲，賣相相當趣致。依個大人細路都啱飲。Desserts：焗酥皮香蕉卷・自家製開心果雪糕。酥皮香蕉卷好大份，外脆內暖。開心果雪糕非常好食，開心果味好濃郁，而且伴隨有開心果粒。

太和覓食有驚喜！愛玩小生無意之中找到一家人少少，又好味的西餐廳 --- the right place！餐廳全港只有兩家分店，其中一家就在太和這個小區裡！1. Suckling Pig大大隻慢煮黑毛豬豬脾，愛玩小生都是第一次見呀！皮薄又脆口、黑毛豬獨特的豬肉香味，加上嫩滑又多汁的豬肉，好易入口又不太油膩！必食呀！2. Risotto Scallops廚師專門使用整個黑松露人手即磨，而不是用坊間的黑松露醬，配合帶子的海鮮食材，味道額外吸引，令人胃口大開。

大埔一向都有好幾間酒吧類嘅餐廳 今次嚟左試the right place 平日夜晚8:00嚟都9成full 都好多人wo 入面燈光昏暗 所以每張枱都有盞燈比我地照menu 野食選擇都有4頁紙 太黑影得唔清楚添先叫左個蟹肉木瓜香芒藜麥沙律 我仲以為係一兜兜咁 點知上枱咁靚 要用刀叉切開嚟食 芒果汁撈埋沙律食好FRESH 同埋蟹肉份量都算多 啖啖都食到跟住叫左個醬烤原隻魷魚筒 已經切開哂一舊舊 魷魚都幾大隻 同埋佢汁甜甜地 仲多左一小兜醬比我地 都無點過嚟食 魷魚唔點汁就咁食都好好味我地無叫扒類 點左個黑松露鱸魚貓耳粉 貓耳粉有D似貝殼粉 不過會硬小小 有咬口 一上枱黑松露味好香 鱸魚煎脆左好好食 魚肉好滑 飲品方面 我地都叫左mocktail 一杯係 Dr. Kitty 另一杯 MANGO Tannin最後點可以少左甜品 叫左個creme brulee, raspberry sorbet 佢menu張相好靚有埋macaroon 但圖片只供參考 都無嘅raspberry sorbet係幾好味 唔會有藥水感覺 食飯個時見到隔離枱慶祝生日 有支火花係甜品上面勁浮誇咁 啱哂港女打卡overall

剛到店舖已經畀呢個酒吧吸引，除咗好多唔同類型嘅酒之外， 仲有bartender喺我面前調酒，氣氛非常重要！Drink list都有「一本」！！！由於揸咗車嘅關係，所以我同朋友都係飲mocktail，揀咗兩款女生必定會喜歡的。Flower Fizz(左) ~ 梳打水base，裏面有微微嘅香甜味，底部有類似椰果嘅粒粒，可增口感。Dr. Kitty(右) ~ 只係賣相都贏曬，朋友話係果味嚟嘅！好飲！Octopus Flcoide Sala~ 第一次見到有人用冰菜去做沙律，好新鮮嘅食法呀！原來可以咁好食，配埋提子車、厘茄同埋麻醬， 原來可以咁夾！Smoked Salmon Pizza～ 自家製嘅pizza我一定會留意餅底做得好唔好，因為呢個係基本功， 呢度絕對係合格以上，厚薄度適中，批邊烘焗到香脆， 加上上面嘅芝士、三文魚同茄醬， 一個唔會輸嘅組合！Wagyu Beef Ragu Cava~ 點呢度菜嘅原因， 係佢手做嘅貝殼粉， 長型嘅粉 ，每一條都沾上並包住濃濃嘅醬汁， 非常夠味！ 而且和牛份量亦都有好多，牛味夠濃！CP值超高！

跟住我😎就有好西食😋今日帶大家黎到一間充滿情調嘅隱世神秘餐廳😎住開九龍區嘅我 入到大埔 當然要搵一間又舒服又特別嘅餐廳試吓啦😋The right place here ✨餐廳位於一個比較遠離市區嘅角落😎呢度真係好隱蔽 可以享受下兩人嘅浪漫🌹 聽講呢度嘅芒果單寧好似幾多人都讚好🤔所以我哋就點左兩杯芒果單寧啦☺️呢杯嘢飲果然冇令我地失望 裏面有一啲西米 帶嚟左一啲口感👍飲品亦都唔甜 啱晒各位女士飲呀😋食物方面 我就點左個香烤雞中翼$78 ,緬因州龍蝦尾意大利飯$208 🦞同北海道鮮帶子扁意粉$178介紹吓個香烤雞中翼先.... 呢個雞中翼真係無得輸！雞翼有好香嘅燒烤香烤味 有少少似BBQ完嘅雞翼 味道又香又好吸引！重點係個雞翼真係超大隻🐓我未試過食過咁大隻雞中翼😂😆肉質好滑又夠晒大隻！非常正👍到龍蝦尾意大利飯🦞你睇個賣相幾靚！龍蝦肉既肉質好爽口彈牙結實 好新鮮呀👍個飯都好特別㗎 帶有少少中式嘅感覺 因為佢加咗玉子豆腐同瓜 個飯嘅汁係配上粟米汁 所以食落好開胃 汁同飯嘅份量都啱啱好👍😋好好食呀！到帶子扁意粉啦😍一共有三粒帶子 帶子真係好新鮮同埋好大粒！啖啖肉嘅感覺🤗好想再食啊🤤呢隻扁意粉唔同平

今次同朋友嚟到大埔呢間酒吧餐廳，入到嚟都幾有氣氛，好啱同朋友一齊嚟飲嘢傾計。因為我地都幾大班人，所以嗌咗幾多嘢食，但嚟到樣樣水準都唔錯。我地嗌咗兩個pasta同一個risotto, 首先讚吓個scallop risotto, 啲意大利飯真正燉到外硬內軟，仲一啲麵唔膩。另外仲有個鱸魚猫耳粉，佢舊魚真係好大塊，裝滿咗成隻碟、同埋好鍾意佢個粉煙煙韌韌，好有咬口另外我地仲嗌咗個海灣蝦pizza, 佢啲mozzarella落得一啲都唔手軟，完全做到邪惡拉絲呢個效果。仲有佢係薄批嚟，唔會太heavy, 個邊仲要做到好脆口。我地仲嗌咗啲小食，分別係魷魚筒，避風塘軟殼蟹同汁煮蜆。個魷魚筒好入味，我地好快就清哂成隻。個軟殼蟹好鹹香惹味，如果有嗌啤酒應該會好夾。啲蜆就好大隻，而且啲汁好鮮味，佢仲特登跟咗兩塊包俾我地點汁食。呢度除咗啲classic嘅cocktail, 仲有一啲有特色嘅， 我地都特登嗌咗嚟試。第一隻我地嗌咗個my cup of tea， 入面有杯凍嘅同一壺熱嘅酒。熱嘅cocktail喎，好似真係冇試過，似落甜甜地，有啲暖胃，都幾特別。另外仲嗌咗個tofu pudding, 佢嚟到有壺有酒嘅

終於再入黎大埔🤨當然要黎食翻 The Right Place 😗今次都有嗌翻吉列西班牙黑毛豬芝士漢堡🇪🇸漢堡份量勁大同勁 juicy 配上黑松露炒蛋🍳層次豐富😋烤美國特級安格斯肉眼牛扒10安仕🇺🇸我叫左 7 成熟，牛扒好大塊，肉質鬆嫩多汁🥩紅酒乾葱燒汁同塊扒好夾🍷荷蘭豆同薯條都吸到啲牛扒味🍟緬因州龍蝦尾意大利飯🇮🇹 飯粒硬身有口感，龍蝦大隻鮮甜🦞另外有蝦乾、勝瓜、玉子豆腐、粟米蓉配搭🌽 海灣蝦卡拉布里亞辣香腸水牛芝士比薩🍕批底薄脆香口，仲有勁多芝士🧀朱古力心太軟 椰子雪葩🥥朱古力流心效果啱啱好🍫甜度適中，而椰子雪葩更加有驚喜，食落真係還原左個椰子咁😱法式焦糖燉蛋 紅桑子雪葩，焦糖糖衣好脆，亦好重蛋香，紅桑子雪葩偏酸🍧可以中和整個甜品嘅甜度🤤另外叫左4款 Mocktail🍸百花費士，桂花蜜加上梳打水，都係一個新組合🌸芒果單寧🥭粒粒芒果加烏龍茶都幾正，而藍莓果凍梳打🍹同越空行者👩🏻‍🚀都唔錯

有個住大埔既朋友約我食西餐，而且仲要係係大埔本區，唔緊要，我都住得唔遠，一於試下有幾好。一入到去個氣氛好浪漫，暗暗地，加上有吧枱，格調相當不錯。由於未黎過，點餐全由朋友發板。先黎一味香煎鵝肝，大細有我3隻手指咁大，鵝肝外脆內軟，配上多士同酸汁，無可挑剔。跟住係避風塘軟殼蟹，隻蟹都好大隻，而且粉粿得夠薄身，唔會一咬落去成口粉，加埋避風塘做法，非常惹味。主角出場，肉眼排，由於我同朋友都食得好生，又怕出現香港常見叫3出5呢個情況，所以我地叫左3成熟，一切開塊牛排係好靚既粉紅色，3成熟無誤，入口軟嫩，牛肉味爆燈，上等牛排。估唔到大埔都有呢啲咁高質既西餐廳，希望繼續保持。

好有格調既餐廳，燈光令人可以好relax咁食餐飯真係好岩忙左一日收工輕鬆下餐廳仲有bartender調酒 我地由小食主菜到甜品都有點，好多選擇。+避風塘軟殼蟹一上枱就聞到好香既蒜味外脆內軟 食落仲有少少咸蛋黃味送酒一流+Angus beef cheese burgerburger 都幾厚，好多料，除左Augus beef 仲夾左塊cheese，流心蛋同煙肉。切開之後個飽曬啲蛋汁好正！+黑松露烤海爐魚柳貓耳粉嘩~以為係煎燶左既魚皮，原來係黑松露醬，好多鋪滿左塊魚柳好香 魚柳個皮煎得好香脆+My cup of tea好靚呀！order既時候仲以為要揀熱定凍，原來係一set有一杯熱同一杯凍既Gin酒，唔會好苦有少少甜味，較易入口既酒+cream brulee with sorbet我鐘意食燉蛋，朋友又想食Sorbet，呢個甜品岩岩好滿足曬我地😂