芝麻綠豆甜品屋

Open Now

Now Closed

食完咸野想食個甜品作美滿既完結，見到餐牌又有中式又有西式咁得意，就入左去試好多年青人做店員同廚房，店入面唔太迫，幾舒服糖不甩好味道嗌完過幾分鐘就黎左，暖笠笠，一份有6粒，驚喜有好多花生碎，食落煙韌帶脆脆口感，唔死甜，可以一戰自選冰（彩虹冰+沖繩海鹽雪糕+士多啤梨）好味道椰香味濃，以為自選會好hea，但比左5舊士多啤梨，雪糕又大球，仲有好多彩虹色既小啫喱，唔係好甜，飯後甜品岩岩好啲冰溶得好快，建議大家快啲食

喺黃埔食完野行一陣消化下就去咗間甜品鋪！呢度除咗一啲傳統嘅嘢食之外都有啲香蕉船嗰啲甜品~種類都幾多所以我就叫咗合桃糊燉奶～佢枱面有寫小提示應該點樣識燉奶㗎! 我要先食咗旁邊嘅燉奶之後再食合桃，唔好撈勻佢食😋😋合桃糊嘅份量其實得中間呢點去到碗底左右嘅份量～但係佢大大咁令到燉奶更加滑，所以係好出色嘅！另外叫咗啲雪糕食，佢聲稱係意大利雪糕架！我揀咗朱古力同埋3.6牛奶~朱古力味好濃, 感覺好似dreyer’s 而3.6牛奶就食完朱古力味就覺得牛奶味被蓋過咗喇~仲有都係叫咗燉奶，不過就係紅豆，佢嘅味道好似傑咗嘅紅豆沙，啲紅豆唔係好食得出一粒粒嘅感覺不過啲燉奶都係好食嘅！

特色甜品是一門藝術，享用時亦有竅門。🤩就像 #芝麻綠豆 的 #芝麻蛋白燉奶，先品賞蛋白，再讓芝麻糊震撼舌尖，最後把兩者拌勻享用。芝麻糊甜度適中，燉奶、蛋白嫩滑。😋物價高漲的香港，性價比亦是重點， #雪耳馬蹄露 用料足，馬蹄爽、雪耳潤、蛋花滑，價格物超所值。😘還想試蕃薯糖水、燉雪梨！可惜已飽飽😂有人話我的食評很少負面意見，只因好味與否是主觀的，因我的正評而嘗試可能有驚喜；然而因我的負評而不嘗試可能走寶。#嘴刁Raymond #宇宙級嘴刁 #MagicRaymond

紅磡吾單止特色食店多， 原來糖水店都有好多選擇,系黃埔睇完戲想食個宵夜先返屋企，系近德民街附近都有2間糖水舖， 見到‘芝麻綠豆’個招牌好搶眼，顏色又黑又綠又黃 , 見出面都有5，6個人拎住個牌仔等外賣，望入去都見好多名人合照，估計入去食都冇錯卦。餐牌上邊固然有一般糖水舖都有嘅糖水la， 但有一個聲稱好多人點既甜品- 芝麻蛋白燉鮮奶，原來係燉奶入面有芝麻糊，枱面仲有教點樣系最好既食法，一碗有三種食法， 先食燉奶，跟住芝麻糊，然後混合一齊食，出奇既美味， 聽隔離枱有人話，呢度既芝麻系老闆自己炒的。

紅磡有好多宵夜，又串燒又糖水，成日食完串燒都會唔夠喉，想食返啲甜野，就會去尋覓下有咩糖水，行行下見到呢野雖然算係中式甜品舖頭，但都幾多人係岀面排隊，仲貼曬啲報導明星相咁，所以就排下。呢到啲燉蛋最岀名，原本對燉蛋麻麻地，唔係好頂得順陣味，但呢個奶味唔太重，甜甜地，仲要加埋芝麻糊，合桃糊，紅綠豆沙等等。加埋會有少少甜得濟，反而就咁食燉蛋正啲！仲試左糖不甩，不過不失，都幾煙煙韌韌，仲有得多花生碎！無得輸！

每次去黃埔附近晚餐之後必定要來芝麻綠豆吃個糖水才心滿意足，而且每次都必點芝麻糊燉蛋白，蛋白非常香，芝麻糊非常滑，加起來感覺真的很養顏！每次吃完一碗之後都好想再打包一碗回家吃，哈哈！！（餐牌上也會寫著正宗吃法，非常貼心！）

以前紅磡未有咁多糖水鋪嘅時候，有一段時間成日食呢間。見近排好耐無食，咁啱朋友又未食過，就嚟返呢間食喇。呢度嘅燉奶係必食，因為係有流心餡，好特別。通常食都係食芝麻蛋白燉奶，或者合桃蛋白燉奶。今次就叫哂2個，大家share食。食嘅時候要有步驟，先食白色，再食黑色/啡色，之後先攪勻嚟食！味道同以前差不多，有好香嘅奶味，入面嘅流心依然流心，芝麻糊同合桃糊都仲係好濃味，我記得芝麻係人手炒嘅，合桃就唔知道，不過就好似有啲唔夠熱。咁多年無食依然好好味，有時間都要再嚟食過

十年前住係黃埔,夜晚成日會過黎買宵夜,後尾搬左就冇再食過,今日係附近食完DINNER,正好可以黎回味一下.嗌左兩個招牌甜唁:合桃蛋白燉奶,黑芝麻蛋白燉奶芝麻+蛋白燉奶呢個配搭出奇地夾,  首先吃面層的蛋白， 很滑，很香蛋味。之後再撈埋芝麻糊食，充滿芝麻味,味道濃郁，又不會太甜，吃了一碗都不覺得膩。合桃蛋白燉奶燉奶依然很滑味道,但味道比較淡 質地好似比以前黎食既時候稀左D(定係錯覺呢??)總結而言:同十年前既味道都冇乜大變,$$都好似係加左幾蚊..希望可以KEEP到下去

一年一次既觀音借富後，同三五知己又未想返屋企但飯又食落革喎！三更半夜最好食個糖水😋肥就肥啦🙊🙊試左三款糖水，三款都唔錯👏🏻😋 芝麻糊芝麻湯圓芝麻fans要試！芝麻綠豆最出名既係黑芝麻製品，喺門口已經見到有人親手磨黑芝麻，全店都聞到濃厚既芝麻香味❤️ 呢個芝麻糊再加上芝麻湯圓，不二選擇。芝麻糊入口香滑，味道濃郁，芝麻湯圓大小剛好，又不會太甜，吃了一碗都不覺得膩。😋 蛋花馬蹄露 因為好食既馬蹄露，其中馬蹄必須新鮮去皮，然後即處理煮用，才可保留其爽甜口感。但此工序非常費時，難免馬蹄露已經係大部份既糖水店續漸消失了。爽甜既馬蹄加上蛋花芡汁，絕對係夏天既一個好既選擇❤️❤️😋 芝麻蛋白燉鮮蛋又一貪心人選擇，又想食先芝麻糊，但又想食燉蛋，咁就可以揀呢個，呢個配搭出奇地夾❤️

尋晚 同老婆仔 去咗呢間芝麻綠豆 食糖水。當時大約9點45分。 好多人！因為星期六黃金時間個個食完飯去食糖水。去到四眼哥仔叫我哋快啲坐低， 然後走咗人我哋準備點糖水但係冇餐牌。 我叫 四眼哥仔麻煩攞個餐牌,點糖水。 佢望下我唔出聲，跟住走開因為要去咗執枱， 準備下一個入嚟。所以我地只好慢慢等，希望佢得閒會記得我哋。 10分鐘後 ，我哋望下佢， 佢醒起我哋嘅存在。 跟住我個餐牌嚟了，算數明白的！ 黃金時間食糖水， 啲客快啲入嚟， 搵錢-最重要。我哋兩 老公婆睇完餐牌，結果都係叫佢出面寫嗰主打菜 芝麻燉蛋白。 可能四眼哥仔都估到我哋係叫呢樣嘢所以拿餐牌 遲啲冇所謂。 佢目標只想爭取時間有幾多客拿幾多客入來。( 好夥記， 老板請到你係佢嘅福氣。Well done Boy)芝麻燉蛋白...喺枱面已經有instruction 教你點樣食.燉蛋不會太甜夠滑， 芝麻糊 一般般冇乜特別。 但係我覺得甜咗D。結論可以！ 唔太差一般！食完我哋兩個拿拿臨即刻走.唔好阻人發達😀.

今日做完正經野，黎到紅磡，咁岩經過附近，緊係去芝麻綠豆，食番碗糖水啦睇番menu,其實真係唔係話太多選擇，但正正有我想食既喳咋睇番碗喳咋，真係好足料......有咩咁足料？平時一碗喳咋真係得喳咋，但呢度既喳咋就正啦（入面已經有湯丸，芋頭，蕃薯），仲點係唔洗再加錢，抵食都唔係太重要，最緊要都係要好食（唔係比哂你食，唔好食都無用）講番碗喳咋食落口香味十足，甜度適中，所用既椰汁都有椰汁味（真係試過椰汁係無椰汁味），而且蕃薯同芋頭都整得好淋同好入味，唔會話好硬同無味，仲有佢用既芝麻湯丸都十分軟滑，值得推薦喳咋 - $25最後好似唔夠喉，食多個薑汁湯丸，仲點想試下佢個薑汁，湯丸照舊軟滑，薑味十足，但食落就好像有點苦味，所以只食了湯丸便算了

今晚人客多啊，試了紅豆沙燉奶（不過不失，始終粒粒紅豆會較好，這樣燉奶味會更突出）但配上蓮子加了口感、楊枝甘露，有幾粒芒果肉及柚子（不太甜啱我，外面的通常是糖水=糖加水做的芒果味甜品🍮）、糖不甩（要沾滿自家打磨花生🥜碎才好吃）、及養顏蛋白杏仁茶（好香杏仁味）

同老婆睇完演唱會經過黃埔，見10點幾諗住食碗糖水。其實本身想番九龍城食，後來見到呢間有熱喳咋 所以決定係度食。喳咋稀得好離譜，d咋真係要海底撈針咁筆上黎 d豆,咋 應該加加埋埋得一湯匙。另外叫左碗薏米銀杏腐竹糖水。一樣稀到好似飲湯咁。又係要海底撈針先食到d薏米。兩碗都好甜。平時好少寫食評 但係實在太離譜 不能接受！本身睇完演唱會好開心，但係比呢兩碗’糖溝水’破壞左我地既心情，浪費左我地15分鐘時間去等。好在佢喳咋有三舊大芋頭, 薏米腐竹又加左蛋 粒蛋都幾大粒。如果唔係真係入去比51蚊買碗加糖既水

<跟女朋友吃飯系列•三十三>在附近吃完晚飯，尙有肚餓的感覺，就決定去吃甜品！芝麻綠豆屹立在紅磡多年，受到一班街坊和明星支持！餐牌有很多選擇，但主要是中式。我和女朋友挑選了1）雪耳杏仁露；2）川貝桂圓甘筍燉蜜梨。先來了雪耳杏仁露，真的很好吃，首創的白芝麻配上杏仁露，配合得很好，已經想給90分！杏仁味道很重，絕對沒有偷工減料，後來了川貝桂圓甘筍燉蜜梨，料很足，且十分甘甜，用來滋潤喉嚨是一個佳品！此甜品店絕對是一所出色的甜品店！

去紅館前 順便去芝麻綠豆甜品屋（就在黃埔站A出口附近，十分方便） 演唱會crew常來幫襯 今晚一人吃3碗 必叫芝麻蛋白燉奶 （燉奶好香，家人略嫌芝麻味不濃，而我反而喜歡這種淡少少）、養眼蛋白杏仁茶（非常濃的杏仁味，食完一段時間都仲感覺到咀裹的杏仁味道）、 合桃蛋白燉奶（我個人喜歡覺得合桃比芝麻多） 燉奶食法都有講究的 超抵食呢 應該是會去開黃埔/紅磡都會來）