意粉屋 (新城市廣場一期)

Open Now

Now Closed

好耐冇去過沙田呢間搬咗位嘅意粉屋，而家搬到7樓感覺舒服啲，我哋叫咗一個BB仔豬仔骨，三個湯，蒜蓉包同埋一個墨汁帶子意大利粉，個豬仔骨有煙熏味好好味，但其中一個朋友唔喜歡，個意大利粉都唔錯，不過三個人來講，只有兩個人食個豬仔骨就是太多了，原先打算三個人平均分就差唔多，整體感覺不錯

小朋友放學已經是晚上8:15，由灣仔趕返沙田食Spaghetti. House開餐由於堂食close 10pm, 好彩趕到last order最想食之醬燒原條丹麥豬仔骨（350g)配薯條🍟、烤菠蘿🍍青椒原本想點710g份量多d, 大慨每人3條ribs不過太夜唔想食咁多單叫710g 都要$260，套餐較抵😄珍寶雜錦薄餅意粉屋炸物拼盤$68 （宵夜時段優惠）波士頓龍蝦湯，偏咸唔想點套餐之原因之一點餐後10分鐘便陸續有食物，全部都係熱辣辣所有食物都好味除左湯，呢間係食過最有質素，故此係香港飛返嚟食😅平時都係7點零食飯，原來有宵夜時段優惠；我唸過咗8:30pm.

呢個份量係同一個大人同埋一個小朋友，2女1小童，已經非常夠飽！首先講講我嘅人對the spaghetti house嘅ribs真係冇嘢講，肉嫩汁多，每次黎我都會點呢個ribs。然後就係忌廉天使麵，天使麵真係全世界最無敵嘅麵，因為好幼所以好索味，非常入味，所以天使麵都係我必點嘅。最後今次點多咗個薄餅，味道中等，就係普通薄餅嘅味。總結係必點ribs同埋天使麵必點就冇錯！

同朋友都鍾意食意粉屋既TEA SET🥪比晚市抵食好多連埋加一，大概$100左右有酥皮湯，主餐，同埋飲品🥘🍯🍹-平時晚市點個酥皮湯都大概$70-80。所以如果想過下口癮似酥皮湯，又想抵食啲，咁就要Tea time 去意粉屋喇🥳

遲來的食評，新城市有好多西餐揀，今日就選擇咗好耐冇食嘅Spaghetti house，原來佢已經由最底個層搬咗上最高個層，成個裝修都唔同曬。仲有位置俾等入座嘅客人坐，值得一讚。今日就食咗龍蝦意粉，龍蝦厚肉彈牙，好味

喺商場行到攰，當諗唔到食咩嘅時候，同朋友通常就會決定去食意粉屋。而今次嘅表現亦都冇令我哋失望，除咗有必食嘅雞翼之外，今次仲叫咗好多其他嘅主食。有ribs、辣肉腸pizza、芝士菠菜，同埋螺肉。但最估唔到嘅係，今次最令我哋喜出望外嘅竟然係雞翼！ ！ ！一咬落去啲汁就滭晒出嚟，再加埋佢配嘅honey mustard，好耐都未食過咁好食嘅雞翼啦！相反，個豬肋骨今次真係差少少，可能煮得太耐，啲肉質有少少乾，而啲汁又唔係好入味，可惜可惜⋯⋯⋯

放工來到7:00左右，忘記了預先用app拎飛兩個人最後等左半個鐘左右有位芝士火煱本來好吸引的套餐唔多唔少咁似下午茶既份量最後選左二人餐因為想飲酥皮湯，只有這餐有兩個湯套餐是龍蝦湯加錢加了酥皮湯濃，咸咸的，ok!酥皮當然保持手準燒排骨併炸薯條，燒菠蘿🍍排骨，多肉👍🏻切開後，肉沒有散開千層面份量好足面做得剛好，和肉醬合一芝士香⭕️全店職員戴上口罩 ⭕️提供酒精搓手液 ⭕️座位間有透明膠板相隔 ✅提供紙飲管

今日諗住係去沙田踩單車架，但實在爆曬，所以改變左計劃。行行下肚餓，見呢度冇乜人排隊所以揀左佢。我都係第一次食意粉屋，套餐我覺得ok，一個set有麵包、湯、主菜同飲品。個麵包，好難食，食過咁多間美式餐廳，都係Outback個黑糖麵包最好食。湯正正常常冇特別。要讚個沙律同焗通心粉。沙律另外散叫，好足料，配搭都好好食，食左半份已經飽飽地。焗通心粉好邪惡呀，你見咁多芝士就知幾邪惡，成餐最滿足係食佢。茄汁意粉正常野，冇乜大特別同驚喜。成餐飯ok啦～呢類型嘅餐廳都係食午市比較抵食，晚餐嘅對我黎講貴左啲。咁多同類餐廳，我都未必再回頭，除非真係冇得揀。

放平日假, 少少人, 出沙田行下. 想搵間舒服d , Hea 食Tea. 意粉屋由地庫搬上7樓, 差d 搵唔到, 搬到最入食店. 感覺太了很多, 光線也充足不少, 裝修比舊店warm 一點了.近幾年意粉屋Tea Set 貴了很多, 當然選D 出面少食, 又值得的d Tea Set 食 la. 原來無咗意粉配酥皮湯. 如果要飲酥皮周打海鮮湯, 可以Tea Set 另加$15今日選了 Set A 悠閒下午茶拼盤 (包括: 檸檬雞翼, 黑松露煙三文魚碎蛋酥盒, 烤薯條, 風乾火腿沙律) $85, 我最欣賞係濃濃的黑松露味, 一入口的香脆酥, 完全無hea 住俾客, 再食少少沙律菜, 清清口, 再食雞翼, 煎焗出檸檬香味, 減少油膩感, 可惜, 薯條唔夠熱和香脆. 再選Set B 周打海鮮湯天使麵 $85, 大大碗上到枱, 飲一口湯, 好creamy, 麵質煮得剛好, 海觧份量也剛好. 用會員咭優惠, up-grade 轉飲熱檸蜜, 另一杯凍咖啡. 我見旁邊枱有位小姐, 叫了Set 2 貢多拉煙三文魚 . 牛油果 . 碎蛋三文治, 超大份啊. 睇起好新鮮, 下次我要叫嚟試試 2個人當然食唔曬併

限聚令底下座位減少等咗一小時三十分鐘終於可以入到去小朋友要等到不耐煩先做一個兒童餐畀佢兒童餐顏色豐富色彩繽紛小朋友最鍾意大人就叫個酥皮湯做頭盤酥皮好香牛油味再叫一個洋蔥圈做小食炸到脆卜卜之餘又唔會覺得揸得太燶跟住叫咗個意粉味道正常不過最特別嘅係我叫佢加啲芝士粉畀我佢充滿誠意搵條友揸住嚿芝士喺我面前刨最後就叫咗個墨汁海鮮意大利飯唔知係咪意大利飯都係要煮硬飯海鮮味好香不過真係好硬咬落去好似食生米咁意大利飯我食親都係有呢個感覺究竟係佢煮得硬定係真係一個傳統🤔整體都係坐得好舒服味道亦都唔差賣相亦都唔差

好耐無食過意粉屋啦，今次同朋友兩個人黎食晚餐我地分別叫左3樣野：海蝦牛油果沙律、意粉屋招牌炸雞伴脆薯條同煙味燒烤腸鮮白菌意大利粉（意大利茄醬）首先，個海蝦牛油果沙律好大份，好足料，牛油果勁加分，個底仲有好多quinoa加埋個沙律dressing，簡直正！個意粉呢就正正常常，d料都好夠，意粉都煮得啱啱好，唔會太林或太硬另外，個炸雞配薯條，d薯條好新鮮、熱辣辣，好脆丫😄d炸雞既雞肉都好滑嫩，一d都唔會炸得太乾，係幾好食既美式炸雞，點埋茄汁簡直一流

2020年6月26日最近意粉屋推出了風味海鮮盛宴，當中包括意式海鮮拼盤$198 丶香蒜白酒蜆扁意粉$128(會員優惠價$98）丶刁草檸檬帶子海蝦意大利粉$158丶冬蔭忌廉汁燴加拿大藍青囗．蒜蓉多士$98丶西班牙海鮮飯$168、芝士焗原隻波士頓龍蝦鮮製麵$268。同埋有2人套餐丶1人套餐。當晚點左風味海鮮盛宴二人套餐，仲點左千島樂園Pizza 丶芝士焗龍蝦帶子天使麵。呢個二人套餐有2碗森林磨菇忌廉湯、意式海鮮拼盤丶雙重芝士焗海蝦·蟹肉意大利粉，仲包飲品2杯。價錢係$368 ，而會員可享85折優惠。呢個套餐幾抵食，全部都唔錯，服務態度好。

終於的起心肝，寫我嘅第一篇食評！記得當日週末和朋友睇完戲，想找一間企理的餐廳食午飯，於是我們就來到了新城市七樓覓食啦！行到走廊的盡頭，見到意粉屋，心想已經有好長的一段時間冇幫襯過喇，就抱著一試的心態進去了。那時約莫中午12時半左右，人流並不是十分多，不用等位便直接坐下了。侍應都十分殷勤的幫我們倒水和點餐。我們點了兩份lunch set. 一份是芝士肉醬長通粉，另一份是海鮮黑松露意大利飯。每份餐都配備餐湯和飲品。端上來時都是熱辣辣的，非常好味！我們在意粉屋度過愉快的午餐時光！感恩呢！

見到意粉屋afternoon tea好抵好吸引，於是同閨蜜試試佢。我哋分別叫左廚師經典推介嘅休閒下午茶拼盤同十大人氣熱選之一既巴馬臣芝士肉醬意粉。每款套餐均配即磨咖啡或茶，另外可以升級體驗加$15加配酥皮周打海鮮湯。休閒下午茶拼盤有檸檬雞翼，炸薯條，風乾火腿沙律，黑松露煙三文魚碎蛋酥盒。一上枱賣相已經好吸引，每樣小食味道都唔錯。以價錢來講可以有四款唔同小吃，都算係高質之選。巴馬臣芝士肉醬意粉（牛肉）鋪滿左大量芝士同好多肉醬，味道香濃。但意粉分量略嫌少，最後淨返好多肉醬。整體來講，作為下午餐，意粉屋既afternoon tea係超值之選。加上環境都好開掦光猛，兩個女仔食下野坐下慢慢傾計，都好舒服。

一直都好鐘意食意粉屋既下午茶，抵食又大份，年頭唸著去食，點知圍晒版內部裝修😭無得食，今日瞓醒突然想起佢，於是就搭車去食😋今日食佢既午餐，每次都唔介意加$飲佢既酥皮湯真係好好飲，野食都好好味，餓住搭車過嚟真係值得，超滿足呀