The Starred

Open Now

Now Closed

7pm落order, 叫兩個餐，餐湯餐包兩、三個字送到，但主菜等好耐，超過半個小時，個豬脾意粉7.40pm先到，7.45pm同個男侍應追個肉眼扒，佢check機後話有落單，等到8pm個女侍應走來話個肉眼扒有問題，廚師嘗試救救唔返，提議我地點過其他，唉，煎扒有幾難喎，最容易同快手，為何等左成個鐘先來說？再落單又唔知等幾耐，立即埋單走人😤😤這間野食物ok，不過服務麻麻，同埋趕時間就唔好食呢間，分分鐘唔夠時間食！

經過筲箕灣，給這間餐廳的復古歐洲風格吸引，所以特地進去試試他們的西餐。 中午餐牌的價格1XX起跳再加一, 午餐來說並不是走平民路線。 點了一客紐西蘭牛扒，有湯麵包和餐飲咖啡。 湯是什菜湯， 味道很好， 所以對主菜牛扒十分期望。 牛扒我點的是五成熟， 送到桌面的也大概是五成熟廚師的火候沒有問題， 問題是牛扒卻一點肉味也沒有而且肉質也較鞋身， 明顯用上的是非常平價的牛扒，令我大失所望。 朋友點的是180元的封門柳，同樣地亦對牛的質素搖頭嘆息。 埋單平均消費170, 卻如此質素，確實心有不甘。

Happy Friday 所以同朋友去遠少少食飯 筲箕灣「The Starred」 好有情調 高樓底 水晶吊燈 棕紅色嘅卡座 一磚一瓦 都別具特色 珍寶意式雞扒 · 烤雙重芝士· 義大利番茄蓉· 羅勒香草醬 $110碟咁大嘅雞扒 上面鋪滿芝士 焗到微焦 芝士焦脆口感 鹹香 雞扒焗完依然鮮嫩多汁 番茄蓉嘅酸 幫雞扒大大加分 意粉嘅份量同雞扒 一樣咁多 軟硬度啱啱好 仲帶有橄欖油嘅香味 好食香煎挪威三文魚·蜜糖芥末籽忌廉汁 $140三文魚夠厚身 香煎過後 完全唔腥 切開三文魚仲帶有光澤 同水份 醬汁部分 蜜糖芥末忌廉 甜甜地同魚好夾 夠曬特別 美國頂級西冷牛排（約10安士）· 白松露有肉汁 $24010盎司西冷 脂肪含量同油花都比較少 取而代之就係 濃郁牛香 肉質鮮嫩 多汁 下次可以叫5成熟 咁就更加完美啦 芝士餅 Cheesecake +$15濃郁芝士香同奶香 作為飯後甜品 絕對要試紅酒 +40 （餐飲轉紅酒）晚市 跟 日餐湯 自家制義大利香草麵包 同埋餐飲（咖啡 茶 果汁） 可能係筲箕灣最親民 味道又好嘅西餐 可以多啲同情人 朋友撐檯腳

🎈The Starred (筲箕灣)🔍筲箕灣筲箕灣道333號樂融軒地下4號舖-----今晚👶🏻咁啱到筲箕灣有事情要辦，辦完事之後就順道係呢一帶覓食，係街上行咗一陣🚶🏻‍♀️就被呢間古歐式裝修風格嘅西餐廳吸引咗，本來齋睇環境以為價錢一定唔平，點知睇完餐牌先發現佢地嘅晚市套餐價錢非常實惠，大部分嘅餐點，包餐湯、麵包、主菜同飲品，加埋一都只係百零蚊左右（酒類飲品要另外加錢），整體感覺有d似超抵版本嘅張敬軒仙后餐廳。-#香煎孜然豬仔髀配蜜糖芥末籽忌廉汁$128：的骰可愛嘅豬仔髀🍖，每隻大概有2/3嘅手掌大細，一碟有5隻，骨細肉多，質感嫩口彈牙。咬落散發陣陣孜然幽香，蘸點少少蜜糖🍯芥末忌廉汁則更添風味。😋-#美國豬梅肉伴西梅燒汁（$150）肉質較實，質感有啲似五香肉丁，西梅燒汁味道頗濃烈，單食有啲重口味，配搭意粉或者飯會平衡得較好，相比之下個人更愛上述嘅香煎孜然豬仔髀 。🐷-#香煎格蘭陵比目魚配意大利茄蓉醬（$138）比目魚皮脆肉鮮，意大利茄蓉醬則可以選擇辣或者唔辣，B仔就揀選左前者，辣味茄蓉醬內有粒粒原個番茄仔，誠意十足，味道酸酸甜甜得黎，又不乏個性，辣勁惹味醒神，為整道菜式起咗畫龍點睛嘅效果。

/The Starred 人均💰200‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧行過筲箕灣，被依間外表復古既餐廳吸引，行近先發現係西式扒房，身為食肉獸既小編當然要入去品嚐下啦。/套餐M 美國頂級西冷牛排💰240 7⃣️點5⃣️分牛排處理是七成熟（可自選），鮮嫩又凸顯到牛本身厚重感覺，而且帶有咀嚼感。肉汁豐富而且有層次感。/套餐L 美國安格斯牛封門柳伴鮮菇燒汁 7⃣️分 💰180 7⃣️點5⃣️分牛肉味道散發周圍同埋佈滿你舌頭，好似被牛群包圍。肉汁豐滿而且肉質厚實，唔錯。而蘑菇雖然是配菜但係處理得好妥當，冇燶味，唔苦，火候啱啱好。/餐湯及麵包 7⃣️點5⃣️分小編選擇羅宋湯。湯的味道酸酸甜甜，看上去不是黏稠的感覺但卻很入味。餐包是走鬆軟性質的，這個餐廳的餐包可以無限fill之外，還可以配搭黑醋食用。/餐飲7⃣️分餐飲都幾多選擇，小編分別叫左石榴汁同埋菠蘿汁，杯大細尚可，而兩杯果汁味道都幾fresh，唔會話好甜但係還有水果味。/沙律 + 自家製芝士餅💰38 + 40 8⃣️分沙律新鮮爽口，上面鋪滿果肉粒取代左麵包粒，所以食落去好清新。而芝士餅都好好味，濃郁得黎又有奶香味。

餐廳走懷舊風，水晶燈、褐色皮疏化、木製牆身窗框、白紗窗簾、經典英文老歌，真係好似時光倒流咁。雖然花心思裝修佈置，但晚餐價錢都算平民，大多數都百幾蚊上落，難怪平日夜晚都full house。晚餐都幾多選擇，有十幾款，同樣嘅套餐喺lunch time都有供應，價錢係標價嘅八折。麵包配橄欖油同黑醋，黑醋酸中帶甜易入口，平時唔係好鍾意食酸嘢嘅我都覺得好味。麵包唔夠食仲可以添。是日餐湯係洋蔥清湯，裡面多甜洋蔥又清清哋，飲完唔怕有口氣。我哋跟餐+$30有凱薩沙律，好大碟。主菜【香煎挪威三文魚•蜜糖芥末籽忌廉汁】個汁香甜好味又creamy，三文魚肉嫩多汁，三文魚皮煎得香脆，加上個蜜糖汁，有啲似燒雞翼嘅雞皮咁好味。【美國頂級西冷牛扒(約10安士)•白松露油肉汁】頂級西冷扒好juicy，肉味香濃。用白松露油做汁比較少見，比起黑松露味道更「內斂」，唔怕搶走肉味，有心思。兩個主菜我哋揀咗【月桂花蜜焗南瓜及香蒜薯蓉】做配菜，香甜蜜糖味嘅南瓜真係第一次食，幾特別。餐飲都有特色飲品，【熱鮮橙茶】係甜橙，飲落微酸微甜，消脂解膩。【石榴汁】就健康之選。最後點少得甜品，跟餐半價$15有【自家製紐約芝士餅】，軟滑香濃芝士

每次行過都有留意哩間係轉角位既餐廳，以木系為主調，感覺好懷舊，今晚終於入去試下dinner先，裏面以高身既卡位座為主，座得好舒適😚天花板有水晶吊燈，感覺好高級🤩嗌左三嗰set😚配餐湯，兩紅湯一白湯，而且麵包係仼fill既，意大利麵包好鬆軟😋🎈寶雲酥芥茉醬，法式羊扒，配炸薯角❤️首先肉質相當軟嫩，既香嫩又多汁，完整地鎖住哂啲肉汁，羊架兩面煎到微微金黃色，唔需要再加其他醬料，香味迷人，羊肉帶有一些些的騷味，係我鐘意既美道，好滋味🤩🤩🎈鐵板厚切美國豬梅肉配西梅燒汁，揀左薯蓉，豬扒好大份，同手掌一樣，啖啖肉，相當鬆化入味，仲好Juicy，夠唒肉汁，肉質相當鮮嫩多汁，完全無骨位😋濃濃嘅豬味，油脂撲鼻☺️ 🎈美國頂級牛封門柳配鮮茹燒汁，配月桂花蜜配南瓜🎃拼紅糙米飯🍚牛封門柳係橫膈膜相連既一塊肉，所以食落口感好好，好彈牙，牛味好濃烈，面頭煎得香脆，切落肉質都仲係粉紅色，完全無over cook到，好滿足😋月桂花蜜配南瓜🎃煮得好入味，平時唔食南瓜既我表未興奮😝🎈餐飲要左熱鮮橙茶，好特別，又清新🤗🤗再嗌左杯石榴汁，fresh呀🥳🥳🎈食埋嗰cheesecake真係無得輸，嗰cheesecake仲好食過我岩岩生

話說，之前食過兩次(晚餐同下午茶時段) 都覺得好味又抵食，所以有時都心思思想再試下，話晒個餐牌有咁多選擇，可能仲有正野未試到，所以又黎食喇，今次係假日既中午十二點。職員表示用膳時間有一小時十五分鐘，無人可以繼續坐。我地對佢既湯好有信心，之前飲過蝦湯，紫椰菜湯都好正，今次就試紫心蕃薯湯。果然無失望，好正，好香蕃薯味好creamy, 鹹度剛好，個色好靚，食欲大增！上次試過燉牛面肉，今次試燉牛尾。牛尾入晒味，但有略嫌個汁底太鹹，那實左 d肉。伴碟紅蘿蔔亦煮得足時間。我跟糙米飯，唔係咩特別節日都有個心型同埋隻碟都好靚！朋友食豬鞍，好大碟新鮮有肉味，可惜部份位置略鞋！個汁正常。朋友配意粉，用橄欖油煮過。提外話，我本時有補充唔同既初榨冷壓油，其實適當地補充優質食油，對身體真係好有益處嫁！講番個意粉質地ok 既，但個橄欖油就唔夠果香喇。我地兩日食左半碟到，職員已經遞上牙簽盒同寫餐飲，飲品到時枱面差不多都唔夠位放。講真，百幾蚊一個lunch, 想坐耐少少。今次選既食物無之前咁驚喜之餘，而且有些被催既感覺，所以，原來唔同時段黎客人既感覺係會唔同既，今次就扣 d分喇！

見到間餐廳外面好似幾靚，所以同朋友入咗嚟食，但完全好失望。個餐湯正常罐頭湯無乜特別，但唔太熱。餐包就好少少，都叫熱熱地，同可以refill。主菜叫咗牛柳，五成熟都勁韌切唔開，個汁隻味仲要好奇怪好似餿水，好難食。朋友叫咗三文魚，個皮煎到燶咗好苦，啲肉好老，簡直係人生中食過最老嘅三文魚肉配菜叫嘅薯蓉都ok連個餐茶橙茶都好淡、無味⋯⋯今餐都每人差不多160，咁嘅價錢喺筲箕灣可以食到好多好嘢食，下次唔會再嚟

之前成日經過都無機會食, 今晚終於的起心肝訂咗位, 好彩有訂位~ 如果唔係至少要等一個鐘😅因為有訂位, 所以唔駛等就即刻可以入座, 被安排坐咗喺窗邊我哋分別點左慢煮牛面珠墩, 同埋雜扒鐵板餐~本身跟咗餐包同餐湯, 香草味餐包上枱嘅時候係熱嘅👍🏻👍🏻而且好鬆軟~ 餐湯分別點左洋蔥湯同埋蕃茄湯, 洋蔥湯超級好飲! 好多好多洋蔥好足料好甜~!! 個番茄湯都唔錯, 都係好足料, 感覺好清新👍🏻慢煮牛面珠墩, 啲牛肉煮得好霖好滑, 好食!雜扒餐個鐵板真心熱! 食到尾段D扒都仲可以keep住個溫度~最後叫埋甜品芝士餅同埋熱咖啡加凍香橙茶, 作為今晚完美嘅句號。P.S. 見到前面有幾篇都話啲 waiter/ waitress無乜禮貌, 但係我哋今晚遇到嘅人服務態度都好好! 換碟速度好快, 主動問我哋要唔要添餐包, 我哋跌咗餐紙巾又即刻為我哋補上新一張, 我覺得值得一讚❣️

因為上個星期五食左間又貴又唔好食既西餐，今個weekend決心要搵番間隱陣野去平衡番，所以，我地再次諗起呢間！由於係即興，我地無book位，去到前面有6張枱，店員留左我地電話，話有位call我地。咁幾好丫，我地係附近行下，大約45mins就call我地。好多選擇呀，有午餐同下午茶，視乎你幾餓同咩野岩食，有好多野都好特式。我地都諗左一陣，最後叫左個午餐N既燉牛面肉配意粉同下午茶C煎魚配焗飯。午餐先跟湯同餐飲，下午茶只可二選一，都合理既，個下午茶先 $45 蚊焗野等耐少少，上次黎係夜晚，日頭黎又係另一感覺，好光猛好開揚，仲播d 懷舊英文歌，環境好正~ 覺得間餐廳好有品味！餐湯有羅送湯同紫椰菜忌廉湯，後者特別d，就叫黎試下啦。個紫色靚到不得了，飲落去飲到d椰菜蓉，好健康咁！麵包又係咁鬆軟，配埋枱面既橄欖油同黑醋，好正呀，麵包仲可以添食，實夠飽燉牛面肉好林身，d筋入口即溶，肉既部份唔係話煮到霉晒，仲有一絲絲肉既纖維，但又唔會un! 唯一人調味較淡身，有少少牛既so味，我地自己點左少少枱面既黑醋，估唔到又夾味，少少咁多酸味，會無咁漏！呢碟焗魚都好有驚喜！飯量岩岩好，咁既價錢，竟然比我係上面見到有

This restaurant decorated is like those old HK style restuarants in the colonized days. Surely it has retouched. The bread is home made with a pleasant roasty aroma. Serves with oil and vinegar. I like a generous amount of vinegar. Butter is served on request. Soup of the day is beet soup. I like creamy texture of it. Grilled Jumbo Chicken Steak Topped with Parmesan CheeseMy partner ordered this grilled chicken. honestly honestly the sauce tastes like a tomato spaghetti in a cha chen teng. The c

初開業時已食過下午茶丶晚餐，覺得品質幾好，價錢合理；今日再嚟下午茶，可能呢排太多人放假，人流多咗，平日過咗兩點，竟然要等位。當前一枱客人離席，店員會先用消毒紙巾抹各座位，之後先安排客人入座，每張枱上都放有一支消毒搓手液可供客人用，幾細心。燒紐西蘭西冷牛扒(薄切) 配炒蛋及炸薯角 $42薄牛扒比之前食過嘅厚咗少少，肉質略有少少榎，但味道係唔錯嘅，呢個價錢來講性價比都算ok烤芝士•香腸•秘製BBQ醬 配意大利香草麵包兩片 $45失望，份量比預期少，味道普通，係個意大利香草麵包較好味，點埋佢個黑醋橄欖油仲正最滿意係呢度嘅咖啡

巳經多次經過都被裝修設計吸引到，但一直無去試，今次專誠去一次試食，一入到去侍應非常親切有禮貌，見到餐單亦都覺得好有意思，當食物嚟到嘅時候包括外觀都相當吸引！重點來了，先來即磨咖啡味道非常香濃，糖甖亦相當精緻，令到我都不忘拍張相給大家！之後餐湯來到亦是惡夢開始，我們二人叫了兩份午餐！其中一份要了餐湯，雜菜湯。1. 雜菜湯淡而無味，一碗水煲埋加三碗水溝起咁極淡！再來(雙重芝士 意式蕃茄蓉醬 煎美國穀飼去骨豬扒 意大利粉) 份量少，豬扒乾硬！2. (燒紐西蘭西冷牛扒(薄切) 伴燒汁 配 蕃茄雜菜湯意粉) 西冷牛扒木砧板上，賣相相當好，但牛扒凍的，乾硬，比BBQ凍肉店買的更差！ 湯意粉暖的，還要是徧凍的暖，都是一碗水加埋三碗水溝起，淡如水！ 全餐唯一能贊的只有咖啡☕️😪失望至極！ 沒有下一次機會！浪費時間！從來無試過岀食一間餐廳可以差到咁，比茶餐廳更差！

本身打算去一間叫激x燒肉去吃韓國燒烤的，但是實在太多人了，本身大概7:00到的，由於忘記book 位，說要等到九點就不等了...因為行得太攰，而咁啱經過呢一間食店，紅色的裝修很漂亮，在大街位置也很搶眼，就進去了，不過原來係一個伏！我們要了兩個餐，一個英式獵人雞，另一個是什扒餐。一個是配紅菜頭忌廉湯，另一個是蕃茄雜菜湯，兩個餐的肉類都只有一個字，亁！不單是沒有juicy 的感覺，口感也非常乾，沒味道，就是乾!!!!! 😐😐 餐飲中的朱古力賣相非常好，怎料原來是啡色的水！是水味！沒有一丁點朱古力味，遠遠不及任何一間茶餐廳嘅快餐店，真的犀利😑😑這餐唯一可以吃的就是麵包及湯，配菜也算可以吧！還有我加$15要的甜品芝士蛋糕🍰也算不錯。服務方面，店員不會主動拿水給我們，沒有很熱情但也不是太沒有禮貌的，不過不失吧。噢還有，我們被安排的位置離廁所門口差大概一步半吧😦不知道還有什麼餐廳可以有這樣出色及貼心的安排🤪雖然價錢非常實惠，但是性價比真的佩服佩服！