The Starred

Open Now

Now Closed

唔洗用Google Map都搵到呢間餐廳，事關佢嘅門口已經相當有懷舊西餐廳嘅特色，入到去嘅裝修都係一致咁行懷舊路線。食物方面以扒，意粉，焗飯等嘅西餐為主，下午茶時間去到仲好抵食肉眼扒（薄切）配炒蛋，意大利香草麵包雖然個餐只係$42，但係扒同炒蛋嘅份量都唔細。肉眼扒煎得太熟，不過牛味濃郁。食完成個餐都飽到晚餐都唔洗點食。值得一提跟餐飲品凍飲都唔洗加錢呢間平民西餐廳坐得舒服，價錢又抵，下次要黎試下佢嘅lunch或者dinner

早上去完石澳游水出返嚟諗住依下個肚，咁就走入去望下個餐牌叫咗佢餐牌最貴嗰個牛扒餐$230，當時佢問我幾成熟，我就話3成，一上到枱, 我見到隻碟底以為係血，一揭開塊牛扒原來下底有幾舊紅菜頭，點不知我切極塊牛扒都切唔開，哩次弊傢夥，頂佢個肺差不多八成熟，堂堂一間扒房會有如此咁差嘅出品，講真真係衰過大快活鋸扒，真係一次冇回頭，都唔知點解夜晚咁多人係門口等位，咁應該啲人都係食佢嗰幾盞水晶燈, 對如此烹調質素咁低嘅食客都能夠接受這樣, 真係無話可說

近一年都食咗好幾次，九成係晚市，10安梅頭第二次食但上回係正價$150全餐 ，但今次係1至5先有的特價$88，同正價水準一樣，無失望。服務態度：過咗午市好少客，但做咗好耐果位女侍應都叫咗俾柸水，隔咗好耐佢明顯已忘記了，要再追先有。環境方面：全部高卡，舒服，有私隱度。食物質素：🐷梅頭扒，正juice, 肥瘦適中，我相信先慢煮後再煎煮所以雖然厚但都唔會老。羊架，重羊味，唔鐘意羊味就真係唔好食，夠肥有肉。性價比：如果食10安梅頭🐷就高，其他就低。$180羊架我覺得好普通。總結：每季我都來一次，所以都一定會再來 但只此一間，北角果邊果間聽朋友講唔掂，可能係Cook 出事。好味指數

歐陸風格的裝潢，單是門面已經很自然感吸引到人內進，吸睛的水晶吊燈，沿店有透明的玻璃大窗，透光度很足。雙重芝士意式蕃茄蓉醬煎美國穀飼去骨豬扒焗紅糙米飯 - 去骨豬扒肉質軟腍，完全不會榎口，特別喜歡除了意式蕃茄蓉醬，還加上車喱茄一起焗，令整碟紅糙米飯，更有層次，味道更濃！雙重芝士蜜糖芥末籽忌廉汁煎魚柳焗意粉  - 蜜糖芥末籽忌廉汁很開胃，魚柳經過微煎，魚肉底面都有蛋漿包著，令魚肉不易散開之餘，亦更香口！這裡的即磨咖啡是我每次必點的

📍The Starred 🇭🇰香港筲箕灣筲箕灣道333號樂融軒地下4號舖🇭🇰Shop 4, G/F Harmony Place, 333 Shau Kei Wan Road, Shau Kei Wan, HK🌐筲箕灣味道: 👅👅👅👅賣相: 👀👀👀👀價格: 💰💰💰💰💰服務: 👨🏻👨🏻👨🏻👨🏻環境: 🌹🌹🌹🌹性價比: ⭐️⭐️⭐️⭐️回頭率: 🔆🔆🔆🔆人均消費：HKD162筲箕灣地鐵站附近有一間門面比較靚的扒房，同區西餐選擇比較少，是那一時，想不到性價比此高！ 餐牌選擇都算多！前前後後都有20多款晚菜式，價錢亦不貴，平均都是$120至$130左右座位坐得舒適，餐廳環境帶少少歐陸風格，但其實仔細一看，到時很多不同風格的裝飾物放在一起，感覺有點像懷舊港式加歐陸風🤣餐前麵包十分好味，最意想不到的是餐湯！我們點了一碗羅宋湯，另一碗我不太記得是什麼蔬菜湯，看似十分清淡，但喝下去十分似法式的洋蔥湯，愈喝愈好味！⭐️美國牛封門柳7oz·鮮菇燒汁🐮$180本來想是肉眼扒，誰不知見到有封門柳又好想食🙊一隻牛只有一條封門柳，是橫膈膜旁邊的一條肌肉，肉質嫩滑口感一流！封門柳煮得不錯，惹味可口！汁是鮮菇燒汁，不過味道比較像

服務態度：可以，但有改善空間，例如主動問客人洗唔洗要水，牙簽等。收野都快。環境方面：清靜，有高卡椅，燈光柔和食物質素：梅頭🐷扒好食因為梅頭扒中間係有肥肉，但要注意，不是次次都能保持水準，有時會過老，難入口。羊扒大部份時間都能保持水準，最穩定。🐷手就本人好不鐘意因為我不喜歡這種煮法。甜品new. York芝士蛋糕就好唔得，完全不是芝士味，完全不推薦。性價比：總結：有特價可以先食特價餐先。但不要過高期望。

行完山在筲箕灣搵嘢食，路過見到呢間好似好特別，裝修有水晶燈好似好高級，見到餐牌又唔喺太貴120蚊左右。餐牌有好多選擇，我地叫左兩個 set lunch，有湯再有嘢飲。慢煮豬軟骨先上枱，好大碟，最少6至7舊軟骨。軟骨有帶少少豬肉，加茄汁慢煮，豬軟骨好軟，食完好有 Calcium 感覺。天使麵放在另一個碟，自己加上有肉汁既茄汁，好好味囉。去骨炆豬手都不錯，用胡椒雜菜湯炆豬手，味道特別，食豬手又可以飲少少湯。天使麵都係放在另一個碟，我哋就當然會把天使麵放入湯濕食啦，食完立即多晒骨膠原。

偶然來到筲箕灣，見到呢間舊式西餐廳價錢又唔算貴同比入面啲環境氣氛吸引，啲水晶燈有陣懷舊味！決定一試價錢都合理，叫左珍寶意式雞扒美國豬仔排骨兩樣都揀左配南瓜蓉佢地都會有黑醋同橄欖油比你地配面包食仲可以refill今日餐湯道無咩特別，見佢平時會有啲特色啲既例如紫椰菜花湯之類，想試可惜遇唔岩但忌廉湯黎計佢都算多料兩樣主菜都中規中矩無特別驚喜、但都叫晚餐份量、足夠反而個南瓜蓉有少少水、太稀加埋啲肉既少少血水、變左有湯汁咁有啲扣分餐茶叫左熱香橙茶係感覺用橙好似少啲見、但同一般檸檬茶相近整體算正路、抵食食埋個懷舊情懷

星期五晚上收工去咗位筲箕灣嘅呢間「The Starred」西餐廳吃晚餐，店內裝修懷舊有特色，古典味道濃厚，頗適合情侶燭光晚餐🍴晚市套餐都係百零蚊起，選擇多元化，豐儉由人蕃茄雜菜清湯及自家製意大利香草麵包個蕃茄湯好清甜，裏面仲有好多紅蘿蔔、椰菜、洋蔥等等雜菜。配上鬆軟又實在的自家製意大利香草包🌿正呀凱撒沙律跟餐加$30就可以有凱撒沙律🥗碧綠爽脆羅馬生菜加入適量凱撒沙律醬、煙肉、芝士片及蒜蓉麵包粒，開胃又美味香煎銀鱈魚扒 • 意大利黑醋醬銀鱈魚扒大大塊，連魚皮煎到微微香脆，魚肉保留鮮嫩多汁的口感，好好食呀！另配意大利黑醋橄欖油扒蕃茄🍅同樣好Juicy美國牛封門柳(7安士) • 鮮菇燒汁七成熟的Hanger Steak肉質好嫩滑，牛肉味頗香濃突出～鮮菇燒汁有提鮮作用呢自家製紐約芝士餅入口軟滑，芝士味好香濃，消化餅底仲帶有牛油香即磨咖啡☕️咖啡味好濃郁，加入新鮮牛奶後增添順滑口感熱檸茶清新解膩的檸檬伯爵紅茶

已經係第3次試呢間餐廳, 頭2次都係有D失望, 因為食物上碟時總係唔夠熱, 試過扒,牛尾,意粉, 質素算叫做過得去, 咁就算啦, 可以叫做食個氣氛同服務態度。 星期一晚見冇乜人, 諗住試一試, 點知今次真係離晒大譜! 食到好嬲!「第一嬲👎🏼：上錯食物」8點入座 叫左個$180既美國牛封門柳配薯蓉, **落單時講明要五成熟, 8:20分一送到黎切開 入面係全熟既!** 講緊個時成間餐廳有3枱客, 3對couple, 我地係最尾入座個枱, 客量唔多, 唔明點解咁都可以搞錯? 你話忙中有亂都情有可原, 咁都搞得錯, 係完全浪費左個食材! 亦浪費左我自己時間係到等佢煮一份岩既過黎!「第二嬲👎🏼：食物遲遲未上枱」終於等到個牛柳送到黎, 一切開, 終於煮岩左啦, 約6成熟啦, 質素下面個part再講。食食下見差唔多時間, 就嗌多樣野試下啦。兩個人叫2個餐先夠飽。叫左個$88既推廣套餐: 豬梅肉扒。個時客人都走晒嫁啦, 得返我地呢枱, 約8:50分倒。**我地足足等左半個鐘佢都未上菜!** 催下個侍應, 隔左8分鐘倒終於黎啦, 一睇, 真係嬲到震! 睇下面質素個Part就知點解!「第三嬲最最最嬲👎🏼

到了下午三時，午餐還未吃，筲箕灣的食肆並不熟悉，上網找找看，發現這店評價不錯， 結果決定到這兒看看！吃了一份下午茶餐，但食物真的很一般！今次點了一份吉列豬扒 、煎蛋及香草包，吉豬很實很嚡口！還等了很久，趕時間走不了點了！咖啡則不錯！不過，不知是否每次要咖啡，都要召喚侍應取方糖呢？這兒的員工服務，也很一般！好像不夠人手的！還有，餐廳大門真的要維修維修，每次中門大開或關上的時候，都會有一聲很刺耳的聲音，坐在門囗邊的顧客，很是難受！

starred，星星嘅餐廳，有水準嘅餐廳餐廳門外已經好吸引我一去食，因為佢嘅懷舊感，好重，我好鐘意依啲feel，同老公拍吓拖先。🌟今日是日餐湯(西蘭花忌廉湯)，古唔到咁夾，食得出係即用新鮮西蘭花去打。🌟自家製意大利香草麵包，配上黑醋同橄欖油，啲包好軟熟，熱辣辣架🌟凱撒沙律,大大碟，大滿足🌟美國牛封門柳(約7安士) ，鮮菇燒汁。封門柳外煎封到外脆內juicy ，㕑師功夫十足先做到咁嘅效果，配意大利黑醋橄欖油扒番茄 及 炸薯角🌟鐵棒厚切豬梅扒(大約10安士) 西梅燒汁，豬肉好好味，不會太過乾身而且好淋，好入味🌟自家製紐約芝士餅，芝士味濃，成為今餐嘅完美句號

餐廳：The Starred (筲箕灣)地址：筲箕灣筲箕灣道333號樂融軒地下4號舖出開港島區🏙，去咗呢間懷舊西餐廳食飯🍴，吸引我揀咗呢間The Starred嘅原因，係佢古色古香嘅外牆，同埋典雅復古嘅內在裝潢✨入到餐廳見到堂皇優雅嘅環境，高貴嘅水晶燈💎，配上白紗窗簾，同棗紅色皮木製卡位，配搭出英倫風格🇬🇧。兩個女侍應着住藍色復古長裙，加上古典音樂，別有一番置身係ballroom嘅感覺🥰香煎豬仔髀配蜜糖芥末籽汁 $128一份有五件豬仔髀，每件都啖啖肉，用錫紙包住髀骨，方便食客可以用手拎住嚟食👍🏼，蘸埋蜜糖芥茉醬更提升豬仔髀嘅味覺層次🍯鐵板厚切豬梅扒配西梅燒汁 $150豬梅扒約10安士，佢嘅味道較濃郁，肉質有咬口之餘，脂肪亦唔會太多太肥膩😋，鐵板上能夠保持扒嘅溫度🔥，淋上燒汁更加juicy同惹味兩個套餐都係跟意大利黑醋橄欖油扒蕃茄🍅同蒜香薯蓉🥔。跟餐加$30仲有凱撒沙律🥗，除咗本身有豐富嘅巴馬臣芝士🧀之外，仲會附上黑醋同橄欖油按喜好自行添加另外加$15半價換購咗個自家製紐約芝士餅，芝士餅濕度適中💧，芝士味香濃，加上朱古力醬同鬆脆嘅餅底，都幾值得大家換購嚟試下😎

星期五的晚上，又是輕輕鬆鬆的假期前夕，又可以紅酒🍷浪漫🌹之夜😂吃喝玩樂彩你都傻，開心🥳就是咁簡單😂———————🔶環境：🌹🌹🌹🌹🌹懷舊、舒適、浪漫、雅緻💕🔷衛生：🌹🌹🌹🌹🌹入門口檢測體温、每張枱上放置消毒搓手液❤️🔶服務：🌹🌹🌹🌹🌹關心、親切、體貼，禮貌❤️🔷味道：🌹🌹🌹🌹擺放心思，味道大眾化口味🔶價錢：🌹🌹🌹🌹🌹平民價錢，物有所值、高級格調❤️———————-🟣紅酒🍷：愛紅酒🍷的我，以優惠價40元配上👍👍紅酒果昧🍷濃郁醇厚😋——————-🟢沙律🥗：我好欣賞呢度既凱撒沙律🥗，一片片的濃郁芝土，鋪滿沙律上那種誘惑，又豈能放過，新鮮蔬菜，脆香煙肉粒混合脆麵包粒........等等，食物的誘惑，就是來自廚師👨‍🍳的製作😋———————-🟤餐湯🥣：什菜湯，🍅濃郁番茄與什菜的配合，喝出蔬菜對身體的健康之選⋯⋯🔴餐湯🥣：青椒忌廉湯，青椒的濃香加在忌廉湯的做法，味道相當匹配調和的濃香忌廉，就是喝出的好味道😋🟡餐包：餐湯都配上鬆軟的麵包，黑醋及橄欖油用作調味，（我最愛呷醋，當然是吃麵包的時候😂😂😂😂😂）———————⚫️慢煮牛面珠墩肉配南瓜🎃溶：夠特式，而且只有「筲箕灣店」才有這款菜式，那又怎能不吃，味道出色

The starred今次又講呢間位於筲箕灣嘅餐廳，呢間餐廳嘅裝修真係十分vintage，高樓底、水晶吊燈、高身褐色皮沙發、經典英文老歌，好懷舊雖然佢哋有咁靚嘅裝修，但其實佢哋晚市Menu價錢好貼地！一個set都係百零二百蚊左右慢煮牛面珠頰肉牛面頰肉唔係間間餐廳都會見到有，咁啱見到佢哋有，咁就梗係要試下，牛面頰肉肉質比較硬，一定要長時間去燜燉，佢哋嘅牛面珠頰肉，用咗慢煮方法去烹調，燉到好軟好淋，口感超級軟稔，入口即溶美國安格斯牛封門柳封門柳為牛橫隔膜肌肉，都係比較罕有嘅部份，佢哋嘅封門柳肉味較重，好香牛味，不過油花就較少，比較適合鍾意肉味香濃嘅朋友仔，佢哋用南瓜來做伴碟，南瓜嘅香甜，加埋咁香嘅封門柳，同埋杯紅酒...😭黑毛豬豬扒呢一份豬扒我就揀咗用鐵板上，再由餐廳嘅staff幫我哋淋上燒汁，香氣四溢，豬扒完全冇羶味，帶一啲榛果嘅香氣，味道十分濃郁，而且切開嘅時候見到塊豬扒好鮮嫩，肉質肥瘦均勻，食落亦都唔覺得有油膩感佢哋嘅套餐有包埋餐包同埋餐飲/餐湯，當日嘅餐湯就需要問職員～但係$1xx-$200嘅價錢，配上咁樣嘅氣氛，真係好抵～