The Starred

Open Now

Now Closed

果日行完山，回程經過這陸陸式小店，被佢門面吸引到，很特別由店面到店內裝潢，都氣氛濃厚，看出店主很用心佈置，上至很多盞水晶吊燈，下至啡皮座位及咖啡杯碟，在繁忙都市，放鬆簡直一流!!最重要是下午茶都係$40左右，麵包係有咬口果d法包紅菜頭cream soup好特別，有粒粒菜頭蓉叫左3個餐，豬扒香口，牛扒干身d但有汁($40已經係超水準)，雞扒意粉都好香口(但本人對雞既雪味比較敏感，係有幾舊感覺一般，但呢個係大部份茶餐廳都有既情況)咖啡係可以自己落奶落糖炒蛋還可以轉+$2蛋白炒蛋，非常適合做完運動想補充蛋白質又怕膽固醇人士，我覺得很貼心。而且枱面上會有搓手液提供，每位客人離開後，都見佢地會抹座位

幾次經過，都是探頭探腦的張望一下，因為筲箕灣舊區中，這家突然出現的餐廳，木制的外裝修都幾特別，與周圍的環境格格不入，奇葩！今天（1:50pm）late lunch，走到附近，決定就試它一下。推門而入，幾乎沒有客人！因為午餐時段已過，接近下午茶時間了！靠窗座位，風景內外兼收😎因為入座後發現，還差10分鐘才到2點（下午茶時間），看看餐單，下午茶的價格相當于1/3午餐價！唯有厚著臉皮磨蹭起來～貼心的侍應小姐姐安慰說：’你哋先撿餐，我2:00再下單‘💕時間到，按餐單：我選了下午茶之 F餐👇👇- 燒紐西蘭西冷牛（薄切）/ 薯角，HKD42.- 配湯 or 茶，我選了以下的番茄湯老實講，☝️上面的餐，賣相已頗為驚艷👍，澆汁下的牛肉仍味道十足！這裡要讚一下炒蛋，處理的非常美味！質感豐富，內外分明！牛，蛋，薯角，沙律～整份板餐佈置出一種’山餚野簌‘的味道！very good！兒子選了下午茶之 C餐👇👇- 雙重芝士蜜糖芥末煎魚柳/意粉 HKD42.- 配湯 or 茶， 兒子選了 蘑菇湯 （貌似唔錯喔）☝️上面這一大塊魚柳很意外！相信比香港任何一家大x樂，大x活及普通茶餐廳的魚柳都實在！聽聽這些調味料：

筲箕灣嘅呢間鋪設計非常之優雅，而且帶少少懷舊風，佢播嘅音樂都係啲經典嘅愛情舊歌🤤呢度嘅下午茶非常之抵食，午餐同晚餐都唔平㗎要過百蚊~但係下午茶就只需要40幾蚊！但係食物質素依然都係咁高！呢個卡邦尼意粉嘅汁非常之濃郁，而且又有好多蘑菇同埋煙肉，配搭非常之完美😋😋用呢個價錢去食真係好好食！另外呢個係燒汁西冷牛扒，配炒蛋同麵包，佢個牛扒一啲都唔un，又好香口🥺💛焗雙重芝士魚柳糙米飯，以為佢會好咸啦，但係佢啲魚整得啱啱好😆配嘅嘢飲可以係咖啡或茶，熱香橙茶同埋蘋果汁、橙汁等等。我見呢個熱香橙茶好有特色就叫咗啦! 佢真係有每杯三片嘅橙👻 仲要係twinings嘅 earl grey茶包添💓

餐牌價錢中等，裝修有格調，但食物完全唔掂，我4個人，叫左4份扒，全部乾柴。。。3成，5成，7成，係完全冇分別，全部well done，應該係over cook先啱服務員態度就唔算友善，但正常態度，冇特別差最重要係鋸扒果把刀，連西蘭花都切唔到，佢地好似一早知道，準備左另一款刀，我問佢可否換過把刀，佢就一次過換左另一款我地

以往和朋友都被餐廳裝修吸引，都想在這間餐廳試下，趁聖誕節相約食聖誕飯，來到這裡，原來餐廳在聖誕節放了一棵真實的聖誕樹🎄，非常漂亮，牆身簡約的聖誕報置都很恰當，而且播放著懷舊英文浪漫情歌，配合著餐廳歐式懷舊風裝修，相信選擇在這裡食聖誕餐真是恰當，但有少少美中不足是音樂被調教得很微弱，聽不清楚是歌聲，有少少浪費了整個餐廳的感覺。今晚和朋友點了一個凱撒沙律及美國安格斯牛肉眼扒和珍寶帶子配黑松露醬鮮茹忌廉意大利飯，而餐湯則是紅燈籠椒忌廉湯凱撒沙律有很多芝士，亦很美味，如果可以咸少少會更加好味紅燈籠椒做忌廉湯相當美味👍🏻牛肉眼扒份量充足，叫5成熟真的煎得到位（因遇過某些餐廳煎出來的成數與實物不一）肉質及味道都好👍🏻👍🏻，至於意大利飯更是出色，黑松露醬絶不嗇色，而且入口香滑味道啱啱好，帶子亦夠大隻，可再試👍🏻👍🏻價錢適中，食物美味，食環境都超值，相當推介😌

今次係小妹第一次寫食評，節日黎講以呢個價位算係水準之作啦！平時經過見到裝修咁靚已經想黎食，就襯平安夜黎食啦~睇下個餐牌先，原來唔同平日，得4 個餐揀，不過4個餐都岩食，最後我地兩個人分別揀左石斑同豬鞍湯同麵包係跟餐既，個包比較𣲷身我就一般，枱上面有枝有陳醋和橄欖油，點少少都幾醒胃，加番少少分。而個意大利海鮮餐湯第一啖feel到好重蝦味，之後就有d回甘，但我朋友話應該係落多左酒，呢d叫苦... 但係個湯d 海鮮係抵讚既，佢用左三文魚腩，所以食落好香滑，而蝦都鮮味，應該唔係雪藏，隻青口都無渣，但就說不上鮮甜到主菜啦，講下我果個先，我好鐘意食魚，呢塊魚扒都算中上。食得出廚師識煮，唔會over cook浪費左條魚，魚皮煎到脆身，有食炸魚皮感覺。肉質彈牙，配蕃茄汁，真的很不錯，推介！配菜係栗蓉，特別但味道一般~友人就食豬鞍，share左舊比我，我平時食肉好易就覺得 "un", 呢舊食到，仲有幾濃既肉味，似係靚肉，唔洗用太多配料調味已經ok! 脂肪邊邊位煎過，另呢 part 好香口！我地無加錢再要甜品，飲埋杯橙蜜就當甜品啦~兩個人食左五百幾蚊，麵包添食左一次 (我地兩個都算食得既), 都夠飽啦

試左辣雞肉意粉雪雞肉明嘅，但無醃過，無味，意粉個sauce 好鹹。但其實未難食到要我開post，今日主要係用餐experience 好有問題。11月11號下午2:30 分坐低，因為已唸好食乜所以坐低即order 食物，到左3:00即半個鐘後見隔離個師奶遲尼過我都食緊，即刻搵waiteress 問追單，點知原來我碟意粉去q左個師奶到，咁即刻明哂啦，落q錯左單，但waiteress 唔覺有任何歉意，百忙中會出錯明嘅，但係得個幾台客，其他食客出餐都好耐。最後等左40分鐘先尼翻啱，仲要唔好食。之後再食翻個大快活無咁嬲。p.s. 問waitress 個餐廳名佢串錯左搵左好耐先搵到。

筲箕灣有間西餐廳，每次經過都見到有好多人，而今次屋企人聚餐，阿嫂就推介咗我哋食呢間。我哋叫咗兩個美國頂級牛肉眼扒（約10安士）配白松露油肉汁，真係好足份量。一個煎珍寶北海道帶子配黑松露醬鮮菇忌廉扁意粉，味道唔錯。一個炆加拿大鹹豬手（去骨）配雜菜雞湯白胡椒扁意粉，老人家都啱食。一個寶雲酥芥末醬法式羊扒配迷迭香蒜蓉汁，醬汁好香。仲有一個英式獵人雞（煎雞胸，有煙肉配燒烤醬及烤雙重芝士），同樣好味道。至於餐湯，我哋揀咗三個蕃茄雜菜湯及三個忌廉湯，最後覺得忌廉湯較好味，配自家製意大利香草麵包特別好味道，麵包好食到食完可以再加。餐廳裝修到好似去咗70至80年代，加埋播嘅歌都係70至80年代英文歌，超有懷舊感。總結：睇得出廚師嘅心機，整得好食，價錢又唔貴，環境都算舒適，服務態度亦都唔錯。

上次經過餐廳門口被佢嘅水晶燈吸引, 望過餐牌價錢唔算貴, 又望吓openrice啲食評又ok, 所以今次行過又即本入去試試原來餐廳比想像中細, 但枱與枱之間仍有合理空間, 唔覺好迫夾, 都OK喎!我點了一份慢煮牛面珠墩肉配餐湯同熱飲都係$108加一, 價錢ok!我哋點了一個蕃茄雜菜湯同是日餐湯(燈籠椒忌廉湯), 兩款湯都好足料, 真係好多蔬菜鮮味, 真材實料! 但餐飽就有啲硬同唔夠香, 可能因為唔熱!牛面珠墩肉好淋, 好有牛肉味, 仲好有份量添老公點咗個厚切美國豬梅肉配西梅燒汁! 豬肉juicy好嫩, 配埋佢嘅燒汁真係好好味! 但可能鐵板非常熱嘅原固, 啲肉越食就覺得越乾, 下次應該要碟上我加咗$30要咗個凱撒沙律, 但就麻麻, 啲麵包粒已淋晒加$40可將餐飲轉紅酒, 味道唔錯, 比想像中好喎!服務員好細心發現其中一杯酒嘅份量掙咗少少, 佢就立刻幫我哋添回!當我哋差不多要離開嘅時候, 至發現原來餐廳已客滿, 但一點都唔覺得嘈! 讚! 下次一定再嚟幫襯

成日經過都好多人，今日星期六（禁蒙面法正日）6點bk到730嘅檯，同女友黎食。價位由一百到二百五，係筲箕灣最近價位黎講唔算貴。餐前湯係紫薯忌廉湯同番茄雜菜湯，上檯嘅時候唔係熱嘅扣分，味道正常。麵包都係冇咩特別，會俾油醋你點，橄欖油冇乜味。叫左一個豬扒，十分之出色，season到位，兩面煎得脆口但冇憹味，燒汁幾夾，fat cap都有煎曬，唔會成口生豬油味。另外叫左慢煮牛臉肉，其實，慢煮就好難會難食㗎喇，時間夠就林，呢間都做到，不過加分處係d牛肉本身牛味好強，份量好足。扣分係d小椰菜同蘿蔔仔唔好食，其實呢d菜不嬲都唔好食，薯蓉普通，冇牛油味，唔係滑身嘅種。

This afternoon tea set Is worth more than it costs (only hkd $42).Roasted NZ Beef Sirloin (thin cut) with egg, salad, toast and milk tea..Surprisingly the beef was quite thick and very soft and juicy. Yummy 😋 .Hong Kong style milk tea is rich and smooth 😊

銷售員A 和會計員M 今晚來到筲箕灣 The Starred, 已經是我倆多次到訪。餐廳懷舊佈局，天花用上70-80年代吊燈。晚餐餐湯，蕃茄雜菜湯配香草麵包，麵包可以無限加添，值得一讚。麵包配黑醋及橄欖油銷售員A晚餐主菜，厚切豬扒芝士薯蓉配蕃茄醬，餐廳比較特別的是薯蓉內有薯仔粒，非一般餐廳做法。會計員M晚餐主菜，大蝦天使麵。餐廳特式餐飲選擇亦算多，果汁有橙汁蘋果汁，特式橙茶，唂咕，咖啡奶茶等等，但可惜的是銷售員A已多方嘗試各種飲品，但暫亦未能試到一杯合心水的，希望餐廳於餐飲方面有改善空間。銷售員回頭指數: 3分

the starred 在筲箕灣已大半年有多，食過嘅同事大部分都讚賞有加！也隔三差五打去訂檯食lunch，我呢，由於種種原因各種理由未能前往今天提前完成手頭上的工作，覺得應該慰勞下勤力的自己由入落樓到去到餐廳花咗我哋7-8分鍾(比我想像中要近、要快啦）到達時已經係2點有多，望住出邊電視餐牌好失落，因為已是下午茶餐。這時有位穿着牛仔裙的靚女打開門:hi,裡面有位，睇下啱唔啱食？我剛想發問有冇其他嘢食時，個靚女好醒目地笑住話:正餐都可以㗎，可以入來睇睇餐牌……醒目加分！笑容有禮貌加分！於是，我哋坐低咗響餐廳最裡面4人座位。下午茶A自家製香草麵包，淡淡的香草濃濃的芝士中間係惹味的茄碎酱及流心蛋。切開，果然流心，蘸麵包食，真滋味下午茶C其實本來唔係想叫尼個餐的，但抵擋不了芝士和魚和蜜糖芥末汁的誘惑。紅糙米飯軟硬適中魚好滑芝士好濃郁仲拉絲添㗎午餐K尼個係同事極力推介的，大大件三文魚我覺得味道正好，魚肉嫰，不裂不糙，也不腥氣，仲滿滿Omega.好興奮，3杯嘢飲，3個餐。埋單2百兩蚊。正餐有兩款湯可選擇，都有配香草包。但我哋叫咗下午茶A，所以我哋打包咗1碗湯，麵包和1杯橙茶走整體個感覺好似去咗間星

香港生活香港節奏，甚麼也是快！快！快！假如，你想搵間舒適餐廳而又地理位置啱你，the starred係不錯的選擇……今日我也是偷懶來尼度嘆下，果然冇令人失望。首先要講環境：樓底超高，一入來已冇咗經常體會到的壓逼感。霎時間，已令人輕鬆不小呢！這复古水晶燈飾有高高低低三層，地板係偏黄花花磗，棕紅木條窗配純白窗紗襯埋餐廳裡的傢俬，四周圍仲有鏡……相映生輝！再來，講食物就咁睇相，是否已令你味蕾大開呢？這是下午茶C餐焗魚柳紅糙米飯配蜜糖芥末籽汁，魚質嫩滑，勁多溶咗嘅芝士配埋輕輕微甜芥末籽汁實在好夾。好好味。飲埋杯熱檸檬茶，我諗，我真係都幾滿足，幾嘆！再再來：講價$，如此這般的裝修，如此花心思制作和配套設施。也只是收4十餘元。講完。嘆，雖然對於忙碌的我哋來講有d奢侈。但適當時候要叉叉電lo

其實經過呢間餐廳好幾次，但walk-in次次都話要等，仲要唔知等幾耐。令次都唔例外，成夜晚9點幾都話要留電話，留完其實我地已經走左，不過行到路口佢就打黎話有位。 。咁佢一早話等一陣咪得囉。。。首先叫餐湯，因為賣晒磨菇湯，要左個菜湯。個湯好稀，味道可以啦。個包唔錯喎，亦有柑欖油同醋。試左佢既豬扒同燒魚，幾ok喎個豬扒幾唸身，又唔瘦。唔會食到痴晒牙。個 魚就普普通通，唔嚡亦唔特別滑，個汁幾濃，okok啦。。。