星海薈﹒譽宴

Open Now

Now Closed

19/12吃做冬飯，6：30入席半圍五大人三個小朋友，上菜速度快到嚇死人。龍蝦汁稀冷冷兼有小小梅，唔新鲜！因叫半圍所以另加數款小菜，明顯即炒故較熱，不像酒席套餐咁冷冰冰煮定，而最嬲係叫左個姜葱桶蠔，追單才由經理口中(煮好咗但傳菜員送錯枱，已賣凊並云又要賠錢）明顯漏單揾借口，因目測8：30開始有第二輪訂位，唔想阻住下輪，total$3000左右，超中伏體驗，不過以環境和訂座來看難怪有位！

今晚在石門辦完事，和太太順便在附近吃晚飯，一眼發現這家譽宴．星海薈，就來試試水準。餐廳位於石門沙田萬怡酒店旁邊，裝潢摩登，環境乾淨企理，座位寬敞舒適，平日晚上人流不算多，正好可以舒服清靜地吃餐飯。餐牌選擇各式各樣，亦有不少優惠套餐組合，步入冬季更有時令的羊腩煲。前菜甫入座侍者就奉上前菜，輕漬過的木耳清香脆嫩，加上酸爽微辣的醬汁，十分開胃。冰鎮花雕5頭南非鮑魚先點一客優惠價的冰鎮鮑魚，用上較貴價的南非鮑，個頭巨大，街市買都唔止這個價錢，十分抵食，入口爽口彈牙，帶淡淡的花雕酒香。椰青燉花膠雞湯一呷清甜順喉，潤燥滋補，香滑腴潤，品嚐到椰青鮮甜的味道，飲得出是真材實料用心煲的，達到滋味真醇境界。蜜汁黑豚肉肥瘦相間的黑豚肉，蜜汁焦香腴美芳縈齒頰，一咬肉汁豐盈，脂爽肉軟，特別醇厚和味，吃來有齒頰留香之妙，甘腴可口。上湯焗美國龍蝦伊麵以上湯焗開邊的波士頓龍蝦，上湯味道濃厚，滑膩柔美，卻未有過份掩蓋龍蝦自身的鮮味，龍蝦肉爽滑鮮甜，甘腴可口，滋味雋美，加上伊麵充分吸收上湯及龍蝦的鮮味，簡直一流。三鮮海皇什菜煲湯水香甜鮮美，什菜清新可口，以鮮蝦、帶子及鮮蚌吊出鮮味，不但口味更為豐富，而且滋味雋美，正好可以

前幾日同住喺沙田嘅親戚食晚飯，去咗石門站附近間酒店樓下嘅酒樓食飯。椰青燉花膠雞湯 $98呢個似乎係呢排做緊特價嘅菜式，見咁抵，我哋就叫咗一份嚟試下。飲落去好清甜，仲起好曬啲好滑嘅椰青肉可以食。仲有一片花膠同幾件雞食。招牌菠蘿咕嚕肉 $148見佢寫係招牌菜，咁就試下啦。咕嚕肉新鮮炸起，熱辣辣，非常香脆，食落酸酸甜甜。入面嘅豬肉肥瘦適中，好滑。京蔥炒羊肉片 $168食落幾有鑊氣，羊肉片唔會太羶，如果怕羶味嘅朋友都應該可以接受到。份量唔少。上湯蒜子浸豆苗 $168上湯鹹鹹地，配飯幾好。豆苗好鮮嫩。滑蛋炒鮮蝦仁 $148炒蛋好滑，蝦仁嘅份量都唔少，食落好彈牙。白飯 $15/碗餐前小食 $20

今晚揸車去到沙田呢一間酒店搵野食，咁岩仲有優惠，都幾抵食，價錢不算太貴。我地叫了一盅椰青燉花膠雞湯，清甜的雞湯作為開胃菜十分合適，加上椰青可以清清熱下下火。然後叫了蒸扇貝，有五大隻，有鮮味，調味也非常到位。之後的是士多啤利汁脆蝦球，蝦球大大隻，份量十足，炸粉也出奇地好吃，是我今餐的最愛。薑蔥龍蝦滑雞煲有半隻波士頓龍蝦和大約半隻雞，這個配搭有點新奇，雞件新鮮好吃。如果酒樓在比較方便的位置，相信會有更多客人。

晚市食飯 我們叫了幾個小菜椒鹽白飯魚 上臺十分精巧可惜我們吃不慣太新鮮的食物，退了叉燒、原隻燒鵝，入口有咬口，耐嚼。安格斯牛肉居然吃出羊肉的味覺，十分耐人尋味😊。其他小菜整體好到唔識形容食到最後醒起有條蒸魚，經理主動話廚房漏咗，等15分鐘就好了，當然等啦，那條小東星魚有魚味，酉星有西星味，一流好評，服了!侍應服務態度: 對熟客殷勤招待。我哋初來埗到..都有給我們收碟，非常之高效話說有免費泊車，到出閘要俾一個鐘錢，回家想想，多出一個鐘用嚟等你那東星，心里念著經理的用心這樣的酒樓，回頭指數100/1000

有時都會去下沙田大圍踩單車，而家有咗屯馬線，好方便。今日入去睇完博物館之後，去咗石門站附近呢間星海薈，飲下午茶。茶位$15/個，還可以，唔算太貴。我哋三個人都叫咗幾多嘢食，因為冇食中午飯😂，等飲下午茶。我地叫左:蟹粉小籠包$35一隻 一隻都幾大隻，蟹粉香，多汁！化皮腩仔$78 皮好脆口鬆化，肪肪肉同脆皮分怖好好，很不錯！晶瑩鮮蝦餃$40大粒，入面蝦肉爽甜蟹子燒賣王$40豉汁蒸鳳爪$24叉燒腸粉$24脆皮燒鵝王$158 皮脆肉嫩，值得叫黎試下。蠔皇叉燒包$24 熱辣辣，义燒餡唔少，幾好。蝦乾迷你珍珠雞$40 迷你但足料呀(唔記得影相)裝修幾華麗，坐得舒服！全部嘢都熱辣辣，特別係點心，有即叫即蒸feel,下午茶抵飲呀！！

知道石門萬怡酒店間酒樓下午茶時段，大中小點劃一小點收費，約咗媽咪嚟飲茶呢度裝修幾有氣派，仲有婚嫁裝飾的舞台💃🕺本來打算叫點心，但見到紅燒煲仔鮑翅（足三兩），都係$188，呢個普通酒樓食唔到。鮑翅膠原蛋白高，又具美容養顏功效， 一齊補一補嚟到見到個梳翅真係嚇一跳，大到呢！ 鮑翅啖啖鮮美，齒頰留香招牌胡椒濃雞湯灌湯餃 $58先飲啖胡椒雞湯，又一驚喜， 香濃好味，胡椒味好出，但又冇遮蓋雞味。灌湯餃皮薄餡靚， 個湯仲有件滑雞附送化皮腩仔 $78五層肉，肥肉同瘦肉分明間住， 個皮仲非常之香脆加咗個白飯 $15食多個甜品 桃膠燉萬壽果 $24天氣有啲乾，叫返個甜品潤下， 唔會話過甜，恰到好處，好滋潤下午茶每位茶錢$15，餐前小食（一小碗花生）$20大家都食得開心又滿意

今年已經幫襯左呢間酒樓好多次，主要原因係因為疫情下佢地有好多優惠，係酒店裡面嘅酒家，高質但價錢親民，仲有免費小菜送，大讚～而且環境舒適，座位闊落，一家大細/親朋戚友一大班人想傾計都好適合～1/4 燒鵝 $158熱辣辣嘅燒鵝，1/4隻都好多，而且舊舊都好多肉，唔似外面啲酒樓咁多肥肉/皮～明火燒好入味，皮脆肉實，正上湯開邊焗美國龍蝦伊麵 $288晚市酒樓必食，香濃嘅上湯，伊麵夾起有成十碗咁多，好抵食～美國龍蝦肉質好實淨，廚師好好地鉗開哂嘅殼，扭一扭就食得，正～.三鮮海皇什菜煲 $168呢間酒樓真係性價比好高，煲面係滿滿嘅海蝦、魷魚同帶子，配上一大煲嘅什菜～好中意食佢嘅什菜煲，勁多西蘭花同白菜仔，至愛～冰鎮花雕5頭南非鮑魚 $68我見枱枱都有叫，我地又過下口癮先～呢款冰鎮鮑魚，上菜時陣陣仙氣xdd 打卡一流，而且鮑魚好爽身，好味道！食得又睇得，必叫薑蔥美國桶蠔 $188呢款我爸爸大讚！桶蠔香甜鮮味，表面香口，一煲有成十鬆隻，超抵！清蒸海虎杉斑仔 (免費）晚市叫一款小菜就送，真心好抵！大大條石斑，新鮮又大條，好正總括而言，應該係食過最抵食嘅酒樓，食物質素高、又抵食，店員勁有禮貌，食得好舒服的一

石門一角夜英英，加上星期五晚冷冰冰收工已經唔想煮，經過見到有咩食咩無啦啦就走左上來呢間酒店中菜，見天氣凍撞正有羊腩煲，一於試試佢坐底見有特價椰青燉花膠雞湯，唔走寶叫返份如是者，叫左羊腩煲、脆皮德國咸豬手、咕嚕肉之後唔知叫好服務定係慢工出細貨，落左單等左成半個鐘都仲未有得食同侍應反映左，原來佢地羊腩係「即刻炆」，所以要等咁耐同埋佢地想等埋d 菜一齊出，原本好快既咕嚕肉都要等齊先有得食羊腩煲跟生菜之餘，味道算係above average 既，份量應到充足食完唔會太膩，仲有空間可以食其他豬手都脆皮夠香，一上枱熱辣辣非常好味賣相同份量都非常好咕嚕肉亦唔錯，唔會肉粉分離，剛剛好就咁食都唔油，送飯都一流最後估你唔到既係個燉湯係差唔多食完餐飯先送上來我估真係漏左單吧…個燉湯係十分的骰既有件椰肉兜住d 花膠同雞肉仲跟甜豉油一碟仔，俾你慢慢嘆最後埋單價錢按地段同質素算合理啦凍凍地唔使煮又OK 好味都算唔錯

在沙田探訪朋友兼晚飯，選了萬怡酒店 一樓的"譽宴.星海薈"。 最近這家集團式主辦婚宴的酒家推出了多項優惠和抵食套餐。 上次在觀塘分店晚飯因有長輩同行不方便吃蟹有點可惜，今次一定要點！ 來到沙田這間分店環境很舒服， 弧形設計一排窗邊座位望街景十分開揚。 與朋友二人細看餐牌發現更多抵食套餐配搭其中有~ 原隻蠔皇花膠扒原價388現衹售$ 298 和椰青燉花膠燉鳼湯$98 等。 最有興趣的是這個……抗疫震撼優惠價「招牌白胡椒蟹」原價 $568 現衹售 $298(晚市) 和冰鎮花雕五頭南非鮑魚也是衹售$ 68 /隻多項優惠都沒有限制可任點，非常好認真震撼！先點冰鎮鮑魚作前菜~仙氣十足！賣相一流！又爽又鮮甜有口感， 咀嚼間散發酒香，冰冰凉十分醒胃。真是最强前菜！白胡椒蟹一出……嘩！了出來！鐵平底鑊上滖熱辣發出咋~咋~聲！香氣樸鼻！肉蟹好大隻！重份量！蟹蓋多糕兼重殼，肥大肉厚！胡椒味濃厚但不會勁辣，味道調得很惹味！有食用具提供包括濕紙巾，膠手套等。相當細心！慢慢品嚐相當滋味！小菜~紅燒竹笙菌皇豆腐 $ 128豆腐夠滑竹笙爽口醬汁份量和調味都 恰到好處。蒜蓉粉絲蒸大元貝 $128五隻

真係好耐無係沙田區食過咁高質，性價比咁高既酒樓了，我鍾意，屋企人又鍾意！掂曬，真係回頭率好高！由於放相數量有限，門面環境都唔講太多了，如果由屯馬線石門站行過黎，大約10分鐘吧入座坐低之後，侍應會比一大煲滾水你，真係滾水黎架！因為係岩岩煲起好熱既水比你去清洗食具，係呢個疫情下，絕對加分！睇睇菜單，選擇都真係好多，不過今晚我地3個人，我就揀左d呢度獨有既菜式，亦有d係阿爸阿媽都鍾意食既！等我為大家介紹下先黎既就有呢個，已經好有睇頭，而且真係唔係間間酒樓有得食！佢係宜家酒樓做緊 抗疫震撼優惠 之一既 冰鎮花雕5頭南非鮑魚，宜家都只係做緊 $68 一隻！所以真係叫兩隻同屋企人食下！冰鎮既佢，作為頭盤真係一流，隻南非鮑魚已經切半，點少少豉油加芥辣，一啖放落口，花雕味道香濃到直達味蕾，配合芥辣既反應，令成個味道再次提升。而且冰鎮既佢真係非常鮮味，口感極爽極彈牙，真係好出色！其他既少菜分別有，金銀蛋莧菜，呢個雖然好多地方都可以食到，不過呢度除咗份量特別大份之外，味道都做得好好，大量蛋白及鹹蛋在內，湯汁夠曬清甜，莧菜煮得有口感得黎又夠林，所以係個好好味既蔬菜咕嚕肉真係唔洗多介紹了，兩個字出色！果然係呢

最近朋友介紹譽宴星海薈嘅晚市小菜好抵食，所以一行3人去左石門分店，位置萬怡酒店一樓，非常易搵。望望除左套餐吸引之外，其他餐牌仲有勁多優惠.. 其中一個係$68一隻冰鎮花雕五頭南非鮑魚比像中大隻，而且已經切片上，方便食。味道方面花雕酒味好出但未搶去鮑魚鮮味，值得一嚐！鮮露筍野菌炒帶子，大大粒爽口帶子配上翠嫰露筍，仲有少少雜菇，好夠鑊氣!上湯開邊焗美國龍蝦伊麵, 非常大碟, 選用大隻波士頓龍蝦,肉厚爽甜, 伊麵掛滿上湯醬汁，份量挺多，醬汁味濃好惹味。最後一道咕嚕脆皮蝦球，非常有驚喜，蝦球好大隻又爽口，而咕嚕肉更出色，外皮勁脆又薄，肉質爽嫩有肉汁

酒樓的燈飾好有型，掛在天花上連續不斷扭曲的銀色燈飾散發著黃光，而背景是由紫藍色燈光映襯， 非常吸睛😍， 這樣的環境氣氛下都非常適合宴會， 記下介紹給朋友先。 今日主要目的是有人請食午餐，加上平日一至五有優惠，所以我大膽地點點點🤪! 蟹粉小籠包首先毫不客氣地點蟹粉小籠包 ，🥢 蟹粉黃油 香味撲鼻， 入口有說不出的滋味! 頭抽安格斯牛炒河炒得夠鑊氣，喜歡炒得乾身不油膩，減低食後罪惡感🤗，用安格斯牛真係零舍不用喔! 碧玉鮮蝦腸粉 晶瑩鮮蝦餃 🦐是至愛之一，彈牙爽口，飲茶怎可少得之選呢!桃膠燉萬壽果 天氣有些秋意，身體乾乾哋，食返一 盅滋潤下先，木瓜香甜，桃膠有益! 特別一提 ，侍應安排座位後，馬上端上一窩熱水讓我們自行再清潔食具，這樣安排令客人食得安心。在疫情下出外用膳，有此安排值得讚，衛生真是至為重要。

隨著十月上旬的雙颱風過後,香港已正式邁入秋天時份;難得這段黃金季節,剛好約到與家人晚宴,地點上選了姐夫一家所靠近的沙田區附近,更直接是享有城門河沿岸美景的石門區,而且交通也十分方便;在一眾食肆中,我們選了一間座落於沙田萬豪酒店,名為星海薈的精品粵菜食肆;眾人到齊就可入場,經過造型各異而前衛的卡通人偶擺設後,掃了出行碼量了體溫就進入宴會廳;通常在星級酒店中的中菜食肆,其用餐環境大多都有質素保證,而此店更氣派不凡,予人一種高雅舒適的感覺;從門口的實木佈置,到室內的紫色格調,尤其是那絨面枱布,無不透露著低調奢華的氣氛!再看那燈光佈滿如銀河,如映照大海,想是呼應了店名--星海薈!而高樓底與宜人的室溫,讓人就算久座也倍覺舒服!枱面上的餐具不但新淨雅緻,連作消毒用的熱水都相當滾燙,尤其適合當下防疫大環境!餐牌上羅列的食物十分豐富,都以精品粵菜特別是海鮮類為主,就是適合家人喜愛的美食,所以點的菜全都有海鮮!點菜時,經理推介了正在做特價的冰鎮鮑魚,並謂擔保食過都「返尋味」,那麼就一人來一客吧;首先要讚小食的鹹酸菜非一般的粗製品,此物鹹甜酸三味很平衡,而且質地爽嫩,回味細緻,確實能引起好胃口!作為主食,

喺石門呢個地方搵食唔係咁易，想舒舒服服咁坐低同朋友傾偈就要行入少少，在工業區附近就搵到一間酒樓，夜晚人少少可以慢慢傾吓計食返餐。冰鎮花雕五頭南非鮑魚，一送上枱絕對係手機先打卡，賣相吸引，今日過開佐敦飲茶，第一時間就諗起呢間茶樓，花雕酒味道唔算太重，鮑魚爽口彈牙，$68幾抵食！蒜蓉粉絲蒸大元貝，中菜必點嘅款式之一，呢度咁啱做緊特價，元貝大大粒，蒜香味濃，粉絲索晒味道，用嚟送飯一流！上湯開邊焗美國龍蝦伊麵，龍蝦彈牙爽口，蝦肉易拆，職員有貼心送上手套和濕紙巾，非常方便。可惜的是伊麵份量較少。鹹魚雞粒豆腐煲，份量都幾多，鹹香味配上雞粒和豆腐，特別惹味！最後送上甜品作結，味道清香，為這餐解膩不錯。