蒸廬

Open Now

Now Closed

今日自己一個食晚餐，決定一個人去chill 下，就去左食我最鍾意嘅蒸蘆食點心，蒸蘆嘅蒸飯、燉湯同埋點心都非常出色，因為得一個人食，又想樣樣點心都食啲，所以嗌左個蒸廬拼美點 (9件) 蒸廬拼美點 (9件) $60每樣點心都有啲，有蝦餃、燒賣、叉燒包、粉果、鮮蝦菜苗餃、馬拉糕、馬蹄糕同紅棗糕，蝦餃、粉果、鮮蝦菜苗餃明顯飽滿又大粒；燒賣可以食到粒粒雞肉，同埋大大粒蝦，非常足料，叉燒包餡料份量足；食埋馬拉糕、馬蹄糕同紅棗糕做甜品覺得非常滿足。得自己一個食叫一盤蒸廬拼美點 滿足曬自己一個又想樣樣食啲嘅願望。茶芥每人$5 📍蒸蘆沙田石門安群街3號京瑞廣場一期2樓225號舖

難得同女朋友嚟到石門，今日就帶咗佢去食我最鍾意嘅蒸蘆呢度嘅蒸飯、燉湯同埋點心都非常出色一入坐就叫壺香片，之後我哋叫咗個全日套餐，揀咗蒸飯配燉湯，再加多兩件蝦餃share食鏗魚絲金粟肉餅飯 $56依個荷葉飯真係份量十足，個籠大過我塊面，肉餅嘅肉非常嫩滑，仲舖上菜心粒、鏗魚絲同粟米粒，比一般蒸飯多咗蔬菜纖維。飯蒸得啱啱好，但會另附一小碟帶甜嘅豉油。遠年陳皮川貝冰糖燉雪梨$42女朋友最鐘意飲湯，而且聽到女朋友有幾聲咳，就叫咗遠年陳皮川貝冰糖燉雪梨俾佢潤吓喉。晶瑩蝦餃王兩件$15套餐可加錢配蝦餃，兩隻蝦餃比一般大一倍，皮偏厚，蝦餃明顯飽滿又大粒。咖喱土魷蒸豆卜$35咖喱魷魚好彈牙，煮得好入味，仲放左啲豆卜吸哂啲咖喱汁茶芥每人$5 📍蒸蘆沙田石門安群街3號京瑞廣場一期2樓225號舖❤️價錢：9/10❤️味道：9/10❤️服務：9/10

食第N次，味道依然~怕大家會遺忘左佢，所以又要支持下~🔹雲石芝麻包🔹 每次幫襯都必叫~唔係到到有得食流心嘅芝麻餡~🔹鮮蝦豆苗餃🔹皮雖然厚啲，個入面好juicy~令到個皮都好有味~而且有4粒，其他地方都係3粒多，抵食！🔹蟹籽燒賣王🔹大大粒，啖啖肉~🔹薑汁年糕🔹唔會辣，而且好煙韌~🔹薑蔥牛柏葉🔹薑蔥味啱啱好~🔹魚湯蟲草花鮮竹卷🔹另類鮮竹卷~唔會油淋淋，連湯都清埋~👍🏻

燒賣好大粒蝦都算彈口甜品就有點奇怪每日甜品都有些不同這款桂花紅豆糕的桂花算多而且每舊都有起碼三四粒杞子，食落清甜重點係底下啲紅豆超級多多得有點甜而且影響了口感就連桂花的清新也不能平衡紅豆的甜如果有單獨桂花糕就好

流心奶黃包好食質感偏水但味道唔會淡包面的金色粉會沾上嘴唇次次吃完都會拍照笑一番湯不會太濃試過一次就夠了牛肉蒸飯好吃加上有蔥和芫荽在牛肉上其實就是加大版的牛肉球🤣好香好滑

節日飲茶通常每款點心都會加幾蚊，所以假日飲茶都會想起去點心專門店，今次呢間假日仲有早茶供應添😝🥢晶瑩蝦餃皇$33好大粒，蝦餃皮雖然有少少蒸過火，但係裏面嘅餡料鮮味juicy又爽彈🥢蟹籽燒賣皇$29Size比平常大1.5倍，黃皮太腍，豬肉同蝦都好足料，不過味道一般，欠缺咗冬菇嘅香味，感覺比較膩🥢鮮蝦菜苗餃$29餃皮比較腍身，不過餡料實泵泵，juicy鮮甜🥢薑蔥牛柏葉$33薑蔥味超濃郁，牛柏葉爽脆🥢韭黃蝦腸$33粉皮粉質感比較重，無Q彈嘅感覺，蝦肉鮮甜，韭黃切碎粒易食只有假日有早市特價8：30 - 11：34但係每日都有下午茶特價14：35 - 17：34呢間點心專門店有普洱、香片及壽眉選擇茗茶$5/位 (非假日之星期一至五免收茶芥)

未試過酒樓點心做晚餐，到石門見到蒸廬時時要等位，所以今日行過咁岩有張枱唔洗排隊就入左去食晚餐，叫左1籠9件點心併盤，2粒燒賣，1粒蝦餃，1粒粉果，1件荳苗餃，1片馬蹄糕，1片薑汁年糕，1件馬拉糕，1個芝麻糕，點心件件都好食，其實新鮮蒸咩都好好食，再加1盅陳皮燉雪梨。點心即叫即蒸夠新鮮，燉湯可能無肉，所以沒有油已加分，再加陳年陳皮未食已經聞到香，仲有雪梨，薏米，龍眼肉，。飲落超正。總括好好食，會推介比朋友。

This is my 3rd tome to be here!!! To be frank, I am not the big fans of this restaurant!!! However, there are so many recommendations for this restaurant!!! 😝😝😝This is the best trial so far. The soup is always super!!! Hot!!! Full of ingredients!!! Yummy!!!The steamed chicken with thick and flat rice sheet tastes good. I am sure it will be great if soy sauce is added!!! The texture is too soft indeed but this is usual in Hong Kong!!! 😝😝😝The soy bean roll are so delicious. Large and full of ingre

🍽 蒸廬 (沙田)📍 沙田石門安群街3號京瑞廣場一期2樓225號舖✨睇YouTube介紹呢間小店，一直好想試。上星期咁啱同朋友行完竹子林，就搭屯馬綫去石門試下佢😋🍽九件點心拼盤好豐富，一次過滿足九個願望🤣 馬蹄糕好大份，絕對唔hea! 不過如有得自己揀就好啦🤣 因為同行朋友都對叉燒包一般。🍽燒賣正常水準，蝦夠新鮮，夠彈牙🍽蝦餃Size夠哂大，而且好足料🍽菜苗餃略嫌皮有小小厚，不過菜苗好嫩，一啲都唔老🍽咖哩魷魚咖喱味好重，仲要真係辣嘅，魷魚都好大件，食得好滿足———————————————評分#5⭐️最高)味道:⭐️⭐️⭐️⭐️環境:⭐️⭐️⭐️⭐️打卡:⭐️⭐️⭐️再訪:⭐️⭐️⭐️

再去多次的話 一定要試燒賣隔離枱啲燒賣好似好好食咁…全日套餐$123👇🏻☝🏻 紅棗杞子雞粒陳村粉 $56隨粉送上小碟豉油 唔落豉油都好夠味，滿滿荷葉香味，雞都蒸得夠滑✌🏻黨參天麻川芎燉魚頭湯 $52非常足料 盅內更有一大件魚頭，燉湯又清又濃味，藥材味極猛 本人唔識欣賞 求指教🤟🏻晶瑩蝦餃皇兩件 $15同其他茶居比較 佢地既蝦餃明顯飽滿又大粒，皮亦唔算厚薑蔥牛栢葉 $35牛栢葉爽脆而唔韌，每一舊都有薑蔥味 唔會話一啲有一啲無味既情況黑椒醬金錢肚 $35店家推介 如果平時飲茶會食金錢肚既 都值得試，用上黑椒醬 同平時食到既味道會有唔同體驗，白蘿蔔條鋪底 吸收晒汁料精華宇治抺茶豆沙餅 $27煎得表面香脆 豆沙都唔會太甜，不過食唔到抺茶味，好似普通豆沙煎餅甜品咁*一坐低會有姐姐送上熱茶一杯*唔使加一 都無收茶介*坐得比較迫 多幾個人去食就應該好難有位

😎石門京瑞廣場 蒸蘆😎假期唔想晨咁早去逼酒樓，但又想飲早茶，於是乎就嚟咗石門呢一間餐廳。11:30開，唔使好早起身，但係又可以飲到早茶！聽講呢間餐廳嘅點心都好高質，試過之後都覺得性價比好高！😎黑炭流心奶黃包一打開裏面，真係流心奶黃！不過我覺得有啲太水，其餘無論係味道、質感各樣嘢都做得好好。😎蝦餃大大隻蝦好足料！😎燒賣都係冇得輸！😎限量牛柏葉，爽脆又入味！😎菜苗蝦餃

睇親京端廣場嘅youtube片，唔少人都會介紹呢間點心舖，唔知係咪因為咁，無論幾點，門口都依然有人等緊位😮 好彩我地星期六嚟食晏都唔算等好耐，大概等左3個零字就入得。紫金流沙包 $32MENU紙上面無佢，不過店內黑板寫住推介。雖然一盤得兩個包，但SIZE有拳頭咁大，一隻包兩個人share就啱啱好。內餡名乎其實嘅咁流沙，質地較稀，所以要小心食、慢慢食，否則會噴汁😏；略嫌內餡甜度高左D。鮮蝦腐皮卷 $34新鮮炸出嚟，好辣口，食到蝦嘅存在，但油膩。蝦餃皇 $34餃皮偏厚，但勝在蝦仁彈牙又有汁。金錢肚 $34金錢肚大大塊，炆到軟淋淋，好內味，必食邪惡點心!!🤤鳳爪 $26目測幾大隻，但自己唔食鳳爪，唔知味道如何。牛柏葉 $34牛柏葉爽口，而且幾入到薑味，好味!咖哩土魷蒸豆卜 $34上枱果陣賣相真係麻麻，白色豆卜、個汁又水旺旺，似咖哩淋豆卜多過一齊蒸…🤔但原來咖哩沉左底，撈左之後，個汁即刻變杰身；豆卜素左甜甜地帶點辣嘅咖哩汁而變得好味；土魷就正常。茶芥每位$5，無加一，可以信用卡、alipay、八達通付款。整體食物質素幾高，熱度又夠，可以再食。

之前週末食過lunch hour，只可以用「門庭若市」去形容，拎咗等位飛後，閒閒地都要等返1個鐘以上先有機會入座 😵😵今次係平日的晚上，約六點左右入座，終於不用等位!晚上用手機掃完APP，發覺好多點心都out of stock，可能呢個就係缺點!晚市主力focus係燉湯、荷葉飯及甜品...流心蛋牛肉飯份量至少足夠2-3人享用，即叫即蒸。䓤花、牛肉餅及流心蛋三劍俠十分合拍，淋上甜鼓油，令人不自覺食完一碗又一碗 👍👍

屋企人話仲想試就去啦去到啲茶一樣稀🥲要叫職員加茶葉加左好好多😮‍💨之後啲點心到燒賣大粒但好咸🙄咸到好似食鹽咁菜苗餃、牛肉球都係 咸….係鹽大減價定廚師輸左馬發脾氣🥶🥶最恐怖係連咖哩都係死咸😢😢😢每食一啖野 基本上都係飲一啖茶…最正常係個黑金流沙包同個紅豆沙叉燒包屋企今話冇咁咸但好黏🙄🙄唔知點做到就咁樣$213….. 🤦‍♀️🤦‍♀️🤦‍♀️🤦‍♀️🤦‍♀️良心餐廳…. 真係要搞返好啲品質

難得去到石門緊去食呢間😌😌黃埔執咗之後，一路都諗住佢個奶皇包🥲果然咁耐之後都冇令我失望，啲奶黃好似湯咁流出嚟💖💖💖可以話係全香港最好味嘅奶皇包叫咗六樣嘢三個人先係$184 超級抵💖