三小漁

Open Now

Now Closed

觀塘高質中菜想食大排檔小炒但又怕熱，試吓呢間中菜。店內裝修簡約，5-7人坐有弧形梳化，環境幾舒服。小炒至矜費海鮮都有，款式極多話梅准山$48: 擺盆精美，以葉子碟盛裝，准生切成幼條疊起，話梅酸甜好開胃，不過份量好少，$48有d 貴黑磚豆腐$18/件： 豆腐皮阿鬆脆，配炸蒜好惹味，內裡豆腐又滑又夠豆香酥炸特色蠔餅$108: 酥炸脆卜卜一大塊，上枱震撼又香。酥炸好邪惡，脆漿一口一口吃唔停。蠔份量唔勁多但都乂大粒夠鮮味冰鎮新鮮菠蘿咕嚕肉$148: 加上了小麥芽糖裝飾，上枱好吸引。咕嚕肉份量多，皮脆，菠蘿好新鮮，如果有其他生果會更好啫啫雞： 一上枱勁香，好似啫啫通菜甘惹味另外，店內有很多Lego 卡通公仔，so cute

壽星同事話食呢間，我哋做啦啦隊梗係舉腳贊成啦⋯⋯一入到去，見每枱枱面的餸菜，碟碟賣相精美，完全係打卡📸佳品！實在令人好期待，點知～結局完全反高潮！燉湯，有元粒乾瑤柱，入口才發現嗰乾瑤柱完全係臭雪櫃味，飲咗成一壺熱茶，嗰陣臭雪櫃味仲殘留喺口腔揮之不去🤢🤢🤢🤢🤢金銀蛋時菜，嗰粒蒜頭一樣係咁（臭雪櫃味）🤢🤢🤢🤢🤢冰鎮菠蘿咕嚕肉，外皮做得薄脆（這點確實值得一讚），至於嚿肉，完全冇味，除咗有外皮嘅酸甜之外，唔知道自己食緊啲乜🥲砵仔絲苗白飯更加不知所謂，完全係違反商品說明！我未食過粗劣，0飯香的所謂絲苗白飯！最後，千祈唔好對呢間食店的服務有任何期望。（完）備注，我哋成班人嬲到要轉場食第二round先可以消咗d怒氣！Btw….好好彩，比我哋即時搵到間喺裕民坊嘅西餐廳，10分有驚喜，超級好食！（附圖）

觀塘區好多特色餐廳, 不過好多都限時, 呢間打電話去問話不需限時, 而且openrice嘅食評都唔錯, 唯獨是服務態度一般, 本著唔信邪嘅心態就去試一試😝🥢蜜椒蓮藕片$48蓮藕炸得脆脆, 面頭漿了一層薄薄的糖漿, 脆脆甜甜做前菜唔錯🥢椒鹽鮮魷$128成棵花擺喺碟上, 非常之漂亮, 打卡絕對一流, 魷魚炸得熱辣辣, 好香脆而且唔算油膩, 炸皮脆口唔硬, 亦唔會太厚粉, 魷魚新鮮炸得唔會過老, 口感彈牙煙韌, 面頭灑上炸蒜粒, 少少辣, 絕對惹味之選😋🥢酥炸特色脆蠔餅$88蠔餅個炸粉我就唔係好識欣賞, 太過鬆脆, 睇落去好似好大碟炸蠔餅, 其實都係炸粉同埋蔥粒充撐場面, 蠔仔嘅份量唔多, 蠔仔細粒及無乜蠔味, 食落唔惹味, 好似食炸粉咁🤭🥢話梅骨$98話梅骨味道適中, 有話梅味, 排骨質地有趙頭有口感如以往的食評所寫, 服務態度就認真一般👎, 我哋掛住傾計, 話梅骨及椒鹽鮮魷各淨咗兩件, 另外個炸蠔餅淨咗一半, 侍應居然問我哋仲要唔要, 清咗張枱先😲, 咁我哋當然話要喇, 因為食下野傾下計好正常啫, 當時目測店舖喺有吉位嘅, 而我book位嘅時候亦都問過有冇限時(當天星期三), 佢哋回覆係

奶奶生日飯，食到我小小聲！。 除咗生菜係後加，前面全部應該要時間做嘅餸，居然可以落單後5分鐘即上，咁只有焗蝦未到咪叫佢慢慢先，佢話已經焗緊。好野在全部都是微熱（即係唔熱），D野完全唔對路！仲有，我都未食完碟嘢已經有幾個侍應猛咁問係咪可以收走，最後果次我已經諗住佢再問我即刻會問侯！唔會再去D咁嘅地方食嘢囉！🤬🤬🤬

當我以為三小漁是以川菜為主的時候, 卻見到其午餐菜式包羅萬有, 除了水煮系列和酸菜魚外, 也有傳統港式的咕嚕肉和椒鹽豬扒, 但最吸引到我的, 是其剁椒蒸海斑, 還有原盤豬油撈飯, 如此湘式和港式的Crossover, 我倒是沒有試過.先說其豬油撈飯, 豬油和豉油在上枱已預備好, 調配份量OK, 豬油夠香而豉油鹹香度柔和, 飯身偏硬, 加上豬油口感剛好. 剁椒有紅和青椒, 不太辣也不太麻, 外表看起來很刺激, 但內在其實偏向溫柔. 海斑皮肉相連, 魚肉口感實在, 魚皮爽彈, 略嫌豉汁味道偏重, 和豬油撈飯的味道互搶起來, 有點可惜.Three Minnows looks like a Sichuan restaurant but she offers different kinds of Chinese cuisine, for example the Hunan spicy chili steamed dishes and Cantonese pot rice with pork oil. The taste of rice is hard and it is just right w

鍾意食辣嘅我，成日經過見到一路想試，今次終於有時間😎星期六2點幾，過左食飯時間無咩人，姐姐好好人，我一個都比張大卡位坐😂其實已經試過好多鋪頭嘅酸菜魚，食到有少少陰影😂😂好彩今次無伏，真心好食😋酸得黎有辣，兩邊無搶味，酸菜份量好夠好開心，又無成碗花椒八角加紅油要尋寶咁搵餸（之前食過一間酸菜魚一樣好香，但碗嘢啖啖花椒，一路食一路揀，真係食得勁辛苦😂😂😂）另外魚肉無骨亦都大大加分👍🏻

.父親節+母親生日飯❤️我係早兩星期whatsapp訂枱既，我想要梳化位，阿姐態度都好好話盡量安排，因為佢地啲梳化位通常比五人以上既，咁我都明白，到時睇下有冇啦😆今日去到，好開心佢地安排到梳化位比我地，坐得舒服好多，梳化座係c字型，個個坐哂入去，好處係上菜位係唔會影響到任何人，唔洗預個位上菜👍🏼 但坐中間兩個係望住對面枱既人食飯。阿姐都有禮貌，同我地講啲碗碟係高溫消毒🤣又問我地要唔要酒，冇hard sell既，之後問我地飲茶定酒，我地話茶，要普洱。睇返單寫住桂花烏龍($18)，我地唔識分，總之啲茶好濃好飲👍🏼👍🏼👍🏼冇茶位費，呢個茶價性價比高！我地叫左五個餸，每碟都好出色😋睇得出廚師都有心擺盤，同埋唔係用傳統白碟上菜，有花心思。話梅骨($98)一字骨應該係煎完又焗過，外面有少少脆，肉都幾嫩，唔會煮到硬哂嚡哂，同埋骨同肉比例相等(有啲餐廳幾呃砰，有時得骨冇肉)，話梅骨食落酸酸甜甜，同埋有話梅香。椒鹽鮮魷($128)炸衣唔厚，炸得唔油膩，應該有用吸油紙印過，食落唔會成口油。雖然椒鹽味略嫌唔夠重，但魷魚新鮮，食落唔會好硬。南瓜菠菜豆腐煲($88)上枱個陣仲好熱，卜泡卜泡，好香南瓜味，南瓜菠菜攪

父親節~一行16人,這間店的確不付所望~因為我地16人,又有大有細,餐廳好好安排左間房俾我地,真係好好,小朋友有空間可以玩、跳舞。大人又有地方影下全家福。因為我地人多,所以可以選唔同既食物,全部都係我鍾意既。最愛: 生炒骨。椒鹽鮮魷,味道同口感一流。始終太耐無堂食,真係好掛住堂食既香脆可口。一定要叫。之後就是安格斯牛都好有驚喜,口感做得剛剛好,不太硬,時間控制得好。豆腐好正,外脆內軟,真係好小菜的味道。蝦仁大大舊,又有芥末味,係不錯之選。小朋友都食到<番尋味> !絕對想再食!!!

電訊一代樓下，雖然隔離有間譚仔三哥，但係仍然冇阻我選擇食佢嘅決心。特別係午市，一個餐$50至$70不等，但係非常足料，又有埋嘢飲。12點都唔會話好迫好多人。最好嘅地方係，午市有九五折，外賣自取仲有八五折，真係超抵。自己公司喺樓上，成日都幫襯。非常推薦佢嘅椒鹽豬扒，四至$5大大塊嘅豬扒，加埋一碗飯。打工仔食真係超正，非常香口。另外胡椒豬肚湯都係一個非常好嘅選擇，冬天嘅時候食，真係驅寒保暖。而且佢亦都唔會話太重口味，加上有健康飲品可以揀，飲品款式都多過平時出面嘅茶餐廳，個人10分欣賞。

母親節揀咗呢間同媽咪慶祝，因為見comment好多人推介話好味。食物質素係好 無論味道菜式價錢都好令人滿意👍🏻唯一要改善係樓面侍應、人手、服務態度同招待方式。因為我本身book咗八點，7:50幾分已經到咗門口，當時已經有幾台已book嘅客人等緊，但門口竟然一個侍應招待都冇，門口嘅客人一直喺度等 ，侍應只係顧樓面情況 搞到門口嘅人越等愈多，而且客人開始唔耐煩，因為根本冇人理最後我係8:20幾分先入到去，其實book咗枱真係冇諗過要企喺門口等20幾分鐘，我仲要同屋企人一齊，令到父母都一齊等🙄最差個問題係成個過程根本冇侍應去安撫或者告知係咩情況要等幾耐。我開頭真係好嬲好嬲 好彩食物質素唔差先冇咁嬲係希望貴餐廳能夠改善呢方面 咁就完美喇👍🏻好啦 講返食物方面竹炭豆腐 $18/pc招牌食物，個個都嗌，個皮香脆好香，裏面嘅豆腐真係好滑好滑，10分推介私房金鮮龍躉 細 $298魚夠新鮮，重點係份量都幾多，裏面有好多淮山同寬粉，所以都幾抵食風沙脆皮雞 半隻又一招牌食品，開頭以為冇咩特別，係平時食開啲脆皮雞，但原來佢整得真係好香脆，裏面嘅肉質依然好嫩滑，重點係佢去咗好多骨，食落啖啖肉冰鎮咕嚕肉見賣相好靚

新搬屋過來觀塘區。限聚令開放，夜晚用餐，在APM附近兜兜轉轉覺得都系落街食。見到三小漁以海鮮為主題，可能食螃蟹，可能食龍蝦，到見到菜單，才發現其實想食無咁多刺噶魚，因此叫龍躉，除了清蒸還可以選擇黑蒜。黑蒜一直是最愛。肉質厚實，連皮帶肉，嫩滑有口感，脆爽。龍躉一件件半透明魚皮口感賣相靚。蠔仔肉碎時蔬，湯汁水都可以飲。蠔仔都不算太細，一口一個口感清爽。兩個人兩個餸外加一碗白飯，買單大概三百幾元，呢餐廳好似系剛剛搬過來呢兩年，所以裝修都算新，還可以訂臺。

家人生日來到三小漁食飯，這間餐廳的小菜做得特別的好食，今次點了龍躉酸菜魚、薑蔥龍蝦、金沙魷魚及咕嚕肉，所有食物都好好食，大家都食得津津有味。餐廳環境唔算好大，唯冷氣開得唔夠，有少少熱同焗促。

上年男友媽咪生日，男友細佬請我哋一齊嚟呢度食晚飯，果陣已經覺得呢間中菜好impressive，絕對會再encore😍 事隔差唔多一年終於再黎食🤣今次係食set lunch，野食即點即整熱辣辣，性價比非常高👏🏻我哋仲要兩點先嚟到過左午市繁忙時間，冇乜客人食得好安靜😎餐廳採用自助落單，scan完個code會引導你去openrice ’堂食落單‘而唔係一個獨立網站落單，第一次見😯❤️黑蒜蒸海斑件💰7️⃣0️⃣上次都有食呢樣，水準keep得到！👍👍海斑蒸得剛剛好，肉厚而且肉質勁嫩滑😍 黑蒜香口，唔會過鹹，配埋底下既粉絲送飯一流🤤❤️菠蘿糖醋魚柳轉豬油飯 💰5️⃣5️⃣+💰5️⃣魚柳新鮮炸起，粉薄勁香脆😋糖醋汁甜酸味適中而且上色均勻，濃稠度完美，食到最後都無黏埋一pat 野😁菠蘿多汁但個人認為有少少酸，但食得出絕對唔係罐頭貨色👍豬油雖然邪惡但撈白飯真係零舍香🙊值得一提嘅係呢度既白飯粒粒分明有飯香，用料唔錯👍同男友都覺得午市價錢食到咁高質既即叫即整中菜真係好抵，一定會再黎的！😎

友人推介我試呢間觀塘嘅中式餐廳 今日咁啱經過就入咗去試 不過如果大家想試嘅話 早一日book位係會有九五折優惠嘅😮餐廳唔算好大 二人檯都比較細張 嚟咗兩個餸已經好逼😣脆皮風沙雞 半隻賣相好吸引 食落雞皮炸到脆卜卜 雞肉都幾嫩滑 佢有配到一個泰式酸辣醬 不過點唔點都好夠味🤤南瓜秘製牛腩煲呢個真係好feel到佢好熱 上到檯都仲係滾緊 牛腩好腍 吸晒醬汁嘅柱侯醬味 南瓜就好快溶晒 變咗南瓜蓉咁喺個汁入面🤓自家制南瓜汁菠菜豆腐煲南瓜味就冇乜 豆腐嘅賣相好似發咗霉咁 其實係因為溝咗菠菜😅啫啫爽肉白菜花呢碟好夠份量 有少少辣味 白菜花又冇乜草青味 爽肉都幾好口感😌呢間餐廳每個餸都好夠味 見到其他檯叫好多海鮮嘅菜式 下次嚟要試吓海鮮😉

朋友請食飯，喺網上搵到呢間評語唔錯，搵左放假既lunch去食。Lunch時間場內冇乜人，我哋三個人可以坐左一張好大嘅六人枱，好舒服。D 枱椅都好新淨, 衛生程度都唔錯!星期六都有lunch set可以揀，叫咗兩個lunch set ($198一份)，再散叫咗一份炸子雞$128。兩個LUNCH SET 原本佢話當係4個餐, 跟4碗飯, 不過我地要3碗夠啦!首先嚟到嘅係菠蘿糖醋魚柳，佢個皮新鮮夠脆，唔會太厚，入邊嘅魚肉都幾嫩，呢樣有啲驚喜！菠蘿幾多舊, 不過切得太大嚿，如果切細啲就更好, 哈哈！跟住就係一個三式拼盤，顏色好豐富, 外貌十分之吸引: 黑磚豆腐+芥末香煎元貝+油茶樹菇煙燻糖心蛋。聽講黑磚豆腐係招牌之一，一咬落去個皮係好脆唔厚，跟住入邊嘅豆腐係非常之嫩滑，好好食！芥末香煎元貝，個帶子好大舊，佢煎得唔太熟，有輕微嘅刺身口感，所以元貝唔會縮細左亦都唔會難咬，好好食! 而且拌有少少芥茉醬, 有少少辣再加甜嘅口感, 喜歡!油茶樹菇煙燻糖心蛋，上面放咗啲醃製咗嘅茶樹菇，我覺得感覺唔係好襯。其實冇咗茶樹菇都OK。個糖心蛋味道幾好食，口感好「粉」！我哋再散叫咗一個話梅淮山小食$48，個淮山有少