三小漁

Open Now

Now Closed

午飯時間爆多人, 所以通常都會過左午飯時間先出去食.今次同同事們一行七人兩點去呢間小菜館.  一共點左8樣野, 個椒鹽鮮尤唔記得影相. 我覺得炸得少少過左頭有o的燶.另外蠔餅o的蠔真係好, 佢都冇用蛋漿, 我唔鍾意都覺得唔好食好油.七人以上送左個啫啫雞煲, 呢度重可以叫豬油撈飯.  我有加豬油, 食完同事先發覺豬油有o的酸, 不過我已經食晒落肚, 之後都冇唔舒服.整體都係唔錯, 成八個餸, 食到好似晚飯咁, 埋單重有95折每人只係140.以咁o既價錢食到咁o既質素同份量又真係幾抵.雖然有o的油膩, 但間唔中一次都唔錯.

今日係觀塘收工,約咗個同事食餐晚飯,同事帶咗我去一間食中,粵式菜嘅餐廳。三小漁中菜館,餐廳喺成業街電訊一代廣場,入到去餐廳地方真係幾闊落,座位嘅空間感亦都好足夠,喺度食飯感覺都幾舒適。坐低先點咗個陳皮普洱,職員會用熱水洗乾淨餐具,真係好細心。普洱茶除咗有茶香,仲有少少陳皮嘅香味,飲落去又香又開胃。青麻椒安格斯牛柳粒 168元,牛柳粒擺碟好吸引,一口牛肉煎到啱啱好,食落去牛肉味好香濃好juicy,有入口即溶嘅感覺。沾小小青麻椒醬,令到牛肉嘅鮮味更加突出,又帶少少麻辣香味。鮮菠蘿芥末蝦球 148元,蝦球外層炸粉皮薄仲要炸到金黃色,食落去外面脆卜卜,入面嘅蝦肉爽口彈牙非常新鮮,芥末醬同菠蘿嘅香甜味,令到蝦肉味道更加有層次,最底層仲有新鮮嘅菠蘿,味道清香,絕佳之作。煙燻溏心蛋,黑磚豆腐。黑磚豆腐做到外脆內熱加埋少少炸蒜增加風味。溏心蛋見到蛋黃有啲油香滲出嚟,經過煙燻入口特別香。法式焦糖燉蛋 58元,燉蛋面層燒到焦香入面嘅蛋仲係好幼滑, 加埋桃膠一齊食 增添口感。另外招牌甜品,桃膠燉手工菊花豆腐,首先欣賞到廚師嘅刀工,將豆腐切到好靚好幼滑,入口食到菊花嘅清香味,好順喉又滋潤。

終於唔使戴口罩，好多地方都開始放寬，梗係周圍去搵嘢食，今日去咗位於觀塘嘅APM行街，見到商場入邊全部都係連鎖店，所以決定喺附近望下有咩好食，點知比我發現到呢間三小魚呢間中式餐廳，入面燈光好光猛，地方又闊落，位置仲非常方便，見到餐牌價錢非常合理最重要係位於觀塘區附近唔需要等排長龍嘅升降機，餐廳入面有好多辣嘢食，啱晒鍾意食辣嘢嘅朋友呢度無論係環境服務態度同食物嘅味道衛生都令我非常滿意靠牆仲有梳化位地方又唔會迫夾牆上面掛滿牌，全部寫晒名式嘅菜餚，容易見到招牌嘅食物方便客人選擇揀咗陳皮普洱茶靑麻椒安格斯牛柳粒$168鮮菠蘿芥末蝦球148煙燻糖心蛋（半隻）$36黑磚豆腐$36法式焦糖燉蛋$58塗膠燉手工菊花豆腐$48青麻椒安格斯牛柳粒，牛肉煮得剛剛好，一口一啖，而且牛肉味濃郁，大廚控制時間剛剛好，肉質又夠林身鮮菠蘿芥末蝦球，蝦球底部有新鮮菠蘿粒，菠蘿好甜又新鮮，蝦球有炸過加上芥末汁， 十分惹味，蝦肉十分新鮮爽口彈牙，證明食材非常新鮮法式焦糖燉蛋，呢款似中西合璧甜品，見到表面放有桃膠，原來同焦糖燉蛋一齊食會咁夾，表面焦糖夠脆，燉蛋好滑，又香又濃郁嘅奶味，而且甜度適中，超水準。黑磚豆腐，一咬落去個皮

午市優惠餐(非麵餐跟白飯1碗，奉送熱飲)******************************午餐口痕想食酸菜魚三小漁可以滿足呢個口腹之欲😋飯同餸另上幾個人嗌幾個餐可以開心share👏🏻🥢酸菜魚片 $62 平時晚市出去食酸菜魚一定係大大盤呢度可以細細碟一個人自私食都可以🥳酸菜底味道唔會太酸魚片冇骨 都算大塊🥢椒鹽豬扒 $52椒鹽豬扒煎得香脆送飯一流🥢菠蘿咕嚕肉 $68咕嚕肉有鑊氣正酸酸甜甜正常發揮

好耐冇食過冰鎮咕嚕肉, 於是去三小漁食, 本身都食過2次, 呢間比我印象就係價錢並非便宜但場地算坐得舒服. 不過經過呢次之後就唔會再食1. 食物方面, 廚房的而且確係煮得好食, 冰鎮波蘿咕嚕肉, 牛腩煲, 金銀蛋浸時蔬, 波蘿芥末蝦球(?2. 服務方面, 樓面真係唔要得, 態度好似古惑仔咁…當初落單落左芥末蝦球, 黎到食左唔覺有芥末, 另一位朋友食完都話唔係芥末, 係芝士, 咁我就同男staff對一對張單, 果位男staff話落左芝士蝦球, 我話落錯單wo…佢就兇番我地轉頭, 話咁你地都食左啦, 之後勁快走左去唔再理我地…..? 如果我地唔食果碟蝦球又點知落錯單?? 明明落錯單係樓面同事, 但要我地負責番你地錯失之餘, 咁樣屈番客人轉頭都有….😅我地最後同部長反映呢件事, 事件最後解決左, 但睇番下面有其他人既食評原來有唔少都有講話呢間餐廳既員工態度有問題, 如果大家性格係比教林善既話, 唔擔保你地係呢間餐廳又遇到呢類情況, 小心又係會被果位男樓面兇番你地轉頭, 唔知落錯單既情況下你地又食左, 分分鐘要比貴40-50蚊左張冤枉單.希望三小漁真係要正視一下員工個服務態度問題.

觀塘工廠區餐廳林立，中午好多打工仔lunch，今日去呢間三小漁有驚喜，喺電訊一代大廈，好易搵，一上電梯前小小就見到，門口大大隻加非貓從餐牌選擇同坐位睇，晚市應幾適合一家人一聚，午市選擇係客飯套餐為主，有個特別亮點，可轉豬油撈飯先來個菠蘿咕嚕肉，賣相幾吸引，份量亦好多呢度咕嚕肉係採用梅肉，好正宗，食落啖啖肉夠淋，亦炸得剛剛好，夠香口，粉漿不會over，菠蘿係用原隻切，大舊又juicy 同行太太叫咗酸菜魚片米綫，魚片爽滑彈牙，湯底酸辣好開胃其實全個午餐最重點就係呢個豬油就算酒樓都好少有，莫講話餐廳，問咗侍應姐姐，佢話原來夜晚有個餸叫做豬油粉絲煲，所以豬油係新鮮整出嚟，午餐攞嚟賣，撈飯真係好正最後飲埋個杯凍檸茶，夠濃少甜，正

今日在觀塘「三小漁」食午餐餐廳闊落，簡潔舒適，乾淨企理。服務員態度非常好👍🏻我哋點了兩個套餐，菠蘿咕嚕肉和酸菜魚片。呢間餐廳係用砵仔蒸飯，蒸得好好，飯香，粒粒分明👍🏻亦可以加$5升級豬油撈飯，餐廳姐姐推薦我哋加，因為係師傅每日新鮮提煉而成，撈落飯食真係仲香濃，仲好味😋「菠蘿咕嚕肉飯」選用豬肉肥瘦適中，外皮炸得香脆，炸粉唔會好厚，而且係用肉眼筋位置，爽口彈牙好味👍🏻👍🏻調味唔會偏酸或偏甜，份量亦十足，菠蘿和肉都各有5-6件，正！期待晚市的「冰鎮新鮮菠蘿咕嚕肉」😋「酸菜魚片」湯底香濃，辣味恰好，唔會太酸，好味👍🏻👍🏻送飯一流魚片好滑，完全沒有骨，啖啖肉，正！

想在觀塘吃精緻的中餐，於是去到位於成業街的電訊一代廣場的三小漁。晚市提供湯羹翅、海鮮和主菜等等，午市亦有不同食物可以選擇，而且餐廳提供多人同行優惠。這晚一共品嚐了三款食物。在等待食物之前，先享用桂花烏龍茶 。 茶香非常清澈、吸引。先品嚐冷盤話梅淮山。淮山經過醃製，入口軟腍，氣味獨特，配合話梅，整個小食令我非常開胃。然後一嚐蟶子王。蟶子皇份量十足，香甜鮮嫩；上面配合粉絲、香蔥等配料，令口感、味道以及香氣進一步提升。蓮藕蜜椒骨擺盤精緻吸引。蓮藕費切成薄片，經油炸後非常鬆脆，而且沾上蜜汁，甜度誘人。蜜椒骨設成一口大小，方便食用；肉質香脆，配合蜜汁和芝麻，既香又甜。甜品是桃膠燉手工菊花豆腐。這道甜品非常考大廚的刀工， 豆腐切得這麼幼細，放在水中散開，方能做到恍如菊花花瓣般精美。甜度配合得恰到好處，是這一餐一個完美的句號。

同三位朋友一齊食飯，餐廳離APM 5-10分鐘步行距離，係商業中心一樓。我哋選擇觀塘食飯，係因為工作區假日人比較少，用饍比較舒服，呢到又冇限時間。7點嚟到，見到門口有隻半米高左右嘅茄菲貓Lego, 餐廳裏面有好多Lego 卡通人物。檯之間距離好足夠，座位多卡位，食飯傾偈好合適。我哋叫隻半隻炸子雞，炸得啱啱好，雞滑，鹹度合適。梅子排骨，有7-8件，好味，酸酸甜甜，黃金炸魷魚，用鹹蛋黃炸嘅，剛剛炸好一定好味。仲叫咗個菜，金銀蛋菜，落咗好多靚嘅皮蛋，鹹蛋，又有鮮味嘅高湯，呢個菜真係做得好好，越簡單嘅菜越少餐廳會認真做。雜菜粉絲煲水準幾好。

上個月與朋友們到三小漁吃晚餐🥢， 真心不錯😋， 因為地點近我公司，所以再嚟食午餐。 午市都幾多人， 幸好我預早訂位， 今次點了午市套餐📋📍、小食、飲品和甜品。水煮魚片$62、青麻剁椒蒸海斑塊$72、黑磚豆腐(件)$18、煙燻溏心蛋(半隻) $18、泡椒雞腳$38、桃膠燉手工菊花豆腐$48、法式焦糖燉蛋$58、豬油撈飯$5、冬瓜薏米水(跟餐價錢) $5、 洛神花茶(跟餐價錢) $5。 🔸黑磚豆腐🧈 ～ 上次食過一次難忘， 口感外脆內軟， 值得一試。 🔸煙燻溏心蛋🥚 ～ 醇香美味的溏心蛋， 有淡淡的煙燻味， 更有流心效果。 🔸泡椒雞腳🍗 ～ 酸酸辣辣的味道，清脆爽口。 🔸水煮魚片🍲 ～ 鮮嫩的魚片，配上又香又辣的湯底， 食起來感覺特別惹味。 🔸青麻剁椒蒸海斑塊🥘 ～ 海斑塊肉質很滑又無骨底有粉絲吸了醬汁味， 香辣有勁，拌飯之選。 🔸豬油撈飯🍚 ～ 邪惡的豬油撈飯，食起來特別香口。 🔸法式焦糖燉蛋🍮 ～ 面層薄薄的脆焦糖， 燉蛋口感滑嫩如絲，蛋味非常濃郁。🔸桃膠燉手工菊花豆腐🥣 ～ 又係必食推介， 菊花豆腐賣相好靚， 做得好精緻， 糖水整體味道清香。 🔸冬瓜薏米水🥤 ～ 味道清甜又健康， 清

父親節正日，同老婆外父外母去了這間位於觀塘的人氣海鮮小館「三小漁」慶祝。位於一個小型商場一樓，位置唔顯眼；門面甚至有點似間茶餐廳 ⋯⋯ 事實上，餐廳午市開始營業，中午飯市及下午茶真係一間茶餐廳！內隴裝修也同一間茶餐廳沒有大分別，有很多卡位及四人枱，正中位置則放了幾張12人大圓枱，明顯方便晚市而設。環境擠迫嘈吵，又有點混亂；很難想像晚市這麼多客人，而且主打廣東海鮮。餐廳牆上層架擺放了一罌罌香料，另一個層架就放了一包包江瑤柱及魚翅；似乎對晚市很有信心。小菜價錢定位同正規廣東酒樓差不多，也有多款游水海鮮。海鮮並非街坊小店價錢，絕對稱不上便宜。生炸皇子鴿（$72）原來只是BB 鴿。一向不太鍾意食BB 鴿，雖然鴿肉較幼嫩，但鴿肉味道就未夠濃郁。鴿皮亦因為較薄而炸過了火喉。竹炭黑磚豆腐（$18 / 件）同坊間其他小館的椒鹽豆腐如出一轍，只不過表面炸衣加入了食用竹炭粉變成黑色而已。有噱頭，但賣相並不吸引。味道方面，略嫌未夠惹味，椒鹽味未夠濃郁。以「三小漁」的定位及用餐環境，西澳洲龍蝦（$580 / 斤）的定價稍為偏高。當然有很多高級酒樓的游水海鮮定價還要貴得多，但同樣地，坊間也有很多差不多級數及環境

Happy Friday 四個女人六餸一湯，食得開心食得滿足，友人食過一次介紹再訪，主要都係唔限時，舒舒服服嘆杯啤酒🍻飲啖茶傾談飯聚是我一向對餐廳的要求，食物質素當然都係主角，這次用餐🍴十分滿意，餐廳服務員態度和藹，地方闊落夠大，樓底也高所以傾談時不會吵鬧，氣氛很好👍下次會再來試下海鮮🦞，走的時候見隔離枱滿滿的龍蝦鮑魚，真的很吸睛🤩這次主要是試下出名的冰鎮咕嚕肉和燉湯，果然名不虛傳😋值得一去。

一行十幾人食lunch，分開兩枱各六個，其中一個餐有菇，食落口發現係酸既，搵女同事反應，佢話話唔到事，睇住佢叫完個貌似係經理既男人處理，男人喺水吧黑面之後完全唔理我地，過左五分鐘再叫人請佢先出黎，講完話個菜入面既菇酸左，佢話叫我地轉餐，但已經13:40，我話食唔切cancel算，佢黑面答：唔得，一係你叫第個餐外賣。我話唔要喇其他唔啱食，佢堅持話叫我一定要叫返，如果唔係4-6人送既菜要收返正價$1xx，咁明明我地一枱係六個人，減一個餐都係五人，都合你送野既要求，同埋係你食物有問題，佢就話唔食都一定要照收你$42低消，或者收返你野飲錢然後你同行既人無左原本有既九折，大佬成件事都唔合理，全程個男人態度都好差，完全係百般刁難，無啦啦就俾佢屈左$42，然後走左之後發現我地另外嗰枱既單無啦啦仲收多左加一同埋無左折扣，亂咁黎。雖然其他人話佢食物品道都不過不失失，但咁既經歷，呢間店真係不可一不可再，請都唔再食

朋友介紹到三小漁吃晚飯🥢，位於觀塘成業街10號電訊一代廣場1樓B01號舖。 我們訂了房，所以私隱度極高。 ✨晚餐的菜式有煙燻溏心蛋、 黑磚豆腐、 蓮藕餅、古式東坡塔、 大龍躉兩食、 脆皮風沙雞、 冰鎮新鮮菠蘿咕嚕肉、啫啫通菜煲、 鮮魚湯胡椒魚肚芥菜煲、 粉葛鯪魚老火湯、桃膠燉手工菊花豆腐。 🔴煙燻溏心蛋🥚 ～ 入口軟綿綿的溏心蛋，再加上煙燻味，醇香美味。 🔴黑磚豆腐🧈 ～ 黑色的賣相好型， 外脆內軟的口感再配上炸蒜粒🧄， 很好味，我們食了兩碟🤣。 🔴蓮藕餅 ～ 蓮藕口感爽脆， 豬肉餡夠結實👍🏻， 口感不錯。 🔴古式東坡塔 ～ 賣相非常出色🤩👍🏻， 當然第一時間要打卡先🤳，肥美不膩的五花腩疊成塔狀， 非常精緻， 切開五花腩還有大量梅菜🤤， 大家都忍唔住要點返碗白飯🍚。 🔴冰鎮新鮮菠蘿咕嚕肉 ～ 顏色鮮豔奪目的賣相， 咕嚕肉啖啖肉， 菠蘿🍍非常甜美。 🔴脆皮風沙雞 ～ 真是皮脆肉嫩🤤， 重點是食完唔會感覺好油膩。🔴大龍躉兩食 ～ 龍躉兩食各有特色， 啖啖肉又肥美的龍躉， 魚肉很嫩😋！ 🔴粉葛鯪魚老火湯 ～ 湯料砌得非常有心，粉葛湯好濃郁，份量又多🥣，每人起碼飲到兩碗。 🔴鮮魚湯胡椒魚肚芥菜

這家中菜的擺設真的讓人有一個想去嘗試的衝動，剛好我們一家人在節日中選擇了這家店，可以讓我們試試它的真偽。先說冰鎮咕嚕肉這個菜式的噱頭顧名思義就是將熱騰騰的咕嚕肉放在冰上，讓咕嚕肉的外皮冷縮熱漲的原理令外皮更脆。真的不錯。鮮菠蘿芝士焗大蝦球十分香脆，而大蝦也很新鮮。椒鹽鮮魷這個菜式的炸皮比普通的椒鹽鮮魷好吃，但份量很少。蒜香蒸蟶子十分新鮮，好吃這間店的食物外觀擺設吸引，食物水準還可以，但價錢偏貴。節日吃一次半次還好。