天天海南雞飯 (ELEMENTS圓方)

Open Now

Now Closed

同朋友睇戲，睇完之後喺element搵嘢食，心思思想食海南雞飯，就搵咗呢間好似幾出名嘅米芝蓮餐廳餐廳都幾大，位置闊落幾好座，唔會同隔離太近望到周圍啲餐點都比較大份，簡單叫咗幾個招牌菜正宗海南雞（$199）份量好多，有半隻雞，肉質嫩滑有雞味，醬汁好夾金不換和牛碎生菜包（$139），呢個超好食，香料味好香，三色椒配埋牛肉，平衡左油膩感，無論係配生菜、蝦餅、或者撈飯，都非常好食，必嗌！因為想食菜，特登叫咗個雜菜煲（$109），足料！湯底好好飲，粉絲索晒啲湯，超正！另外叫咗個雞油飯，呢個飯好出色，米飯粒粒分明，重油香，仲要好大份，兩個人都食唔晒最後叫埋美祿恐龍豆腐花，又係飲品又係甜品，為呢一餐畫上完美嘅句號✨

天天都路过这家店也知道是新加坡米其林但始终没进去尝个鲜朋友明天要走，决定一起去探探店带上娃们，一人点了一个菜最先上的是蔬菜煲🥬🍄里面好多种蔬菜，还有粉丝、鸡肝和蘑菇吃起来很不错啊，健康、清淡又鲜美汤都很nice，不像浓汤宝兑出来的然后就是非常期待的海南鸡和烧鸡拼盘🐔海南鸡肉很嫩很多店里的海南鸡味道太咸，这家不会😇烧鸡的肉稍微紧实一些，表皮又酥又软娃们一块接一块，停不下来！我还看到墙上海报说创始人曾经用海南鸡打败过厨神Ramsay，真是被惊讶到🤩我们还点了咖喱鸡+鸡油饭，好吃😋黄金软骨，就是咸蛋黄裹着脆骨炸也不错，可以说道道都没有踩雷！又发现一家可以常来的店，很开心🥳没有给菜品拍照，可能太好吃了忘记了哈哈😆

話說之前去新加坡已經朝聖過總店😃是晚喺Elements睇戲之前要搵地方早早食晚餐一於揀佢！人氣店果然名不虛傳！傍晚時分已經座無虛席🙌🏻環境靚, 服務有效率, 食物質素有保證！會再回訪🤭🤭. ✨班蘭汁椰香鱈魚 $109精緻擺盤🏵️好有東南亞風情！一口大小嘅鱈魚炸得香脆！沾上濃郁椰香且creamy嘅班蘭汁別具風味😌😌.✨天天燒雞 (大份) $189果然呢度嘅招牌菜就係"雞"🐔今次唔食海南雞！轉為試吓香口燒雞！簡直好食到停唔到👍🏻👍🏻皮脆肉嫩滑！兩條友爭住食！！. ✨雞油飯 (細窩) $39一至二人份😙份量足😙啱哂撐枱腳share食！油香潤澤但又唔會過於油膩！抵叫！！.✨參巴辣椒炒通菜 $99以鍋煲熱辣辣冒哂煙咁上枱🔥叫咗小辣已經非常惹味！加上通菜好嫩完全冇渣！讚😀.✨新加坡原味豆腐花 $19@份比一般豆腐花更幼滑😍😍而且有豆味得嚟唔會太甜！必食嘅飯後甜品！！.✨茶位$10@位✨加一服務費

天天海南雞嘅圓方分店，裝修充滿高級感，店內深棕色木配上藍調，舒適而高級。今次揀左天天海南雞中份、南洋咖喱羊肉、雞油飯，飲品就揀左凍豆花美祿、熱酸柑桔蜜天天海南雞係必點菜式，以嫩滑的雞肉聞名。雞肉經過特殊的處理，口感極為柔嫩，可配以醬料和香氣濃郁的雞油飯。南洋咖喱羊肉比嘅係羊架，落足本，羊架表面燒香，肉質柔嫩，熟度剛好，又唔會肥膩，與咖喱醬完美融合。咖喱的風味豐富而濃郁，帶有微妙的香料香氣。雞油飯的雞油和飯粒完美磁合，飯粒在炒熟的雞油中吸收了豐富的味道，口感香濃鮮美，無論係配海南雞定咖喱，一樣好食凍豆花美祿係呢度其中一款最受歡迎嘅飲品綿密細滑的豆花和甜甜的美祿，夏天必點最後是熱酸柑桔蜜，適合喜歡酸甜口味嘅朋友，酸味有提神醒腦的效果

之前有朋友推介過依間新加坡餐廳比我，難得今日早放有時間可以特登嚟圓方一「嚐」究竟🧐，最後果然冇令我失望😍。雖然價格較高，但食物質素對得起依個價錢呢😌。-💛金不換和牛碎生菜包 $139依個生菜包看似平凡，但個人覺得一定要叫。生菜新鮮爽脆，而拌炒三色椒嘅和牛碎嫩滑惹味，辣度適中😍。一口咬落去，肉汁醬汁溝埋生菜嘅爽甜，鳴啊，我可以叫多份🤤！旁邊仲有好脆微辣嘅蝦片，作為前菜，認真大推👍🏻。-💛新加坡咖喱原骨牛肋條配鹹煎餅 $189牛肋條原骨上，望到都已經流唒口水，賣相一流🤩。牛肉份量都有好多，每件都厚切，而且脂肪滿滿，超好食😆。至於鹹煎餅食落好有驚喜，無論味道同口感都好似牛脷酥，酥甜嘅滋味，沾上香濃咖喱，口感濃郁豐富，冇得輸🥰。-💛天天海南雞 $189 (中份)海南雞肉滑可口，雞皮彷彿果凍，口感爽身😋，而醬料處理上亦有心思，海南雞沾醬配飯食簡直一流🤤。-💛雞油飯 $39 (細窩)依度嘅雞油飯係我暫時食過最啱我口味嘅油飯😍😍，用石窩木蓋裝住，飯夠熱且粒粒分明，油香四溢而不膩，更散發淡淡嘅薑味，講真就咁食依個雞油飯我都可以😘。

招牌菜天天海南雞，本身海南雞已幾款醬汁 醬汁各有特色香味 仲可以帶出雞味既精華 而雞肉就好嫩滑 雞皮仲好薄添👍🏻👍🏻一啲都唔會有肥膩嘅感覺，一夾起舊雞嘅時候就會見到雞皮同雞肉中間夾著一層啫喱, 睇見都流口水, 咬落去嘅時候雞皮夠爽而雞肉質地亦十分嫩滑, 可見煮雞嘅技巧非常好, 而食嘅時候再點埋辣雞醬就更加野味雞油飯好香好香既雞油味 雞油飯粒粒分明 軟硬適中🤩🤩 剩係食雞油飯都好香👏🏻老街坊牛筋牛腩，牛筋非常軟稔，好有膠質。牛腩出奇地柔軟有彈性，又好入味。完全唔靭唔乾桂花糕配斑斕醬，入口軟塾，淡淡的桂花清香，甜度適中，出奇地好食，正！食物有水準，會有下一次。👍

黃金雞軟骨👍🏻👍🏻用鹹蛋黃包住雞軟骨炸到脆卜卜，一路傾偈一路食，會食唔停，非常可口，雞軟骨唔係好似其他咁樣，佢係有一嚿肉包住，唔係剩係得粒骨，有咬口之餘仲有肉食，必叫！羅勒街頭小食拼盤🥳性價比極高，樣樣都好食，有黑椒腸，脆卜卜蝦片，有春卷，仲有三串雞豬牛串燒，仲有蝦餅添！份量一啲都唔少，兩個人真係啱啱好，可以食到好多種類，每人每樣食少少。正宗海南雞雞油均勻，雞肉非常軟嫩好滑，加上晶瑩通透嘅雞皮，口感一流，非常有雞味！雞油飯🤤香噴噴的雞油香飯，邪惡但很好味。豆花恐龍美祿😍😍每次見到menu有都必叫！滿滿嘅美祿粉已經好濃郁，用粗飲管可以啜到下面啲豆腐花上尼，好有層次～就算佢咁大杯，我哋都好快飲哂，推介！

天天海南雞是新加坡過江龍，尖沙咀圓方分店， 佈置雅緻， 環境舒適， 皇牌海南雞，令人百吃不厭， 深受不少粉絲支持。鳳梨涼瓜乾貝燉龍骨一位 $69 打開燉盅蓋， 鮮香撲鼻，先嚐一口湯，清徹鮮甜， 涼瓜、鳳梨切成薄片， 口感軟綿，配上鮮甜的干貝、 龍骨， 好滋潤温補的湯水。班蘭汁椰香鱈魚 $109 新鮮炸起的鱈魚， 炸到金黃香脆， 外脆內軟， 鱈魚肉鮮味滑溜，沾上班蘭醬汁， 淡淡斑斕的芳香， 風味迷人， 愈吃愈想吃。迷迭香火焰黑金叉燒 $129黑金叉燒選用帶油脂的五花肉， 店員用火槍將迷迭香燒到香氣十足， 叉燒豐腴肥美，肉嫩可口，卻沒有油膩感， 配上新加坡黑色醬油， 令叉燒多一份油潤感，奇妙的配搭。龍蝦湯炸雞油鍋巴 $209鍋巴和龍蝦湯是分開上， 可以保持 脆卜卜口感， 食之前，將彈牙龍蝦肉、蝦肉、鍋巴及帶子，倒入濃郁龍蝦湯中，金黃色的龍蝦湯還冒著煙，等待一會，讓所有材料盡情地吸收湯汁精華，每一口湯汁都有龍蝦肉、帶子及蝦肉，鮮味注滿味蕾，加上脆卜卜的鍋巴， 別有一番風味，完美配合。

新加坡過江龍天天海南雞系新加坡米芝蓮3星Fusion食店，主打天天海南雞，天天文昌雞，天天燒雞。餐廳開在圓方，環境好坐舒服，系約朋友食飯嘅好選擇。酸湯石班魚石班魚新鮮，肉質鮮嫩，口感細膩，酸湯汁則帶有微酸的口感，增加咗石班魚嘅風味層次。酸得很開胃且配有好多菇類提鮮，非常好味。天天海南雞拼燒雞鐘意食雞又選擇困難症，我哋揀咗一雞兩味天天海南雞拼燒雞。結合海南雞同燒雞兩種，海南雞皮薄肉嫩，雞皮好似啫喱口感，非常有驚喜！燒雞帶有炭燒的香氣，口感脆香亦十分入味，雞肉嫩滑，搭配調味料特製醬汁，淋上青檸，香氣四溢。石窩雞油飯細份已經足夠2-3人食用，用石頭窩熱辣辣呈上，相當好口，打開蓋就聞到香噴噴嘅雞油味，超級吸引！

今日放工同朋友去到公司附近既圓方搵嘢食，圓方好大，餐廳既選擇都唔少。上網search到呢度既天天海南雞飯係好出名既米芝蓮新加坡菜。係度享受晚餐真係正，重可以望到個日落，睇到夜幕降臨既景色。茶位每人10蚊就可以嘆到呢壺好清香既烏龍茶啦！呢度有各種好有特色既咖啡，我同朋友都每人叫左一杯。呢杯係海南卡布奇諾，奶泡好綿密，入面加左少少斑斕葉，味道好香，充滿海南特色！另外呢杯係椰香南洋拿鐵，咖啡加上椰香的配搭，比起純用鮮奶更加吸引！上菜啦！黃金大蝦，好誘人啊😍！海蝦好大隻，每一隻都均勻咁沾滿左鹹蛋黃，又香又脆！参巴醬辣椒炒通菜，通菜炒得好爽嫩，加上蝦乾同少少辣，食落口感層次好豐富！最後一個菜係斑斕汁椰香鱈魚，鱈魚炸得鬆脆，裡面魚肉鮮嫩，配住椰香斑斕汁食，係地道既東南亞菜！再黎一碗夠兩個人食既雞油飯，今餐好滿足！

今日老公放假，夜晚就去左呢度行街兼食飯，佢話好想去新加坡米芝蓮餐廳開餐。餐廳都幾大，裝修都幾靚，仲可以坐房，朋友飯聚都幾適合。餐牌好多選擇，之前在其他分店食過佢D海南雞幾出息，今次就揀其他。老公叫左個燉湯、炒菜、魚同埋炒飯。火焰椰子八寶燉雞：原隻椰王上，黎到時候職員先幫佢點火，熱一熱佢先，好有睇頭。裡面有淮山、杞子、圓肉同埋瘦肉，用料十足，加埋用椰子水一齊燉，湯水原料原味，味道好甜有雞味，無咩油，老公好鐘意。參巴辣椒炒通菜：用鐵鍋上，一邊食一邊keep住熱，通菜幾有鑊氣，加埋魚乾一齊炒，炒得爽口夠綠又夠香，幾好食。酸菜石斑魚：估唔到連酸菜魚都整得幾好喎，石斑魚幾嫩滑，結實，帶鮮甜，仲有芋絲同秀珍菇等配菜，湯味道微辣，酸酸地，幾開胃。食神魚籽菠蘿海鮮炒雞油飯：賣相骨子，炒飯鋪滿魚籽，份量都幾多，裡面有帶子同蝦等海鮮配料，仲有菠蘿，炒雞油飯唔算太多油，入口係食得出雞油飯味，唔錯。

天天海南雞係新加坡過江龍，新加坡店係街市熟食中心環境，黎到香港定位反而係比較高級，開係elements。環境高尚，冷氣足，燈光柔和，好舒服嘅氛圍。唔止有海南雞，仲有其他好味道嘅菜式，例如海鮮喇沙等。先講返呢度嘅招牌菜——正宗海南雞，另一款叫天天海南雞係有汁嘅，個人鍾意無汁就叫左正宗海南雞。啲雞肉好鮮甜，分量又足夠，而且好嫩滑。另外，呢度嘅海鮮喇沙都好好食。佢嘅湯底有椰子香味，好滋味。而且湯底入面嘅配料都好豐富，有蝦、魚蛋、魷魚等，每一啖都可以食到新鮮嘅海鮮味。如果你想試下其他美食，可以試下呢度嘅羅勒街頭小食拼盤。呢個拼盤嘅分量好豐富，每一樣小食都好香口好味。個人最鍾意係蝦餅。雖然價錢肯定貴過新加坡食，但係係elements都算係好唔錯。

今日好開心同屋企人去咗圓方商場嘅一間天氣海南雞飯，食過一次，真係好食到頂呱呱，一定要介紹俾朋友食呀，一間餐廳真係性價比高，食物質素好高，而且好啱一家大細， 或者朋友嚟傾偈聚會食飯，而且呢度嘅裝修都好靚，好舒服，而且每一張枱嘅空間都好大，可以好舒服咁傾偈，呢度最出名嘅就係海南雞飯，呢度嘅雞好滑，好鮮嫩，真係入口即溶，而且呢度嘅小食都好特別，出面嘅餐廳一定食唔到，而且佢哋嘅份量都好足夠，而且呢度係米芝蓮推介，真係冇介紹錯啊，佢哋嘅Tall 都好好飲，全部即叫即正，好新鮮，價錢有經濟，真係好好食，而且佢哋嘅服務質素都好高，好專業，全部嘅師兄都好主動親切，有賓至如歸的感覺，所以我覺得你呢度食飯嘅人，真係好識選擇

已移民星加坡的舊同學來港公幹，入住西九龍圓方的一間酒店，相約在附近水區一樓星加波過江龍的天天海南雞飯餐廰相聚。中門大開的門面，以藍色燈光做主題，燈光柔和，地方寛敞，裝潢時尚，還有幾間VIP房，適合親朋歡聚的一個好地方。分量十足的的黑椒鵝肝醬花膠,富有骨膠原的花膠，養顏首選，充滿黏糯口感，爽脆洋蔥和色彩鮮艷的青紅黃椒做配角也一不遜色。貴精不貴多的酸菜石斑魚，需然份量略為少些，但勝在夠矜貴，魚肉鮮甜嫩滑，酸菜爽脆酸甜；加上熱辣辣酸酸甜甜的湯令人感到胃口大開。外皮香脆可口，內裏嫩滑的脆皮豆腐配星加坡辣椒汁，一啖一啖放入口吃過不停！鎮店之寶不油不膩而且份量十足的香噴噴油雞飯，粒粒晶瑩通透，軟熟香口,難怪差不多每枱食客都必吃。

我嚟同大家分享下我食咗天天海南雞飯嘅食評啦。我就揀咗個二人餐。食咗沙律、海南雞飯、炒通菜、同蝦多士。先講下沙律啦，佢嘅份量好足夠，有好多新鮮嘅蔬菜同埋水果，味道清新爽口，好好味。不過，最令我讚賞嘅係海南雞飯啦！雞肉好滑嫩，肉質唔會太腍，而且啲肉汁都好鮮美，令我不禁一口接一口。啲米飯又煮得好香好Q彈，同埋啲醬汁配合得恰到好處，好開胃又唔會太膩口。加上啲老火湯，真系一流！最後，蝦多士呢？味道唔錯，但相對其他兩樣菜色，佢嘅亮點好似唔夠突出啦。不過個汁就係幾好食。總括而言，我會非常推薦大家去食天天海南雞飯，特別係佢嘅海南雞飯，真係好好味啊！