天府川菜

Open Now

Now Closed

最近想食酸菜魚嘅心癮又出現，上網搵左幾間試下，天府川菜就係其中一間。午市套餐價錢真係好抵食，免加一。由上午11:30供應至下午5:00，中午2點幾食完飽到晚餐都唔洗食。午市套餐選擇都非常多，另外小食價錢亦相當相宜。所有菜式都可選辣度。酸菜魚紅薯粉 $78可選飯/米線等，但我超愛紅薯粉就唔係度度有。大概6-7大片鮮魚片，魚肉嫩滑無骨，亦唔會太薄，仲食到魚味。湯頭夠酸唔油膩，紅薯粉煙韌掛汁。手撕雞涼麵 $68涼麵好大碗，如果青瓜絲同雞絲再多d 就開心d!涼麵夠凍，質地爽滑，麵條幼幼唔會痴埋一舊。特價小食涼拌雲耳$22拌勻得入味，爽口開胃。口水雞 $28超抵食，雞肉質地嫩滑，調味係香辣，唔會死辣。夫妻肺片$28平時食肺片都幾貴，牛脷、牛肚質地爽彈又夠入味！特飲：動感檸檬 +$15 酸酸甜甜，唔會好多冰，解辣一流。凍奶茶 +$3凍奶茶都好有驚喜，飲落係台式奶茶味道。最後就叫埋芒果沙冰 $25超大杯，岩晒兩人share! 芒果味香甜，沙冰都做得幼細，入口即溶，高質！

今日想食啲惹味野，上網再睇右睇，最後就揀咗依間，距離天后地鐵站好近嘅四川菜店😍菜式有水煮魚、酸菜魚等等 ，當然如果你唔食魚嘅話 都可以試吓佢哋嘅雞煲，睇落都幾吸引，不過我就暫時未試過，今日先食返個lunch set先😎✨回鍋肉飯～甜辣口味嘅回鍋肉好開胃，如果肉片份量再多啲就好了，配飯一流，店家仲驚我唔夠食，話唔夠飯開聲☺️感覺好溫暖！✨魷魚鬚～外面灑上一啲椒鹽，即叫即炸特別香口，魷魚亦夠粗條，有咬感又富彈性，高度評價😎✨乾煸四季豆～香口得來，一啲都唔會油，真係好難得😍，我order咗走辣版，都一樣香口❤️CP值夠哂高👍👍

好耐都無食酸菜魚了，今日一張開雙眼，我就知道我今日嘅任務就係要刺激下味蕾，感受一下酸菜魚嘅味道😃✨鮮椒桂花酸菜魚～廚師推介呢度size分咗例牌同埋原條，我咁想食，梗係要叫全條啦😄佢個鍋本身極之大，睇到份量好足夠，魚塊非常嫩滑，魚皮亦Q嫩有彈性，反而呢度嘅配菜唔係好多，喜歡食魚嘅可以好滿足！呢度嘅菜式豐富，由走辣到勁辣都有，小朋友嚟到都好多選擇👍兩姐妹自己揀咗✨手撕雞涼麵、✨凍珍珠奶茶和✨黃金炸饅頭～用上黃色饅頭，有蛋香，外面脆得黎又乾爽，唔會成口油，Heby妹妹仲一口氣食咗3個添😆走辣嘅涼麵帶有蒜香和甜醬油風味，配上青瓜絲，好啱夏日，越食越開胃添👍

之前同姐姐食過哩間川菜之後一直都念念不忘，今次就捉左細佬嚟陪我食多次，仍然都係咁好食😆餐廳既燈非常精緻，而且大部份都係卡位，夠晒闊落，坐得舒服。哩到既午市套餐非常抵食，特別係小食，午市既時候接近半價。今次我地就叫左兩午市套餐加小食。🎈水煮牛肉紅薯粉 $68🎈紅燒肥腸紅薯粉 $62牛肉鮮嫩無筋，數量都幾多；肥腸肥美香口，煮得夠霖；酸辣粉質感煙韌滑溜，湯底味道又酸又麻，夠香辣，哩到既酸辣粉係我食過既酸辣粉之中真係數一數二既好食，食完第一啖之後完全係暴風吸入既狀態😆超推介👍🏻🎈夫妻肺片 $28夫妻肺片有牛脷同牛肚，兩樣都非常入味爽口。🎈口水雞 $28雞肉夠曬嫩滑，好好彩咁啱係雞髀位！而且每件雞肉都均勻沾上辣油同麻油，非常夠味。🎈手拍黃瓜 $18黃瓜新鮮爽脆，唔會太辣。🎈黃金炸饅頭 $50饅頭表皮炸得香脆，內裏質感亦實在，蘸上煉奶食真係好正，好食推薦👍🏻🍹草莓益力多 （午市套餐加$15轉特飲）益力多味好濃，裏面仲有切條既士多啤梨，味道清新酸甜。🍹紅茶白果樂 （午市套餐加$15轉特飲）勁大杯，而且真材實料！裏面有好多水果，有蘋果、紅色火龍果、士多啤梨、藍莓、奇異果、橙、青檸同埋超多百香果，水果味

本人超喜歡四川麻辣🌶️周不時都周圍揾四川麻辣店加上水煮肥腸一向係我最愛❣️話說有次係天后；無意中行過見到有間麻辣四川新店開了；當時還未有人認識；店內一個人都無；但我仍然兩眼發光👀；立即衝入去試；不負所望；好好食😋；不過當時忘了拍照；寫唔到食評😆今次再來到天后；諗都唔洗諗一定揀天府；點知今次坐無墟席；門口仲企滿人；確係一件好事😆👍🏻👍🏻～因為好食的店自然能招來食客💫我今次唯有叫外賣；當然要點我最愛的；中辣水煮肥腸；中辣白豬手；不用多說；依舊超好味😋😋😋💯💯；好似食鴉片咁…………會上癮的😝😝😝

5點前都有Lunch set嘅抵食高性價比川菜～～～最近IKEA大減價，一放假就同大舊去睇家具同裝飾品，逛到腿軟軟之後，本來想係IKEA醫下肚仔，點知條隊長過水蛇春。所以我地決定直接去天后搵間餐廳食，無銅鑼灣咁逼。～～～呢間川菜好耐無過黎，餐廳依然乾淨企理，而且5點前都有lunch set好抵食。睇完餐牌時候，我地好餓咁叫咗乾扁四季 水煮魚 酸菜魚 三個set 全部set都可以配紅薯粉 米線 麵 飯 仲配埋飲品 之後叫咗午市口水雞小食 同饞嘴豬手～～～乾扁四季豆乾爽 不太油膩 顏色嫩綠 以欖菜鹹味作調味 味道調配恰到好處 ～～～水煮魚 酸菜魚 兩者各有千秋 前者麻麻辣辣 甚是誘人 後者酸香四溢 亦係無法不愛 不過薯粉就適合加係後者 會無咁油膩 食得無咁guity～～～口水雞雖然係小食 $28一份 但份量依然唔少 雞肉滑溜 加上香口花生🥜同解膩青瓜 好下飯～～～而我最欣賞嘅就係佢地嘅饞嘴豬手 獨特嘅川菜香料調味 令豬手辣而酥 酥而香 同時保留豬手膠原口感 出色 下次黎絕對encore呢個～～～推薦度：🔥🔥🔥🔥🔥🔥🔥🔥天府川菜 (天后)天后清風街12號地舖*服務員態度也很讚

父親節 同前輩食川菜就黎父親節除左要同daddy 慶祝之外都想同依個係職場上幫左我唔小嘅前輩食個便飯依位前輩無辣不歡就去左Openrice search佢屋企附近有咩辣野好食結果就比我玩到依間食四川野就試試佢叫左2個lunch set一個係酸菜魚，一個係水煮牛肉都係常見嘅四川傳統菜如圖所見酸菜湯做得唔錯帶有酸味但無過火可能係浸過酸味湯嘅關係魚肉好滑而且份量幾多水煮牛肉 有麻有辣對於我依個好中意食辣嘅前輩可能唔夠辣但對於我黎講覺得佢辣度適中牛肉除左辣味仲食到佢本身嘅牛味，肉質唔老，不錯一場黎到，當然要叫下佢d 特色小食口水雞又係一道以辣取人嘅菜式凍凍地嘅雞肉d 油都變成jelly 狀雞味同辣味都食到唯一要彈嘅係d 肉唔係好嫩滑麻辣牛展牛展 無平時食開嘅韌而且有牛味夫妻肺片細個睇tvb 劇就聽過依道菜但一直都無食過前輩話要叫就試下原來依道菜係用牛嘅唔同部分煮但係，係無牛肺嘅"肺片"好薄 又幾入味非常唔錯

今日同事生日一齊食午飯🥣，因知道他愛吃辣，所以就在公司附近「天府川菜」同他慶祝🪅小店空間舒適悠雅，座位寬敞🥰🥰酸菜魚+紅薯粉 $68 配特飲$15魚件嫩滑，紅薯粉煙韌彈牙，配合酸菜一齊食，好滋味👍草莓益力多，粉紅色賣相吸引，草莓🍓加益力多，酸酸甜甜，解喝解辣一流👍👍午市推介：涼拌皮蛋$22 麻辣牛展$28最愛涼拌小吃，皮蛋黃呈深黃金色，略帶凝心，跟綠尖椒一起吃，開胃美味😋😋牛展入味，少少麻，啱我心水👍👍口水雞 $68雞件嫩滑Q彈Juicy ，配上秘制麻辣醬汁，超好味😋😋乾煸四季豆 $68味道鮮味、焦香爽脆口感😋😋紅糖糍粑 $68全黃香脆、煙靭彈牙😋😋

星期日放假相約咗朋友嚟天后食晏，之前經過清風街已經睇中咗呢間「天府川菜」😙。我貪佢有得食辣之餘，仲有好多其他菜式。以川菜館來講，佢環境算相當乾淨整齊👍，因為店內無好大陣食辣嘅味，四周圍亦唔油。再者，呢度冷氣充足，我哋坐得好舒服。餐廳原來連週末都有賣午市套餐，平均六十幾蚊就有交易，仲送埋飲品添。另外，亦可以用優惠價加配小食。咁嘅價錢就已經可以食到正宗川菜，確係超抵🈹！本身諗住剩係嗌午餐，但喺老闆娘強烈推介招牌菜嘅情況下，我哋最終乜都食咗啲😜，成餐超豐富，飽到晚餐都唔使食。韭香牛肉($148)，哇哇哇，佢同餐牌圖片一樣，全部都係蔥💚。其實我超驚食蔥，但朋友相反，好鬼鍾意，我唯有捨命陪君子。由於係放湯，所以啲蔥唔會痴住啲牛肉。牛肉係用上鮮牛片🐮，肉味濃郁，厚薄適中，有好多片。湯底係唔辣的，佢出奇地無我想像中嘅臭青味，反而仲有啲青香😳，莫非呢個係令我接受食蔥嘅轉捩點？底部墊咗唔少大豆芽菜，適合索湯，亦好脆口。手撕雞涼麵($68)，涼麵好大碗，麵同餸都好多🍜。辣度有得揀，我只係揀咗微辣，但估唔到隻辣都幾勁，完全唔食得辣的話就一定要走辣。麵條清爽，條條分明，放耐咗都唔會漿成一餅。啲汁集中喺底，所以

天府川菜今日天氣好熱好想食辣野，同細佬行開天后見到好抵就食下，估唔到有意外驚喜，餐廳環境光鮮闊落，職員仲好有禮貌，服務非常好。紅燒肥腸紅薯粉$62叫咗小辣，紅薯粉煙煙韌韌好有口感，而且微辣好開胃，個湯有醋味酸酸辣辣，另外湯底好足料用心，用碎肥豬肉小辣椒碎蔥蒜炸左嘅辣醬，肥腸好爽同香口，仲有芫荽同炸菜吊味，好感動既酸辣味。紅糖糍粑$68鋪上一層黃豆粉，裏面應該係用米及糯米整嘅，煙韌有咬勁，外皮香脆，有一陣米香味，點上黑糖醬之後，甜甜地更好食，好似食緊黑糖珍珠。夫妻肺片$28切得好薄身，辣油唔會太辣，醬料好入味香口。口水雞$28口水雞切件，肉質好滑嫩，辣醬入邊配有麻醬，所以帶有少少花生味，中和左辣味，好容易入口。黃金炸饅頭$50外脆內實，外皮炸得好鬆脆，麵包好實唔係打氣麵包，好有口感，而且配上經典煉奶，味道既熟悉又可口。妃子笑$15味道好清新，底有荔枝蒟蒻，所以飲落有淡淡的荔枝味，又有青檸檬嘅清新。奇異世界$15偏重檸檬茶味，味道清甜。整體而言CP值非常高，午市套餐真係好抵，仲可以加$28配小食，樣樣都好好食，老闆係四川人，所以餸菜煮得好正宗，用心製作，食過真係回味無窮，一定會再食，細佬仲

我本身對四川菜本是不太喜歡 , 事關怕油份會過多 , 引致腸胃敏感搞到 "菊花殘" , 但既然長輩要去吃 , 我都 OK 啦 .... 重點係 , 食完之後我個腸胃係冇事嘅 , 而且食物美味 , 所以推介一下 ~麻婆豆腐 : 賣相討好 , 份量頗多 , 端上枱時麻辣香氣撲鼻 , 初頭以為辣到跳舞 , 但其實是 OK 的 , 因為跟我選擇的辣度相符 , 味道是滿有麻香 , 味道大約是7分麻3分辣 , 味道層次感豐富 , 且油膩感不重 , 豆腐滑嫩 , 肉碎入味 , 夠水準 ~酸菜肥腸 : 香氣誘人 , 果然是肥腸 , 肥滋滋的外貌，吃過後會知道的確是豐腴美味，但肥而不膩 , 因為有酸菜配合豆豉 , 味道不死鹹卻有酸酸甜甜的後續，美味又夠風味 ~紅燒牛肉 (配飯) : 紅燒汁實在美味 , 牛肉軟錦又不失咬口感 , 而且是勁入味 , 撈飯食就是正 ~本篇完 ~

清風街美食選擇都唔少架，行經見到呢間川菜館，設計簡潔，內部明亮，坐位地方大😙酸菜桂花魚 (例牌) ($268)- 酸菜桂花魚真心好驚艷，首先一上檯就好有visual上嘅震撼，金黃油香嘅湯底、雪白薄身嘅魚片，視覺、嗅覺上勁有衝擊，已經令人食指大大動😆- 份量方面都係冇得彈，魚片同酸菜都好足料，食得好滿足👍🏻- 味道更加係水準之作，小辣辣度好perfect，麻香惹味，辣得過癮，而且酸嘅程度控制得宜，更加突出魚片嘅鮮嫩😄- 最最最加分嘅係魚肉嘅質感，極級嫩滑，一入口唔小心就會sir入喉嚨咁嘅程度嘅滑，簡直係味蕾上嘅享受😝手撕雞涼麵 ($68)- 手撕雞涼麵都好唔錯，份量足料大碗，手撕雞調味香口，鍾意佢鹹香微辣嘅醬，仲有豐富爽口嘅配料，有青瓜同香菜，將成個麵風味倍增😆凍珍珠奶茶 (+$3)- 珍珠奶茶🧋叫咗少冰少甜，入口順滑，茶底係港式奶茶底，香濃唔澀，珍珠Q軟有嚼勁，甜甜地又凍凍地，啱晒同麻辣川菜一齊食🥰可樂 ($15)- 可樂更加唔使講，係my fave beverage list 嘅top 3之一，冰凍透心涼，碳酸超級解膩，配咩都咁好飲😎酸菜魚嚟講算係我係食過咁多間嘅top3之一，真心好

好想好想食川菜，上網search川菜嘅時候見到呢間新開嘅川菜評價唔錯，座位又好似幾舒服咁，就嚟咗呢度食下lunch啦。以下我叫嘅呢幾款餸都可以揀辣度嘅，我就全部揀左中辣啦。酸菜魚飯$78呢度嘅午市套餐好抵，仲唔使加一。我揀咗酸菜魚，可以揀飯、麵、米線或者紅薯粉，我就揀咗飯啦。魚嘅份量好多，食落好滑又唔腥。揀左中辣之後，個湯酸得黎又帶啲辣味，酸同辣平衡得好好，又唔會好油，好食。麻辣牛展$28 中午時段食呢個好抵，$28有好多片牛展。牛展薄薄地，表面除左辣椒之外仲有芝麻同芫荽，食落香好多。仲有啲青瓜絲，同呢個麻辣汁都好夾，好似涼拌青瓜咁。手撕包菜$68因為想食啲菜，所以仲叫左份手撕包菜。都幾大碟，有好多菜食好開心。炒得好有鑊氣，味道適中，唔會太鹹唔會太淡，熱檸檬柚子蜜$0午市套餐包一杯飲品。呢餐真係食得好豐富，咁多嘢食加埋先百幾蚊，好抵食。

天后附近有唔少質素唔錯嘅小餐廳，有啲我都食過，呢日喺左近，諗住食個 early dinner，記起好耐之前曾經嚟過呢間小餐廳，味道幾好，咁就決定食過番尋味😆叫咗 $158嘅 【毛血旺】，裏邊有 豬紅、午餐肉、肥腸、魷魚鬚、牛栢葉、黃喉，同埋 $35嘅【草莓益力多】😆【毛血旺】雖然我叫咗微辣，但係味道已經非常濃郁，應該係落咗好多四川香料😋；裏邊嘅 豬紅、午餐肉、肥腸、魷魚鬚、牛栢葉、黃喉 全部都幾好食😋，特別係 牛栢葉 幾爽脆，而 黃喉 就超級爽脆😋；除咗以上食材，仲落咗 大豆芽菜、萵筍片、木耳、魔芋、粉皮、當然唔少得嘅大量辣椒🌶️等，材料真係好豐富😋【草莓益力多】清新好飲😋

第一次見新店先驚訝原來天后都有四川野食，環境又乾乾淨淨咁，所以收工就入左店內嘗試睇夠唔夠味🤣共點左三樣野：第一樣一是麻婆豆腐，配白飯完全一流，重口味又夠辣，火喉當然亦夠，就算多油都唔怕，因為配飯真係好好味，完全係岩岩好；第二樣是雜不甩，唔記得咩名但入面既餸都不值錢，如蓮藕豆皮等，細蝦得幾隻，呢碟野最貴但最唔值，同樣最後悔叫左既一樣餸；最後一樣係牛肉土豆🥔超好味，同樣夠鍋氣，好入味，土豆有d爽口有d林，滿足哂你兩個願望。