笑麵虎車仔麵 (Closed)

平日夜晚黎。完全唔洗等位。叫左個自製湯底+腩汁+日式叉燒+陳皮魚蛋+蘿蔔幼麵，加杯柚子蜜。個湯底幾舒服，唔油。叉燒出奇地好食，有成3塊，唔係燒過嗰隻但肉質好好，完全唔鞋，有肉味。陳皮魚蛋好細粒但個陳皮味都響度，同埋幾彈。蘿蔔好入味。麵ok. 柚子蜜正常。碗嘢係幾好食，不過要坐高櫈有啲唔舒服。同埋關8點真係有啲早。唯一係我係某APP上book，應該有七折，但佢應該係唔記得左。而我俾錢時都唔記得... 下次吧。P.S. 良心小店黎。幾環保。

唔知呢篇食評出唔出得切，一直我都有食開笑面虎車仔麵，因為eatigo有時50%off真係好平，而且佢嘅湯底同埋麵條都好特別！【狼吞虎麵】有十三種餸，而每次我必選佢自家製有營湯底，清甜鮮味像湯水一樣，非常特別的車仔麵湯底。因為我較多在晚上光顧，所以很多時候有些餸已經賣完，廚師亦會轉其他餸或加多啲份量。配料我會推薦【自製日式叉燒】、【糖心蛋】、【蘿蔔】和【陳皮魚蛋】。【醬油雞中翼】大大隻又入味！【香茅炭燒豬頸肉】是必食的，很重香茅味道，炭火烤過有焦香味，而豬頸肉本身口感亦是我喜歡的！【凍奶茶】亦非常好喝，先嚐到奶滑香，再細嚐就喝到茶的濃郁。香港人撐香港呀！

材料不新鮮 湯底沒有味道 店推介的魚蛋更不好吃 好細粒沒魚味只有味精味 滷水蛋很一般像巳放置很久 這間車間車仔麵不會再去 沒有特式 以前經過一直想試下 原來一點都不值得 沒想到這般差

估唔到我第一次寫食評就貢獻俾呢間野！因為諗唔到食乜，經過佢門口，見到門口啲食物圖片好似幾好，於是入去。我朋友叫咗腸仔雞翼餐肉飯，而我叫咗白咖哩豬扒飯。60蚊，跟餐送樽裝可樂。我朋友食物先上，一睇已經覺得伏。啲配菜有煮好咗、放咗應該有半日嘅通菜，已經變黑；一睇就唔想食；另有四分一邊粟米，感覺同樣攤放咗好耐。我叫嘅豬扒飯，亦都係相同配菜。味道方面，的豬扒酸嘅！明顯已經變壞。我朋友叫嘅腸仔同樣如此。冇下次！克店！我而家肚痛，報告完畢！

返工見開左間新店食車仔麵，裝潢不錯個名又幾得意就去試下。出面等候有D亂，等外賣既又排緊隊，堂食既又一齊排。之後先發覺堂食直接入去就會有侍應帶位。坐則邊位D高凳，MENU係可擦的膠片，環保加分。麪、湯同汁可分開揀。加左$4試特別湯底，揀埋沙嗲汁。到揀野食，想試五花腩脆片，冇得賣；手製漢堡，剛剛賣曬；仲有好幾樣特別D既食送都冇……咁唯有揀其他普通既野食。上菜係快既，車仔麵嘛。點知上錯左….我要油麪佢上左粗麪…已經唔太開心，都唔使佢換啦，同佢講番，即係哦左一句… 我點左水餃同唐心蛋(因為有虎爪，即係推薦啦)，加埋生菜。份量少到呢…水餃好細粒，唔係見到有D木耳我以為係雲吞…菜都係少最唔掂係隻唐心蛋!!!!零‧唐‧心!!食到呢度忍唔住要影相。同食烚蛋係冇分別的！唔講以為食緊茶葉蛋，只係比茶葉蛋軟D都冇咁乾…最好係D湯底，可能加左沙嗲汁，係幾惹味既，不過其他(包括麪)就真係強差人意。跟住佢d「虎爪」揀都伏，而且價錢又偏貴，食樓下平D既車仔麫仲冇咁嬲，所以應該冇下次了。

員工落錯單, 跟住叫你不如算數, 問佢黃咖哩辣唔辣佢話完全唔辣, 但係最後辣到飛起, 食唔到, 解釋話因為廚房今日轉咗咖哩, 而佢都唔知道, 仲要啲咖哩係凍嘅, 又突然冇咗冷氣

Tiger Noodles & Bar is a chic kart noodles restaurant in Wan Chai, it has a nice interior design and order system.I love how they decorate the restaurant with the theme of tiger as well as “lively as a tiger”.Toppings might be ordinary, but the noodles are definitely novel! I had a difficult time deciding whether I should go for kale noodles or beetroot noodles, maybe I can try the kale one first.I chose homemade soup base (middle on in the order sheet) with a bit of chili. The soup base tasted

要搵一間啱口味嘅車仔麵絕對唔係一件易事，而我喺灣仔搵到啦！呢間笑麵虎開左一段時間，入面嘅裝修都幾有香港特色，餐牌更加係過咗膠之後再由顏色筆寫上去，可以循環再用，夠環保！我叫咗佢嘅自家湯底，而朋友就推介佢嘅蔬菜湯底，兩個湯底都好鮮甜架！我點左蘿蔔、豬頸肉、牛筋幼麵🤤蘿蔔好甜好入味，牛筋都好淋同好入味！相比之下，豬頸肉就無咁特別了！而令到呢碗車仔麵生色不少嘅係佢嘅辣汁，我叫咗中辣🌶，我覺得已經好辣了！將辣味融入佢鮮甜嘅湯底，好味！

實不相暪係店名吸引左我, 同埋佢既裝修同車仔麵真係好格格不入店舖係行年輕摩登路線, 幾新奇食車仔麵多數最著重D餸,留意到佢呢到係主打自家煲老火湯湯底而且俾我係飲品到見到有手工啤賣添, 真係估佢唔到湯底: 老火湯, 當然係好出色, 夠晒清甜餸: 見成間野咁新奇, 我都叫左份九唔搭八既漢堡扒, 塊扒本身好足料, 幾好可惜沙嗲醬似乎淡身左啲, 油麵又煮得生左啲, 有進步空間呀如果下次黎既話會期待下脆皮腩肉同埋日式叉燒

灣仔Lunch time 真係好難穩食,今日真係好想食車仔麪,上open rice度search見到呢間野個名好似幾得意→去試下,響灣仔呢個價錢都唔貴,不過真係要有CP值,堂食有最低消費,佢一定要你叫3個餸或以上(大概40蚊或以上),如果你啊咗一碗麪既話可以半價加野飲。我叫咗粗麫+魚蛋+雞翅+豬腸+沙爹汁+凍檸茶（57蚊）,碗麪一上黎我以為叫咗粟米湯,一大個粟米響碗野度,感覺上有D怪,不過可能係間野既特色,同佢裝潢好配合,好似日本拉麪店or居酒屋既設計,大部份都係巴枱設計,好有新鮮感野食方面→湯底­-沙爹汁,除咗有少少啡色外,1D沙爹香味都無    粗麫→唔鞋,不過唔彈牙,有d煮過火嘅感覺但 有少少鹼水味    魚蛋→係我中意食既個隻,有陳皮味,彈牙    雞翅→有一陣香料味,一咬就離骨,但D肉有少少梅(應該有少少over cook)    豬腸→無臭味,有滷水味,不過無咬口最最最唔開心既係間野無醋,食麪無醋總括來講,呢間野不過不失,不過好似隔離飯香,都係深水埗個間好味D

今天同事帶我去灣仔食車仔麵，若不是一早知道這間是食車仔麵的店舖，還以爲是食日本拉麵添！看得出店主係裝修上用上心思，周邊牆璧提供Marker給客人隨意寫字或畫圖案，餐牌採用可以重用的膠牌，寫完就可以刷去留番下一個客人用，非常環保，筷子也刻了風趣的宣傳句子，連小小的辣椒醬樽也特意在蓋中間開了洞，方便客人用。食車仔麵其中的好處就是豐儉由人，隨自己喜好揀選，我今天就選了蘿蔔、冬茹、水餃、粗麵和店舖自家製的湯底，還加了熱檸茶。湯底夠濃、蘿蔔夠入味、冬菇也燜得夠腍、水餃和熱檸茶一般，麵底份量略嫌少，男士可能要加麵底才夠飽肚。喜歡嚐辣的朋友不要少看那樽辣椒醬，我是喜歡吃辣的人，我也不是加了很多辣椒醬就已經滿足到我。埋單盛惠$52，價格合理。

淨係聽個名， 已經好有創意 ，-一間新潮 創意嘅車仔麵， 裝修特別， 環境舒適 ，中間價錢 ，但係質素唔錯， 環境衛生， 午餐經常要排隊， 要十二點半前嚟到， 先至有位， 如果要食午餐，真係要早啲嚟， 晚上寫字樓放工， 冇咁多人 就比較舒適啲， 不過車仔麵午餐晚餐下午茶咩時候都啱食， 佢真係有好多唔同 餸菜，麵嘅種類， 最鍾意自己揀 ， 牛腩、豬皮豬紅、豬腸 、 生菜泡菜 、魚肉 ， 全部都係我的至愛，所以不嬲最好車仔麵， 笑面虎，係我食你唔係你識我 哈哈哈！！

Cart noodles originated in Hong Kong by 1950's. And now is still surviving, BUT in a completely different style. Instead of provided by street food hawkers by the wooden carts,  cart noodles are popularly found in 'hole-in-the-wall' restaurants.FoodFor me, must-have foods for cart noodles include pig skin, daikon and fish balls (or other types of balls). The taste was good, but I won't say that was 'special'. It was a popular place for many office ladies and boys in Wanchai, as they served quick

一人午餐總是不知道吃什麼，去哪裏吃於是一直走一直走，走到它附近看見好像蠻好的所以決定試試。由於時間還早因此還未見人龍。坐下時，枱上會有份清單，只要用蠟筆在上面剔所要點的食物即可。由於款式多，不知道吃什麼配料，但它必定要選3款所以隨意點了貢丸，炸魚皮和蘿蔔。點餐後，很快便上桌了。湯底分面點了秘制辣汁（中辣），最後還點了一碟炸六寶丸秘制辣汁不太特別較普通，貢丸較好吃不會太乾，一咬就有汁走出來，較有水準。蘿蔔最入味，不會一夾即散但也不會太硬。 食小鬼認為炸魚皮較遜，雖然它炸得很脆但有一陣燶味，可能炸過火了。六寶丸(魚片頭，貢丸，牛丸，墨魚丸，芝心丸和蟹籽丸）六款丸都不錯，唯獨是墨魚丸不夠彈牙，最好吃的是蟹籽丸，外表炸得夠脆內裏夠Juicy，牛丸也有肉汁的感覺。凍菜蜜 （$9）跟餐半價味道濃不會水水的， 只認為用鐵飲管不太衛生。

今日咁啱去咗灣仔做嘢，就喺附近食咗呢間車仔麵， lunch排隊大約10分鐘，一入到去，佢哋係自己用蠟筆喺一張過咗膠嘅餐牌剔嘢食，我點左下面呢D，大約等左5分鐘個面就上黎啦，先講下車仔麵一定要有嘅蘿蔔，睇落色水已經好深，燜得好入味，而且都帶有蘿蔔嘅清甜，另外我仲揀咗佢哋推介嘅日式叉燒，足足有兩大塊，真係成塊面咁大，叉燒肉質好腍，有一種入口融化的感覺， 但係我就略嫌叉燒嘅肥膏太多。再嚟就係湯底，由於我揀咗小辣，所以湯底除咗好鮮甜之外，仲有D辣，對一個唔食辣嘅我嚟講，小辣都爭啲頂唔順。最後講下個瀨粉，好滑，好有口感，但係就比較易碎，用筷子好難夾黎食。