老虎堂黑糖專売 (T.O.P This is Our Place)

Open Now

Now Closed

今晚在旺角食完打邊爐放題已經飽到嘔！因為飯前行經旺角T.O.P.時見到新開的老虎堂大排長龍（果時梗係唔排），返轉頭時勁餵食的阿仔又恨試下，見得幾個人排緊就排埋一份！三個人打算叫杯鮮奶一杯奶茶，原來老虎堂只有鮮奶便叫了招牌波霸鮮奶$30！等了約十分鐘，廿張飛便有得飲！之前在台北試過幸福堂的，一家三口大愛！今次阿仔一飲過之後只比我地一人一口後便獨霸起來！好好好黑糖，所以比想像中更甜，珍珠夠咬口，味道啱曬我仔（我覺得太甜）好味道，他說好似仲好味過台北幸福堂呢～不好的是成個杯外痴立立的痴咗甜嘢，整汚槽曬隻手好麻煩，職員要好好注意一下！

老虎堂和幸福堂一直都是香港黑糖珍珠must try 的icon, 之前已經試左幸福堂，今日和女友落旺角買嘢，下午路過T.O.P. 的老虎堂，見只有三、數人在cashier 排隊, 好啦⋯⋯就朝聖一下 買完見仲要等40幾個籌，就去旁邊的商場逛逛，大約15分鐘後返去，剛剛好就叫我張籌，good timing, 由買到攞只需要20分鐘，尚可接受。我們叫左招牌嘅波霸厚鮮奶，黑糖紋無傳說中咁靚似老虎紋，層奶好厚飲落奶味好重，黑糖味亦濃郁，不過可能我無十分攪勻，味道偏甜，而且珍珠唔夠煙韌，有少少美中不足

老虎堂在黑糖珍珠鮮奶界走在前端，身邊很多朋友、同事，foodbloggers都聲稱是香港最好飲，最有質素的黑糖珍奶講到這麼厲害，我還是今天才試，因為我真的沒有耐心排隊，所以只好避開它最紅的時期去喝。今天經過旺角店，排隊等候的人不多，於是便買來試一試黑糖波霸珍珠厚鮮奶 $28不得不讚是掛杯的黑糖紋很美，剛拿上手時，底部珍珠暖暖的，我是搞拌後才喝。首先，黑糖味濃，但我覺得味道偏像焦糖，跟我認知中的黑糖味道有出入，感覺不是正宗黑糖味，不過珍珠軟硬適中，煙韌有咬口。奶味不太突出，可能是因為被黑糖蓋過吧。 整過來說，我覺得一般般🙂

話說老虎堂係我最鍾意嘅珍珠奶茶品牌,而佢哋最近嘅分店亦都越開越多,荃灣又有尖沙咀又有油麻地又有觀塘又有,就連超多人嘅旺角都有,當然覺得唔需要過海就可以飲到嘅話就梗係好啦,再加上今日阿肥竟然話陪我一齊飲眼見旺角分店嘅人龍好似冇銅鑼灣咁誇張喎所以我哋就齊齊買飛啦。點知原來我哋係錯㗎買完飛之後發現原來要等差唔多六十個號碼,好彩附近咁多商場咁我哋就去行吓街先再番轉頭啦。相隔大約大半個鐘頭之後番到嚟時間就啱啱好喇。虎虎生風厚鮮奶($30蚊)：唔知係咪我自己先入為主呢(?!)我頭兩次都係喺銅鑼灣分店飲發現兩次嘅味道都係一樣原汁原味,但係今次係旺角呢一間分店飲就覺得質素好似唔夠銅鑼灣分店咁好喎,雖然黑糖嘅味道同埋鮮奶嘅味道都係一樣,但係裡面嘅大珍珠就好似似乎未煮得腍啦,口感比較硬,失色咗喎!

老虎堂的招牌黑糖厚鮮奶基本上每個人都是為這杯來排隊朝聖的今次係第二次飲第一次係銅鑼灣第二次係旺角兩次都是排了大半小時珍珠的煙韌度和虎紋的賣相都比銅鑼灣分店做得好但相比深圳的喜茶的黑糖波波還是差很遠啊喜茶的黑糖味道很香滑奶也非常幼滑而老虎堂的味道就只屬很普通，一般般而已而且老虎堂的冰量是固定的，不能要求走冰不要冰就只能喝熱的這點我覺得不人性化拿上手冰冰的喝幾口就沒了而底層的珍珠就被大量的冰塊阻隔住吮不到的

旺角分店開左有幾耐，相信好多九龍友一定衝去買，始終旺角方便得多。當日咁啱係星期六，唔洗諗，一定多到爆。不過，難得去到，又未試過係咪聽人地講咁正，所以誓要買來試試。大約3點9左右，見到成條路旁邊企晒人，都覺得大獲，真係超級多人。排隊排到轉晒彎，大概15分鐘，就買到飛了。我提議買「虎虎生風厚鮮奶」，因為可以有兩種口感，食到大珍珠和小珍珠。但爸爸見到餐牌寫住「波霸厚鮮奶」係招牌，堅持要依個。其實，我見到個餐牌，都分不太清楚有咩分別。好似全部都差不多，都係黑糖+奶+珍珠。唔加cream mousse可能冇咁高卡路里，但又好似冇咩意思咁。要試就要試個最人氣嘅既然都係30蚊，加多層cream照計係化算啲!買飛連拎野飲，總共花了1小時，真係少啲耐性都唔得。野飲到手，睇落就好吸引，底部暖笠笠，上面凍冰冰。打卡之後，聽佢講搖勻15下，之後我又用飲管攪勻啲。飲落真係好好味，比起之前飲sharetea更好飲，感覺奶味更出，黑糖又唔會太甜。（其實我只係飲過2次黑糖珍奶咋🙈）平時我飲開無糖飲品，都接受到，所以我覺得老虎堂係飲得過!不過，30蚊一杯都唔算平，仲要排咁耐隊...真係偶然一次好了，況且一杯等於2，3碗

珍珠奶茶舖喺香港越開越多， 而黑糖珍珠奶茶專門店老虎堂再係旺角落户。見食完飯有啲口渴，又唔係太多人排隊就決定試一試呢間專門店。買加等大概等咗15分鐘，都算快。 店舖有提示波霸奶茶要點飲，記得搖勻先好飲。 第一啖入口，首先係非常重嘅黑糖味，跟住然後再感受到陣陣嘅鮮奶味湧出嚟。珍珠非常彈牙可口，唔會有痴埋一齊嘅感覺，粒粒分明。唔知係濃黑糖味嘅緣故定係點，好似食到珍珠本身都係黑糖味。雖然整體嚟講唔算平，但還是值得一試。

呢間係銅鑼灣排到死，真係無人唔識，但企係銅鑼灣馬路邊排隊真係咪搞我。早前見到旺中隔離新商場T.O.P.地下圍左版，將會開老虎堂，太開心，終於多一個機會買到。當日咁岩無珍珠，只得波霸，咁唔洗諗，一杯招牌！呢類黑糖鮮奶，全部舖頭都係唔可以少甜少凍之類，呢間都一樣。等左十幾分鐘，就有得拎，不過快都正常，一黎MK有太多呢類野飲，而大部分人都係飲招牌，店員keep住不停沖就得。飲一啖，比例岩岩好，唔會覺得黑糖搶哂d鮮奶味，波霸好大粒，好有咬口，每一啖都好豐富，真心好飲，難怪咁多人排隊！！真係值得！

日日經過"老虎堂"，都見都有一堆人喺度等外賣，本來諗住等一排，等少D人先買啦。但係喺朋友提議之下，今日我地一行五人，浩浩盪盪咁去咗排隊買外賣。我地分別試咗"波霸厚鮮奶"&"虎虎生風厚鮮奶"，可能因為我地攞住出D外賣要行十五分鐘返到公司先至攞杯飲品出嚟影相，所以唔見晒D老虎紋。雖然我见唔到佢D靚靚老虎紋，但味道依然咁好飲，奶和黑糖味融為一體，好顺滑。我地由排隊俾$直到攞到飲品，一共用咗大概三十分鐘。雖然有好多人，但好彩個個都好守秩序，會企埋一邊等，唔會阻住條行人路。

前一星期路過發現旺角開咗老虎堂。。。早已聽過老虎堂同幸福堂晌cwb鬥過你死我活但一直無机會試。。。眼見條隊排到轉彎再轉彎，湊住小朋友無辨法只能等下次再試。。。上星期又剛好路過發現人好少前面只有几個人拿淋排隊試試先。。。我揀咗有大小珍珠果款，上面有層cream。。。之前只試過一芳同sharetea。。。一芳嘅係黑糖珍珠奶茶，甜度無得揀，對我嚟講偏甜，奶茶唔夠奶。。。茶亦感覺唔夠佢哋推介嘅水果茶茶香。。。珍珠黑糖味好一般所以我亦無研究究竟個珠質感好唔好。。。sharetea黑糖珍珠鮮奶略嫌奶淡咗啲，但厚鮮奶即上面有cream果款，飲到尾又會覺有啲膩。。。可能因為唔係啤實杯蓋無得搖暈。。。所以感覺爭啲啲。。。但黑糖珍珠個味道好香而且珍珠質地好好煙煙unun。。。當然試過之後感覺最好係老虎堂，因為杯蓋啤實可以搖得均勻，甜度，奶味等恰到好處。。。我貪得意試大小珍珠。。。但其實大小一齊試就試唔太出細珍珠口感。。。性價比都係老虎堂優勝，同sharetea都係$30但老虎堂大杯啲仲要係啤實個杯。。。

開在香港的珍珠奶茶店越來越多，可見大家對珍珠的熱愛。出名的奶茶店更是人頭湧湧，店門外長期出現人龍。筆者今天剛好路過，也來趁一下墟。路過的地方就是聲稱是「首創黑糖虎紋」的老虎堂旺角分店。地理位置非常方便，就在旺角站B1出口。排隊期間看到店內的電視一直播著台灣的綜藝節目，內容都是圍繞老虎堂的飲品。筆者點了一杯虎虎生風厚鮮奶。拿取收據之後，發現要等侯約40多個籌，這年頭想喝杯飲品也需要不少時間投資呢。飲品拿上手後，不禁要讚嘆一句「好美麗啊」。虎紋分佈均勻，筆者二話不說立刻來個打卡。（其實筆者昨天也有光顧銅鑼灣店，但因遲了回店取飲品，虎紋已消失。）店內的一張小海報有飲用教學：喝前需要上下搖勻15下。厚鮮奶奶味香濃。因為冰度甜度是統一，筆者最初擔心飲品會過甜。還好厚鮮奶甜度剛好，可以接受。主角珍珠並沒有令人感到失望，入口非常Q彈。咀嚼間還帶有陣陣的黑糖香，和厚鮮奶味道十分之夾。喝過這杯厚鮮奶後，也明白難怪這麼多人願意花時間去喝它了。

黑糖珍珠鮮奶近年十分流行，於是在疲倦的工作後，與友人一同在旺角的分店嘗試了近期十分有名的老虎堂飲品店，剛去到排隊的人龍也不太長，等待了約五分鐘已購買單，而且等了20分鐘更得到了嘢飲，遠比想像中快，飲品雖不能選擇小冰或少甜，但飲品的甜到剛剛好，黑糖味重而且冰塊不會過多，珍珠亦十分彈牙，口感十分好，而且鮮奶的奶味十分重，店員的服務態度也很好，很樂意為顧客講解每種飲品的特色，十分讚！而且在得到飲品後，職員也會溫馨提示我們要先搖曳，後飲用！

上次新開嘅時候 有經過但太多人 最後去咗買第二間今次行過見唔係好多人咋喎 十個人到就排隊試下啦本身諗緊要虎虎生風定就咁波霸嘅後尾見到佢話波霸係招牌咁最後就揀咗黑糖波霸厚鮮奶點知都等咗成四個字先有得拎拎上手 好多冰吓喎影完打卡相就當然即刻要聽佢話搖黎飲Well 長話短說Comment 就係冰多又大粒飲兩啖成杯就已經無晒珍珠係爽口/淋 rather than 係chewy 而且唔入味 一滴黑糖味都無口感勁奇怪仲要飲到最後 可能只係過咗五分鐘d珍珠翻生🤦🏿‍♂️同埋黑糖帶苦 飲落有燶燶地嘅味我就唔鍾意喇最後就係 我叫厚奶但完全feel唔到有乜唔同 無乜奶香味 可能比d燶味搶咗Anyway 呢個世界實在有太多呢d舖lu 而我係唔會再幫襯呢間囉 🤷🏿‍♂️

早前經過銅鑼灣，成條街都係排隊嘅人，買都買唔到~而家旺角都開左，多個選擇。今日食完lunch行經見到冇咩人，終於可以try laaa! 試左虎虎生威厚奶，等左大約15分鐘，終於有喇，其實都算大杯，冰唔算多，按照佢指示搖15下，飲一啖，嘩，勁濃厚既黑糖味，好香，加埋大小珍珠，更加有口感~

知道老虎堂來到旺角開分店，真是滿心期待，終於方便一試。到步，果然人頭湧湧，但由於決心一試，見下單人龍不算長，所以照排隊買，選了黑糖珍奶。點知，下單後才發現前面有成77個號碼。吓……是看錯嗎？結果，過了45分鐘，終於到手。滿心期望，一飲而空。甜度太太太甜，但又不能選擇甜度，因為是黑糖奶吧，珍珠是細粒的，所以口感一般。但真的覺得不好喝，也不會再試了，也完全不值得排隊。本人不斷試珍珠奶茶，這間算是下等了吧…