時代冰室 (公主大廈) (Closed)

今天來到蕭若元旗下元卓集團的【時代冰室】午餐。甫坐下便送上粉葛湯，點了"功夫·無骨海南雞飯"及"傷風感冒餐"。海南雞飯肉質與味道普通，要靠醬汁提味。油飯大概放得太久，飯粒生硬。雞肉帶骨，本也沒甚麼所謂，不過在整理資料時方發現餐牌上寫的是無骨海南雞，感覺詭異。相比之下，"傷風感冒餐"比較美味。蕃茄雜菜通粉味道天然，通粉彈牙，配料有紅蘿蔔、薯仔粒及蕃茄件，上面加入炸乾蔥更添惹味。炒蛋嫰滑帶蛋汁，牛角包若翻烘一下會更美味。隨餐免費可選"熱黑糖薑母檸檬蜜"，飲品薑味及檸檬味皆濃，喝下醒晨暖胃，加入黑糖甜而不膩，倍感滋潤。

時代冰室 Times Cafe 抵食下午茶 炸雞脾唔錯 招牌熱狗餐好食！ 燒山名下時代冰室,疫情之下仍然坐滿客下午茶選擇多,我地點了招牌熱狗餐 (辣肉醬) $33 凍飲加$3 ,另外加$5 可追加一碗番茄通粉 炸雞脾 $28 ,平均$30多元就食飽炸脾上菜前有炸過,唔係預炸等客,係落單後先炸熱上調味就爭少少,略為乾身,但28蚊呢個味道,可以招牌熱狗真心好食,有烘過再加牛油,番茄,菜,熱狗腸,最後放滿辣肉醬,味道豐富,食完好滿足,好有飽足感,辣肉醬不太辣同專賣熱狗既專門店有得比高下#時代冰室 #港式茶餐廳 #燒山 #茶餐廳 #炮台山美食

🍅蕃茄咖喱牛筋腩飯 $62聽講佢哋個秘製咖喱好出名，今次嚟見到佢新出咗呢個蕃茄咖喱，就決定試吓。 果然一啲都冇令我失望，咖喱汁有少少辣，加入蕃茄後帶甜，好惹味，送飯一流😋裏面嘅薯仔有煎過，個皮微脆，識落更加香口。牛筋牛腩又大件又多，牛腩入口即化，牛筋有咬口但唔韌，超級好食👍🏿👍🏿👍🏿

豬扒包🍔件豬扒幾厚 ok好食 但咖喱飯D餸較少 服務員在地上拾起張紙巾後 沒有洗手就送餐正正大家在抗疫時候 衞生意識依然咁低 實在令人擔心 希望餐廳可以注意個別員工的衞生意識 😰

襯短期內最後一日可以一行5個同事出街食我地揀左近我地既時代冰室 速食速回🏃🏽‍♂️🏃🏻‍♀️我地一坐低店員姨姨就問我地飲唔飲湯👍🏽餐牌大大本 仲要有兩本好多食物既選擇啊😆所以我地都心大心細揀左幾耐食咩🤭厚切豬扒王湯通粉 ($52) 配香滑炒蛋+牛角包🥐炒蛋幾嫩滑~~但牛角包賣相麻麻 唔酥又唔脆烘熱佢應該會加番d分🧐豬扒幾香口 脆脆der~~通粉湯底唔會好淡口味 因為落左唔少炸蒜! 🧄濃花膠滑雞石鍋湯烏冬 ($61)花膠幾大塊🤩滑雞唔算好滑 但係都唔鞋口既~~略嫌湯底雞油多左少少烏冬另上幾好 唔會因為湯既高溫而整淋個烏冬!韓式生薑豚腩片石鍋拌飯 ($58)生薑變左做老薑 混左係豚腩片入面 薑味唔會好重 易入口! 豚腩片唔肥 但有d乾 我覺得可接受既🙂🍚飯量幾多 加上揀少飯可以減$1啊所以我強烈建議正常食量既女仔叫少飯!另外 如果個鍋再熱少少 抹少少油 可以整到飯焦就好喇😌厚切豬扒芝士焗意粉 ($56)咁岩呢塊豬扒比常餐個塊厚d 個塊脆d 呢塊就juicy d👍🏽 🧀芝士份量同事略嫌唔夠多 如果再多少少會更滿足芝士控!芝士火山肉醬玉子鐵板意粉 ($48)肉醬真係多到好澎湃啊 果然係火山🌋鍾意

一行4人到了時代冰室食Lunch，身在灣仔都要去到北角食lunch，因為實在太想食，蕭生開嘅店，相信大家都明唔洗多講，去到果陣一點幾，最多人時段好驚要等好耐，好在即有位入去。 餐廳面積頗大，茶記格局，懷舊設計，牆上掛有懷舊電影海報。 餐牌，食物都幾多選擇。 是日例湯-青紅蘿蔔瘦肉湯，有湯水飲下都幾好。 蔥油厚切豬扒伴三眼煎蛋飯，$56，份量十足的豬扒飯，蔥油豬扒大件，口感鬆化唔會太韌，有好多蔥油，香口又惹味，三眼仔，好有份量(同時又驚爆標但唔理照食)，滿滿的蛋汁加埋豉油撈飯，實在太正了。 凍齋啡+$3，炎夏飲，爽！食物幾好味，價格合理。

//#黃店地圖系列間野叫：時代冰室邊度黎：北角英皇道165-175號公主大廈地舖 (自行openrice其他分店)🌝：蕭若元燈神舖頭 ▪美式騎士芝士熱狗(包熱飲) $307.5分話說睇完大J片見碌熱狗咁宏偉 忍唔住黎朝聖一番 殊不知真身真係咁大碌 美式騎士芝士熱狗其實就係肉醬熱狗 無腸腸嘅 肉醬傾盆而出 夾埋少少沙律菜同車厘茄 值得一讚係麵包好鬆軟綿密 可惜係餡料全部都偏凍 差咁啲味道層次 肉醬亦都可以濃味啲 加左$5配炸薯條 原來係薯角黎 味道正常 不過有少少炸過龍 比較硬身▪厚切蛋治配炸雞脾(包熱飲) $377分呢碟本身上檯係一隻貌似油脾嘅物體 味道更係十分之說不過去 雪味之餘 仲少少見紅 但姐姐堅稱係炸脾 之後望見隔離檯隻真炸脾 先確認換返隻比我 呢點禾真系有啲吾系甘happy 相信此乃單一事件 日後加以改善就好了蕭生 撇除突發狀況 蛋治都係合格 蛋嫩包軟 生炸脾都有肉汁 新鮮滾熱辣 37蚊包埋餐飲算係合格有餘 不過不失

有好多野都好味，最好味係三眼豬排飯，熱狗都幾大下，但咖喱d餸少，同海南雞飯賣相比較差，望落冇咩胃口，而且價錢成六十幾蚊，性價比不高，而且服務員態度差，好冇禮貌。

早兩天假期跟太太去食晚飯 👻行了很多間後最後選擇了這間時代冰室 之前也有食過覺得也不錯的 這次叫了蔥油厚切豬扒叉燒炒蛋飯 個覺得豬扒普通 也太多肥肉還有魚柳白汁芝士粟米焗飯 味道上還不錯的 也建議大家可以叫他們的焗飯

一直想試呢間好耐，不過本身其實就想試佢啲扒餐同熱狗...唔緊要啦～試左早餐先🤩⠀🍜沙嗲牛肉通粉+牛角包+火腿奄列+熱奶茶🥐 $36⠀本身想試個類似all day breakfast 嘅早餐，但又想食啲湯品，所以都係揀左去親茶餐聽一定會嗌嘅沙嗲牛肉麵餐～特登唔叫公仔麵，因為成日覺得通粉好似健康啲，同埋真係食得出佢牛肉同湯本身嘅味～（（因為沙嗲牛肉出前一丁麵會溝出前一丁湯底🙈⠀⠀❥沙嗲牛肉都好入味～又唔會醃（乸）到無哂口感淋啤啤同無哂牛肉味⠀❥幾鍾意佢個通粉，無煮到過生過熟😂所以口感適中⠀❥雖然牛肉就入哂沙嗲味，但個湯偏清淡，本身無乜味，然而都落得唔太多沙嗲醬落個湯度，所以就算攪拌左，個湯都無乜味道...不過我加左辣椒油食就香好多同埋好似釣返左啲味出黎～🥰 覺得有味好多🤣⠀⠀❥牛角包都係食落一層層，外皮勁鬆化🤤🤤又好重牛油味又熱辣辣～外脆內軟，都唔細個，幾好食！⠀❥可以見到火腿奄列表皮嗰層蛋係熟左，值入面係未熟哂嫁！蛋汁滿滿，又嫩又滑～同埋奄列好夠味，唔需要額外加鹽～覺得幾好食😋⠀⠀❥奶茶就無咩特別，同平時喺茶餐廳度飲嘅一樣味😂😂⠀⠀我諗下次真係要試埋時代冰室出名嗰啲菜式😋⠀

端午節假期同朋友食lunch，亦有心支持下蕭生嘅餐厅所以來到北角時代冰室。食物嘅水准先唔讲，一入到餐厅嘅体验就好令人失望。一位年轻金发嘅女侍应安排我地係近門口嘅位置坐低。由於冷氣唔夠凍，我地詢問個位女侍應有無其他吉位，點知話音未落，佢一邊叫同事幫手check，一邊好唔耐煩咁話佢唔問緊，叫我地等等唔好催佢。然後知道有冷氣比較大啲嘅位置後，就同我地講”有位啊，起身啦”! 唔明白點解佢咁唔耐煩，感覺好無禮貌。其他侍應服務都好好。

飲完手調芝士奶蓋水蜜桃飲品之後，我繼續在北角「英皇道」，抱着「佛系」覓食心態，以隨機方式去尋找可以食到牛肉跟雞肉飯食品的餐廳。可惜反覆搜索，始終找不到有北角食店同時提供「牛肉雞肉飯」。結果我在「英皇道」街頭上不斷反覆搜索，苦苦尋覓之下，終於成功找到港式茶餐廳「時代冰室」，在北角「英皇道」開設和運作的分店。炮台山分店「時代冰室」裡面其實也有不少檯櫈座位，所以讓我還有機會找到沒有食客「搭檯」的卡位，一個人慢慢享用晚餐。「時代冰室」雖然不算是台灣菜餐廳，但是偏偏「時代冰室」的飲品餐牌裡面，就有一款新的手調水蜜桃甜味冰凍飲品，飲品的名稱叫做「蜜桃凍頂烏龍」。冰凍飲品「蜜桃凍頂烏龍」裡面的蜜桃汁甜味，其實沒有烏龍茶飲品裡面的清甜味道那麼濃厚，我在「蜜桃凍頂烏龍」飲品裡面喝到的主要味道反而是清淡的烏龍茶茶味。另一方面，「時代冰室」的店員在「蜜桃凍頂烏龍」茶飲品，真的投入了幾枚體積不算小的切片蜜桃，蜜桃裡面的味道感覺是甜味夾雜少許酸味。至於「蜜桃凍頂烏龍」凍飲飲品的最大缺點，就是「時代冰室」水吧廚房裡面的店員，在「蜜桃凍頂烏龍」飲品裡面，加入了太多冰塊。結果「蜜桃凍頂烏龍」飲品裡面的蜜桃甜味，除了沒

在公司附近的《時代冰室》吃番個輕食早餐($28)等待上班，厚切蛋治+火腿粟米通粉，蛋治算厚身又夠多鹹香的牛油，麵包都好鬆軟，而粟米火腿通粉份量雖是迷你，但配料份量十足，粒粒清甜的粟米加上爽口的火腿，再配搭煮到恰到好處的通粉，味道都真是不錯，杯奶茶是最讚，端上來時已經聞到茶香，有茶香的餘韻，回味馥郁，四周的裝潢都好特別，仿如進入舊電影的時代，見到瓷磚的牆身的舊電影畫像，而綠色的卡位加上天花不同顏色的吊燈，又會覺似進入新時代，服務員都友善又主動，氣氛感覺都不錯。

北角與炮台山交界有好多好香港地道的茶餐廳,上次已經試過大澳德發的午餐覺得幾好食,今次就選擇了著名KOL蕭若元旗下的時代冰室。下午接近4點半來到門口都有幾個人在排隊,幸好今次只有1個人,所以就能夠直入取位啦,當然要量度體溫啦~~下午茶餐相當抵食,有好多選擇,但不知道什麼原因,很多都已經賣完,最後只選擇了最普通的西多士,+5元要火腿通粉。下午茶餐 - 西多士&火腿通粉&茶走 (36元)  4/5分1. 西多士雙層,都幾好味,內有花生醬,外有糖漿和牛油,好飽!2. 火腿通粉&茶走都好正常,前者份量略小啦3. 要提一提上菜速度奇高,點完之後大約2分鐘就上菜,代表已經一早做好,這點要扣分,但西多士本身不用熱食,所以還好總結來說,味道正常,價錢實惠,黃店加乘,值得推介!

又到晚餐既時候 對於我呢啲日日都要出去食既人 夜晚晚晚都要諗食咩都幾煩..加上疫症關係政府實施症餐廳管制..導致到選擇更加小之又小..禁岩由天后行到去炮台山..就試試呢間 時代冰室.一入到餐廳門前首先有職員幫你探熱..都起碼感覺上安心啲..入到去裝修好似有啲走懷舊feel..好切合佢餐廳個名..餐牌選擇都幾多..有鐵板飯..湯飯同基本茶記既茶餐炒野小菜都有..可惜當我想叫野食個陣 啲職員一你就扮睇唔到..一係就話轉頭嚟..轉到個頭去非洲都未返..幾經辛苦終於有人落單..叫左個芝士魚柳包配薯皇.加水果茶.一嚟到賣相ok..不過薯皇即係薯條...同埋一食落去啲薯條凍既 感覺係下午茶賣唔晒放到而家禁...到個包啦..個包底硬既..成個包只係得個魚柳熱..對面麥記魚柳包都好食過佢..水果茶...簡直只係一杯糖水..飲左一啖完。冇下次，完。