時代冰室 (崇齡街) (Closed)

平時食開三眼蔥油煎豬扒飯份量好大份 而且有條大T骨今次懶d 叫個肉餅食都係啖啖肉不過就冇骨呢個價位加埋野飲都係50蚊用埋coupon就更加抵食時代簡直就係附近既平民飯堂就算唔係附近住/番工行過路過都唔好錯過😋

早事去時代冰室下單已轉為掃QR code下單，本人作為資深食客使用掃碼下單已是平常事，在使用上已達高階級別。但上次已發現系統有漏洞，例如無有備註欄。今天幫襯時再次使用手機下單，想在魚柳包中走菜，由於電子系統中依然沒有備註欄，所以舉手尋求員工協助，第一位員工沒有聽到我的問題便直接說下單請掃QR code。好吧！在我無比的耐心下我再次舉手，第二位員工同事對我說，下單請使用QR code。我終於說我有問題，我希望魚柳包走菜，如何備註或請她幫忙叫廚房走菜。員工卻對我說無法走菜，你可以自己不吃菜（由於上次經歷手動把菜拿走，我整個魚柳包散曬），因此我才這麼需要廚房協助）。員工還對我說他們不能作出改變，因為少了一片菜會影響整個味道。對於這件事及受到的對待，我真心希望機械人可以完全取代人類，因為我認為機械人的思想更有彈性。而好像McDonald，網上外賣平台得下單系統都可以走菜或備註功能。時代冰室想走smart的路線，思想上卻不夠smart。

今日突然好想食丹麥多士，所以就去咗新蒲崗時代冰室食午餐！😋 我地叫咗兩份時代全日餐。一份常勝麵餐，同一份歐陸全日餐。常勝麵餐：沙嗲牛肉湯公仔麵 配3.6牛乳炒蛋＋丹麥多士沙嗲牛肉入味，唔會過咸。牛乳炒蛋超級滑。丹麥多士香脆可口，配牛油好滋味！歐陸全日餐：板煎蜜糖烤雞扒 配香滑炒蛋＋法蘭克福腸＋牛角包＋三角薯餅＋雜果蛋沙律歐陸全餐好豐富，大滿足！雞扒煎得香嫩，法蘭克福腸皮脆！三角薯餅，同雜果蛋沙律正常發揮。

之前試過時代𣲙室既午餐同晚餐，今早經過新莆崗，原來新莆崗開左分店，一於試下佢既早餐啦 。。。餐廳內有很多卡位，寬敞舒適，一d都唔迫。落單係用QR code 落單既，圖文並茂，很容易用。。。早餐款式選擇都幾多，除左有麵餐之外，仲有歐陸早餐，想fresh d 既沙律都有得㨂架。點咗沙爹牛肉麵升級麻辣湯湯底，配火腿奄列+牛角包，麻辣湯底唔錯，帶輕微既麻辣，麵條既軟硬度適中，牛角包🥐軟熟可口，再配埋杯凍鴛鴦，鴛鴦咖啡同奶茶比例適中，唔會太甜，成個人即時醒晨晒。。。

有時下午茶想食啲輕食，可以嘆杯咖啡奶茶食件餅咁樣chill 下！呢度有多款tea 任揀，最後叫左一份熱狗同一份公司三文治，其實都幾香口，三文治好豐富巿好多料，幾好食，奶茶夠滑有茶香，間中嘆下呢度啲Tea 都唔錯呀！

呢排去老母區開會，成日煩一陣食乜，間間都咁多人。今次非常好彩，趁人潮未到達前先入座，跟住人群蜂擁而至咁等位……由於辦公室唔係九龍灣，所以外賣優惠對我無咩著數，不過覺得外賣優惠真心好抵食。當然，即使堂食都係$5X，比起其他餐廳都便宜，只係坐得密少少同搭枱就唔係人人喜歡。星洲炒米有溫度、有鑊氣、有辣度，而且味道足。以$48呢個價錢絕對無得輸！配料唔算太多，我反而比較喜歡咁，因為出面普遍既叉燒都唔好食，咁不如唔好加上去。如有機會經過，絕對可以回頭。

好耐無食過時代冰室咁啱經過再入去試吓，新年期間仲有開年套餐呢幾日天氣凍咗我就叫咗個泡飯暖下個肚同養生😍花膠鮑魚雞湯飯好足料！👍🏻湯底亦都好夠味！有好多花膠！最後差唔多飲哂成碗湯

今日嚟到喺屋企附近「無論時代點變，味道依然不變」的「時代冰室」食晚餐除咗一般茶餐廳美食外，而家仲有幾款秋冬限定菜色可以選擇另外鐵板餐做緊$5️⃣0️⃣，真係超佛心價🥹==========🔹蒲燒雞扒‧胡麻沙律色彩繽紛令人賞心悅目的賣相麻醬由客人自己加，份量可以自己控制沙律有粟米，紅蘿蔔絲，紫椰菜，生菜，再加適量紫菜，食材新鮮雞扒嫩滑香口，脂肪及油份不高作為開胃菜非常合適推介指數：9/10==========🔹台式火鍋：台式麻辣．牛三盛 $118 (+$24 配七彩蔬菜籃)(美國肥牛，鮮滑牛片，五香牛腩，豆卜，生菜，娃娃菜，番茄，枝竹，金菇，冬菇，粟米，芫茜）揀咗芫茜皮蛋湯配BB辣度食材放滿整個鍋，每樣配料均有2️⃣-4️⃣件，細食的朋友可以2️⃣人share一鍋再加配其他火鍋配料美國肥牛：肥瘦各半，帶淡淡牛香鮮滑牛片：脂肪比例低，牛味比肥牛豐富五香牛腩：帶筋膜，牛腩偏瘦但唔"鞋"口金菇嫩滑；冬菇大隻厚身；粟米爽甜；皮蛋甘香七彩蔬菜籃：生菜，娃娃菜，金菇，蘿蔔，冬菇，番茄仔，粟米推介指數：8.5/10==========🔹醬烤香茜肥腸雞煲 $88揀咗BB辣雞煲罕有的加入邪惡豬大腸雞的份量充足超過十件，雞肉多骨

天氣開始涼，雞煲、火鍋唔少得，時代冰室剛好推出一人雞煲，一人火鍋，還有幾個口味選擇，有辣有唔辣，可以同朋友開心share~台式特盛－臭臭鍋子$98自助落單時選了小辣，但對於能吃辣的我，實在是無料到，所以下次要選個中辣過過隱，配料也相當豐富，鴨血，大腸，鴨髀，蟹柳，豆卜，蜂巢豆腐和蔬菜等。果然夠台式風味，打邊爐食鴨血真的很滋味，一個好味的湯底，配鴨血真的會停不了口，這鴨血夠嫩滑，口感像豆腐。大腸韌中帶脆，大腸的油脂為整鍋帶來多層次的香味和口感。鴨髀嫩滑甘香，不油膩，又啖啖肉，很滋味。整個鍋感覺有2個人份量，非常飽滿。醬烤香茜肥腸雞煲 $88有別於其他雞煲，這雞煲的油膩感很少很少，即使吃到最底也沒有厚厚的油脂，十分驚喜。香料也恰到好處，洋蔥薑蒜爆得很香，也沒有爛溶溶，很有層次的香料。雞肉肉質剛好，滑溜溜又帶點肉汁，和雞煲的醬料很夾。加上大腸的油脂，滲透了整個鍋，非常香又惹味。吃完滑雞，加上湯就可品嚐火鍋配料，追加的墨魚花枝丸很爽脆彈牙，還有火鍋不能少的響鈴，滲滿了雞煲的精華，大讚。還有手打烏冬，煙韌口感，非常飽肚。時代.黑牛冰 $32吃過重口味的東西，來杯黑牛，降降温，正!咸濕大話 $32

行過見到時代冰室推出秋冬限定台式火鍋，見天氣又涼涼地，所以想試吓。我哋簡左牛三盛配特濃沙嗲湯底（$118）。本身已經包左美國肥牛、鮮滑牛片、五香牛腩、豆卜、生菜、娃娃菜、蕃茄、枝竹、金菇、冬菇、粟米及莞茜。另加$12-$36配料可供選擇。我哋加左- 飛魚子•粒粒蝦滑$36- 美國肥牛（8片）$36- 滋補醉雞件（8件）$36- 炸餐肉（4件）$12- 娃娃菜（1份）$12其中最好食的係飛魚子•粒粒蝦滑，蝦肉彈牙，配上粒粒醬爆飛魚子，再索曬沙嗲湯汁，好食吖！另外，冰室使用Gas爐，滾得夠快夠熱。晚餐時間見到好多一個人來食火鍋。叫到成檯都係食物，一個人嘆世界。埋單$290， 人均$145。食飽飽，暖笠笠！

以前喺新蒲崗工作，都發現有好多不同的食肆，今晚工作完畢路過這裏，想起朋友介紹這間冰室，便來一試。這裏因為季節限定，推出火鍋，便選擇兩款。肥腸雞煲$88，可選擇重慶麻辣、或者醬烤香茜，重慶麻辣味道適中，又不會過濃，計件肉質鮮嫩，肥腸洗得很乾淨，沒有腥臭味，非常有港式冰室的風味。台式麻辣•牛三盛$118，美國肥牛、鮮滑牛片、五香牛腩、豆卜、生菜、娃娃菜、番茄、枝竹、金菇、冬菇、粟米、芫茜。其中以五香牛腩最為軟淋，味道亦更佳。原來這個台式麻辣火鍋，落單前必須要同侍應講要麻辣，否則會清湯上，不過清湯味道鮮甜，加上已經點了一個麻辣火鍋，所以都冇乜所謂。花雕醉蝦五隻$36，花雕味道香濃，只需放在湯內一會，便可吃到爽口帶來的醉蝦了。豚腩片八片$24，脂肪和肉質分布均勻，味道鮮甜美味。唐生菜$12，現在豐行健康飲食，吃火鍋都要吃生菜。鹹檸七XXXL$18，分量足夠兩個人享用，用來吃火鍋更加合適。

秋風到又係食煲仔飯嘅季節，趁天氣涼涼哋同老豆食番個一人火鍋加個煲仔飯先～｜流心窩蛋、芫茜滑牛煲仔飯｜牛肉份量極多，舖滿晒成個煲仔飯～飯粒每粒分明乾濕分明，加甜豉油撈嚟食好好味～加$12潤腸口感更甘香～加＄15 要份爽脆嘅蠔油生菜健康啲～｜珍寶海鮮鍋｜估唔到幾十蚊就食到一人火鍋，仲要材料咁豐富咁多款式，我叫咗濃蝦海鮮湯，算唔上好濃但勝在清清地唔油膩～海鮮有蝦、帶子，魚片，最估唔到連長州大魚蛋都有～另外仲有油炸鬼、豬紅、炸響鈴等等，份量真係唔少包你食飽～｜醉雞肥牛鍋｜呢個鍋我哋就揀咗四川麻辣湯，肥牛、醉雞各一碟，每個鍋都有齊生菜、娃娃菜、粟米、冬菇、番茄仔、金菇、蘿白、烏冬仲係稻庭煙韌個款～可以話性價比好高～而且叫火鍋加$18就可以飲巨型龍鳳檸樂或咸檸七

时代冰室早餐推介-沙嗲牛肉上海麵一路以來都未介紹過早餐今次要介紹嘅喺沙嗲牛面时代冰室配方嘅沙嗲牛肉再加上比較陌生嘅上海麵兩者嘅混合實在適合不過早餐食厭左公仔麵嘅你地仲唔快啲來試下特別早餐你地食左未？😈小食推介-椒鹽燒賣今次推介嘅係萬人喜愛椒鹽燒買幾乎係人人食邪惡又點可以無熱氣嘢所以今次推薦出位小食炸好左嘅燒買外脆內軟配上味鹽同自家製麻辣保證另大家食過返尋味你地又試左未？😈😈时代冰室 (崇龄街)新蒲岗崇龄街81-83号地舖

麻甩佬下午茶系列：乾炒黑椒牛柳絲意粉，鑊氣十足，牛柳絲落足份量，廚房師父有料到，正一流 😍😋！花生西多士吐司與花生就是天作之合，但香煎微脆的吐司內部還帶著鬆軟，熱熱的夾著濕潤的花生醬／粉，在配上奶油與倘流的楓糖漿，甜而不膩，小點不能小看，雖然邪惡但就是好爽！

•秘製黑椒牛扒拼吉列蝦 螺絲粉 川味麻辣蕃茄濃湯 中辣 蕃茄味濃郁，有少許蕃茄粒，不會像羅宋湯的味道，像是茄膏？螺絲粉不是Al dente，而是有一點軟爛，普通茶餐廳的質素，另外附送一嚿響鈴，索滿湯汁。叫了辣油另上，所以是分開裝的，辣味不重，麻味正常，有少少像火鍋湯底，個人應為辣味不夠，但若添加了辣油，湯底瞬間蕃茄味減了很多，所以原味比較適合。另外牛扒是茶餐廳級數，調味適中，牛扒偏薄身，有筋亦有肥膏，尺寸不是很大，但是偏油。吉列蝦正常，沒有特別脆，不過不失•泡沫檸檬茶 名字比較特別，就是檸檬茶上面加了泡沫，味道10分普通，跟一般檸檬茶沒有什麼分別，而且他的檸檬茶是沒有檸檬的🙃🙃🙃整體而言，蕃茄湯底濃郁，值得再去的，配料方面都是茶餐廳級數，不會超級美味，亦不會難吃，但期望不要太高，飲品方面點一般正常比較好😹