天悅海鮮酒家 (Closed)

價錢非常優惠食物款式亦好多服務亦都好好。汽水任飲。漏單次數零我最鍾意食佢哋肥牛腐竹生蝦同埋烏冬雖然未到一般但呢一個價錢已算合格之上。最好係每一次去到都唔使等位。又有電視睇自從置樂東城執咗後就轉左黎天悅了。

來到美樂 要打邊爐的店鋪真的不多來了其中一間試試由於早了去 所以不用等位呢但是出餐時間比較慢呢食物的種類當然沒有其他的邊爐放題多食物材料只是一般般的雖然是任點 但是食多小叫多小因為不想浪費食物最後 拿了隻雞蛋弄個炒蛋來食味道也不錯的haha

Men talk 傾計一流火鍋店星期五Happy Friday, 幾個男人一齊任飲任食，都係百頭。鮮牛肉真心嫩口，啖啖肉，好有牛味，完全無雪藏味道，係必食推介。仲有嚮鈴、鮮蝦雲吞、魚腐都好彈牙可口。 生蠔都好新鮮，係菜有少少黃，食左沙嗲鴛鴦湯底，味道幾好，最重要係可以無限時，服務其實都算可以，上菜超快。唯一係肥牛比較多脂肪。其實這裡真係性價比高，抵食又無壓力要趕住走，食物又咁多元化，係隱世既打邊爐聚腳亭。

大概九點多d到坐低，落湯底好快，三分鐘唔洗湯底到，之後完全近乎冇服務，三催四請先有人拎落單紙，到食物到發現紙上的脆鯇片是假的，(之前一次幫襯也有叫比了普通鯇魚，以為上次比錯)今次再叫a姐又是比了普通鯇魚，細問原來脆鯇不存在，店内並沒有，接着蝦冇，蠔冇，雞件冇，墨魚滑冇，近乎只有丸類和疏菜大有，本人和老公不吃牛，叫了蟹柳但冰得沒法把膠紙取走……難道要和膠紙一齊邊邊？？！叫了三次冇人加水，最後我們自己去其他枱將拎水瓶加，店内的服務人員在我入内一刻開始只顧着收鋪執野，其實如不想做特價時段可以告訴客人不做生意而唔係選擇咁對d客，發誓永遠不幫襯，我同老公每人比左108元，食左一個出前一丁，幾粒丸，幾條黄黄地既生菜，兩轉罐飲品，想食垃圾的朋友可以一試！！！！

很久沒幫襯天悅，之前冬天成日去打邊爐，今曰同女兒慶祝生日，揾間近近地食餐晚飯。首先自取汽水菊花茶，自家水餃雲吞，同魚皮餃，呢幾樣都保持到水準。但到剔放題紙，食物上菜時的質素真係令我大吃一驚，啲肥牛唔係高質都預佐，但無諗到係雪到冰一樣，黐晒碟，想點，最恐怖係啲肥牛係瘀黑色，好肉酸，未見過咁核突嘅肥牛，見到都無胃口，唯有叫侍應來收番，佢可能都自己知自己事，無出聲便回收入廚房。我同屋企人都話呢間野差了很多，無下次。

與老人家到來喝餐茶 員工態度懶散、無禮令人目定口呆 豪無禮貌可言 發誓以後絕不會再光顧此酒樓 請我也絕對不會再進去 付錢來食飯消費 只想好好吃個午飯 卻受到無理對待 受貴員工脾氣 態度差劣

母親節當晚，一家人去到天悅海鮮酒家食晚飯，因為屋企人經常喺呢間酒家飲早茶，見到母親節套餐推廣，覺得幾吸引，所以就選擇咗喺度慶祝母親節，叫咗個晚餐c，前菜六款，主食六款，前菜有金牌燒腩仔，外皮燒得香脆肉質夠話唔會太肥，和味拍青瓜幾爽口，有好多我鍾意嘅蒜頭，鹵水五香牛展味道一般跟住去到主食，先來個當紅脆皮鹽焗雞，呢碟鹽焗雞係全餐最滿意，外皮香脆可口，肉質鮮嫩，味道濃厚。芝士波士頓龍蝦伊麵，芝士汁夠多，龍蝦同伊麵嘅味道都好夠 。瑤柱海皇冬茸羹，味道偏淡。碧綠帶子貴妃蚌，即係西蘭花炒象拔蚌，呢碟菜炒得好夠鑊氣，而且好入味。揚州炒飯都好受歡迎，炒得乾身而且唔油膩。清蒸雙喜沙巴龍躉兩條，有點腥味。飯後仲有生果同甜品整餐嚟講都算豐富。

冬至果日，一大班人黎打邊爐，我地兩枱分開到好遠咁坐。啱啱先坐底左兩分鐘，跟住有一枱食完要走，我地問可唔可以調位，因為我地咁啱可以調到兩枱(自己人)都坐埋一齊，但系d員工話好鬼麻煩，跟住嘈左一輪又唔比我地調，話搬個電磁爐好麻煩。 得個爐姐，換個插頭姐，我地連嘢食都未叫，你同我講話好麻煩！？跟住食完嘢，心諗條氣都順左d，結果臨想走果陣，有個女員工突然用d勁輕挑ge語氣叫我地即刻走，叫我地“即刻起身”。我想問咩叫“起身”啊，呢d咩用詞黎架！？我冬至同老師同學黎食飯慶功系要受你地氣架？？我其實覺得咁樣情況下，乜都唔洗講啦，直接叫你經理黎同我解釋就算啦，我比錢黎消費都要受你地氣！我以後都唔會再黎！😡極度憤怒！

今晚撇甩百厭仔, 兩公婆撐枱腳. 天氣涼咗就近近地行過天悅邊一邊.去到6:45, 可能尚早, 得2-3枱客, 坐位任揀.今日$118.00 任飲任食2小時15分鐘熟架部嘅我哋, 先ORDER湯底, 快速畫紙落生料, 跟手就去自助區拎調味品, 當然唔少得雲吞同飲品傻佬老公竟然一攞就攞5碟雲吞返嚟, 佢話佢好LIKE喎. 飲品就攞咗菊花蜜.拎完返嚟, 湯底已到了. 菊花蜜--只得甜味, 無菊花味, 預咗架啦. 幸好唔太甜. 胡椒咸菜豬肚鍋--豬肚份量都唔少, 仲有啲炸支竹, 咸菜就唔多覺眼 (可能知我哋唔食呱) 但唔知點解胡椒豬肚鍋嘅湯本身唔係辣, 係要自行加胡椒粉嘅? 怪怪地咁.  雲吞--大大粒, 入面全部係蝦, 有少許馬蹄, 爽口又好味, 正!生蝦--好新鮮, 仲識郁架 有啲係中蝦SIZE添.大魚頭, 九肚魚, 生蠔, 鯇魚片都好新鮮, 個人鐘意脆肉鯇多啲雞中翼唔知佢係咪事先醃過 (但望落又唔似) 淥完超級入味, 好正!墨魚滑--粉多欠彈牙,  第一輪 味道正常, 但第二輪墨魚滑就唔掂, 苦嘅!鯪魚滑, 鮮牛肉都OK最後食埋菜, 捧住個肚行返屋企.

這家火煱酒家在朋友口中已經聽過好幾次，只是從我家開車去又要付停車場，行過去又要20分鐘，所以遲遲未真正試過。今天晚上，和客人就有籍口了，還是客人自己提出的！食物質素其實和平時去街市買普通價錢的食材一樣，難得的是食物都保持新鮮，而且$130就可以有新鮮蝦，生蠔和其他正常中式火煱有的配料。性價比算是很高了！還有質素不錯的酸梅湯，菊花茶，和各種啤酒汽水，所以我決定如果下次有朋友聚會，一定會再來，因為時間比較充裕！

天悅價錢十年如一日，食咁多次都無加價既！夜晚諗唔到食乜，又去左食天悅啦～我地去左美樂𠴱間，搭輕鐵都係搭到美樂就可以了。再一次叫蕃茄薯仔湯底，點解？佢個湯底堅係有蕃茄味架，而且如果無味既話可以再散叫d蕃茄薯仔煲返佢，簡直係無限loop呀！好啦 坐低梗係叫左配料先啦！吸收左上次教訓，今次老公一枝箭出去攞左魚皮餃同雲吞先，雲吞好多餡，爆餡，蝦肉好大隻！鯇魚片厚厚地，要煮耐d先食，如果唔係會凍呀！海蝦Size中等，蝦肉唔覺有雪藏味，尚算滑。講講佢d午餐肉，其實午餐肉打邊爐真係幾正，但佢d午餐肉，唔知叫有心思定點？煎過的，仲過左火位，因爲好燶，陣聞唔係咁好聞。肥牛唔好期望咁多，因為肥肉好多，叫一碟就好了，雞件反而要讚下！超大件呀，仲要唔係得骨，肉都大大件，熟左之後雞肉係嫩滑架，是不錯的選擇！

一早就和爸媽去飲茶，做個乖乖女。天悅在家附近，經常食都能保持水準實在難得。煎堆我愛吃沒有餡的，一啖吃下沒有黏牙，挻好食的！爸爸的指定鴨腿湯飯看他食得津津有味，我也忍不住偷偷飲左幾啖湯，Em⋯⋯味道似孚味精多左少少　排骨飯鼓油分開上，非常貼心，味道還不錯，分量不太多，還可以⋯⋯煎腸粉不得不吃的煎腸粉，鼓油鹽同糖分量OK，不會令人反感，不過如果點心姐姐可以再煎多陣會更GOOD。其實比起家附近的酒家，我都係比較喜歡天悅⋯⋯

已經係第4次黎，次次都係食任食火鍋，員工服務ok,唔算特別好殷勤，不過叫到都總算會有回應，入到去都有帶位有問要咩湯底。食物種類都多，基本的都有，我每次都主要係食蝦，雲吞，餃子，（要早到，好快冇哂，雲吞同餃子特別一讚，好食）其次肥牛，蟹子丸，芝士丸，蔬菜類都洗得算乾淨，食物整體都滿意。罐裝飲品(非酒精)都自取任飲，時間限食2小時15分，夠鐘都只會叫你埋左單先，之後可以再慢慢坐，唔會催你走，如此價錢我覺得都得上平靚正。

第一次黎食，等個煲底等左25分鐘，4-5個職員都唔理，一問個要黑晒面，食野既心機都無埋，一坐底果陣仲要已經有上有既鼓油留係度，話係比我地用既，非常不合衞生，各位要食哩間野，小心為上!

前排凍凍地，一諗就諗到打邊爐啦XD 於是就約埋班朋友一齊去打邊爐啦^^因為大家都住屯門，屯門有間酒家打邊爐又平又正又靚，就去試下啦!去到見到個門面，都係一般屋邨酒家唔係特別靚仔，但係再睇埋個價錢真係好吸引，好平喎!湯底我地叫左蕃茄薯仔豬軟骨，黎到之後都覺得幾足料，一打開蓋已經聞到陣蕃茄薯仔味，好香，飲2啖湯底好甜，好好味，豬軟骨就少左D，似排骨多D!朋友平時食開既，就推介左我地食「脆鯇片骨腩」&「鯇魚片骨腩」，魚腩係整條魚最好既地方!先試脆鯇片骨腩，超好味!食落口脆卜卜，肉質又結實，就算烚左好耐都唔覺得D肉散晒，而且師傅落刀切既厚薄剛剛好，值得一讚!之後再試鯇魚片骨腩，食落我地都覺得麻麻地，無脆鯇片咁好食，D肉直頭有少少”梅梅地”，唔建議叫，就算叫都1,2碟好了。肥牛，簡直就係打邊爐必食!我地一開始就瘋狂地叫左4碟肥牛，但係食落…好麻麻地，D牛我直頭用「冰」去形容，塊與塊之後係分唔開既…明顯係岩岩係雪櫃拎出黎…唔係師傅即場切，望落D牛肉度，完全係肥膏多過肉，我地食左1碟之後都唔係好夠膽再食，因為真係好肥=.=另外我地仲叫左羊肉，我覺得反而羊肉好味好多，顏色係淺粉紅色，肉質有彈性，肥膏又