汀角灣燒烤農莊

Open Now

Now Closed

這是我食過最差的勁的BBQ場食物：差, 又少種類, 牛扒碎到似牛肉, 豬扒薄過紙, 未試過咁難食的脆皮腸同丸, 雞奕就ok服務：好似要"唉"佢先比野食你, 好似要睇佢面色咁, 攞多幾件又問長問短, 有幾多個人架環境：不時吹起風沙, 個地多沙塵, 真係eat dirt呀

同班同事無無聊聊想燒下野食........上openrice睇過d個好似唔錯咪book d 個囉一行9大2小大人每位85.....小童就好似6x之前睇post都話d到d野食幾好.....夠味.....試過真係唔錯有豬、牛、雞、腸、丸、燒賣、豆卜、栗米、番薯、多春魚、bread個d野.....好多大路既野都有.....仲要唔錯最正既係雞翼......超正呀.....小小辣......又香........好夠味番薯就完全無味......同之前d post一樣有時d食物解凍唔夠雖然話燒4個hr.....但無人count時間既.....燒左5個幾鐘都無人理環境就麻麻啦....如果早去既話.....坐到有fan既地方確實唔錯......入d既地方竟然1把fan都無.....雖然唔太局.......但都要扣分.....服務方面：有段時間好多人一齊黎.....見到有d客嘈話好耐都無人黎開爐........有段時間好多人，羅野食個到竟然排晒長龍.....差唔多要排成10分鐘先有機羅野食......仲有可能佢地都預算唔到咁多人.....聽隔離table既人講話無咩野食......佢地即刻整緊......

星期五晚5個人去bbq,心諗應該幾多人,但係去到燒到走果時都係得5班人,起初諗住會唔會勁難食,但係有幾款食物去整得幾好食,最後飽飽地既時候仲可以餵狗同貓貓tim,佢果到仲可以租麻雀打,80蚊任打,不過呢你要食完野拎過盤比過收銀幫你挾,唔可以勁挾,佢可以驚浪費食物掛

從大圍出發踩單車，沿著美麗海景的吐露港單車徑去目的地—大美督，沿途踩下停下吹下海風真係好舒服，用左三個半小時終於到達大美督，上左去個水壩睇個view好正。 還左單車之後，大家都討論食乜，有人提議係郊外不如BBQ，在無人反對後我們行番去燒烤場，大約有幾間燒烤場，隔下價及睇左環境外之後，大家決定左來這間燒烤場。踩完單車後大家都好肚餓，大家都好有默契地燒腸仔，有個朋友太” 候琴” 直接係燒烤叉到咬腸仔5小心燙到個咀，而我就燒雞翼，幾隻味來說我比較喜歡辣雞翼，辣得好香口，有隻叉燒骨都好好味，但係要燒耐少少。 有個朋友燒魚蛋，燒燒下魚蛋會漲大三分一，燒緊時仲好香。 我覺得比較欣賞，香口又好食的食物有：辣雞翼，雞全翼，魚蛋，香草麵包，叉燒骨，多春魚，雞扒…見到隔離坐的女仔係草地上玩” 麻鷹捉雞仔” 叫得好大聲夜晚有projector播電視，一邊睇一邊燒。燒完都十點幾，返家。今次個行程幾好，個燒烤環節都好好

原身諗熙去呢間定燒烤王既,但而家燒烤王好似越黎越貴, 唔多抵, 所以就去左呢間啦,其實之前都黎過一次, 最記得d辣雞翼真係幾正,但今次有麻辣雞扒, 嘩~~~~好味呀~~~因為其他地方無辣野食, 所以我幾鐘意呢度~第二個鐘意既原因係好少人呀, 又靜啦, 而且有2把大風扇吹住我,我全程都無出過一滴汗囉~第三就係雖然佢話唔可以帶外來飲品, 而且只送一罐飲品,但我帶左2枝飲曬都無事~~呵呵第四係個老闆同個女職員服務態度唔錯, 而且個度有隻貓好痴人呢~~~雖然d 丸類有雪味, 但我自己重點食物唔係丸類,所以對我無影響,哈哈另外, 咖哩魷魚真係太霉啦, 應該係"俺"得耐左或者係d粉"拿"到咁?但蒜蓉多士其實幾正架,一定會再去之選~

入大尾篤踩單車, 由於好耐無BBQ過就決定食埋先走!上openrice search就見倒呢間好似唔錯, 因為見倒好似會好多人就book定先去其實佢個位置都幾搞笑, 係大埔同大尾篤之間.我地踩單車由大埔--->大尾篤都經過, 但我地都決定踩返去搭車lol"大埔墟mtr一出轉左落tunnel搭20C小巴汀角村落約20mins就到"according to老板真係好方便ge其實, 75K巴士都到ga!book左6:30pm, 入到去都差唔多7:00pm只有一家人燒緊!?不過仲好, 最怕人迫人>.<星期六$68一位加$20一個爐, 我地4個人所以$73一位就可以任食啦,野飲只包一罐, 之後就$7,而家好怕要自己買野食自己透爐個d, 搵呢d就最好啦d choice都係丸ar扒ar腸ar個d,特別d就會係佢d蒜蓉多士, 比心機燒到2面金黃真係唔錯夜左都唔見多人, 星期六來講都好冷清, 唉生意難做....有projector同大銀幕睇港男, 話3個鐘, 結果我地都燒左3個幾鐘,無話唔比再攞野食, very good老板同職員都好nice, 攞野食時都會講2句好親切!如果唔係

終於又等到公眾假期，上網查到哩間燒烤場有大投影睇世界杯，幾得意，殺到。一行四個人， 5點幾就到了，哇，沒冷氣真是有的辛苦，好彩每台都有風扇對住吹，如果唔系，真是會濕嗮，要到7點幾太陽先落山，建議大家如果哩的天氣出來燒烤都是晚黑好。哩間也環境就真系唔錯，乾淨齊立，是少見的真正的農莊，大草地對面有個有機自耕地，見真系有人系度種緊菜，哈哈，好搞笑，唔知自己種的菜會唔會好味的。玩左一陣開始燒也食，的腸仔丸仔普普通通，大路也，反正我都沒乜興趣，燒也食當然系燒雞翼啦，有4個味撿，沙爹，南乳，蒜蓉，香辣，因為我出名食得辣，當然撿辣雞翼，總嫌不夠辣， 不過如果再辣的，其他人就死咯， 雞扒都幾特別，好似有的孜然味，燒出來好香口， 好過其他燒烤場的醃肉，平平淡淡。不過唔食的辣的人要注意啦，唔好要雞扒。豬扒，牛扒就唔辣，味道都ok. 魷魚就一般般，咖哩味好重，可能因為我唔鍾意食咖哩。金沙骨，多春魚，連豆卜都有，菜呀菇啊都系任食，乳豬，乳鴿，泥煨雞個的就需要提前訂。面包，番薯，粟米都系送的，鍾意食幾多就拿幾多，幾好，好過另外買。食到天都黑嗮，有只幾靚仔的狗狗跑過來望住我，見它幾得意，就丟的骨頭卑它食，點知食完

原本會諗住去隔離嗰間燒烤王的但因為係公眾假期前久無任食, 所以嚟咗呢度$62一位任食結果, 最好食o既竟然係.........麵包..........食物種類已經唔多, 仲要唔好食啲丸同腸全部都一陣雪味, 咬咗一啖已經唔想食芝士腸個皮係 un o既, 一啲都唔脆啲扖又細塊又薄, 似肉片多過扖魷魚細塊到拮唔到雞中翼有兩個味, 辣味好辣, 南乳味係幾南乳, 但我prefer啲大路啲o既味囉結果, 我燒得最多o既係麵包未試過BBQ啲嘢咁唔好食自己去凍肉鋪買都分分鐘好味過佢.....

原本天氣預報話星期六日落雨，點知週末兩日幾好天氣，是我最喜歡的陰天，所以第一次同朋友去大美督踩單車燒烤，兩樣也我都唔系big fan...不過都算特別體驗，有小小新鮮感 點知一路好多人，不是郊外嗎，點解人仲多過市區，我一路都好緊張，踩單車真系唔系我強項呀！ Anyway, 終於平安到達大美督啦！途中經過幾間燒烤，朋友之前打電話問過，話哩一間汀角灣價錢ok，可以自己帶海鮮，我最care系個環境乾淨，跟住還左單車，要行返轉頭一段路先到。入邊已經有好多人，還好有book位。因為我的有自帶海鮮，所以同個啊姐借左個大燒烤網，用錫紙包住個網來燒， 阿姐開始向我的sell海鮮，原來生蠔$60/打，都唔貴，就同她買左一打，蝦都系$60/磅，不過我的自己有帶，就沒同她買。今日令我最難忘的就是Timothy整個--青酒芝士牛油燒蜆！回憶起已經好開心啦。。。自己帶來的新鮮蜆，加小小青酒，將個甜味發揮到最好，又唔會fishy, 加上我最鍾意的芝士香，牛油系錫紙上燒出來的香味，令到個蜆味道好特別，比屋企豉椒炒好味好多，最緊要系要keep住的汁，一起食，then life is good ^_-同樣方法燒生蠔都o

一早約左班同事呢日去bbq, 找左一輪, 最後揀左呢度係因為十二點就開, 咁我地約左一點鐘, 早d燒完夜晚又可以各自安排番節目。加上原先以為會落雨, 所以一定要有上蓋先至得。但點知個日勁好天, 正一秋高氣爽。個日我同另一個同事向大埔墟街市買左d海鮮, 有海蝦, 扇貝, 蜆, 烏頭, 貴妃蚌。我地去到個陣, 其他同事已經食得七七八八, 佢地推介南乳雞翼, 真係幾好味喎。仲有牛油香草bread好香呀... 當然, 我地d海鮮好好食too... 問個度有無蒜蓉, 2蚊就有即切生蒜, 好家庭式呀~~~ 食到咁上下, 大家覺得如果有d蔬菜就更加好, 一問之下, 原來有菜有菇有粟米架~最後, 我地唔只任燒左四小時先至走, 返到屋企都差不多天黑lu~順帶一提, 個度可以帶狗狗去架, 有片草地可以比佢地玩, 幾好喎~

是日風和日麗，天氣既不熱又不冷，令人特別想去郊外燒烤，在openrice search一番之後，見這裡的評分甚高，以為一定不錯，誰不知出事！回家後再看食評，才知道之前的好評全部都來自非會員或是寫過一篇食評便沒有再寫的「會員」，莫非......唉！都怪自己匆忙中忘記仔細做功課。這天因為上午還要工作，唯有等到下午六時多才來到這裡，去到天已漸黑，地方其實不難找，就在路旁已有兩塊大招牌指示。因為風都幾大，連隨要求在有蓋的地方坐下，立刻開餐。這裡的做法是有專人用石油氣幫手開爐後，便會先拿一盤雜錦的燒烤食物來，要食到咁上下才可再拿那盤去添食物，汽水飲品就一人有一罐，除了任吃四個鐘，每位$85外，另外開爐費就收$20。價錢都算廉宜，而且服務都算ok，不過食物方面就唔係咁好啦！首先，這裡的食物種類不夠多，肉類都是一些大路的選擇，菜固然幾乎沒有，也幾乎完全沒有海鮮類的食物，唯一有的只是多春魚和魷魚，連秋刀魚都沒有。其次，這裡的食物有很多根本都未解凍完，似乎準備不足。第三，部分的食物，好似芝士腸咁，開頭是有的，但過了一會便全部被人拿去，之後一直都沒有再refill，想食都無啦！雖然呢度都有d食物係比較好食

一落車就落陣雨，去XX王途經這間燒烤場就順便避下雨(突然大雨)，見到場地有點企理就腳就索性打電話比朋友改地點。 燒烤叉，紙碟，紙巾，膠手套好迅速遞上，有個好似中學生怕羞男仔幫我們開爐，食物種類可以，幾款雞亦，雞牛豬扒，不過可以再多番些其他種類。圍內七個人燒，大家都覺得雞亦幾好，夠肉汁。牛丸就未溶冰，要等一陣才吉得入有蓋地方都算大，廁所要行多兩步，個燒烤及傾計的環境都算可以。-可以試下雞亦-

前幾日book位果時仲驚緊天氣吾好，今日都算係天公做美了。 黎到個場，沒有個朋友所講甘大，而我地係第一班客(12:20pm)，個員工叫我地揀位，因為朋友未到齊，周圍hea下，發現個燒烤場隔離有個農莊，見到幾個人鋤田，好似幾好玩，e到好多雀仔聲，叫聲同平時聽到的有點吾同。個雞扒真係帶有四川風味，食左四件後先至知大鑊，條利好麻。 有幾款雞翼揀，辣雞翼，南乳雞翼，金沙骨，尤魚及多春魚我幾欣賞。 個胃食到七成飽差d吾識停留肚食海鮮，海鮮係自帶的，有龍蝦，竹折蝦，帶子及魚。 有個綠柔柔的草地，d家長同小朋友踢波仔。洗手盤都係左近

廿四號晚約左班朋友仔入去大尾篤燒烤，一早就 book 左 汀角灣 (成廿人呀嘛 )今晚都好多人下，好彩有 book 位，因為可以揀位坐 ^^ 可以對正個大投影電視，一邊睇電視，一邊 bbq 正！位就坐好，立刻就有職員過黎透爐， 手套、紙碟、蜜糖、燒烤叉、一盤乜都有 d 既食物盤就已經由另外一位職員拎到枱面比我地食住先，服務周到，抵讚！係時候推介下食物喇，大路野都有好多，但雞翼都有五種味，咖哩、辣、蒜蓉、南乳、黑椒，五隻都好好味，尤其係南乳，真係其他地方搵唔到。鍾意食雞翼既朋友真係唔可以錯過另外有款麻辣雞扒又係十分出色，食落去唔係好辣，但慢慢就 feel 到個麻，越食越過隱，yummy 還有一款辣豆卜，就咁睇個賣相已經吸引，之前仲諗點樣先叫燒熟呢？問一問職員，原來燒燒下會見佢出水 (其實係燒到個表面好似濕濕地咁)，再燒多陣就食得架喇 ^^ ，嘩，食落去脆卜卜，好似食緊 熱浪薯片咁 ，好鬼正，黎到真係要試 (但千祈唔好查蜜糖，如果唔係就無咁既效果架啦)另牛扒、尤魚、豬扒、多春魚，樣樣新鮮總括黎講，有免費車位，又有牌打，任吃 $100 包一罐飲品或一樽水 (非大時大節應該就 $68 位)，另

12.22日同D F 去左个间烧烤场烧烤，个日有人系草坪度SET UP 紧草坪婚礼，哇，好鬼靓啊。。。。。。系电视先可以见到的场景竟然系烧烤场见到，而且几鬼专业下。我同D F 都有系度影相，个度环境不错，烧野吃的时候，D 工作人员几NICE , 会帮你安排好晒开炉个D ，食物种类尚算比较丰富，出品都几好。 区地的制作好似好讲究，D 粟米我见区地包的时候都好认真，有D 样不是很好的全部都飞开一边无包，既系话提供比我地客人的都系精挑细选过的啦，所以吃得好放心。食物味道不错，特别系D 鸡扒。。。。兼职系正啊。。。。 下次都会再过去。