Tivoli 意大利餐廳

Open Now

Now Closed

昨晚平安夜，一直希望找一間特色一點的西餐廳和女伴食飯。所以上個星期就來了這找尋幫助。看見這家餐廳的評分也算不錯，於是上星期便make咗reservation。昨晚滿心的期待，卻帶來無比的失望。一, 餐廳是很有情調，但是全餐廳的食客都一言不發，感覺非常奇怪，好像是去了喪禮一樣...非常"特別"的一群食客。二, 只有聖誕套餐一個選擇...本還想試試門外餐牌的其他東西，可能大廚放聖誕假，唔識煮。三, 沒有wine menu? 全程飲水...很簡單，正常外國西餐廳都會先問客人需要的飲料。這裡沒有，直接上菜，有被趕的感覺。四, 火雞太乾了...明明上星期說會用黑肉(大腿肉)，怎料是白肉(雞胸)。好"鞋"。整體來說，笨。不過，忘記了一個大原則: 怎樣的價錢就會得到怎樣的水準。所以當時也沒有抱怨太多。不過，可能是聖誕的特別套餐。相信可能平日不是這樣的，我會自己再去一次，再給予一次的機會。

今晚與友人在此享用晚餐，我特別用了"享用"這二字，是因為我真的很享受今晚豐富的晚餐。1. 殷勤服務當我與友人品嚐燒羊骨時，有個外貌似聖誕老人的經理(因他有一個很大的紅鼻子)走過來跟我們說："小姐，其實這款羊骨的法國切法(雖然有個奇怪位- 這是意大利餐廳a~)，是讓食客用手直接拿來食，這樣才能保存肉汁鮮味，用刀叉切的話，會令肉汁流走，你看看碟上的汁"。往他手指指著的方向，碟水的確有很多血水流走，用刀叉切的話令羊骨內蘊藏的肉汁流走，入口便會很"鞋"。最後我與友人亦不顧儀態，用手拿起羊骨一件件的啃，delicious！！！2. 情調環境餐廳內燈光特別調較得很暗，每張枱上面均有一支紅洋燭，訂枱時特別要求選一個較靜的角落，他們均能做到這點。環境不太嘈雜，很具氣氛~~3. 美味食物今次點了兩款湯：菠菜生蠔湯+ 酥皮湯還有燒羊骨及煙肉蜜瓜最後還點了兩款雪糕甜品由於兩人都感冒，最終點了一支sparkling juice若非生病，我想我胃口可以更大，吃多一點~enjoyable！！埋單找數時630元，略嫌偏貴。不過，有咁好的享受，自然有更高的價錢。我覺得佢值呢個價。總括黎講，tivoli的確是一所不俗的

07年12月4日我男朋友帶左我黎呢到慶祝生日。事前曾經同佢\明示過希望到較有情調,最好有蠟燭既地方慶祝。結果,佢\搵左呢到。一入門口，有點不負所望的感覺。餐\廳氣氛OK,尤其近聖誕節有棵大聖誕樹。燈光暗淡,台上有支長蠟燭。食物方面有Pizza,意粉,沙律,牛扒等,價錢亦合理。我地叫左四季Pizza及意大利雲吞,味道不錯。侍應更細心地待你吃完一道菜再上另一道。唯一美中不足,就是餐\廳略為太多人,有點迫既感覺,侍應亦唔能夠100%招呼到你。餐\後,我地更去第2道再切蛋糕。我非常滿足亦感謝男友既用心安排。

星期六午餐牛柳餐$48 加一服務費餐湯麵包一般貨色牛柳叫七成, 依然幾淋, 但味道一般, 和豉油西餐廳的質素差不多.凍咖啡味道似涼茶總體而言, 服務可以, 食物質素合格但無過人之處

七月天，正自想著應該去邊到食飯﹗行下行下來到呢間野門口﹗知道呢道多年老自號，見門口餐牌唔係貴就入去試下﹗入到去坐低，如果你有去過，你會FEEL到其實都幾迫的﹗因為台與台之間既空間真係好少，不過好在我地兩個坐0係死角位，自成一角﹗點了辣意粉，公司PIZZA及紅酒1/4 L紅酒意大利貨，入口淡身果味重，1/4L岩岩好一人一杯，80蚊，如單叫一杯就45蚊呢﹗辣意粉真係幾辣，茄味好濃好香，份量不多不過兩個人SHARE岩岩好﹗公司PIZZA有海鮮及蘑菇等，好足料，食落應是新鮮海鮮因仲幾爽口，餅邊好脆微焦，餅身沒有PIZZA HUT的誇張芝士，反而帶著點點橄欖油香，應該這叫正宗吧﹗好多人0係度慶祝生日呢﹗我想應該因為呢度每台有支大大紅陽燭，帶點情調而隆重的感覺吧﹗

第一次來吃,已看了食評,知道人多所以已經訂了位,但入座還是要等位.入內環境都頗黑,很像很舊的樣子.我們點了一份四人餐,有餐湯,麵包,四季pizza,硯榖意粉,豬扒,沙律.餐湯必需試羅素湯很入味,但青豆湯中國人飲可能覺得很奇怪的.麵包的牛油是切好一塊塊後用冰水浸著的,很有心思.pizza脆脆的很好而且一個pizza有多種口味,正合我多心的選擇.不過最有趣的是硯榖意粉,一個四人餐的意粉就只有八顆硯榖粉,起初仲以為點解咁少家,但吃起來才發覺都幾飽肚,可能超大顆的關係,很有咬口,味道都不錯.和我一起的朋友說十年前也來吃過,而且水準仍能保持,實是難得.最好吃的還是那個結尾的意大利甜品,一個甜品內已有不同口味的雪糕,內裏有果仁,外面又有朱古力碎,超好吃.TIRAMISU也很有酒香,十分完好的結尾.

朋友請食飯，佢話想去試呢間！咁我地又抱住試菜心情衝左入去！真係正，正，正！首先，服務勁正，所有待應都好勤力倒水，上菜！其中一個manager仲會走黎同我地傾下計，引我地笑；好敬業樂業！正食物，我地叫左蜆肉湯，勁多料！飲完巳飽，但好正！叫左個四季pizza，都好好味，因為有三種味係入邊，但如果唔鐘意洋蔥朋友呢個唔多啱，因為佢有一個季節係全洋蔥，但pizza厚薄適中又唔會好重味！叫左個芝士火腿雞扒，佢地都做得okie，但我同朋友掛住傾計，搞到個扒有點凍左，但口感幾好，同埋佢地配菜既薯仔應該係燴既，勁好味！到左最正個樣係甜品！我同我朋友萬萬都無想到個甜品係最好食！本來好full但因為太好食，我地係完成晒個dessert！我地一人點左個，個名我無抄低(唔好意思)！但係意大利文黎，有圖睇，係雪糕黎！黎到時我同朋友都哇哇聲，因為好靚！食完第一口，哇正啊！好好味！唔會溶得好快，佢幾種雪糕夾埋一齊又唔會好甜，但好夾d味！個manager仲話佢地唔容許同事用d暖碟放雪糕，如果唔係會好快溶！睇下幾咁專業！呢餐係勁抵，因為唔好計價錢，剩係問下個胃，佢都話幾貴都值回票價！我會再去食個甜品！

食物好味! 環境舒服! 服務唔錯! 昨天小弟生日，太太和我到此食飯慶祝。我們點了House Wine，意大利沙律，生豪波菜湯，燒羊鞍，海鮮Pizza，樣樣都好好味。唔係大集團餐廳，地方唔係大，但有一種自家小店的味道，感覺親切。餐牌上有很多選擇，而且豐儉由人，由八十幾"蚊"的一人set dinner，到二人、四人、六人餐都有、再到二百幾差小小三百的"七打牛排"(二人用)也有。Lunch 好似都係三四十"蚊"。

組仔組女們約我黎呢度慶祝生日~X>一入到去, 暗暗地有D 燭光咁~好浪漫~到齊後五個人點了一個四人餐~四個餐湯~上桌時WAITRESS竟然拎多一個空碗來...真的太好服務了!...後尾有個WAITER問我地要唔要支香檳~我地話諗下先~佢就依然笑得好親切咁離開~ NICE呀!~至於食物~碟蜆縠粉D蜆縠粉真係好似蜆縠咁大粒.. 可以釀D配料入去~@.@ 好搞鬼~又有咬口~好味~X>四季PIZZA個底好似餅乾咁硬架~切唔開.. XD 不過都幾好食架~X>最後仲有自備既生日旦糕~WAITER送旦糕黎時同我地講笑~又好樂意咁幫我地影相~唔錯~

又係組媽生日, 遲去為了準備蛋糕, 但又唔想比組媽知道, 靜雞雞入左去後叫個waiter 幫手雪蛋糕, waiter 除左make低邊張枱外, 還專登靜靜地去確認邊個是生日主角, 以免之後搞錯。五個人去食, 叫左個4 人餐(有4 個餐湯送), d 湯上時waiter 仲好醒目地比多一個湯碗比我地自己分, 值得加分。食物味道方面都十分唔錯, 留意樓下個個食個評la上蛋糕時d waiter 還會過來講下笑, 雖然有dd 尷尬, 但氣氧都算ok o既。大多數時間waiters 都掛住笑容, 臨走一句byebye 都很親切, 令人留下唔錯o既印象。

哈, 有人生日, 組仔組女齊來興祝~- 五個人, order了一個四人餐, 加上自己買來的蛋糕~- 餐廳的餐具... 可以看出餐廳的質數...- 餐牌用了意大利的國旗啦.... - 七打牛柳.. 唔知係咪有84件...- 四季pizza: 不知四季pizza是什麼.. 是不是用上四種芝士? 不知道呢, 但這個pizza有腸和洋葱, 味道OK, 只是有點難切開.... 但係入口的餅底根餅乾無異, 還是脆的, 餅面有點um, 大概就是切不開的來原因.... 很好吃..- 沙拉: 來是一個沙拉, 哈, 這款沙拉, 是第一次食, 沒有難吃的olive oil, 也沒有很難入口的Italian咩咩(我都唔記得LU), 佢係.. 我都唔知係咩汁, 哈, 第一次食有香蕉的沙拉, 還有Mango, 還有.. 上面一條條啡些東西, 又係唔知咩離, 看上去, 很似豆鼓零魚...., 雖然用香蕉很特別, 但係D菜, 好似唔係好新鮮....but overall OK丫~- 蜆縠粉: 哈, 這個看上去很靚呀, 白色那些鮮魷真的比較似粉.... 但其實, 黃色比鮮魷還大的才是主角, 超巨大蜆縠粉, 哈, 當然,

星期一同女友去左食行左好耐先搵到行既時候仲見到架林寶堅利..入到去幾好feel 但上網睇完之後唔見得有乜推介所以是但叫1.蕃茄包包都係法包但喜出望外既係佢既蕃茄我初初以為佢係俾茄醬放面,上到黎食落口發覺都幾有心機,蕃茄切得唔錯粒粒差不多大細唔通平時我係廚房拎把菜到亂咁"雜" 有口感d茄好新鮮,加埋佢既黑胡椒,的確唔錯2:意大利腸頭盤同我係超新買到一碌碌果d真係冇乜分別但要讚既係佢既底菜-椰菜線,好新鮮好新鮮再夾埋d腸好爽,但我都係覺得唔抵食!3.周打魚湯湯好濃也十分夠熱但係d魚肉好似面包.唔知咩魚肉黎但師父埋尾應該落多左生粉水,有d太"杰"4.羅宋湯清清地d菜幾fresh冇乜特別.合格啦濃口小小會好d5.煙肉蛋意粉呢個真係唔多ok意粉唔夠熟,生生地,煙肉係就係食得出生爆既但係就咸左d,d蛋又老左d6.四季pizza不錯的pizza,茄味夠芝味濃但美中不足係有d硬不過件頭十足好大個另外女友點了杯白酒可惜佢唔鍾意杯酒係ok但一定要食野之前飲唔係會冇晒味..跟住我又點左杯sambuga(係咁串掛唔記得啦)個待應聽左我三次先聽到我要咩跟住拎到黎佢點火燒耐左小小走左小小酒味佢用lemon吸息個火

今日中午終於來到這間傳說中好好的義大利餐廳. 其實一直也知道這間餐廳的存在, 因為以前在附近的大學返學, 日日都會經過, 但是由於看起來好高級, 加上讀書時期冇錢食唔起, 所以要到今時今日至來試試. 點了午餐: 匈牙利牛肉意粉, 焗海鮮飯, 和燒牛柳. 羅宋湯的很濃, 微酸, 味道很好, 比起很多餐廳的又稀又辣的羅宋湯好得多! 而甘荀薯仔忌廉湯也不錯. 主菜方面, 匈牙利牛肉比一般快餐店的好一點, 但當然比不上在匈牙利吃的那麼美味!! 意粉不太淋, 有點al dente的感覺. 焗海鮮飯我不喜歡多醬汁, 所以覺得一般, 但母親大人卻認為幾好! 燒牛柳不韌, 也沒有之前食家所說的滿碟血水. 餐茶方面, 咖啡幾香濃,算ok啦! 環境看起來像高級餐廳, 黑黑漆漆的, 除了隔鄰枱那位很嘈的女子外, 其實是不錯的. 服務態度也很認真和有禮貌, 有高級餐廳應有的水準, 總的來說是值得一試!

朋友話喱間餐廳ok,咁就去試吓啦,點知...waiter無禮貌,果set dinner份量平平,最後我哋一行四人,二男二女都要叫多兩客包先夠飽@_@....我個朋友叫咗2客豌豆湯,2客蠔湯;前者ok,但後者係苦家....好失望....唔會再去啦.

我2007年7月19日於此餐廳食晚飯，經過去洗手間的走廊是，看見清潔亞姐在抺食具時打了個有勁的噴嚏，重點是她沒有掩住口鼻而直接向著那些干淨的食具噴的，我打了個突。於是向Waiter 反映，他只是支支吾吾，沒有給我正面的回應，這亦令我感到奇怪和失望。