TLCBBQ

Open Now

Now Closed

#20241208 🤍📍 #TLCBBQ @tlc_bbq 屯門大欖涌村385地段 🍽️大埔大尾篤汀角路202號地舖➖➖➖➖➖➖➖➖➖➖➖➖➖➖➖➖➖#夜間時段 #星期六日公眾假期 #成人 $238/位💭 呢個燒烤場最吸引人既地方莫過於佢個爐，大大個圓形網燒，圍住個爐係張檯可以方便一路燒一路食，咁就唔會好似以前啲燒野食咁，想食野就要叫人幫手睇住啲野食😂另外中間有個煲仔可以落湯打邊爐亦係一大特別之處🍲. 🥢 #肉類💭 平時常見既款基本上都有，最多就係唔同味道既雞中翼，可以實現雞翼放題🐔金沙骨、牛仔骨都係唔錯，扒類就大大塊，比較難分，雖然有幾款係會醃得有啲過咸，但唔建議拎果啲未醃過肉，無味之餘都會相對韌啲，尼呢啲地方都係食返鬆肉粉會好味啲🥩. 🥢 #海鮮💭 成個場有4款海鮮，多春魚用尼燒一流🐟墨魚仔就無試過，唔知味道如何🐙蝦係用熟蝦再冰左佢，所以食落肉質係霉霉地，燒到佢脆口連殼食都唔錯🦐最好食都係咖喱魷魚，爽口得尼又夠味🦑. 🥢 #包類 💭 燒野食通常一尼到肚餓就梗係燒啲快熟野，包就係一個好選擇，呢度有方包又有法包，方包最岩搽蜜糖🍞法包就最岩搽牛油蒜茸整蒜茸包🥖仲有樣正既係佢有窩夫，可以燒到

今次團拜一行10 人，試吓BBQ , 最鍾意佢中間可以hotpot , 唔想咁熱氣又可以hotpot 下，仲有好多麵款，仲有烏冬米粉可以選擇👍🏻有自助飲品汽水機供應，亦有冷泡茶，熱茶，款式唔算多，但對我哋來講都算足夠👍🏻朋友飲啤酒$15 一支，都算合理👍🏻整體全部嘢食都質素幾好，最好食係雞翼，有多款味道😋仲有雞全翼🤩我嘅最愛！佢嘅墨魚丸同牛丸都推介，BBQ 任食質素而言算出色！仲有自己燒茄子，有孜然粉辣粉蒜蓉牛油等提供，好正😊人均$250 ， 貴過側邊幾間少少，但係都覺得值得👍🏻👍🏻另外：泊車費$50 ， 開爐費$50 亦有免費彈彈床比小朋友玩，另設付費攤位遊戲、夾公仔機etc …. 小朋友都算有d 嘢玩，真係算唔錯👍🏻可以再回訪👍🏻

📍TLCBBQ星期六6:00pm入埸大排長龍比錢 人流安排較差雖然本身$238 per person都不期望太多 但係食物種類太少 肉類只有基本既豬牛雞 不過雞翼有好多唔同既味 調味都唔錯 純粹係方便唔使霸爐買野食 但係質素真係強差人意

家庭活動十多人找地方有許多考慮，之前來過，覺得爐間寬鬆，不會與陌生人太緊逼，而且洗手間是很清潔企理，所以家庭燒烤都選這裡。我們揀了日間燒烤時段，1300-1730，很充足，價錢不算貴。不過，付費入場後，若不是來過，根本不知道流程，每每都要問。不過來兩次，職員都友善的。食物種類比上次不同，質素正常，肉質也不會太差，有得燒又有火鍋，這是很好。不過飲品真的一般，許多只有糖水沒有氣。相反有些淡得無味。如果純粹相聚，這是不錯的環境，但若對飲食有要求就會不滿足。今次最讚的是牛仔骨及法包，好味！

12月26日仲係聖誕假期紅日，我地約埋一大班朋友到大埔大尾篤諗住BBQ，已經一早上網訂好位。去到現場見到大排長龍登記比錢入場，開頭以為啲人排walkin，點知原來係所有人都要排隊。排左10幾分鐘，終於成功比錢入場。點知入到場，樣野都要排隊，由自己去搵位開始，再到輪候斟嘢飲都大排長龍，甚至連所有雞翼都俾人拎晒🙈雖然選擇多，一個價錢包埋任飲，但係都建議平日先好去，大時大節都係要考慮下！不過整體都有氣氛🤣 多人夠晒熱鬧。

12月26日夜晚頭一個鐘冇牛肉。飲品一半飲針都冇曬。牛仔骨要職員一舊一舊價畀我哋。唔知係咪老闆特登頭一個鐘唔出牛肉諗住慳錢。我建議去第二間好過。或者去屯門分店嗰間好啲。仲有食食下停電，簡直嘥時間！牛肉未來之前，得返啲豬扒雞翼同埋蔬菜嗰個問佢話啲牛肉去咗邊佢就話車緊嚟未到未到七點半先到。七點半嚟喇，佢就話仲要等多陣跟住大概八點先有牛肉出。我都唔明點解可以冇曬牛肉嘅。食肆最少要預早幾日嘅食材啦佢就冇預計囉。跟住12月26號又收貴啲喎好似268蚊一位。同埋啲肉可能佢唔夠時間醃啦啲肉全部都好似冇乜味。

大時大節$258位，起爐$80，任飲任食，圓枱設計方便好多，中間仲有個煲拾菜又得煑麵又得、又或者拾下啲丸先拎去燒，快啲熟又冇咁易燶😆食物一般接受到，味精重手咗少少，返屋企後成晚都好口乾🤔哩餐BBQ個人覺得都ok ，不過要投訴下嘅係啲飲品，汽水機壞壞哋，淨係出糖槳⋯⋯完全冇氣，甜到一個點😢 唔想俾錢買其他嘢飲就唯有飲清水、茶沖茶包飲⋯⋯啤酒$15罐ok啦。另外，入場跟樂園入場一樣玩法、入場人頭俾錢，憑單取食具，遲到嘅話要自己再排隊俾錢入場，唔可以幫朋友一次過俾錢，唔係咁方便囉🤨服務方面唔可以話差，因為真係好爆埸，人手不足好正常，其實要嘅嘢自己都可以拎到，加炭自己都搞得掂。*向大埔墟站坐20C往大美篤方向，見到鴻運燒烤埸個招牌落車行入去，往左手邊停車場入就啱喇！

因為公司活動，十幾個人想搵啲係圍住一齊燒烤嘅場，網上見到呢間有得打邊爐幾過癮就試試佢，雖然一早都睇咗評價麻麻哋，無太大期望🥲但點知無期望都仍然係失望🫠首先一去到book咗都係要排隊，後到嘅朋友又要再排過，真係唔ok囉，去過大尾篤其他嘅燒烤場都唔會係咁安排。入到去所有嘢都自助，俾一堆嘢你拎入去自己搵爐，任何講解都無，靠你自己領悟啦🙄免費飲品只有汽水機同茶包，多人起上嚟仲要排隊斟，想斟杯熱茶飲，可能係太多人斟，啲水係唔熱嘅，仲要滴滴仔勁慢🥲出面個自助區，我會用難民營嚟形容佢，又亂又污糟，啲刨冰我真係唔敢食。冇蜜糖要出去撳，嗰個樽有超難撳，去到後期啲人都嬲嬲地扭開個蓋到出嚟算🥲仲要價錢都唔平，平均要二百幾蚊一個人🥲唯一可取係有得打下邊爐，平衡一下冇咁熱氣，同埋可以煮麵食囉。呢間真心可一不可再🫠啲嘢食都ok嘅，要有嘅都有，不過唔算超多選擇，牛仔骨，燒賣，菠蘿，法包都ok嘅，不過成個體驗唔好，就算嘢食唔差都唔會再嚟了，乜都要排排排，乜都要自己嚟，呢個價錢真心唔抵

在大埔大美督有很多不同類型的燒烤場都是一價全包自助的燒烤這一間是新開的 比起其他場他算貴$278基本上沒有服務員 所有東西基本只能靠自助開爐要在萬尺的場地下尋找一個開爐員環境十分嘈吵逼夾 沒有人帶位只能現場自己找位置一次性自助餐具只給一次 燒烤用品不是按人數分配 6人只給兩個夾在網上面見到推廣能提前預訂一隻乳豬在場內自己燒 ＄668這個體驗還是滿特別的但味道跟酒樓出品一定不一樣海鮮自帶 沒有多收附加費場內有很多不同種類的肉類丸類蔬菜味道正常 不算難吃但拿吃的時間 排隊基本上在20分鐘以上也提供火鍋 提供泡麵烏冬豬骨湯底人手不足 安排混亂 不管有沒有預約 都沒分別

一行十一人選擇黎呢度聚會，預約6:30六人先到，門口已經排了一條長龍，到先的朋友不能幫未到的朋友預繳入場費，後到既朋友都要照樣排隊。收費後隨即派發燒烤用品，烤架，紙巾、蜜糖、夾兩個、大紙碟兩個（載食物用），人頭紙碗加紙杯。然後進場後要自己搵位，搵位後又要搵人嚟開爐，如果你搵嘅位係未執的話又要等人嚟執枱，抹枱同開爐唔同人做。場內有汽水機自由斟，但又係大排長龍，有提供紙包飲品，攞晒既話冇人refill，或自費購買啤酒，藍妹支裝$18、1664$22、罐裝朝日$16，買夠六罐/支會提供冰桶。食物方面都係大路嘢，但係冇內臟雞腎鴨腎之類，有大約六個雪櫃擺食物但都係重複既。唯一特別嘅係爐中間可以擺個鍋，類似打邊爐。服務方面，真係人太多，職員不夠，但態度尚可。

職員服務態度差，現場人手唔夠開唔切燒烤爐，一開始勁多人排隊拎嘢食，等左成半個鐘先夾到野食，嘢食種類好少，紙包飲品全部都唔凍，冇晒嘢飲又唔fill，唔建議黎依間！

book左位要排一個鐘先入到仲要到左幾多個人就只可以買幾多個人手帶遲到嘅人唔可以幫佢買定，即係要重新排過一個鐘🤣佢話幫人買定咁樣叫打尖喎永久blacklist🤡未入到去已經飽曬，大家都成肚氣一路排就個個都一路喺度鬧：條隊好長：入面有人喎，等我行前問下係咪可以優先買：下唔得喎，book咗位入埋去都要重新派過btw準時訂枱到咗都係要排隊㗎，目測150-200人但係逐個party分開收錢🤡係喎 排完畀錢仲要排拎用具包

入場費$198，全枱+$80轉大爐有燒烤有火鍋入場後就係取食物飲品嘅地方，有冷氣熱飲機都有：咖啡、朱古力汽水大量供應有晒新簇嘅冷櫃雪住啲生料呢邊係菜類for火鍋：。茄子 。粟米 。方包 。生菜 。金菇 。鮮冬菇 。娃娃菜脆玉瓜、迷你豆卜、枝竹、尖椒、粉絲。。。大量丸同腸肉類豐富雞翼都幾隻味，仲有咖喱魷魚翼推薦豬頸肉就算冇乜點醃都好好食汁醬、湯底醬、豉油料同埋牛油一應俱全有火鍋邊少得即食麵，成座山咁多燒同食都好方便舒服，但同時腳邊比較熱，因為靠近碳位置設計真係好方便

今次喺社交媒體網站見到依間好似唔錯咁，跟住就諗住試吓新嘅BBQ場，之前去開嗰幾間都比較熱情，而且唔會趕人走，服務好好多。咁我同朋友14:00鬆啲去到BBQ場，我哋係第一台客一開始我哋仲喺度糾結緊到底168由1400燒到1730，定係198由1400燒到2200跟住嗰個店員話爭$30咋，咁我哋就決定都係198嗰個set啦,四位連開爐費$872。我哋第一次嚟唔知個流程係點樣，我覺得個店員亦都冇好清楚咁樣同我哋講解，搞咗一輪先知係要自己抬啲工具出去嘅，我仲以為佢會幫我整好晒所有嘢，因為之前我去過啲場都係咁樣。但呢個其實都唔算係大問題黎，完全唔明白嗰店員既開爐嘅流程😓😓😓點解唔一開始就開好個爐佢，要分段式開？去咗咁多個燒烤場人哋都係一開就着點解你呢個爐要開三轉？佢第一次開完之後走咗，我哋就擺啲嘢食上去啦，點知擺完啲嘢食之後發現冇火咁就同佢講啦，佢就攞咗把手提風扇仔過嚟對住個爐吹，吹到啲炭灰跌晒落我哋啲嘢食度跟住就話仲燒緊粒炭精，如果你未開好個爐係咪應該同我地講聲先呢？佢攞個手提風扇仔吹左一輪之後又走左，好啦我哋又開始燒啦，跟住等咗一陣之後我哋又見唔到嗰火啦，再同佢講佢先攞個火槍同埋個手提風機過

TLCBBQ (大埔)秋風起就想燒嘢食趁住長假期同屋企人去咗大尾督嘅TLC BBQ鐘意佢燒嘢食得嚟可以順便打邊爐大埔墟火車站坐75K去到汀角落車行5分鐘就到燒烤場有埋停車場下午1點半左右去到已經近半場坐滿店員建議下次先預約會較好假期下午燒到17:30成人$188開爐費$80以加無咗細爐揀，均一$80憑收據拎燒烤網，煲連水壺，紙杯紙碟筷子夾同蜜糖入到去自己揀位揀好位就好快有人嚟透爐會有兩包炭提供燒到5點一包炭都未用完絕對夠用飲品係自助式，有冰基本飲品種類都有齊雞翼有多款味可以選擇蒜蓉土匪麻辣韓式等等反而扒類味道種類就只有1-2種廚師腸台灣腸鴨胸肉牛仔骨咖哩魷魚多春魚金菇翠肉瓜茄子粟米生菜旺菜蕃茄冬瓜菠蘿烏冬營多福麵福米韓麵出前一丁方包法包格仔餅仲有刨冰同椰果等配料一路食一路夾食物飲品都好充足仲可以自費買酒，樽裝汽水同雪糕雪條！不過當日唔知係咪太多人廁所廁紙用晒都無補甚至沖水都較慢收銀嗰邊店員服務一般但裡面店員就好積極而且服務很好建議食完之後行去總站坐車因為都幾快滿座當順便過去水壩嗰邊行吓都唔錯TLCBBQ (大埔)大埔大尾篤汀角路202號地舖