Together (Closed)

Together（粉嶺）今日早放工下午茶,睇落去裝修非常浪漫有格調，而且下午茶時段價錢非常優惠，所以即刻入去試吓酒店式雲霧甜點下午茶($78)呢個甜點拼盤一上嚟乾冰煙霧令到呢一道菜非常有夢幻嘅感覺，食落去亦一啲都唔差，朱古力蛋糕香濃軟滑，綠茶布丁食落去甘甘甜甜真係非常唔錯脆炸生蠔海鮮野菌意大利飯($62)炸生蠔炸到表皮非常酥脆同時亦突顯到蠔嘅鮮味意大利飯煮到啱啱好而且配合醬汁開胃，而且非常有層次柳丁白玉（$15）柚香白玉（$15）用柚子同埋鮮橙汁沖出泥非常新鮮清爽而且價錢平

Together (粉嶺)粉嶺新運路33號粉嶺中心地下159-160號舖今日行街去開粉嶺見到有一間裝修非常有格調嘅西餐廳,柔和嘅燈光同有格調嘅家具非常有氣氛,而且下午茶非常抵所以行咗入去試吓🥰紅咖喱手工漢堡扒蛋包飯($68)濃郁嘅紅咖喱為味蕾帶來小小嘅香辣滋味, 唔會話太辣.漢堡扒嘅香味非常強烈香濃,肉身非常厚咬落去非常多肉汁超Juice🤤 紅咖喱同手工漢堡扒配合珍珠米令到呢一道菜更上一個層次😋午後嚐味拼盤(吉列炸蠔,惹味章魚丸.香燒豬仔排）($72)超抵食拼盤, 作為下午茶來講呢個價錢可以食到三種唔同嘅小食真係非常抵食，吉列炸蠔外層酥脆,食落去非常香口但唔會掩蓋到蠔濃郁嘅鮮味🤤惹味章魚丸外面燒得金黃一口咬落去滾燙嘅粉漿同滿滿嘅章魚肉彈牙富鮮味. 豬仔扒醃得非常入味外面加入醬汁將豬仔扒表皮燒至焦脆真係非常惹味🤤金桃白玉（$15）&抹茶軟綿綿（$15）超濃郁嘅桃味清新解膩&濃郁嘅綠茶味配上新鮮嘅鮮奶濃郁甘甜🤤

尋晚同家人食飯order個三百幾蚊嘅西冷牛扒, 啲牛扒中間係微暖嘅， 扒上面啲牛油係唔會溶嘅， 感覺就好似 晏晝煎完夜晚拎出嚟畀客人食， 塊牛扒又勁多根， 但係一個餐廳可以拎啲咁嘅嘢畀客人食， 真係好令人失望， 想勁爆粗😡

第一次寫食評，全因食完之後覺得唔畀個comment 有啲對唔住自己午飯時間搵野食，見未食過，同附近幾間餐廳都排好多人，得呢間唔洗等位可以直入就入左去食，結果原來唔洗等位就可以直入係有原因既哈哈哈⋯⋯食物份量少得可憐，首先份扁麵放上枱面當下真係扁嘴，蝦得我中指粗度，3隻青口好細隻，個麵就拳頭大小，仲用西餐廳啲大到成個洗面盤既碟黎裝，顯得份食物更加細，侍應放低後我仲以為佢係咪落錯個前菜，總之就細份到不得了，女仔食都食唔飽然後叫左個感覺似all day既餐，塊麵包懶係野咁中間挖左個窿，入面放黑松露炒蛋，咁樣攞好似好得意咁，實情係麵包冇左一忽，然後個炒蛋又可以畀少啲，108蚊我真係冇諗過個餐可以喺咁呈現煙肉同腸仔都好鹹，不過係個人口味黎，口味因人而異，但係炸薯仔就喺熟同未夠熟反覆橫跳，同冇調味，真係單純一舊炸咗既薯仔，鹽都冇茄汁豆唔係貴野，都可以畀得咁少，真係好好野，唔上黎讚下呢間餐廳都唔得唯一優點係侍應好helpful唔明openrice上面啲好評點樣黎，在我而言真係食完今次冇下次

個香檳少到呢 個員工籍口仲精彩 話跟開酒店要求😂上個月嚟都好滿 咁接笑之前又唔跟？ 比大家睇2次分別有幾誇張 前菜食完 坐係到9等主菜等咗25分鐘以上 態度差同好hea 其實啲野食之前本身真係唔錯 但而家質素越嚟越差 份量越嚟越

粉嶺區想搵間環境好啲嘅都唔多選擇，今晚想試吓呢間晚市，其實之前係呢間試過下午茶，服務比較懶散，所以今晚唔祈望有改善，入去坐低左後，就有位比較熱情侍應過嚟介紹佢哋嘅套餐，最後點咗個二人套餐，呢位侍應嘅服務態度有驚喜，不過都係唯一一位有好服務態度，先嚟頭盤沙律，配搭芝士方面如果配其他芝士味道應該會好啲，接住有個拼盤，跟住有慢煮加拿大豬，個慢煮豬夠厚度，但味道一般，而燒春雞味道不錯，不過雞比較多骨，碟都放滿骨，但仍然未有幫忙更換新嘅碟，最後個甜品一般，我諗下次唔會再試。

🚩粉嶺中心🚩位於粉嶺中心的西餐廳確實給人異國風格的感覺，擁有獨特的格調。餐廳內的大樹🌴成為小孩玩耍的場所，別緻的裝修都成可以拍照的角落🧋百香果奶蓋茶是一款特別受歡迎的選擇，厚芝士與茶的結合讓人品味到細緻的味道，先品嚐濃厚的芝士，接著再喝茶底，酸甜的口感帶來刺激的味蕾體驗。🥗柚子沙拉清爽又帶有酸甜風味。而意式免治雜菜湯則展現了層次豐富的口感，細心地分開了肉和湯，讓飲用完全不會感到膩。🦐香烤阿根廷紅蝦和青口配🍋檸檬香草蒜片巴馬臣芝士扁麵 $88一道充滿驚喜的料理，濃郁的芝士帶有微微的蒜香，非常誘人。再加上紅蝦和青口作為配菜，一口下去可以滿足你的兩個願望。🐟慢煮龍利柳配荷蘭汁 $98龍利柳的肉質嫩滑，配上香蕉蛋黃汁出人意料地配合，配菜包括大咖啡菇、橙汁甘筍和炸薯角🍟，讓這道菜更加豐富。🍹柚香白玉 $58一道有趣的飲品，杯子內有發光燈的點綴，加上香草的配搭，讓整杯飲品帶有夏威夷的色彩。柚子汁蜂蜜梳打的口感鮮甜，非常適合夏天解渴。惠顧任何菜式享有半價優惠。🧁一口雲霧拼盤 $128絕對不能錯過的甜品。這道拼盤不僅視覺效果一流，而且提供多款甜點，包括🍋法式檸檬撻、法式酥皮拿破崙、宇治抹茶🍵小丸子牛角

呢間Together (粉嶺)嘅西餐廳係一個非常受歡迎嘅餐廳，店鋪內歐陸式高雅裝修，餐廳座位寬敞坐得非常舒服！餐廳每個月推出新嘅午餐餐牌，呢個係今個月新餐牌黎👍🏻👍🏻好貼心🇰🇷Oppa牛肉飯 $83-其中一款推薦嘅菜式係「Oppa牛肉飯」入面有蟹子溫泉蛋泡菜牛肉紫菜，牛肉份量非常多，泡菜既份量岩岩好唔會太鹹，微辣帶甜👍🏻配埋溫泉蛋同白飯好美味😋仲有豆苗亦好青翠新鮮。特飲-盛下戀人 $29如果你想試下特別嘅飲品，可以選擇「盛下戀人」，跟餐半價加配。呢杯飲品賣相精美，有柚子、西柚、蜂蜜、椰果同薄荷梳打，消暑解渴，好啱夏天飲！甜品🍧 白熔岩菠蘿拿破倫崙棒棒Movepick雪糕 $68-鐘意食甜品既我，揀左「白熔岩菠蘿拿破倫崙棒棒Movepick雪糕」。拿破崙酥皮鬆脆，配上白熔岩醬，味道絕佳。呢個甜品用芝士同白朱古力製作，movepick雪糕係瑞士雪糕，雲呢拿味，雲呢拿籽好香😆絕對值得一試。Together (粉嶺)係一間人氣西餐廳，提供高質素嘅菜式同舒適嘅用餐環境。如果你鐘意歐陸風味嘅西餐，呢間餐廳絕對值得你去試。👍🏻人氣西餐廳·Together (粉嶺)📍粉嶺新運路33號粉嶺中心地下159

話說有生日聚會，諗住試吓我哋一行七個人，叫咗三個二人餐同埋一個豬仔髀燴飯二人餐有餐湯，個湯係羅宋湯，不過唔知點解入邊有大量嘅蒜，對於唔鍾意食蒜嘅我嚟講，真係搞唔掂另外叫咗豬手，豬手乾到爆，啲皮硬到簡直食唔到完全浪費晒，另外唔知點解見到隔籬枱係原隻豬手，我哋就應該半隻？唔知係咪因為係二人餐嘅關係呢？另外食咗魚同埋牛扒，牛扒有啲overcooked都唔係好記得食咗啲咩豬仔髀燴飯正正常常，不過不失。待應有禮貌，不過唔知點解好似趕住收碟咁環境係唔錯嘅，不過唔知點解地下癡粒粒。

我和媽媽昨天下午去High Tea. 其實不是第一次去，上年也有來買外賣、High Tea. 裝修好，有音樂聽，氣氛不錯，今次食物也合口味，不過咸點多過甜點，但好好味，有三文魚包，有朱古力蛋糕、有奶凍、茶也好好飲，而且服務態度也好，下次會再來

約咗人喺粉嶺交收，難得嚟開呢頭，梗係要食埋晏先走。喺粉嶺中心搵到間環境好 Chill 嘅西餐廳，睇咗門口餐牌，原來 Weekend 有早午餐供應，一於試下。餐廳裝潢高檔又有空間感，近大門處有棵高至天花嘅大樹做裝飾，配上落地大玻璃，讓自然光透入，感覺開揚光猛，令人心情愉快。點咗一客特色牛油果蓉配金槍魚海鮮紅菜頭橘子沙律 ($98) 同 一份週末早午餐。碟沙律嘅造型好吸引，以新鮮爽甜嘅生菜包裹，並用上紅菜頭作裝飾，入面有金槍魚、八爪魚、橙肉及牛油果蓉等，入口味道極清新，週末早午餐選了慢煮龍脷柳，+$20 升級，可以配埋沙律、是日餐湯及蓋奶茶。橘子及青瓜沙律、香橙薑欖油汁：青瓜沙律新鲜爽口，天然又健康。意式免治雜菜湯：雜菜湯用料十足，內有甘筍同粒粒茄蓉，入口酸香醒胃。百香果蓋奶茶水準亦唔錯，口感夠厚夠 Fluffy，果味好香濃，消暑一流！慢煮龍脷柳伴荷蘭汁 / 大啡菇 / 橙汁甘筍 / 炸薯角 / 夏威夷香蕉汁 ($98)魚柳用料上乘，肉質柔軟，同面頭滑順濃稠嘅荷蘭汁好夾。大啡菇肉厚多汁、甘筍清甜不澀，帶陣陣天然橘香；點埋個夏威夷香蕉汁食，口感一流！天氣熱辣辣，再嚟兩杯飲品降下溫，左邊嗰杯「

天時暑熱最適宜在餐廳中恬靜享受美食這次恰逢來到了粉嶺的西餐廳用餐體驗良好✅香煎肉眼扒🥩扒外層燒得焦香，被部份油脂包圍，雖略嫌乾身，但$100左右已有一塊扒+嘢飲沙律，也不應有甚麼埋怨✅厚切伊伩仕豬腩仔意大利粉🍝這道菜式有驚喜，豬扒爽口彈牙，而且油脂分布均勻，不會乾身👍🏻✅隨餐附送的沙律🥗醬汁略嫌不足，柑橘和蕃茄清甜✅芝士蓋奶柚子茶🍹奶蓋很濃稠，柚子醬在最底，喝之前要先攪拌均勻✅凍檸樂🧊這種天氣最適合飲一杯解暑總結：餐廳環境有格調，人流不多，很適宜在這渡過一個休閒的午餐時光🥂

粉嶺中心，難得西餐真心不錯。食物質素好服務態度非常好餐廳裝潢有格調座位有空間及，舒適！第一先嚟餐湯係一個非常濃郁，蕃茄味的西式菜湯而且有粒粒肉碎，口感十足令人想一飲再飲要留意餐廳的特飲10分有心思沖得好靚，味道好特別每一杯都有粒粒椰果，非常有口感去到主菜，意大利飯同埋烤排骨兩樣夾埋一齊食好夾有個小食係洋蔥汁配黑松露薯蓉呢個又係食到唔停口嘅同埋發現配埋意大利飯一齊食，好夾！好香濃嘅黑松露味！一大享受最後一甜，好特別，因為有香蕉卷配雪糕

粉嶺舒適西餐廳🐰同朋友叫左海鮮盛宴二人晚餐$568🥕是日餐湯餐包⭐️⭐️⭐️⭐️☆蕃茄湯清香微甜帶點微酸十分開胃，多士烘到麵包及好香脆中間則軟綿綿。🥕煎嫩金槍魚配紅菜頭香桃車厘茄沙律意大利黑醋⭐️⭐️⭐️⭐️☆煎到魚皮好香金槍魚滿滿魚油感，再配上酸甜的沙律菜剛好可以中和。🥕主菜⭐️⭐️⭐️⭐️⭐️香烤牛油三色芝士波士頓龍蝦(半隻)，龍蝦舖滿三色芝士，再加上彈牙既龍蝦肉一齊食十分滿足。香煎盲鰽煎到外表好香口香脆，冇魚骨配啖啖肉甘食真係好正！忌廉青口好香蒜蓉同洋蔥味。🥕帶子蟹肉檸檬辣椒意大利粉⭐️⭐️⭐️⭐️⭐️有幾粒帶子，表面佈滿好多蟹肉，啖啖意粉都有蟹肉，食落好香蒜蓉味，再有檸檬既清香微酸，再帶一點點辣，口感十分豐富清新令到意粉不會太過膩，幾適合係夏天食。🥕甜品⭐️⭐️⭐️⭐️☆焗牛角窩夫配士多啤梨雪糕，焗到好香口，再配上雪糕完美總結。環境優雅舒服，座位寬敞舒適，又有個細細樹打下卡，冷氣足夠，店員服務態度良好，需加一服務費。======詳情======Together粉嶺新運路33號粉嶺中心地下159-160號舖👣粉嶺站A1出口步行約6分鐘================

一直見到呢間餐廳其實都好想去試 同埋聽到好多人都話好食，但係都未得閒去試, 到今日終於有時間去試結果就中伏入到餐廳侍應幾好服務 環境裝修都幾好叫咗個午市牛扒餐 98 之後再加$15加個杯嘢飲同埋餐湯 餐湯嗰方面係羅宋湯 比我想像中差 啲湯好似水咁 唔知自己飲緊咩 嘢飲方面 可能係個人口味唔啱 所以就不予置評 牛扒方面 望落去成個set係幾靚仔 擺盤幾好 牛扒上面有塊牛油 都OK唔錯幾香 跟住塊牛扒 就失望啦 本身以為睇落去都唔錯 跟住切落去就賴嘢 塊牛扒好乾 但係其實煎嘅成熟度幾好 唔會話太生或者太熟 但係真係幾多技巧都救唔到 因為根本牛扒質素好差 切落去好鞋 我都明白98要求唔到好多嘢 但係起碼都唔好俾啲咁嘅級數 個牛扒係完全對唔起個價錢本身仲諗住嗌最貴嗰隻牛扒落單嘅時候諗諗吓都係試吓水溫先 估唔到真係中伏 期望與落差真係太大 如果晏晝都做到咁嘅話諗唔到晚餐會好得去邊？咁嘅價錢我真係寧願去其他餐廳食算差唔多價錢仲好食 聯和墟 Route 83 或者good time Restaurant 都好過 希望餐廳睇到會有改善啦