Together (Closed)

今日去粉嶺中心together ，火車站旁邊商場轉右手邊沿路行5分鐘過埋天橋就是粉嶺中心，型格西餐廳店門口內位置已看見ㄧ顆小樹覺得好有大自然感覺，心情輕鬆自在，小樹下有幾張圓形凳仔好似石頭仔。坐低之後待應過嚟和我們打招呼並介紹店內最新菜式，聽待應講佢哋每ㄧ個月轉餐牌ㄧ次，為求帶給顧客不同新口味，我哋當然依他心意order 食新菜式。橘子甘筍沙律蜜糖芥末籽汁沙律菜新鮮再加上個醬汁好好味，有種好清新嘅感覺，係我喜歡的微酸。意式免治雜菜湯呢個湯，味道好濃，落足料。芝士蓋奶柚子茶芝士太濃味，當冰溶化後味道略微偏淡，飲到一半就冇乜柚子味。香煎盲鰽魚扒配合香蕉粒柚子汁，魚扒煎得恰到好處，配菜方面有橙汁紅蘿蔔、黑松露薯容、鮮嫩沙律菜、夏威夷汁，我夾一小片魚扒連少少薯容和香蕉肉粒食，感覺好有層次感，非常美味，夏天最適合酸酸咪咪嘅汁，好新鮮醒胃，可以解悶熱。地中海煙三文魚海鮮芝士鮮蕃茄醬酸種農夫包包面好多海鮮材料，農夫包外脆內軟，煙三文魚肥美，仲配埋原隻切割薯條，超級享受。

估唔到北區都有間咁有格調既餐廳，位置闊落，氣氛夠寧靜。當晚客人比較多，侍應好有心咁安排我地坐最入遠離人群既位置，好細心。每張枱都放咗一支紅酒，不論飲唔飲酒，即刻提升咗個整體格調✨▫️香烤肉眼配阿根廷醬▫️卡邦尼意粉▫️焗牛角窩夫配雲呢拿雪糕焗牛角窩夫配雲呢拿雪糕真係好有驚喜，淨係擺盤已經令人食慾大增。細細件嘅窩夫淋上少少咸既奶蓋醬，味道好夾，好融合完全無違和感，size亦都岩岩好🧡一定會再encore🫶🏻

去粉嶺要搵一間比較見得人嘅西餐廳，總係有難度，但最近發現咗呢間餐廳嘅出品非常出色，坐得非常舒服，裝修用輕奢風🫶🏻二人晚餐嘅內容非常豐富，而價錢亦都合理，所以就決定食餐喇！唔洗諗太多🤭羅宋湯～非常香濃，用料十足，微辣口味令人胃口大開😬煙三文魚凱撒沙律～煙三文魚份量頗多，而沙律菜亦都脆口，可以顯示到其新鮮度👍🏻特色小食拼盤，拼盤嘅內容包括：1️⃣脆炸一口墨魚咀～圓轆轆嘅墨魚咀非常爽口！一啲腥味都冇，而且非常Juice✅2️⃣墨西哥肉丸～肉丸以牛肉製成，配上墨西哥微辣嘅醬汁，可以講係畫龍點睛！3️⃣韓式脆炸酸辣雞翼～雞翼嘅尺寸算係幾大，外皮沾滿醬汁，越食越想食‼️紅酒燴厚切牛小排配松露意大利飯～意大利飯內含多種菌類，當中以切粒嘅形式呈現，令香濃嘅意大利飯增添口感！牛小排亦非常鬆軟可口！非常推薦！香烤肉眼配阿根廷醬～五成熟嘅肉眼配上帶有椒香嘅獨特醬汁，可謂別具一番風味！海鹽奶蓋伯爵紅茶～香濃嘅奶蓋配上清爽嘅伯爵紅茶，兩者立即可以中和到心中嘅罪惡感🤭海鹽紫薯奶蓋鮮奶特飲～朋友係紫色控，當店員奉上飲品，就已經愛不釋手，紫薯香甜嘅味道，更加令佢回味無窮🥰跟餐甜品～甜品賣相遠遠比我想像嘅漂亮得多，如要令到女性顧客有

第一次和母親吃這間餐廳下午茶High Tea! 平日母親次次只愛飲茶，唔愛西餐，今次給她試試，有一半是甜點一半時鹹點，選了花茶，裏面氣氛好好，坐得舒服，又有音樂播放，服務員也好有禮貌！感覺不錯

五一勞動節假期下午，去到粉嶺中心諗住食蝦蝦麵，點知原來已結業。見到其他餐廳好多人排隊，但together都有好多位淨，膽粗粗入去試下啦。午餐menu都多嘢揀，價錢中價位，叫咗個溫泉蛋卡邦尼意粉同埋班尼迪蛋漢堡配薯條。兩個lunch 都要加錢先有飲品。 十分鐘內，食物就到齊！一食個薯條，有落到辣粉，香口也很脆，味道很好。個班尼迪蛋我俾100分，真係好好食。美中不足係個包冇煎過，好快淋咗。卡邦尼的意粉硬度啱啱好，汁亦唔會好「漏」，係水準之作。

本身見間餐廳又靚靚地，價錢又ok，黎試食下，哇點知中大伏🤮一開始個洋蔥湯已經睇落好差，啲油係上面漂，一飲落去真係好油好普通，最好笑係個蒜蓉包，薄過啲刺身到上main，睇賣相幾靚，點知羊肉又臊又韌，冇香味又難食，不過都算，終極大佬係個豬手。個豬手仲過份，老到咬唔到，用刀切都切唔爛，成舊橡膠咁，第一次成個set淨係食左1/3，仲慘過食屎，永世差評得個賣相，味道完全唔得難食到傻，唔明佢啲likes係邊度黎，唔好比間嘢呃左

平時住開粉嶺都好少會係呢區食野，一食就會出去啦！今日做完野，太肚餓啦！ 經過一眾餐廳，見到一間門面裝潢設計非常西化，似乎在設計花左不少心思，所以入左去試下搵野食。叫左個set lunch 香煎青咖喱立魚及時令蔬菜配椰汁飯$69 加配左$15 ，要左個洋蔥湯 +芝士蓋奶柚子茶一開始上左個洋蔥湯 睇望落去正常，有洋蔥啦！飲落係冇乜特別，似洋蔥煮嘅有調味嘅湯Ummmm….. 可能我有expectation,所以感覺麻麻，飲左一半就停手之後上左杯芝士蓋奶柚子茶見到杯細細，奶蓋比例好多，感覺上有心思有啲人中意飲奶蓋，點飲都覺得唔夠呢個係好足夠嘅意思飲落去奶蓋好creamy , 啖啖奶蓋，好滿足飲到落茶底，正常甜茶嘅味但重點黎啦，柚子茶醬 沉左落底，好傷心係 撈勻啲芝士，先可以令柚子茶 均勻感覺上有驚喜，我幾中意主菜係香煎青咖喱立魚及時令蔬菜配椰汁飯立魚 煎到卜卜脆，而且薄薄仍然啖啖肉，啲魚肉好嫩呀係我中意嘅味青咖喱都有啲辣㗎，但加埋好香椰汁味嘅飯就中和返。配飯細細，食落唔覺漏，所以岩岩好。總結：我會再黎食其他野👍👍👍👍

一家人睇完Mario過左黎食，職員好好，一見到有小朋友就問需唔需要兒童餐具，我地首先叫左個兒童餐，有肉醬意粉，雞塊同薯條，仲有杯細橙汁，份量都幾多，小朋友食唔哂我同老公就叫左個2人餐share食，有兩碗洋蔥湯，兩塊包，雞柳沙律，小食拼盤，主食叫左鱸魚同肉眼。（兩款醬汁我地叫左黑椒汁同檸檬牛油），仲有甜品洋蔥湯我略嫌咸左小小，沙律反而俾到驚喜，d雞好滑幾好味小食拼盤我就覺得麻麻地，三樣裡面得個肉丸好味d主食：鱸魚都幾好，d皮脆卜卜，又冇骨，如果有就禁檸檬汁唧落去我就覺得會正d 肉眼我地就叫左7成熟，都幾淋，不過不失（我鍾意d薯條多d）甜品幾好味，小朋友同大人都鍾意。總結，我地都會再幫襯，不過可能會單點，唔叫二人餐

門口經過見到有鳥籠下午茶而被吸引左入去試，店舖內環境唔錯，坐低後就立刻點咗個酒店式下午茶套餐，當時無留意套餐內奉送花茶係可以揀口味，但侍應亦沒有主動問要咩口味，自行幫客人揀口味，求其放低花茶係到，而另外點左杯咖啡就一直未到，問侍應就話整緊，但嚟到杯咖啡唔係熱係暖，服務質素有待改善。

原來呢度可以散嗌！之前佢叫我上網睇嘅Menu唔update，呢度可以嗌普通午市石lunch，或者散嗌嗰啲瓦勒卡一齊share食！我哋今日約咗好耐嚟聚一聚四個人！所以就散叫貴少少一齊食煙三文魚沙律！醬汁要求另上！三文魚兩大片，仲有啲羅馬生菜非常之新鮮好食，不過份量不大的白酒煮青口我諗大概有10隻左右，不過不失正常發揮海鮮沙律，有煙三文魚兩片仔，少少沙律菜同埋如圖所見嘅八爪魚數，份量都的確係唔多，不過質素真係唔錯！如果唔係嚟過都唔唔知道原來粉嶺呢個舊小區有啲咁好質素嘅餐廳，好似上次隔離間日本餐廳都非常高質㗎西冷牛扒10安士好好味！不過四個人每人得兩舊唔夠喉呀！薯條同埋配菜都好味！但係份量都真係唔多！價錢再嗌嘅話就真係唔得啦係呀！環境唔錯！服務殷勤但係因為人手可能太少所以唔到位，好多時都要嗌幾次先得不過態度好Nice的，有機會會再來

Lunch 時間一個人去用餐，大廳出邊明明仲有幾枱4 人位吉位，ok 我一位你話等等要執枱，等左一陣佢帶我入到最裡面好似一間暗房咁有兩張枱，一張4 人枱，另一張是 6-8人大枱就比我坐，但間房係好暗後面有後門出入嘅，成間房又暗又得我一個人，點解唔比我坐大廳出面？得我一個要坐張6-8人柗？裡面暗暗咁仲要我一個坐，我話唔想坐呢度，應該係經理嘅人就話你一個唔坐呢度要出去再等位，勁嬲，出面有幾張4人吉枱唔安排我坐，要我一個坐係咁暗嘅大房仲帶後門嘅，坐張6-8人大枱就得？ 勁嬲我走左無食

公司附近開咗呢間西餐廳唔計聯和墟嘅話，呢間應該係the one and the only one搵晚收工過黎試下個二人dinner set望個價位，包沙律小食餐湯主菜甜品飲品真心又唔算貴嘅因為太餓，好多嘢冇影相已經清左碟小食拼盤，帶啲fusion感覺韓式辣醬嘅水牛城雞翼墨西哥風味瑞典肉丸越南米紙卷味道正正常常，冇伏嘅但作為「現成嘢」黎講等左成個鐘先出呢道菜我係唔可以接受主菜啤酒炸茴香羊膝配烤香蒜即啤酒麵包外層包住羊膝羊架食得多，羊膝第一次肉質係冇羊架嫩，羊羶味唔重麵包外層焗得幾脆，係有茴香味嘅香煎盲鰽魚魚皮脆卜卜，魚肉質ok嫩呢種魚本身似乎冇乜油脂雖然都係啖啖肉，但感覺冇三文魚扒咁meaty任何主菜都可以揀一個醬汁黑椒/蒜蓉/牛油檸檬個人覺得鹹左少少，牛油有陣羶味飲品叫左凍熱兩杯latte如何我話冇拉花有冇失望老實都有少少不過我都明，我食緊西餐唔係食cafe環境幾寬敞，有卡座，枱同枱之間有啲距離新舖，衛生幾好，光線充足舒服主要係出菜真係好慢好慢慢到食咗兩個幾鐘，真。fine dine有閑情可以一試我就應該冇下次總括嚟講，學淘寶話齋：「習慣好評」

粉嶺一直都係一個美食沙漠，平時去行山露營嗰邊都好似冇咩嘢食，今次發現原來粉嶺有一間平靚正嘅西餐廳，環境闊落優雅，價錢優惠👉🏻德國雞肉腸及豬肉腸配香草酸椰菜香草酸椰菜幾有特色，酸酸甜甜非常開胃，而兩款腸份量都唔少，share就最合適。👉🏻香烤肉眼配阿根廷醬個人覺得重點係個阿根廷醬，吊起左肉質既味道，哩個價錢性格比算不錯👉🏻焗牛角窩夫配雲呢嗱雪糕甜品係整餐飯既精華，朱古力味雪糕非常濃郁，個牛角窩夫又係熱辣辣焗起，一啖凍一啖熱，冷暖交融好好味😋呢個二人餐只係$388 for 2 ，有齊餐湯餐包同沙律做前菜。想再化算啲，仲有一個$298嘅2人餐。淨係個環境就已經值回票價。

同朋友食飯一行五人，餐廳安排左圓台。叫左一個2人餐再加意粉小食。卡邦尼意粉好食，意粉痴住滿滿既忌廉汁。二人餐揀左德國豬手同豬肋骨。德國豬手幾好食，唔太硬煮得算軟身有咬口，但係個汁麻麻地。配菜比較好食😂薯條太淋，唔脆唔香。總括來講，係意粉值得食！

西餐廳Together 環境寬敞，坐位舒適，裝修以黑、白色為主，用綠色植物點綴，設計時尚有格調。門口仲有棵大樹，可以坐低影相打卡。餐廳推出一周年酒店式下午茶，$98/2位，仲要免收加一，非常抵食。白色金邊茶壺茶杯，鹹甜點都放在鳥籠裡，賣相好靚，啱晒打卡。適合輕食女仕們，一邊影吓相、嘆吓美食、傾吓計，渡過一個愉快嘅下午。鳥籠上層：三文治系列#法式牛角配加拿大火腿牛角包鬆軟但較為凍，配火腿，有蜜桃放面，如果牛角包可以烘熱至脆身覺得會更好。#咖喱雞肉青瓜三文治卷配蟹籽白麵包夾咖喱雞肉配兩片青瓜放面，有咖喱味得嚟都幾清新，menu上面就有寫配蟹籽，但實物已經無用蟹籽，只是未改menu。鳥籠下層：甜品系列#特濃香滑朱古力海綿夾心個人幾鍾意呢款甜品，上層係朱古力mousse，朱古力味特濃同埋造得好滑溜，海綿蛋糕好鬆軟，底部朱古力夾心部份好脆，低甜。#特色香桃杏仁酥泡芙蓬鬆空心，配吉士醬及醃製蜜桃，充滿奶香味又清甜。#和藏豆腐焦糖燉蛋Crème Brulee改良版，加入咗日本豆腐，食得出有豆腐質地，低甜。#御茗寧茶花茶有三款，今次係Emperor's Treasure Blend Tea，用一個大茶