德膳壽司 (Closed)

試過幾次上open rice 訂枱都冇失手。今次亦都唔例外。約咗七點半，到左餐廳核對左我嘅電話。就同朋友坐響門口位喇。無諗過最終餐廳係話我缺席訂枱的。坐低既時候都仲諗下到底想要散叫定放題。其實餐廳既散叫價錢都好合理。同朋友商量左一陣就決定食放題。300蚊連加一可以食2.5小時。出面邊有可能。同平時叫放題一樣！一次過落晒單！但結果就搞到我倆要好快咁食，清左張枱等其他野繼續上。叫左刺身，大量既三文魚壽司（我朋友超鍾意三文魚）軍艦既紫菜唔算太脆，手卷有海膽㨂還真不錯。籮白煮得好林。串燒方面叫左牛舌，唔會好硬、菠蘿超好味雞軟骨正常而雞亦方面唔會烤得太乾身，仲好juicy! 牛舌方面佢地仲有另一個選擇--汁煮！比起串燒仲要林！牛柳粒上枱時約五成熟！放空一陣之後約七成熟！好吸引。芝士焗蠔，生蠔仲有蠔汁而且唔細隻。最後加左牛肉窩。比起正常既咸。平時食開既都係甜既，所以唔係好習慣。甜品方面我地都想食雪糕就叫左柚子同綠茶味。兩隻味都好好味，可惜無得encore! 服務非常好，朋友飲完杯薑蜜都有問洗唔洗加！坐位方面有漏水，但係無諗過點樣去幫我地解決。最失望只係食完返屋企就收到我缺席既訊息，真令人失望。信譽

我冇食放題，叫咗幾樣特別菜色：鰻魚pancake，汁煮油金魚鮫，燒銀雪魚骨，全部都係極品，放題亦都食唔到。雖然好多人去食放題，其實呢間餐廳料理水準好高，絕對唔需要以食量取勝

平日去吃午餐，無booking情況下，去了呢到食日本嘢，首先係門口等了一會，一開門我們見到好多位，職員第一句就即問：【有無定位？】當然無啦。被安排一排像搭枱的位子，職員無講唔該，請，態度真係麻麻，仲要講明得一個小時吃。人地未吃完就想收嘢，想趕人走甘款。講真去吃東西，食物質素係主要外，客人都會睇職員態度囉。下次應該不會去啦。

德膳壽司平時拉埋到木門完全睇唔到餐廳入面環境, 低低調調咁, 平時經開都真係唔多留意佢, 直至有朋友帶我嚟一次...話說喺打工仔放lunch嘅時間入到嚟, 即時見唔少空位都要等等, 原來大家都係打嚟book位㗎. 所以我呢啲冇book位嘅, 幫襯過兩次都係坐喺bar枱位.  如果喺上環返工嘅朋友如果話想Happy Friday, lunch食好啲就真係要打去預先訂位啦!好啦, 講返啲食物先, 魚生飯由最平$8x 到最貴 $12x , 視乎你要咩料啦!!! 我叱款魚生飯有蝦, 帶子, 海膽, 蟹子...咩都好啲, 好滿足~個套餐係配埋沙律、味噌湯、蒸蛋、甜品, 一下子食接不遐呆呆地唔記得影相, 再黎秘訣真係要空住肚嚟, 然後勁滿足咁捧住肚走

講到日本放題，呢度一定係我嘅首選。距離中環只是一個地鐵站，但價錢已大幅下降，食物質素有過之而無不及。他們的刺身選擇種類繁多，甜蝦是我的最愛，這裏的甜蝦比起一般日本放題大而且新鮮，還有馬刀貝都非常高質素，帶子又大又肥美！淨係食他們的刺身已經值回票價他們的壽司也絕不馬虎，比起日本壽司店還要精緻。鵝肝多士分量十足，鰻魚蛋卷的鰻魚分量亦不少，蛋亦相當幼滑。芝士焗蠔稍為失色，可能我比較怕鹹，我覺得味道濃了一點。嚟到呢度最後記得叫燒菠蘿，菠蘿非常新鮮又甜又多汁

食日本野，想食得多啲品種，多數會選擇放題。但係放題既餐廳，又可以選擇散叫，真係唔多。今次依間餐廳就可以，不過我都係選擇放題，因為可食多啲品種雖然係放題，但質素不差，也無灟單情況，服務態度值得讚揚！我所選的食物，都不錯，值得特別讚的，是手券及壽司，是新鮮整的，啲飯仲有微暖！清酒煮蜆就麻麻地，無味的放題$280/位另加加一服務費，價錢合理

每到lunch time都會好煩惱，因為真係唔知食咩好，so今次就試吓呢間日本野，又近近地…一入到鋪頭，見到裝修都OK算係乾淨其理，我地坐佐係2樓，叫完野食後好快就上佐個前菜，薯蓉沙律，呢個本人幾鍾意，味道都OK，再黎就係豬扒便當$98，味道一般，豬扒唔夠茶餐廳嘅好食，而且乾爭爭，不過套餐都算多嘢食，起初驚會唔夠飽，其實食完都好飽下，另外，同事叫左呢個，賣相OK，味道就麻麻地，不過個蛋捲都算係有心思，呢個睇起身最普通，反而係最好味，好多牛肉

成日經過依間餐廳，見佢做放題諗住無好嘢啦，所以一直無幫襯過。今日突然好想食飯，睇見不錯嘅食評，反正lunch time 周圍咁多人，依間唔洗等位一試無妨。因為身體狀況，好多嘢要戒口，見menu 熱食都有幾個選擇，點咗自己煑極都煑得唔好食嘅銀雪魚西京燒定食。先上嘅係蒸蛋，又香又滑好暖胃。另外叫了我好想試試嘅燒玉子，甜甜哋好味道主菜上啦！可能我太晏嚟，個炒菜唔太熱，不過個銀雪魚好啱味，唔會太咸或太甜，連皮都食埋。四眼哥哥係一位好貼心嘅服務員，佢見我沙律唔食得又唔飲得茶，上甜品嘅時候都問下我食唔食得先比我，既唔怕浪費又窩心，其實依篇食評我係因為佢而的起心肝寫。下次我會試埋個放題㗎啦！

想食就食！忽然想食放題，俾我搵到呢間放題店$290 (連加一) 食兩個半鐘。計落唔貴！而且食評不錯，一試無防。都幾多一家人泥食，上層做單點，下層做放題刺身選擇唔多大概八款。不過全部都好新鮮，尤其係貝同埋帶子。帶子真係大件又好食！！卷物款式多，芝士曼魚卷有鵝肝的感覺，幾好吃牛肉卷都不錯，炸下也新鮮美味！仲有海膽手卷，不過海膽分量有點不足熱食一流，呢個炸餃子，外脆內斬，好好吃！冷烏冬就咁看好像單點一樣。彈牙可口，再加點介未更好吃！再點多幾客剌身，帶子真的好甜，不馬虎清酒煮蜆，食評推薦，真的好甜分量又夠。牛肉鍋美味得很，不過湯有點甜過頭。鵝肝多士必定要熱吃，質素不錯這個炒雜菇很好吃，而且品種很多。在上環一區來說這家日式放題絕對是水準之上價格合理，而且這裏的客人也很斯文，服務態度也不錯。舒適座位，2.5小時絕不急趕。埋單＄300也不用，已經吃到那麼多高質素的熱食。是刺身比較小一點，但係亦都比較適合這附近的一家大細啊！

經朋友介紹，一早已定好位為友人慶祝生日。首先當然先叫一盆刺身作頭盤，刺身種類唔多，但勝在全部都好新鮮，鮮甜。特別推介榮螺，馬刀貝同油甘魚。甜蝦好大只~ 三文魚，虎蝦等就一般燒物種類就真係太少，最出色就係個燒菠蘿，酸甜適中，真係好開胃燒牛舌，燒大蝦等都唔錯。推薦局蠔，局完都唔會縮曬水，好好味。可惜比較膩，食唔到太多。另外要推薦就係個炸餃子，意想不到會甘好食。整體黎講，食物質素在放題中屬於中上，價錢偏貴但都合理。雖然人手唔多，但漏單，或招呼方面都唔錯。而且座位好寬闊，呢個真係其他放題做唔到的。所以一定會再去。建議餐廳可以改善下甜品，甜品只可order 一份，而且選擇又很少，實在比較遜色。

今晚1行6人聚餐 朋友在上環工作介紹此餐廳 先到先食叫左刺身最後要提提入單追單要快 因為一到時間就算漏單都要摧你走 無得食 我地就有好多嘢漏單啦 見到隔離枱上菜更慢 飲品都要自己攞 服務就麻麻 人手不夠

朋友生日出來食飯慶祝，早已聽人講德膳好食，所以今晚就來一試。老闆(應該係啦)好詳細講解order😀服務態度一流👍。先來一盤魚生，買相夠晒日本feel，魚生好新鮮。串燒好出色看得出係燒出來的並非其他放題可比，尤其燒牛舌厚薄適中有又夠入味，燒菠蘿好多汁酸酸甜甜好好食，廚師好細心把菠蘿切成一小小作方便食，贊👍。燒羊架燒得岩岩好肉質好嫰滑夠juicy 又冇蘇味😋 但甜品和飲品比較普通相對失色了。

之前食過呢間餐廳覺得不錯，今日想食壽司一於又食呢間啦！壽司定食配牛肉烏冬 $128 小前菜有沙律 生菜絲上有一小塊三文魚，日式小碗子很精美，增添食欲！唯一介懷的是未坐下已見到桌上放著沙律，也不知道放了多久，心中不免少少介意。不過沙律吃下去是新鮮的，生菜爽口咬落咔嚓，賣相色彩繽紛，不錯。茶碗蛋是熱騰騰上桌的。木制小匙，蛋非常滑溜溜，裡面材料十足，有小冬菇粒，小肉件和切粒蟹柳，有驚喜！牛肉烏冬先上桌。之前怕又有烏冬又有壽司會太多，原來這烏冬不會很大碗，份量適中。烏冬彈牙，不會太咸，牛肉又薄又新鮮，湯中有紫菜有栗米粒，合格！期待的壽司到了！六個壽司放在日式木板上，很吸引。兩件醒目的蛋壽司面上還有德膳兩字，好搶眼。六件壽司第一眼見到的是大大粒魚子壽司，用紫菜捲住，一啖放入口魚子一粒粒在嘴裡爆開，過癮！帆立貝壽司上的帆立貝大大件，咬落非常鮮味軟腍！大蝦壽司上的大蝦也是無得挑剔，大蝦的size真大條，啖啖肉很滿足！其餘三件都是魚壽司，三文魚，吞拿魚蓉，和一件是間八嗎？反正每件都無比新鮮一下子被我吃光光。食飽飽還有甜品，好滿足！Lunch搵食好推介，午市仲唔使加一！

第一次去呢間日本餐廳，如果唔係有朋友介紹，真係唔知有放題食！餐廳近地鐵站，雖然唔係喺大街，但都算方便。上網訂位，好快就有人打黎confirm booking。晚市放題分2輪，第1輪係由5:30開始，如果唔食放題都可以散叫，但放題開心好多嘛，所以就揀左5:30食第1輪！餐廳原來有兩層，下層有個刺身吧枱，旁邊有大卡位，中間就有D細枱。食品種類都有好多，但Si得兩個人就唔敢叫太多，寧願每次叫兩件，食完再點！第一round當然叫左刺身先啦！款款都好新鮮呀！呢度比較特別既係中間深色果款鰹魚。然後呢個係鰻魚厚燒玉子，雖然新鮮整出黎，但如果可以再厚少少但鰻魚多少少就好喇！呢個蕃茄豆腐沙律，加左芝麻醬，但就無乜特別。起初點辣酒煮花螺仲驚好大碟，原來得4粒呀～但佢一D都唔辣呀。。芥辣八爪魚同蟹肉蟹膏軍艦，D紫菜仲脆脆地架！又黎多一round刺身，今次點多左幾件虎蝦，都係好新鮮～鹽燒海蝦同雞軟骨串燒，都燒得好香呀！天婦羅就點左蝦同蘆筍，不過就俾少幾條蘆筍，係即炸架，非常新鮮呢件汁煮蘿白都好食，入味又嫩牛油帶子又食多round刺身燒羊架都有呀！好食又唔韌，同埋都幾大件花之戀、穴子、芝士蝦壽司，無乜特別，而且

今日係2週年結婚週年日～老公約埋一大班朋友一齊慶祝老公同事誠意推介呢間德膳早一星期前卜定6人，但到該日有2位朋友想加入。但去到原來因為全場full晒，加唔到位，最後我地親密點，8人坐6人位。幸好佢地設計個位都幾大，唔會逼到食唔到野。識食放題，一定先叫刺身三文魚很新鮮蝦有2款～甜蝦 另一款大赤蝦 ～帶子榮螺誠意推薦呢5樣刺身，真係好新鮮好好食。當食刺身食到有點「流」既時候，就轉戰其他熟食鵝肝多士我自已就好鐘意食鵝肝，所以我都覺得好爭食。不過賣相就差左啲。去食放題必叫既天婦羅呢個。。。無咩特別串燒。都係無咩特別