冬蔭NOODLE (Closed)

呢到裝修好靚，座位舒服，仲好寧靜，好鐘意佢張枱既設計，舖左一塊好美既布，塊布左右仲有吊飾，感覺餐廳好乾淨。一坐底都幾送上一杯水，開頭都冇理，之後店員針多次水話系班蘭葉水，真系第一次飲，都幾清新特別。香葉辣肉碎煎蛋飯$68隻蛋煎得好靚，蛋黃仲係流心既，個人覺得肉碎比較辣，但係香葉味特出而且炒得好香。唔錯。冬陰公湯底，鮮牛肉，豬肉丸🍡河粉$68酸辣度啱啱好，價錢唔貴，鮮牛肉唔算好多，但陣陣牛味，而豬肉丸細細粒，好彈牙。泰式小食拼盤$108呢個份量比較少，蝦餅皮脆，入邊好彈牙。春卷即炸，好香脆。飲品方面叫左龍眼冰同泰式奶茶，甜度岩岩好。龍眼冰好足料。

明明睇住個地址行但都搵唔到間鋪 原來係因為個裝修同平時見既泰國菜館唔同 所以好易行過左唔發現🤣去圖：下次認住粉紅色就唔會行錯🤣講返野食 價錢係相當洽宜最後同男朋友嗌左兩碗粉 兩份小食 同兩杯野飲咸檸梳打 無諗過食泰菜都可以影到咁igable既相🤣偷望到梳打水係用泰國玻璃樽個隻👍🏻非常好泰式鳳爪 辣得好過癮 種辣係食完先係口滲出黎🤣蝦餅 仲有後面碗冬蔭公湯麵 蝦餅炸得好脆 一上枱熱辣辣十分好食！冬蔭公湯底適合香港人口味 椰奶既稠密岩岩好！船麵 好有之前係泰國食既味道😋本身我係食冬蔭公 最後迫男朋友同我交換🤣因爲真係太想食船麵！

最近常常吃泰菜，每次都吃不一樣的東西，今天來吃吃船河和香葉辣肉碎煎蛋飯 。店裝修很特別，有泰國的特色，但用新派手法演譯，sofa都是粉紅色帶點少女味，每張枱上都有一塊泰國風的刺綉巾，將新舊融合。環境寬敞，座位不少。蠻多特色食品，船河有泰北烏紋湯底。店員話燒雞係即燒的，要早些落單。龍眼冰 ($28)不單龍眼味道濃郁，帶點香草味道，不錯喔！雞肉串燒沙爹 ($36)，2串要選同一款，雞肉燒得香，沙嗲醬帶甜，好惹味。香葉辣肉碎煎蛋飯 ($68)，都幾大份，地道泰菜，肉味香濃，酸辣香口，辣得醒胃。泰式玫瑰奶茶 ($38/凍)坊間少見，玫瑰味不會太甜，同奶茶味幾夾。牛船河湯底 ($68)包兩款配料鮮牛肉、牛丸，加豬肉丸(+$10)配金邊粉，牛肉很嫩，非常有質素，仲有炸豬皮、芽菜、通菜，非常豐盛。湯底好好味，牛味十分濃，麵好大碗，相當足料。飛天通菜 ($68)放了豆瓣醬，辣辣的，愛吃辣的一定不可以錯過。

尖沙咀加連威老道，The One附近多購物點，又多嘢食，無論香港人抑或旅遊人士，都好鍾意黎，今日經過呢間「冬蔭NOODLE」食完野，覺得真係要推介大家試吓🤗首先講下佢門面，充滿泰國風情，放咗尊泰國佛像喺門口，仲有色彩繽紛的霓虹燈飾，已經好吸引途人注目👍🏻估唔到裏面嘅裝修設計比我感覺係非常浪漫💕泰國餐廳用粉紅色真係好少見，而且佢顏色嘅配搭非常之協調，仲有木製嘅枱櫈，更加突顯左泰國嘅味道，我個人來講非常欣賞，單單睇佢嘅裝修，都已經值回票價😍餐牌美輪美奐，圖文並茂好清楚，就咁睇落去價錢都唔貴，大家要知道呢個係尖沙咀黃金地段，佢賣呢個價錢絕對物超所值🥳無骨海南雞飯，只售$68元，平不特止，仲要靚成咁，有冇搞錯，全部起晒骨，啖啖肉，足料又好味，配埋泰式醬和姜蓉，仲有呢個黃姜飯，好味到冇朋友，份量又夠，真係比足一百分💯既然招牌叫冬蔭NOODLE，又點可以唔試番碗正宗嘅泰國河粉呢😬佢有四款湯底俾你揀，我就試咗特別啲嘅「泰保藥膳豬骨湯底」，配鮮牛肉和魚丸，麵底我要金邊粉，都只係賣$68元，係咪不敢相信呢？當然平還平，唔好味就真係冇用，但係你信我，真係好掂，呢個藥膳湯底，藥材味唔會令你抗拒，而且飲落喉嚨

月頭去完Bangkok返嚟未夠喉仲好掛住泰國野即興約左同事去食冬蔭noodle餐廳內外啲裝潢都好泰國feel餐牌我地都叫左冬蔭公湯底加肉料配料個冬蔭公湯重椰香同唔算好辣配料有6款揀左鮮牛肉同牛丸牛肉一片片食落都幾有質感牛丸好彈牙又冇筋同事超好辣加左唔少醬手打蝦餅炸到金黃外脆內彈手打果然係唔同啲沾埋泰式辣醬簡直perfect甜品點少得芒果糯米飯糯米飯熱辣辣加埋椰漿同芒果一齊食match到爆炸飲品我地都試左泰式玫瑰奶茶幾特別同refreshing 呢餐泰國野正好解下鋪口癮！

尖沙咀嘉連威老道上開了一家富泰國風情的新餐廳，在附近商場逛累了，先便來試試這裡的下午茶。很大程度上是被門口的一尊佛像吸引，感覺食物會比較地道。📍冬蔭功湯鮮牛肉手打牛丸金邊粉$48（下午茶餐）鮮牛肉新鮮富𡁻頭，肉味濃，吃得出沒有下梳打粉把牛肉肉質變嫩，好吃。手打牛丸是細粒的，不像平常在商店買到的大小。牛丸爽口彈牙，汁多味鮮。金邊粉幼滑，掛湯多，米味足。冬蔭公湯不太辣，略欠一點酸度，但香料味足，味道不錯。📍青檸梳打 （跟餐加$8）吃冬蔭公時喝一杯冰凍清涼的青檸梳打有解辣的作用。餐廳舒適開揚，食物味道不錯，期待下次再來。

泰地道！泰好味！食到古早味道嘅泰北烏汶船河！同朋友去尖沙咀行街，The ONE到面就腳見到新開左間泰國菜餐廳，賣點係「泰北烏汶船河」，之前去泰國食過好鐘意，就入左去試下！店員服務好好，好nice，"Sawadeeka"打招呼客人好有feel~餐廳主打泰北風味所以我哋就點試咗泰式烏汶湯底船河船麵可以選擇配肉類或海鮮，我地就揀左鮮牛肉x 扎肉個湯底好鮮甜好入味，可以就咁飲！面底揀左金邊粉，幼身爽滑！仲點左「生菜包」豬皮好QQ同香口！仲用左好多特別既香味調味！海鮮控必定要點「手打蝦餅」新鮮熱辣辣！外表香脆！蝦肉好新鮮，爽口彈牙！「泰式豬頸肉」好Juice，一d都唔乾，個秘製sauce酸酸甜甜，好fresh！以後唔洗去泰國都可以有個落腳點食泰菜喇！

尖沙咀是我經常到來購物的地方，今日又與先生到來，晚飯今日想試這間泰式餐廳冬蔭。餐廳裝修充滿了泰式文化與風味。無骨海南雞飯$68無骨海南雞飯，廚師刀工很好，切得整齊都很大件，金黃油潤的雞皮特別吸引，見到已令人垂涎。海南雞熟度控制得很好，剛好熟，肉質嫩滑，跟配2件爽脆青瓜，泰式醤汁及油?醬汁，泰式醤汁帶少少酸甜，比較惹味，薑汁醬與雞又再夾，2個醬汁味道各有不同。香葉辣肉碎煎蛋飯$68很漂亮的太陽蛋，帶㸃晶瑩的外表格外吸引，太陽蛋非常嫩滑。肉碎裡面有青紅椒、豆角粒、蕃茄及香葉。肉碎炒得很香口，與嫩滑的太陽蛋一齊拌飯食，惹味又可口。飛天通菜$68浄肉會比較滯，所以要多了個飛天通菜，飛天通菜炒爽口帶小小椒，夠鑊氣很香。柚子蜜$25柚子蜜味道酸酸甜甜，我最喜歡。椰汁冰$28椰汁冰冰冰涼涼帶很香的椰汁味。

同朋友去泰國前出黎PLAN行程，在尖沙咀順便食埋飯，去泰國前當然要食下泰國野當是培養下去旅行的心情，來到尖沙咀的冬陰 Noodles，店舖的座位以卡位為主，座位都幾舒服，而且職員都幾有禮貌，雙手合上表示歡迎。菠蘿海鮮炒飯 ($98)，炒飯中的菠蘿又多又甜，腰果、魷魚、蝦仁都幾多，夠哂足料，味道都唔錯，菠蘿炒飯又大大個，對於2個女仔而言，份量都算多。炒金邊粉($78)，食前先撈上旁邊的花生碎，加沾上青檸汁，金邊粉的醬汁炒得夠哂入味，酸酸甜甜，非常開胃，令我地越食越想食。串燒雞肉、牛肉 ($72)，雞肉和牛肉燒得剛剛好，不會太乾身又不會大硬，啖啖肉，點上沙嗲醬，好濃味，很好食。泰式玫瑰奶茶($38) ，玫瑰奶茶帶清香的玫塊味，又唔會好甜，奶茶不算好濃味，第一次飲都幾特別。& 鹹檸七 ($25)的鹹檸檬都好入味。

今日食既呢間泰國野係係尖沙咀 之前好似冇見過呢間野 應該係新開既 因為佢既周圍既環境都好乾淨 而且亦都唔迫 佢d坐圍係粉紅色架 感覺好少女最近食泰國野必食既係佢既船河 所以今次都叫左一碗 〰️牛船河底加肉類配料〰️$68其實有得揀海鮮或肉既 不過我覺得船河襯肉類個味會夾d 因爲個湯底浸住d豬皮同肉丸 咁d肉丸就會吸晒d湯既精華 牛肉味既湯底係好濃郁 啱晒我呢d最鐘意飲湯既 炸豬皮好脆口 但係要記住唔好浸得太淋 〰️冬蔭公湯底加肉類配料〰️$68其實平時d冬蔭公多數係配海鮮既 但係呢度有得揀肉類 所以我特登叫黎試下既 呢度既冬蔭公唔算太辣 易入口既 其實個人鐘意唔係太辣既冬蔭公 〰️甜密密蝶豆花茶〰️$38見到張相已經覺得好吸引 一開始黎到係藍色既 跟住加左檸檬汁之後變左紫藍色 好靚呀 其實係冇乜味既 即係類似檸水咁 不過真係好靚

同同學在上堂前在尖沙咀食個快飯，就來到尖沙咀的冬陰Noodles，品嚐好味的泰式料理。牛船河湯底+海鮮配料金邊粉湯麵（$98），湯底有好濃郁的濃郁的牛湯味，應該用了不少的牛骨熬製而成，海鮮配料好豐富，包括大頭蝦、魷魚圈、魚丸、青口和蝦仁，金邊粉質感幼滑，整碗湯麵份量亦好足夠。泰嫰海南雞飯（$68）的雞飯是用上油香飯，香而不會油膩，雞質感嫰滑、啖啖肉，不會覺得韌，配了上薑蒜及泰式海南雞飯醬，會有少少的辣味，份外惹味。手打魚餅（$68），食落蝦餅的質地就會感受到蝦肉的新鮮製作，炸得香脆可口，手打蝦肉的彈牙、爽口，而且沾配泰式辣醬，更加美味。青檸梳打（$25）味道有好清新的青檸，飲起來都幾透心涼 & 椰汁冰（$25）有香濃的椰汁味，但又唔會好甜。

今晚同屋企人去左尖沙咀食飯，屋企人話想食泰國菜，起openrice搵到冬蔭noodle好似唔錯，就去左試下餐廳走粉紅少女風，最啱selfieStaff先比幾杯水我地解解渴，飲落竟然有椰子味，好surprise黎到冬蔭noodle點可以唔食粉麵！我要左泰保豬骨湯底，即係藥膳湯底，補一補，再加牛腩同鮮牛肉牛腩爽脆不黏口，鮮牛肉嫩滑，牛味香濃湯底飲起黎好滋補，凍凍地食一流屋企人要左冬蔭公湯底，飲落好香但又唔會好辣，唔食辣既人都可以食到，佢要左牛丸，都話好彈牙呢到既肉類配料都唔錯，下次有機會黎可以試下海鮮飲品都好出色，我要左椰汁冰，椰汁味極香濃，好好飲屋企人要左泰式玫瑰奶茶，玫瑰同奶茶又意外地夾，唔會互相蓋過另一種既味道最後屋企人話想要個甜品，要左個千層糕，新鮮整起，食落暖笠笠又綿又滑值得一提既係，呢到staff服務都好貼心，見到食完就好快收走枱上既碟由裝修、食物同服務都可以睇到佢地好用心去經營，支持！

這位置前身是茘園茶歺廳，但水準比荔園好。要了牛船河湯底 加魚蛋及鮮牛肉 金邊粉，味道適中 ，不太鹹亦不太淡，帶有芬香的香料味道。 海南雞飯 我要了白飯， 海南雞都滑， 醬汁亦好嘢味， 雖未至於超级好味，但以此價錢加一杯飲品還有冬瓜湯是十分抵食。服務生很有礼貌，飲品少甜但來時卻十分甜，他們都立即沖淡（雖然不是换过一杯）。飲品送上印有「荔園」的糖包，沒有浪費資原。在尖沙咀大街上能找到這價錢而又满意的一歺有些少見，不是一般的遊客歺廳那麼行貨。總括而然很滿意的一個午歺

今日嚟到尖沙咀行街，條街依然係咁多人熙來攘往，經過一間泰國菜，見到入邊嘅裝修全部枱鄧都係粉紅色，以為係一間咖啡店，估唔到係一間泰國菜，真係未見過咁有特色嘅泰國菜啊，一於同朋友入去試吓啦，坐喺裏面覺得自己猶如一位小公主，裝飾好特別，而且服務員態度親切有禮，等我就做一晚公主啦⋯⋯海南雞，金黃色嘅外皮，雞皮入口爽脆彈牙，唔會覺得好油膩，雞肉唔會乾身，好滑，就算連雞胸都唔會覺得鞋口。馬拉盞炒通菜，通菜充滿鑊氣，辣辣地，但係又唔會太難，完全迎合香港人嘅口味，通菜炒豆碧綠色，淨係見到已經胃口大開，而且充滿馬拉盞嘅香氣，令人一試難忘。串燒豬肉，廚師火候控制得啱啱好，而且個賣相都好靚，入口唔會太過乾身，咬落充滿肉汁香氣，而且點上特有嘅醬汁，分外覺得滋味。蠔仔煎蛋，淨係見到啲雞蛋煎至金黃食，我已經流晒口水啦，好仔好新鮮，入口鮮甜，而且雞蛋唔會太過火，保持滑脫脫嘅口感，連埋啲蠔仔，入口充滿鮮味啊⋯⋯

食到好野一定要開心分享！尖沙咀呢間冬蔭Noodles 的味道遠超預期，感覺比之前在泰國食的仲好味，尤其系牛船河，的確很不錯！店面裝修溫馨，湖水綠的墻身襯粉紅色的沙發凳，倍顯舒適，環境清潔。裝飾也突顯泰國特色。下午茶套餐仲非常抵食添！我地揀左牛船河湯底，肉類配料。濃郁的香料味，清甜的牛湯底。配料系牛肉、牛腩、牛丸、豬肉丸，豬皮。牛丸、豬肉丸夠彈口，豬皮好Q!最愛佢特別的香料味，好好味！原本想揀粉皮，可惜冇貨，所以揀左河粉，河粉好滑，一d都晤鞋，最重要佢夠Q不易斷，口感好好。另外野飲揀左蝶豆花茶，蜜糖另上，清清地，好舒服！豬肉串燒，肉質鮮嫩，入味，夠冧！甜品系千層糕，賣相靚仔，新鮮蒸出爐，不甜不膩，非常好！