番茄師兄

Open Now

Now Closed

有一間係深水埗出名嘅蕃茄湯麵開分店終於開到嚟港島區啦～位於係灣仔嘅蕃茄師兄鋪頭大約坐到20人，供應源源不絕嘅蕃茄湯，仲可以買蕃茄湯底火鍋自取，之前凍凍地就見好多人買嚟打邊爐介紹番佢先，可以有自選粉麵，肉食，配菜，仲有飯類同埋啲小食可以選擇，食物選擇都多牛脷蕃茄湯菜底薄切香煎嘅牛脷，油香味重，口感好腍同埋韌，加上蕃茄嘅酸甜，解哂啲油膩感，而個湯底有西芹洋蔥等其他蔬菜，唔會淨係得蕃茄味咁單調騸牯牛面頰肉配炒滑蛋佢用騸牯牛嘅關係，肉嘅油份比較重，牛嘅油香味係口腔裡面散發，而炒滑蛋非常濕潤而且有蛋味👍🏻👍🏻付皮墨蝦條呢炸嘅蝦條，外層嘅付皮非常脆而裡面嘅墨魚蝦膠非常彈牙，好香口，而且仲有墨魚同蝦號鮮甜味

12月頭去上堂，中午去咗附近呢間人氣餐廳，佢第一間店係深水埗，專買番茄做湯底嘅粉麵，或者番茄汁底嘅焗飯。12點多去到餐廳，有十幾人在外等位，因為我自己一個人去食，所以好快有位，自己填好餐單，叫待應入單就得。坐位唔多，同隔離枱距離都好近，不過可以接受嘅。番茄湯麵可以轉菜底，係實行低碳飲食嘅我的好選擇。怕菜底唔夠多菜，所以加多碟生菜。餸只係要咗騸牯鮮牛肉，肉味濃，有點韌，下次應該叫牛面頰。番茄湯底食得出新鮮番茄整嘅，冇過甜嘅茄膏味，酸味適中。菜底原來好多菜，其實唔加多碟菜都好夠飽。希望有機會再嚟食。

💛番茄師兄·呢間我想試好耐架啦 不過我好少去深水埗個邊 難得見佢係灣仔開左 我地就做運動之前去左食啦😌😌·秘製豬扒招牌番茄湯通粉$48 (炒滑蛋+$5 椰菜+$5)佢個番茄湯唔係好多番茄蓉個種黎既 飲落清爽啲既 但係都好濃番茄味 之後佢個通粉索曬湯 好正🍅佢個豬扒都幾嫩 而且仲係juicy既 之後佢個滑蛋炒得好滑 唔錯唔錯 好適合早餐食🤤🤤·#rbyeat#rby港式#rby💛#rby灣仔 #rby銅鑼灣 #rby深水埗 #rby元朗·📍灣仔安樂里1號利昌大廈地下低層B號舖📍深水埗基隆街255號地舖📍元朗擊壤路9號金寶大廈地下4號舖

因為總店係深水埗，之前都無去幫襯過，知道灣仔有分店，即刻要過你試下，餐廳位置比較隔涉，晚飯時間要6點鐘先開始有行入坐，排隊都算多人，入到黎即刻叫佢地出名嘅蕃茄湯底嘅雞肉麵，可惜蕃茄湯底冇想像中咁好味，有D失望，希望下次你這時候有改善~

除咗蕃茄湯麵 仲有蛋包飯同芝士焗飯再加埋配料 都相當多選擇 揀到有少少吃力😂騸牯鮮牛面頰 $68牛牛有好濃郁嘅肉味肉質都幾鮮嫩至於招牌蕃茄湯🍅 ummmmmm蕃茄味係出嘅 亦都算濃厚嘅蕃茄湯底但係呢🧐又硬係差少少咁🤏🏻(不過諗咗好耐 都諗唔到差咩唔夠鮮(?)唔夠味(?) 真係諗唔到😂味道唔差嘅 但就係差咁啲炒滑蛋 +$5係炒得好嫩滑嘅蛋蛋唔錯唔錯而估唔到嘅係….麻之一滴加少少已經好香好麻 令成件事更加惹味一碗麵埋單七十幾蚊

蕃茄師兄終於喺港島有分店啦！！分店位於灣仔~~喺地鐵站行六分鐘左右就到啦🤓今次我叫咗一份雞扒蕃茄拉麵，額外再加左一份蘑菇同芝士😋 蕃茄師兄嘅蕃茄湯底永遠都唔揸流攤！好濃郁嘅蕃茄香味配埋芝士簡直係一流呀🤤 個雞扒仲煎過嚟添，抵食👍🏻👍🏻 私心推薦，可以加 “麻之一滴”，令個湯底有少麻辣嘅味道🥰提升左湯底嘅味道呢間分店同深水埗嘅唔同，粉麵可以轉烏冬、通粉、米粉，有好多選擇👏🏻大家要多多支持新分店呀！

之前食過招牌番茄湯底配麵，今次就試吓醬汁蛋包飯啦。 ▫️騸牯鮮牛肉蛋包飯 (HKD58) - 騸牯鮮牛肉依舊咁好食。今次試芝士蘑菇汁全因貪新鮮😆😆不過個汁就稀咗啲，如果可以杰番少少🤏就好喇。成個焗飯味道唔錯，芝士味可以再重啲😬 一個咁大份嘅焗飯喺灣仔只賣$58，真係好鬼抵食。▫️+$6 信陽毛尖蜂蜜冷泡茶話就話「低調」試業，中午一開店唔夠15分鐘就已經坐滿人，真係唔好睇小師兄嘅魅力呀😂😂😂 新店位置「低調」到極點，但依然都吸引咁多人排隊堂食/外賣就知道師兄係咩料啦😏唔知灣仔店晚市限定嘅((唔隔夜)) Al Dente 意粉做到幾時呢～我想食喎😂😂😂⭐️試業時間為12:00-15:30, 18:00-21:00⭐️只收現金

剛剛12:00 到已有人龍，好彩都有位食第一輪。睇住個餐牌樣樣都想試，最後叫咗個湯通心粉 & 豬扒焗飯，但係最後到咗係蛋包豬扒飯，見出面咁多人等都費事換來換去，照食啦～個蕃茄湯底係出色嘅，唔酸又唔太甜真係可以飲埋，但係d牛肉、同豬扒太熟有d 韌左，蛋包飯都好食，呢個價錢抵食啦！

上次食咗蕃茄牛肉烏冬，今次再嚟試第二樣食物。星期日中午，門口有10幾個人等入座，登記之後，等大約15分鐘已經可以入座。今次叫咗煎牛脷芝士忌廉湯烏冬，芝士湯底濃郁，煎牛脷好味，另外加叫炸蝦卷和花茶。下次再嚟試其他嘢食

認識師兄應該都有差不多一年多的時間，可能因為大家都曾經係同一間公司工作多年，有份特別的感情，基本上佢開每間分店都一定會去支持。 上次才剛剛吃完佢嘅蕃茄芝士雞煲，精彩到不行，只不過上次喺人哋屋企冇帶相機，冇得喺度同大家分享。大家如果有機會見到佢再有團購，一定要試。 今次第三間分店進駐灣仔，佢WhatsApp我話我知星期六試業，毫不猶豫，去。 剛剛才知道大渣哥離開灣仔嘅消息，幸好就有師兄你加入。 最重要係想支持，下午三點，去到高朋滿座，本來想試呢度嘅新品焗飯，可惜有點飽，還是試番佢嘅蕃茄湯。 雞肉加滑蛋加芝士係常識，喺通粉，米線同公仔麵之間選了通粉，無辦法，同番茄湯最襯。可惜那天剛去了朝聖，食唔到太多野，如果唔係一定會加牛肉。 新點心有雞皮卷，再吃個牛丸，兩樣都咁好食，兩樣都大推。 飲品一樣係有好多唔同嘅選擇，飲咗凍豆漿，普通左少少，不過我當然明白，我又唔係喺公和。 下次狀態好啲再嚟支持你師兄，加油。 番茄師兄 灣仔安樂里1號利昌大廈地下低層B號舖

有朋友講過番茄師兄啲食物好好味，終於開到嚟香港區啦！上兩星期嚟未開，今日再嚟碰吓運氣，知道1:00開始營業，打開餐牌，好多樣嘢都想食！叫咗招牌蕃茄湯牛肉烏冬，凍豆漿，芝士餃子。番茄湯底好好味，豆漿好有豆味。芝士餃子冇芝士拉絲，不過芝士味道啱啱好。食物美味，地方整潔，剛開業都冇混亂，服務員有禮，下次會再嚟試其他的食物

灣仔開左番茄師兄（可以拎外賣）今日打風，終於比我有機會試到佢馳名嘅三重芝士蕃茄湯雞煲!外賣雞煲+打邊爐！更係拎埋番屋企慢慢嘆啦。二人餐，其實d 雞多到四個人都食唔晒。首先，我哋將雞放入煲內，再加少少蕃茄湯底，再加埋三重芝士落去，超好味食完啲雞之後，我哋就將啲湯倒去煲入面，再打邊爐，食肥牛，豬肉，同埋其他野真係一次過滿足晒你兩個願望！首先雞煲,再打邊爐我哋兩個人，真係食唔晒，食足兩個鐘都未食完啲嘢，抵食到飛起。 希望大家多啲幫襯小店啦！