唐記包點 (吉利徑)

Open Now

Now Closed

我爸爸會選擇買外賣家常飯餸，咖喱牛筋腩飯$32係佢嘅最愛，$32係一個抗通脹價錢，鍾意食咖喱嘅爸爸經常買，佢話間間茶餐廳都有咖喱牛筋腩飯，雖然份量同味道都差不多，但係唐記最平，爸爸果然持家有道。佢嘅味道係正常嘅咖喱牛筋腩飯，唔係椰汁甜嗰隻咖喱，又唔係日式嗰隻咖喱，唔係超辣印度嗰隻咖喱，就係我哋香港食開有少少辣嗰隻咖喱飯🍛，味道對了！

我在「美孚新邨」「吉利徑」商店街光顧食店，享用下午茶期間，無意中發現到「唐記包點」最近也出現了，售賣近期大熱「兩餸飯」的分店。但是我也發現原來「美孚新邨」分店「唐記包點」的「兩餸飯」餸菜櫃檯裡面，竟然沒有「牛腩」，我只看到餸菜櫃檯裡面有「菜心炒牛肉」而已。於是我購買了「兩餸飯」，至於餸菜則選擇了「菜心炒牛肉」和「爆炒雞」。「菜心炒牛肉」餸菜那一欄裡面有大約五塊「牛肉」，「牛肉」實際口感不算韌，沒有夾雜任何的筋。但是有一點可以肯定的，是「菜心炒牛肉」裡面的，「牛肉」沒有很濃厚被油炒過的痕跡，「牛肉」的實際味道裡面，沒有夾雜來自食油的味道感覺。至於「菜心」口感新鮮程度，也都算是中上水平，唯一問題只是欠缺跟「牛肉」一起炒，吸收「牛肉」肉汁鮮甜味道，只有來自「鹽」鹹味的感覺而已。至於「爆炒雞」方面，「炒雞肉」的實際數量也不少，跟「菜心炒牛肉」都是差不多一樣。「爆炒雞」裡面的蔬菜是「西芹」，「西芹」沒有被明顯大火炒過，所以「西芹」實際口感仍然很爽脆。「雞肉」的口感軟嫩程度也跟「西芹」差不多，但是我有一點不是太肯定的，是「雞肉」的鮮甜味道，有沒有完全滲透進入「西芹」裡面。明明「唐記包點」也有製作和

之前，曾寫過一篇美孚港鐵站內「唐包點」嘅蒸飯，而同區晌近街市一邊，亦有間地鋪嘅「唐記包點」，我老婆喺佢支持者，不時都會幫襯，因為，只有佢有「蔬菜香菇包」（相反，「唐包點」奇怪地喺無呢款素包）。呢晚，又買咗兩個包嚟過過口癮。唔使多介紹，相信大家都知佢哋主打買中式蒸包，的確，包款非常之多，而且，素包選擇亦都多，加上定價相宜，所以，不時都見到人龍。老婆最心水喺佢哋嘅「蔬菜香菇包」、「蕃薯包」、「香芋包」，而小弟今次就揀咗款肉餡包。沙嗲牛肉包 $7.5「唐記」嘅沙嗲牛肉就唔似得平常晌茶記所食嘅沙嗲牛肉，蒸包裡面嘅牛肉喺成球肉餅咁，份量十足，食落有啲似「山竹牛肉」嘅質感，但口感都喺實淨咗少少，沙嗲味就唔算好突出。始終佢哋做開蒸包，所以，包身不俗，夠鬆軟。蔬菜香菇包 $7.5老婆食飲偏素，所以，呢款素包佢經常食，可以講喺佢嘅精心選擇。相對我啲牛肉，啲蔬菜香菇就少餡咗啲，老實講，跟官方嘅食物相真喺差好遠。因為唔喺單純得啲菇，加入唔少蔬菜絲入內，故此，味道真喺比較喺清。我自己嚟講，兩款包都喺第一次食，整體觀感都喺麻麻，都喺蕃薯包最啱我。

一路都係唐記包點嘅粉絲🤩原因係佢嘅包點又平又大又好食🥰尤其係紅豆包同蕃薯包💯知道佢最近出咗阿華田麻糬包，聽個名都好吸引🤤呢款包係每日限量，今日十二點幾去到都仲有得買👏拎住個包，即刻聞到陣陣嘅阿華田味😍咬咗兩啖，即刻見到大大舊嘅麻糬☺️由於係即買即食嘅關係，仲係熱辣辣，麻糬能夠保持著非常煙韌嘅口感😇咬多咬，就食到流心嘅阿華田饀🥳但係要注意嘅係佢嘅流心程度係十級😂好容易會滴到周圍都係，食嘅時候要小心啲🙈

夜晚晚想食蒸飯同點心，會第1時間諗起唐記，外賣返去睇住電視食一盅兩件，真係一流。佢地每日都有一款特價蒸飯，22蚊一盅非常抵食，今日係北菇雞飯，緊係要買黎食吓啦。雖然係特價，但份量都唔少，成盒滿晒。蒸飯最緊要係落鼓油，佢地個蒸飯鼓油勁好味，而雞件都好嫩滑，仲有配菜跟埋，一d都冇嗎夫。我仲試埋佢新出嘅豬軟骨飯，飯同餸分開上，唔使d汁滲晒落d飯果度，豬軟骨炆得好入味好淋，d汁好濃郁，最啱攞黎撈飯食，非常好食惹味。叫咗款懷舊點心鵪鶉蛋燒賣，而家好少地方有得食，一碟3大粒，都非常足料，燒賣d豬肉都好有口感，仲大大粒鵪鶉蛋喺燒賣上面，好好食。蔥油餅-煎得好香脆，有大量蔥花，d蔥好香好惹味，買果時熱辣辣，好好食，15蚊有3件好抵食。佢地有新出品就係阿華田奶茶同流心阿華田包，啱晒小朋友食，個包咬開d阿華田醬流晒出黎，有好濃嘅阿華田味醬，個包唔係普通白色果d中式包，佢係有阿華田味，呢個包好有特色。而阿華田奶茶都幾好飲，估唔到阿華田同奶茶都好match,好好飲。

早餐一向多數響唐記點心買個包，而美孚呢間開張左一段時間，今日黎試一試。。。朝早10點去到門口已見到唔少街坊排緊隊買早餐。。。好可惜今次本來想試既阿華田包竟然售罄，唯有下次再試。。。最後，買左個菜肉包同黑芝麻包。。。前者，個包新鮮熱辣辣蒸出黎，皮好鬆軟，而裡面d餡都好好味，但比例上係肉多過菜好多，如果菜多番少少會更佳。。。我就最鍾意食黑芝麻包，因為黑芝麻餡超多，而且芝麻炒得好香，每一啖都好幸福，十分推介！

唐記包點越開越多，總有一間在附近。自從我屋企樓下呢間開左之後，我就多一個食宵夜既地方。唐記既面包款式好多，除左傳統果D叉燒包，菜肉包，饅頭外，仲有款港式茶記味道既沙嗲牛肉包。今次我都係食返一D傳統嘅菜肉包同黑麻蓉包。菜肉包既肉餡好juicy，菜同肉既比例啱啱好，唔會搶左對方既味道。黑麻蓉包既包皮都加入了黑芝麻，所以面包都有黑芝麻既香味，黑麻蓉唔算好甜但香，好重黑芝麻味。糯米雞在我心目中係唐記既鎮店之寶。首先糯米雞好大隻，廿幾蚊一定可以食得好飽。打開糯米雞，一大股荷香就會四溢。糯米雞非常非常足料，有雞翼，叉繞，咸蛋黃，juicy既肉碎，配埋糯米食，非常好味，又飽肚。

唐記包點應該無人不曉，美孚呢個唐記包點都開左一段時間，定期都會推出一D新產品。有時夜晚屋企無飯開或者買定第二日既早餐，唐記就係不二之選。今日下午路過唐記時，個肚有D餓，埋去望下有咩食先。有款黑麻蓉包都推出左一段時間，但我從未食過，所以就買一個返屋企做下午茶。今日菜肉包仲有優惠，所以隨便買一堆凍包留返聽朝做早餐，可以慢慢在家沖杯咖啡，食住個包做早餐。講返個黑麻蓉包先，一擘開個包就見到滿滿既黑麻蓉。雖然唔係流心，但黑芝麻好香。咬落去唔會好甜，但好重黑芝麻味，好香，非常好味。菜肉包好足料，皮薄肉厚，本身$7.5一個己經好抵食，今次撞正每日優惠，仲更加抵食。

今日路過見到美孚唐記包點有新出的期間限定既阿華田系列，之前見到好多分店都售罄，今次終於見到有得買，當然要買返點野食返家開餐。美孚呢間分店十分乾淨衛生。買了兩客點心，鮮竹卷、雞扎，各18元。鮮竹卷好香，啖啖滋味。另外雞扎好足料，以腐皮包著又大又滑雞件、芋頭、香濃多汁的魚肚、仲有爽口彈牙既豬肚。以豬肚做餡料之一，十分傳統。除點心，當然會買返個蒸飯。今次買了北菇雞飯，有好多嫩滑雞肉，配以甜豉油、白飯，正。仲大大盒，好飽肚。今次點了奶皇包，奶皇包好多奶皇餡，又香甜又好味，熱辣辣好正。糯米卷，好足料，中間放了好多軟分綿綿又滋味的糯米，十分吸引。當然仲有阿華田包，整個包都是阿華田色。我輕輕一摵開包，入面的阿華田醬已湧出來，好正好流心。好好味。吃起來阿華田味好香濃，又唔會太甜，麵包又彈又軟，啖啖都好滋味。好開心試到呢個新出品，$5一個又抵食，不過真係好難遇到，因為成日都賣曬，所以遇到都一定要買返個黎食下。當食甜點，又飽肚又好味。另一款新品就是阿華田奶茶，一打開樽蓋，陣陣的阿華田味、奶茶味湧出，感覺好得意，因為兩者味道都好出，但又不會搶去其他的味，可以清楚聞到阿華田及奶茶味。而且口味仲好夾，好特別。

最近多左OT,每日都唔知收工個鐘數仲可以食d咩，系昵個時候聞到唐記的飯香，又幾吸引！有蒸包蒸飯，每日精選仲好抵食添。大發現，蒸飯份量增加，變左大碗。點心的選擇都好令人滿意，好多層蒸櫃新鮮出爐。現在唐記出左多款特式客飯，令人選擇困難，好似好吸引。我最後都系揀左傳統的蒸飯，梅菜肉餅飯同北菇滑雞飯，要求醬油另上，返到屋企飯仲系熱辣辣既，很新鮮。再淋醬油會比較好風味。飯量明顯增加，梅菜肉餅入味肉嫩，夠送飯。北菇滑雞飯肉質鮮嫩，飯多到食唔晒，好滿足！另外蔥油餅都冇令我們失望，蔥油芝麻香撩人，不會太油,面粉的純厚口感很有咬頭，很適合外賣返屋企慢慢享用。

《唐記》出現在這一個世上，真的是喜歡食點心及食蒸飯人士的福音。他們早已經做到每一個車站，每一個屋苑屋邨都有分店，肚餓想食個蒸飯，想食幾粒燒賣，見到《唐記》就有救了。是日，去到美孚探望老爸，一落車，我的肚已經餓到唔想慢慢等去飲茶時才食野。當我一經過《唐記》門口時，心血來潮，立即買一份鵪鶉蛋燒賣充饑。曾經，鵪鶉蛋燒賣被視為失傳點心，但《唐記》就把這一個似是膽固醇很高的點心再一次發揚光大。蛋白薄薄的鵪鶉蛋，同香口的豬肉一起放入口，肉香加蛋香兩者混合，而這就是鵪鶉蛋燒賣比燒賣更勝一籌的小原因。很方便，也很好食，《唐記》，造福了廣大的香港人。

搬來美孚已經半年多，始於都覺得唐記包點最抵食同好食，好似佢哋會每日有推廣優惠蒸飯$22蚊同凍包$15蚊3個。今日只想留起屋企休息，所以就落去唐記買定全日應要嘅食物，是日星期六，凍包優惠是“菜肉包”，買咗3個等待下次做早餐，自己蒸嚟食。我喜歡菜肉包包面甜甜地，裡面餡料足料，食到啖啖肉加菜香甜，食極都唔討厭。為自己點了皮蛋瘦肉粥，裡面有皮蛋、瘦肉絲及腐竹，粥很綿，份量又十足。再加“香煎風味”$15蚊3件，$5.5有1件，我就叫咗一件蔥油餅一件鍋貼及一件新推介的香煎蔬菜香菇包。味道方面蔥油餅相當香脆， 鍋貼煎得邊都很脆口，裡面豬肉餡料都好夠味，而香煎蔬菜香菇包，沒有肉是素包，香口惹味合適食素人士。鳳爪排骨飯星期六也做優惠$22，份量十足好抵食，味道夠晒經典。

今日去咗美孚行街,行完街去咗附近嘅美孚唐記包點買嘢食， 見到佢外面裝修都非常之光猛,非常之大間， 我就即刻同朋友每人都點了一個飯，朋友就點了肉餅飯，而我就點咗雞飯，因為我好鍾意食糖記嘅北菇雞飯！之後我哋亦都點咗個點心，就係牛雜， 好少出面舖頭有牛雜，所以一試佢嘅真功夫 ，之後我哋亦都叫了雞包仔 ，因為他的雞包非常之好食，想睇下去同其他分店有冇唔同？回到家之後嗰真係非常之好食，飯香，餸好新鮮，完全唔會白費金錢， 個牛雜非常之琳，好有牛肉味， 雞包keep住水準，所以我真係好鍾意去唐記包點買點心食!

唐記包點相信大家都吃不少啦！而且有好多家分店，總有一家在附近，哈哈！小編最喜歡是香芋包和奶黃包！每一口的餡料都好飽滿，做早餐真是不錯～現在還有凍包可以買，方便隔天蒸完做早餐呢～但原來唐記都出了蒸飯和粥品，中午經過就決定買來吃。點了咖哩雞飯、每星期有不同推薦的飯：梅菜肉餅飯。咖哩雞汁味道上較為辣，而整碗飯超大碗，吃到好飽呀～梅菜肉餅飯的肉餅大大塊，好有家的味道。間中吃較為家庭式的飯菜都不錯呀！推薦燒賣！啖啖肉，超足料！差點忘了，還有茶味很濃，很滑的奶茶，都很值得一試～

蒸飯點心包點選擇多, 岩大眾口味, 而最重要的是, 平! 靚！正！總是在各食肆選擇中做到一個平價, 雖只是外賣, 好處是唔駛迫慢慢在家/公司食, 係慳錢好幫手~天氣熱，今早兩個人叫四樣嘢做早餐山竹牛肉 - 好味不太油又夠滑 $18金錢肚 - 入味質佳份量足 $18 抵過坐低食大點仲有茶介加一雞扎 - 有豬肚大滑雞魚肚和芋頭，味道食料也超讚👍🏻 $18皮旦瘦肉粥 - 只需$16 味道佳，可能是加了腐竹啱我口胃另外買多個$7.5菜肉包第二日做埋早餐, 平過買連鎖西餠店的有餡麵包依家仲推出每日精選的蒸飯及凍包，咁又好似再抵D，攪呢D promotion係好的難怪老幼都會排隊買, 最緊要係keep到平價同食物水準！