棠記海鮮小廚

Open Now

Now Closed

去三聖就梗係要食海鮮啦不過星期五晚同埋週末假期都會比較多人我哋正正就係星期五晚去 都幾熱鬧🗣🗣🗣雖然呢間店家接受自來海鮮加工但屋企人貪方便 直接叫店家準備🙌🏻而今餐廳因為係屋企人請客👏🏻所以我有啲都唔知價錢就唔標價啦😝薑蔥炒蟹 🙆🏿‍♀️呢間係我出街食過薑蔥蟹數一數二多肉可能因為佢落粉炸過 鎖死咗啲肉😆唔好睇佢反轉咗個蟹蓋以為得個殼🦀佢真係算多肉 仲要幫你處理好輕輕用筷子剷一剷就成嚿肉起咗🥹蟹鉗啲肉仲要爆晒 真係啖啖肉💕2隻蟹又無呃秤 仲要啲蟹掛晒汁個芡嘅味道又啱啱好 食到我哋lam lam脷😋椒鹽酥炸鮑魚 🙆🏿‍♀️去殼 點粉 再炸首先炸粉唔會好厚鮑魚本身亦好厚肉又做到外脆內軟 火候控制得好好再撒上適量嘅椒鹽 好正😍招牌鹹鵝 🙆🏿‍♀️雖然叫鹹鵝 但真心唔會覺得好鹹反而味道啱啱好 滷得好入味🥰仲要啲肉好柔嫩 果然係招牌👍🏿我哋4個人食 份量都ok菠蘿咕嚕肉 🙆🏿‍♀️炸到脆卜卜 再加埋啲醬每一粒都沾滿晒送到嚟仲係暖粒粒 好好味😋菠蘿都切到好靚賣相同味道俱備 💯蒜蓉炒菜心 🙆🏿‍♀️上枱都仲係翠綠色🥬咬落去仲要係爽口嘅簡簡單單一味餸都無馬虎❎ 星期一至五免加服務費✅ 星期六、日及公眾假期加一服務

尋晚同屋企人黎到屯門三聖邨「棠記海鮮小廚」食海鮮！呢度食海鮮都出哂名架啦😬仲可以自己去揀啲靚海鮮過嚟加工😊尋日係happy Friday，第二日放假，客人都會比平時多，夠哂熱鬧😂薑蔥炒蟹炒得好有鍋氣！啲蟹食落就知新鮮，肉質夠哂彈性之餘，啲蟹仲好好肉！唔會冇乜肉食😋椒鹽酥炸鮑魚小編第一次食椒鹽酥炸鮑魚，平時多數都係食開陳皮豉椒蒸鮑魚😂幾特別，味道都唔錯啵！炸得岩岩好，外脆內嫩😋菠蘿咕嚕肉每舊嘅咕嚕肉都沾上咕嚕汁，炸得又係岩岩好！食落亦相當之脆🤤招牌咸鵝非常入味！鵝肉都非常嫩滑😋蒜蓉炒菜心正常發揮，水準之作！😊

媽媽啱啱拎到樂悠卡嘅，搭車有兩蚊優惠，突然之間佢講想去三聖邨，咁我帶完仔返學，就陪佢一齊去啦。原來港島去到屯門嘅三聖邨時間都唔係好遠，所以都陪佢去。去到嘅時候，佢話三聖村變咗好多，然之後佢先講起佢去嘅就係40年前😒但係我去三聖邨嘅感覺，覺得佢嘅規模係十分之大嘅，而且都有好多好正嘅海鮮👍 去到三聖邨，沿海嘅梗係一定食海鮮啦， 之後行下行下就行到棠記，可以買海鮮去加工食嘅 75元， 以加工費來講係一啲都唔貴，因為之前去過鯉魚門係計人頭而計加工費嘅之後我就搵佢哋幫我發板揾新鮮嘅海鮮去食🤤🤤 我同媽媽入去嘅時候都好早，之後都望落去餐廳都好大。不過，今次得我同媽媽兩個人，所以我哋就揀卡位坐。下次應該會叫曬大家一齊嚟，一定會咗張大枱，因為媽媽鍾意熱鬧。另外呢度泊車到好方便，你可以揀泊領匯或者揀拍咪錶位1. 豉椒炒蜆千祈唔好睇小豉椒炒蜆，因為貝殼類係最易會食到有沙。甚至乎可能係開唔曬殼，姐係已經死左勁耐。但係呢味炒蜆真係生炒，唔係烚水再炒，啲豉椒係勁入味，當中既彩椒唔太淋，係爽甜既嘅。蜆既份量係好大份2. 豉油王大蝦豉油王大蝦既頭係脆到可以就甘食，肉質係非常之甜美同够肉，另外個蝦係十分之大隻啦 3.

📍屯門三聖《棠記海鮮小廚》屋企人尤其我細佬係大排檔超級愛好者 加上因為以前住喺屯門對附近嘅大排檔都有少少認識～今次就帶咗屋企人嚟屯門三聖邨呢間係網上備受好評嘅《棠記海鮮小廚》食飯🍚😋------------------------------菠蘿咕嚕肉🍍薑蔥炒蟹🦀脆皮鮑魚金銀蛋炒莧菜------------------------------最推薦嘅一定係呢度首創嘅脆皮鮑魚！鮑魚隻隻都大粒厚肉🙌🏻炸完唔會覺得好油膩 反而係香脆炸皮配煙韌嘅鮑魚肉都幾有新鮮感😙嚟到三聖邨嘅海鮮大排檔就一定要嗌返份海鮮啦！今次想冇咁熱氣就揀咗薑蔥炒蟹🦀份量多而且非常入味 性價比好高～諗唔到點樣形容菠蘿🍍咕嚕肉 但就係好好食！菠蘿另外有額外燒過 食落非常香甜😛Revisit: yes✔️✔️

身為由細到大住喺屯門嘅資深屯門牛其實從未試過去三聖食海鮮；嗰日市區朋友突然興起想過嚟屯門三聖食海鮮先終於有機會朝聖由於嗰日平日放工時間倉猝所以放棄自己揀海鮮買料加工直接搵餐廳點菜；棠記海鮮小廚位於三聖邨豐漁樓地下好近海旁芝士脆皮龍蝦芝士外層金黃香脆咬落鹹香拉絲加上龍蝦本身肉質足夠彈嫩超正豉椒炒蜆蜆肉鮮甜而且乾淨無沙加埋豉椒快炒鑊氣十足夠哂惹味菠蘿咕嚕肉咕嚕肉嘅脆漿唔會太厚同時肉質鬆化而且選用新鮮菠蘿稍微經過火炙配搭醬汁酸甜醒胃

有晚，老公話不如食小炒又想食海鮮咁就同左我去屯門三聖村度食海鮮🦞入到去見到有好多檔口的俾人買海鮮，然後就擰去附近D菜館度加工🤩我地係一檔度買左D虎蝦同埋鮑魚🥳都只係諗住過下口癮。。。。買完之後去左一間叫做棠記既小廚度俾佢地再加工👍🏻點解會去呢間？因為老公知道佢地個招牌菜好出色。。。😎而呢個招牌菜本身亦係我平時唔太有興趣既鮑魚🤫但老公都係海鮮檔照買左，完全冇理過我食唔食😢因為佢好有信心咁話喎。。。入到去坐低左，咁除左買海鮮俾佢地加工之外仲叫左2款小菜，滿足晒老公2個願望啦😋講返先。。佢地既加工費都只係$75，$100蚊都唔洗呀😳小菜呢，我地就叫左菠蘿咕嚕肉，什菌上湯莧菜😋至於海鮮🤩🥳🤩🥳🤩🥳真係真係真心推介。。。。一個字正呀👍🏻👍🏻👍🏻因為海鮮點樣整，我地就交由餐廳發辦。。虎蝦我冇估錯就係豉油炒大蝦🍤非常好味，外皮炒到好脆口架但裡面又好JUICY同好彈牙👍🏻另一樣老公講到好勁好出色既招牌菜就係脆皮鮑魚本身我都冇乜期望，平常心，望落個樣正常OK啦。。。點知。。入口果下😳真係癲覆左我對鮑魚既感受因為由我懂得食鮑魚開始，食親唔係好乾身就係咬擦膠😔所以搞到我個人都唔太喜歡食鮑魚🤔但佢地整出黎既鮑

當肥妹仔聽到有人請食飯就提早收工塔車入去屯門搵野食，入到屯門搵到三聖入面依間餐廳餐廳位於屋村大廈地鋪有啲舊式大派檔感覺，但係落雨濕濕加上天氣有啲熱，所以我地堅持要坐室內一坐低就俾隔離枱嘅菠蘿咕嚕肉🍍吸引到，所以我地都叫左一碟，香甜菠蘿配埋有咬口嘅咕嚕肉有口感得嚟味道都唔錯😊另外又叫左芝士脆皮龍蝦🦞我地兩份分一人半隻岩岩好，果一層芝士脆皮仲可以保存到龍蝦肉嘅水份，龍蝦肉都鮮甜彈牙椒鹽鮑魚就冇得一人半隻啦🤣成隻鮑魚拎去炸，食落唔會成口油之餘仲幾酥脆彈牙，而且熟度岩岩好椒絲腐乳通菜係味道咸左啲，要加埋個缽仔白飯先岩岩好👍🏻

屯馬開通真的很興奮～～肥仔難得早收工就塔屯馬線入去屯門搵野食，聽人講三聖食海鮮唔差，入到嚟搵到依間餐廳環境一般，夏天來臨加上落雨濕濕，所以我地堅持要坐室內一坐低就叫左菠蘿咕嚕肉🍍有新鮮香甜菠蘿配搭，咕嚕肉有咬口得嚟味道都唔錯😊芝士脆皮龍蝦🦞一隻龍蝦夠我地兩份分一人半隻，上面有一層芝士脆皮可以包存到水份，龍蝦肉都鮮甜一人一隻椒鹽鮑魚.成隻鮑魚拎去炸，食落外皮酥脆唔會成口油，而且熟度岩岩好椒絲腐乳通菜味道雖然有啲咸，加埋個缽仔白飯就岩岩好

去過三聖好多間唔同嘅海鮮呢間可以話係數一數二 喺出面買晒海鮮拎入去加工 簡單方便快捷 正到暈！豉油皇大蝦 外表金黃色 大大隻 蝦夠新鮮彈彈牙薑蔥炒羔蟹 大量嘅薑蔥爆香羔蟹 美味非常菠蘿咕嚕肉 做法好特別 菠蘿一粒粒 加埋咕嚕肉 入口夠脆香避風塘賴尿蝦 有我手掌咁大嘅皮皮蝦 非常香口 紫白色的肉同殼非常分明 證明賴尿蝦好新鮮 仲可以嗌多幾個小菜，由於食得太多海鮮都想食返啲健康嘢，金銀蛋莧菜就啱啱好，有助消化又有豐富維生素，啲菜好新鮮又夠甜。嗌多咗支天地1號飲，有利消化，獨樂樂不如眾樂樂，一齊飲先至夠嘆！

去三聖一定要食海鮮！同朋友 520 三五成群一齊去到屯門食海鮮朋友推介棠記 貪呢度夠人情味又夠風味買晒海鮮叫佢哋廚房加工 就坐喺度等食 非常方便！由於今日人太多 海鮮都等咗一段時間不過坐喺店外面格外有另一番風味😂先嚟係蟶子煎米粉有大大隻蟶子 加埋豉椒同三色椒青椒紅椒黃朝色彩鮮明繽紛 廚房又唔會落得太多芡汁遮蓋蟶子嘅鮮味 加埋煎米粉一齊食 都係第一次 效果一流 各樣嘅海鮮加埋仲可以用來送飯 除咗海鮮呢度嘅滷水鵝原來都唔錯啖啖肉 肉夠嫩滑 醃得唔錯 酥炸鮑魚 鮑魚大大隻 可以做鋸扒 五個朋友 每人一隻啱啱 好食落去佢唔會太熱氣陳皮蒸鮑魚 除咗酥炸仲可以加陳皮蒸 咬落去唔會太硬 入口味道 岩岩好！

🔸豉油王大蝦 一上菜就聞到超！級！香！啲蝦超級大隻，而且好新鮮彈牙！輕輕走過油所以蝦壳炸得好脆，輕輕一mit蝦肉已經離壳，豉油王超級入味同惹味，好食！🔸酥炸鮑魚 鮑魚一樣都係好大隻，炸粉好薄所以外皮炸得好酥脆，裏面肉質超級爽口彈牙～加上少少孜然粉，好有風味！🔸菠蘿咕嚕肉 $138聽講呢個係招牌菜嚟，嚟到食海鮮之餘都一定要試吓！每一舊咕嚕肉外脆內軟而且啖啖肉隔離一排燒過嘅菠蘿超級甜！同呢到嘅海鮮一樣好有水準～🔸腐乳炒通菜 $88份量好大，而且腐乳調味啱啱好食咗咁多肉類要食番多啲菜中和下！缽仔蒸飯 $12呢度嘅靚仔幾特別係一碗碗用撥缽蒸嘅～所以啲飯嘅口感零瀉一粒粒係我哋鍾意嘅偏硬嘅口感！整體來講呢間海鮮小廚真係好有驚喜，去開三聖食海鮮絕對要試吓呢間！

屯門三聖邨食海鮮首選夜晚過嚟食海鮮超多人呀大概排咗半個鐘隊可以自己買海鮮過嚟呢度加工，$75斤豉油皇大蝦超大隻嘅蝦肉彈牙又爽口，啲豉油入晒味超新鮮！菠蘿咕嚕肉伴碟新鮮嘅燒菠蘿，再食埋啖啖肉嘅咕嚕肉，外皮剛剛好脆卜卜甜甜酸酸味超開胃！金銀蛋菠菜苗有皮蛋碎，鹹蛋碎，重有啲炸蒜 浸晒落啲雞湯到好鮮甜～椒鹽酥炸鮑魚第一次食咁嘅食法，真係好特別！椒鹽味好重，外脆內爽口，外層都唔會炸得太厚！鮑魚夠晒新鮮彈牙不過反而鮑魚味就少咗！棠記海鮮小廚 (屯門)屯門三聖村豐漁樓地下10-11號

山長水遠入到嚟三聖村，就係因為上次朋友介紹我要入去棠記食海鮮，佢哋啲海鮮新鮮大件又抵食。超多人嚟食海鮮，去到時已滿座，仲要等位必食推介 [ 菠蘿咕嚕肉 ] 面頭燒一燒厚厚新鮮菠蘿，表面焦香，味道酸甜好味，夠哂開胃，咕嚕肉粒醬唔太厚，食落口感香脆，肉質嫩滑，肥瘦適中，個汁用嚟撈飯就最正再嚟就係 [ 脆皮鮑魚 ] 兩隻大大隻鮑魚，外層脆卜卜，鮑魚咬落去啖啖肉，肉質嫩滑彈牙，仲好厚肉，鮮甜好味 呢種煮法好特別，連朋友都話好少見到 [ 芝士脆皮龍蝦 ] 面頭個層用咗炸醬芝士，咸咸香香，食落夠香脆；好大隻嘅龍蝦，肉質鮮甜，咬落爽口彈牙，食到LamLam脷除咗食海鮮，當然要叫番碟菜先夠喉，叫咗碟 [ 腐乳炒通菜 ] 用腐乳炒通菜特別惹味，通菜炒得爽口，份量仲好多食海鮮就要配番罐涼透心嘅 [ 汽水 ] 可樂及忌廉 (題外話：應該叫雪碧🤭叫錯咗添)棠記海鮮小廚屯門三聖村豐漁樓地下10-11號

屯門三聖食海鮮當然出名，屋企樓下就係海邊，海鮮就係又鮮又抵食今次食棠記，閒日都有唔少人，大枱點定啲海鮮餐，望到都吸引餐牌主打海鮮、鹹鵝、鑊氣小炒，亦可帶料加工，即刻試試椒鹽酥炸鮑魚，第一次食炸鮑魚，上枱賣相好大隻下，連殼既，唔油而幾香一咬落去非常腍滑，香口，真係做到酥脆面頭椒鹽味夠，而唔會太濃蓋曬鮑魚味，口感好特別幾好味既驚喜，大大隻幾滿足菠蘿咕嚕肉，賣相好靚真係大大舊菠蘿係度，忍唔住食個菠蘿先，好鮮甜下，唔係糖水味，燒過下更香更正好開胃，咕嚕肉細細粒，味道好唔錯，醬汁又濃又滋味相當高質既菠蘿咕嚕肉上湯龍蝦伊麵，上菜時有啲震撼，好大隻龍蝦🦞兩個人食唔使斬件一人半隻，又大又多肉，起咗成舊出嚟，香到係時候大啖享受下，真係啖啖肉，肉質好彈，好鮮好濃龍蝦味上湯唔算好濃，完全食到龍蝦既味道，龍蝦除咗好肉，仲有龍蝦膏，夾埋啲伊麵落去吸下啲龍蝦汁再食，又香又好味分量仲好多清炒白菜仔，幼嫩夠鑊氣，大大碟整體來講海鮮真心正三聖名物就係正，一食就知鮮，份量大，味道好一定要多啲人黎食，大大碟咁先食到多啲野小炒都有心思有驚喜，值得一試#再食一定試鹹鵝海南雞#性價比隨時高過去離島食海鮮

今晚約咗個朋友仔黎三聖食好野😎由佢發板買左啲海鮮拎過黎加工，唔駛我操心😆 另外仲係餐廳叫咗個小菜同兩個飯～❤️薑蔥炒蟹店家用上大量薑蔥，非常香口👍蟹肉鮮甜，調味適中😋❤️豉椒炒蜆勁有鑊氣勁惹味！食落完全無沙，三色椒好爽口😁❤️菠蘿咕嚕肉 💰1️⃣3️⃣8️⃣實物同圖片一樣咁吸引！😍咕嚕肉份量非常多，新鮮炸起外層又薄又脆🤤肉質岩岩好唔會太肥膩又唔會太瘦搞到柴口，配埋開胃既咕嚕醬同又甜又多汁既燒菠蘿🍍，完美！💯❤️缽仔白飯 💰1️⃣2️⃣缽仔蒸零舍有風味，飯粒唔會過淋，粒粒分明👍加工費合理，小菜又有水準，服務都非常唔錯，會encore的🤭