棠記海鮮小廚

Open Now

Now Closed

今日去咗三聖既棠記食晚餐。我們兩個人點了菠蘿咕嚕肉及百花蜜安格斯牛仔粒，另外點了一人一隻炸鮑魚及兩位白飯。菠蘿咕嚕肉 - 有四份一個燒過吓既原隻菠蘿，特別清甜美味，配合肥瘦適中的咕嚕肉咕嚕肉及酸甜的醬汁，非常之惹味和好送飯。百花蜜安格斯牛仔粒 - 清甜的百花蜜與，鮮嫩的牛仔粒加上薯仔配合起來十分夾，能充分帶出牛仔粒的鮮味。而且烹調的時間得到好處，不會覺得太韌。薯仔亦完全吸收了的百花蜜的清甜味,而且份量不少，絕對是十分好送飯的一味菜式。炸鮑魚 - 炸鮑魚的粉漿厚薄適中，炸得剛剛好，絕不會感覺到好油膩的感覺，鮑魚咬下去亦一啲都唔會韌，鮮味十足。

聞名已久既屯門三聖邨海鲜市場😍今日終於有時間過特登揸車過嚟食海鮮真係好興奮🙆‍♀️附近有泊車錶位很方便👏當我地買完所有海鮮諗住去餐廳加工,朋友就係網上睇到棠記海鮮小廚🌟明碼實價寫住加工費每款每斤$75👍覺得比較抵食而且又安心最驚俾人呃🤣同埋個姐姐好Nice好有人情味下次會再嚟幫襯🙈豉油王大頭蝦🌟即買即整既海鮮已經好新鮮🙈加上用豉油王抄得非常之惹味,火候控制得好好蝦肉爽口彈牙,而且不會太鹹恰到好處真係好出色👍孜然鮑魚🌟外皮炸到外脆內軟口感非常好👍孜然味道令人好銷魂🤣實在整得太好食下次一定要買多幾隻唔夠喉😩花甲煮粉絲🌟花甲肉質飽滿大隻鮮甜無比,有淡淡既海水味!醬汁好重胡椒味好適合我口味,粉絲吸晒啲湯好正😋食完海鮮順便食個菜清吓腸胃👍

屯門近海，三聖村更是有名的海鮮天堂。新鮮又大隻，真係非一般街市可以媲美。係度買完再拎去附近餐廳加工！明碼實價加工費$75斤唔識揀海鮮都唔緊要，去到請老闆發辦，讓專業的來。豉椒炒蜆粒粒肥美鮮甜，重要無沙，食蜆最怕咬到沙，好冇癮㗎嘛。薑蔥炒蟹姨姨話呢隻叫紅蟹，真心甜，連炒個薑蔥配菜都好好味，大排檔火候夠真係冇得輸。避風塘賴尿蝦一上菜我哋都嘩咗一聲「點解可以咁大隻」。淨係炸蒜都可以撈一碗飯！肉厚，滿滿的膏，唔識形容睇圖啦。姨姨都好老實講食海鮮最緊要食新鮮，你喺街市買到返屋企都唔新鮮啦。所以有時寧願去舖頭食，方便企理唔使自己搞！

今日嚟到屯門，當然要去位於屯門站的三聖邨試下食海鮮啦。今次我嘅選擇係位於豐漁樓地下嘅棠記海鮮小廚。 豉油皇大蝦 🍤（6隻）蝦肉非常新鮮，爽口彈牙。 外殼炸到超脆，唔怕蝦殼硬的朋友，可以連殼咬碎來食。 蝦肉浸透豉油味入，又大隻，超惹味無得頂。掛住玩手機，轉眼間成碟蝦比貪吃的媽媽食晒，我都唔夠佢搶。 豉椒炒蜆蜆肉非常新鮮， 完全沒有沙。 再加埋豉椒、洋蔥、青椒、紅椒一齊炒，更加惹味。 連蜆殼一齊食，口感無敵。薑蔥炒蟹蟹🦀️有濃濃嘅蟹味，肉質非常鮮嫩、新鮮。 仲有海水味。 再配搭新鮮的長蔥香味，簡直Perfect match。 如果各位有海鮮帶嚟，店內亦可以即場收加工費幫你加工。 食完海鮮，行出三聖邨海邊散散步，人生一大樂事也！

家住屯門，三聖出名海鮮街🦀🦐🦞🐟早幾日趁媽咪生日，近近地一於帶佢去嘆過輕食海鮮餐做lunch。#三椒豉椒炒花甲最怕食蜆食到成口沙，隻隻都脹卜卜，食晒成碟都無沙又鮮甜厚肉，連配菜紅黃青椒都炒得非常爽口。夠鑊氣🔥👍#豉油皇大頭蝦蝦肉爽口彈牙，個頭勁多膏，太好食拆完殼已經忍唔住放入口，唔記得影相😅#果皮蒸鮑魚肉嫰鮮甜，大大隻好厚肉，蒸得岩岩好。一啲都唔韌😋😋呢度加工費每款每斤$75，價錢都幾合理。呢度除左海鮮都幾多野食，不仿帶朋友去擦番餐

想食新鮮又大件又多肉嘅海鮮，我嘅首選係屯門三聖邨嘅棠記，每年都入泥食兩三次架😎😎因為自己買材料比佢地整比我地食，最緊要係又新鮮又惹味，而且加工費仲明碼實價，每款都係75蚊一斤😁係咪正呢🤩今次我同愛人揀咗三樣海鮮，都係由主厨自己發板煮比我地食😋😋對佢地勁有信心呀！❤❤豉汁花甲炒出泥勁夠鑊氣，微微辣嘅豉椒汁再配上三色椒一齊炒，超級開胃又香口，而且每隻花甲都大大隻同d肉脹卜卜好新鮮好Juicy，真係一試難忘呀😍😍上湯龍蝦嘩! 睇見真係流晒口水呀！好大隻足足有兩隻龍蝦配埋上湯汁，簡直係好清新惹味嘅味道呀，最最最最重要係龍婽膏特別多，好鮮味嘅蝦膏Woo食到啜啜聲。。哎呀😅😅真係冇晒儀態啦😅😅冇辨法啦真係好好味吖。。。龍蝦除咗d膏又多又惹味外👍d肉真係好彈牙同好清甜😍入味到不得了💯，每一件龍蝦都啖啖肉好滋味👍👍連龍蝦殼都超入味😍勁呀！避風塘瀨尿蝦大過我手掌嘅瀨尿蝦Woo真係第一次見呀😁用避風塘醬料炒出泥真係勁香口同超级惹味👍唔只咁呀😁瀨尿蝦外殼炸到好酥脆，而且裡面肉質好鮮嫩爽脆，而且仲超級彈牙添呀😍記住食嘅時候要連埋d辣辣地嘅避風塘醬料一齊食，個種層次感勁滿足呀💯💯仲有呀我第一次食瀨尿蝦，個殼係可

天氣好，趁仲未係熱到抖唔到氣既時候，同阿媽去三聖吹下海風，影下靚相，行下海濱長廊，逛下海鮮街，見到一艘艘的艇擺賣漁獲，對比起逛商場和超級巿場，感覺很舒服。行到攰就揀了一間海鮮小廚，食番個輕量海鮮餐。油鹽水粉絲煮花甲 – 花甲好大隻又厚肉，味道十分鮮甜。粉絲索哂花甲既汁，十分惹味，好好食。薑蒽炒蟹 – 一上枱已經聞到超香，蒜香味撲鼻，勁有鑊氣，十分吸引。隻蟹肉質很鮮，啖啖肉，廚師已經幫我哋扑開部份蟹殼，所以好容易食，真係食到津津有味。果皮蒸鮑魚 – 鮮甜，有口感，爽口彈牙，烹調時間和調味都剛剛好。蒜蓉炒菜心 – 簡單煮法，正。

就算唔係屯門人嘅大家，一聽到屯門三聖呢個名就知道食海鮮係最出名，但作為屯門牛嘅小編，踩單車去三聖就去得多，食海鮮又真係未試過，今次終於有機會可以試吓🤤或者可以去附近嘅海鮮檔，買海鮮去舖頭加工🙊上湯龍蝦（🌟98.99/100）一嚟到外觀簡直可以媲美酒樓，原隻龍蝦上碟， 上湯汁做底，龍蝦勁新鮮，肉質結實爽彈，而且縮到啱啱好，無論蝦頭定蝦味都勁多肉👍🏻豉汁炒蜆（🌟93.66/100）一嚟到香氣撲鼻，大大粒嘅蜆肉配合豉椒汁，簡直係絕配，而且好有鑊氣，食到最後一粒都冇沙，直得一讚👍🏻但食到後面有啲咸，如果有飯送飯一流🤤薑蔥炒蟹（🌟95.38/100）店家好貼心，已經扑好殼💖唔使食嘅時候咁麻煩，花蟹不但肉多，仲有好多膏，肉質好結實，而且每食一啖都食到嘢薑蔥芡汁嘅香氣和蟹肉嘅鮮甜避風塘賴尿蝦（🌟96.99/100）店主用咗好多嘅炸蒜和少少辣椒炒已經拉咗油嘅賴尿蝦，香味俱全，而且勁吸睛，賴尿蝦大大隻，肉質好新鮮原條仲有膏添，好惹味

今日三點幾係屯門行完山，攰攰地想食個tea補充下體力，咁岩醒起三聖邨出名食海鮮，我地就去到三聖既海鮮檔買左少少海鮮係附近加工，呢間餐廳既加工費係每款每斤$75，價錢都幾公道，我地決定由廚師發辦點煮，結果都幾岩我地既口味。豉椒炒蜆蜆處理得好好，完全無沙，豉椒醬汁非常惹味，炒得好夠鍋氣，蜆肉非常鮮嫩。避風塘炒瀨尿蝦避風塘配料好足，瀨尿蝦炸得好香脆 ，火喉控制得好好，蝦肉夠曬juicy，辣味浸曬入蝦肉到，辣辣地越食越開胃。芝士脆皮焗龍蝦一上枱已經香氣撲鼻，入口脆卜卜啖啖芝士味，龍蝦肉爽口彈牙，食完好想再encore。

去到三聖見到咁多新鮮又平靚正既海鮮更係唔好執輸，食埋個海鮮餐先出返市區啦🤤今日試左棠記小廚，上網睇左街坊話呢到鑊氣夠收費合理 ，係青山灣散完步就即刻走去食個海鮮午餐😋仲要加埋支大啤嘆下🍺上湯花龍唔好膠佢細細隻龍蝦🦞，原來入面勁多肉而且鮮甜彈牙，用上湯煮試到佢原汁原味 ，師傅調味火候剛好👍豉汁炒蜆🥢呢味餸每次出街一定叫，因為屋企一定炒唔到出面的鑊氣，但好怕食到有沙同過火的蜆。今次呢個控制得岩岩好仲保留到蜆入面既汁隻隻都脹卜卜又無沙果皮蒸大連鮑同媽媽每人叫左一隻大size 果皮蒸鮮甜肉嫩 ，時間調味都一流蒜蓉白菜仔🥬因為天天BB每餐一定要食菜，所以叫左碟炒菜，以為係出面食一定份量少，但估唔到呢到咁大碟俾足料，食菜都食飽啦🤣招牌菠蘿咕嚕肉呢個餸見到幾枱客都有叫，買相又勁吸引。所以就叫埋，同埋都係果句呢d鑊氣小炒屋企真係做唔到😌 咕嚕肉🐖一上枱已經好香，放入口皮夠薄又脆豬肉肥瘦均勻，甜酸醬濃淡適中，醬汁剛剛掛滿每件咕嚕肉。就算食到最後一件咕嚕肉都依然脆口，不得不佩服大廚既炸槳及火喉控制😋下次等我帶埋天天爸爸嚟一齊食🥳

棠記海鮮小廚地址：屯門三聖村豐漁樓地下10-11號上完網課出去食飯啦，今日行去三聖，食最岀名嘅海鮮🦞沿岸而食，不時不食，最新鮮👍🏻👍🏻👍🏻自己買海鮮🦞去加工，師傅嘅功力真係好夠，廚房整出嚟嘅超好食😋聞到都食慾大增，賣相超靚，色香味俱全。🔆上湯龍蝦伊麵🔆上湯超好味😋個濃度剛剛好，上枱見到切開嘅龍蝦🦞即時嘩嘩聲 😯😯😯擺盤擺得好好👍🏻龍蝦處理得好好，容易剝離，上湯嘅汁好入味，龍蝦嘅肉彈牙爽口海鮮味濃，食完就覺得今日充滿力量行好運👍🏻🔆香蔥蒜爆炒花蟹🔆一上枱就有超香嘅蒜香味，已經好吸引，睇蟹鉗好大隻，肉質鮮嫩，入口甘甜，配合香蔥嘅爆炒，充滿鑊氣，大滿足，幸福感滿滿。🔆菠蘿酥炸咕嚕肉🔆 $138刀工一流，擺盤好靚有心思，菠蘿切到一粒粒，上面有炭燒嘅造型，酸酸甜甜識落超醒胃。咕嚕肉外脆內軟，食落去係甘香嘅味道，外面嘅咕嚕醬汁甜甜，有酥化嘅口感，成個層次好高，實在太好味😋一啖一舊，食唔停呀！食到我同爸爸勁Happy🥳🥳🥳

自從冇晚市之後已經好耐冇食海鮮🐟🦐🦀啦，朋友住三聖附近帶我去呢間棠記食海鮮，佢推介呢間小廚因為鍾意佢嘅大排檔風味夠地道，海鮮加工每斤每款收費為$75，可以去三聖自購海鮮過嚟加工。我地試咗豉油皇同上湯伊麵兩款口味都有水準，醬汁恰到好處保留海鮮原汁原味，火候適中保持蝦肉嫰滑彈牙口感。朋友仲話呢度嘅咕嚕肉係必食，有火焰菠蘿🍍伴碟賣相果然好靚仔，肉質肥瘦適中外脆內嫰好惹味，相信其他小炒質素都唔錯。💡呢間地道大排檔風味嘅海鮮小廚啱晒啲鍾意casual食吓海鮮嘅朋友💁🏻‍♀️

🇭🇰屯門-棠記海鮮小廚成日聽人講去三聖要食海鮮👽但我一直以嚟淨係去過燒嘢食🤣今次終於去食下海鮮啦 食完海鮮仲可以行下 外面仲有好多新鮮嘅海鮮賣 有啲漁民總會喺船上面叫賣 好有feel 仲可以買完拎去餐廳度加工～不過最緊要就係要識講價買海鮮😆⍗ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈⍗溫馨提示：海鮮加工費每款每斤$75～～價錢都算合理👍🏻所以大家可以喺出面啲海鮮檔度買完再比佢哋加工🥳🤘🏻⍗ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ⍗🎏地址：棠記海鮮小廚 (屯門)1.屯門三聖村豐漁樓地下10-11號

咁好嘅天氣 去咗三聖村青山灣海濱長廊散下步 吹下海風 睇下海景🌊🛳🛟⚓️行到攰攰地 想搵野食 梗係唔少得去食海鮮啦🦞🦀🐠薑蔥炒龍蝦🦞原隻龍蝦擺盤 單睇賣相已經夠晒吸引龍蝦啖啖肉夠彈牙 仲要頭同尾都可以食到肉㗎薑蔥嘅香味融入龍蝦肉 醬汁掛係肉同龍蝦殼上 令你食到連龍蝦殼都會吮到乾乾淨淨😋果皮蒸鮑魚🍴鮑魚蒸得啱啱好夠新鮮 每啖都可以食到果皮嘅味道而且肉質彈牙爽口 正😋油鹽水粉絲煮蜆🥢簡單既調味已經可以帶出蜆肉既鮮甜 下面啲粉絲索哂蜆啲湯汁 好好味😋棠記海鮮小廚📍屯門三聖村豐漁樓地下10-11號#棠記海鮮小廚 #海鮮 #龍蝦 #鮑魚 #三聖 #中菜#屯門海鮮 #屯門 #屯門美食 #相機食先 #hkig #Tuenmun #seafood #foodblog #hkfoodie #foodie #foodieblogger #foodiehk #hongkongfood #hkfood #foodstagram

最近天氣好好,所以去黃金海岸附近行下~去到屯門咁遠,當然要順便去三聖食個海鮮餐啦~呢間棠記海鮮小廚都幾大間,而且拎海鮮嚟加工明碼實價,唔怕糊里糊塗唔知要俾幾錢~上湯龍蝦個龍蝦肉好爽,而且個蒜蓉汁好香~本來諗住加個伊麵底撈埋啲汁,但侍應姨姨超好人,佢話另叫個干燒伊麵仲抵過你加個伊麵底呀!所以我哋就叫咗個干燒伊麵嚟撈埋啲汁,完全唔浪費,好味到lam lam脷~清蒸鮑魚只係簡單加少少陳皮喺上面蒸~鮑魚蒸到僅僅熟,唔會過老而變韌~豉椒炒蜆一上檯已經好吸引,因為非常香,而且有鑊氣!啲蜆仔沾滿咗豉椒嘅香味,連啲洋葱同紅椒都好甜好好食~只係整體稍為鹹少少,如果用嚟送飯就一流~原本諗住用嚟撈汁而已,但其實干燒伊麵本身都好好食~個伊麵好彈牙,而且唔似一般食到嘅一係太油一係太濕,味道剛剛好,唔撈汁食都夠味~食飽飽就一路沿海邊行去黃金海岸,沿路見到咖啡灣黃金泳灘啲水都好清,可能因為封晒無人去🙈希望夏天到之前可以開返俾人落水消消暑啦~