糖水檔1987

Open Now

Now Closed

最完美之約會當然係有糖水環節🍵呢間糖水鋪價錢親民有熟食亦有糖水 食個甜品開心下先🧡•白雪女皇 凍成碗白雪雪以腐竹桃膠糖水做底 腐竹夠爛可以融入整糖水非常好底部用燉蛋白 好滑溜仲好香好重蛋白 估唔到蛋白咁樣整係好有驚喜 連埋粒粒足料桃膠 甜度岩岩好滋潤滿瀉🧡•灰姑娘 熱成碗黑媽媽以生磨芝麻糊做糖水底 濃濃黑芝麻配鮮奶燉蛋白 蛋白又係做得好出色 又香又滑 甜度剛剛好 讚•吉列炸流心湯圓以麵包糠炸起金黃色流心湯丸索索聲既脆皮加埋依然流心既湯丸又一驚喜之作🫶🏻•XO 醬炒燒賣醬料佢地自家調配以秘製XO潮州醬加辣椒醬 連埋芽菜做配搭 芽菜都好爽身 連埋炒燒賣食落非常惹味總括黎講 我就喜歡佢地甜食 有驚喜同高質 以後食糖水又多個選擇了♥️

佐敦，那種舊區老店的人情味和風味，是其他地方取代不到的。小時候我曾經住在佐敦，作為舊街坊的我現在依然喜歡在佐敦尖沙咀一帶活動，少不了到糖水檔重拾一下懷舊的情懷。糖水檔第一代為車仔檔，到了第二代於1987年入舖，今年2022年由第三代的年輕情侶接手。新一代掌舵，老店外貌依舊。傳統保存，加入創新。煲靚糖水，煮好食物，服務街坊的原則和宗旨從沒改變過。邊吃邊聽到店家在討論何時要入貨，準備炒芝麻等等。店舖17:30 至01:00，年輕人以自己的黃金時間成就了街坊的宵夜聚腳地。鹽燒牛舌世間上最難抵抗既誘惑不是美人，而是烤肉香。牛舌香氣陣陣，所以我都謹記阿媽教誨 “趁熱食呀”，一下食完。即叫即炒 xo醬炒蘿蔔糕 蘿蔔糕經煎封後外層微脆內軟，以xo醬炒微辣惹味。今個星期天氣轉冷，一碟十多塊的蘿蔔糕，熱辣辣，正好是暖胃的美食。推介！自家制洛神花茶酸酸甜甜，生津解膩。洛神花還有抗氧化，抗發炎，降膽固醇和血脂等功效，是非一般的花茶。賣洛神花茶的店不多，每逢見到我都必點。黑糖薑汁配紅棗杞子桃膠秋冬要滋潤，最好來一碗糖水；有紅棗杞子桃膠，美顏養生健康。店鋪企理乾淨，放有清毒搓手液，以QR code落單。店家更會

#佐敦美食 #老字號糖水檔我好鍾意食糖水，上網見到呢間糖水老店已經有35年歷史，佢地嘅懷舊糖水和小食都好吸引，搭屯馬線柯士甸站Ａ出口過一條馬路就到，或者佐敦站行過來都近，非常方便！我點了：XO醬炒燒賣 $32，平時食XO醬炒蘿蔔糕多，炒燒賣還是第一次吃！燒賣炸到卜卜脆加埋XO醬原來咁好味！另外芽菜墊底，芽菜很清脆爽甜。椰汁桃膠西米燉蛋白(凍) $49，我好鍾意呢個糖水呀！一次過食到椰汁、桃膠、西米、燉蛋白，滿足哂所有願望！桃膠煮到剛剛好，夠淋又唔會爛，老闆話佢地前一晚已浸桃膠，而且每個鐘換水一次，保持質素；燉蛋白好香滑，又有大量椰汁和西米混合一同吃，多重口感，啱哂乜都想食嘅為食友～！～大家要好好支持小店啊！

佐敦行街到晚飯時間，唔算肚餓但又口痕，諗起朋友曾經提過呢間小店，所以就嚟試下😛🥄鴨腎菜乾豬骨粥（＄31星期六限定）粥底綿密，食落好有家的感覺，裏面有菜乾、燒豬骨、鴨腎及淡菜，非常足料，燒豬骨濃香，淡菜及鴨腎鹹鮮，加埋菜乾清香，真材實料冇味精，成碗粥都非常香濃綿密🐮👅鹽燒牛舌（＄32 四片）牛舌拖羅位非常軟腍，但又不失有咬口感，簡單用黑椒粒及粉紅岩鹽調味，味道已經足夠好食，而且煎得香口又唔乾柴🍨白馬王子（＄56熱腐竹桃膠雪耳糖水配燉蛋白）非常足料，甜度剛好，燉蛋白非常滑溜，腐竹又煲到溶曬，所以糖水豆味香濃，再加上桃膠及雪耳養顏潤膚，食多碗都無問題😋🍨灰女王（＄45熱枸杞生磨芝麻糊配燉蛋白）黑白配顏色好吸引，滑溜燉蛋白配合香濃養顏芝麻糊非常合拍，加埋甘甘甜甜嘅明目杞子，捱夜煲劇絕無問題另外仲發現佢有好多不同款式嘅小食及糖水，賣定外賣等睇世界盃，宵夜醫肚，諗起都想食😋魚堅總評性價比 4👍(以5👍為滿分)

以下又係一個充滿愛嘅故事❤️開業35年嘅傳統糖水檔 前老闆因腳患決定結束經營一個成長於八文樓嘅熟客仔 本著對呢區嘅情意結為咗保留老店 毅然決定接手打理希望以平民價錢 將傳統手法製成嘅美食帶比街坊除咗糖水之外 仲加入咗好多新元素******************************食物s: ✨椰汁香芋芋圓仙草撈 ($43)材料非常豐富嘅甜品 特別推介比芋頭控❣️一碗有齊多種配料 啱晒心大心細嘅朋友仔芋頭有3舊大大舊 食落好夠粉 有芋香味💕芋圓同地瓜圓好煙韌 食落冇粉質 椰汁香甜 仲有埋仙草添 整體配搭得非常夾 甜甜哋好sweet😜✨白雪公主(熱) ($39)一打開見到真係又白又滑 冇改錯名呀其實即係腐竹糖水加燉蛋白燉蛋白入口滑捋捋 口感極佳😋奶香味十足 配埋腐竹絲一齊食係一道暖笠笠嘅秋日滋補甜品❣️✨XO醬炒蘿蔔糕 ($36) 小店嘅招牌菜式 即叫即炒 夠晒熱蘿蔔糕唔會有好多粉 仲好香口用上秘製XO醬一齊炒 入口有辣勁 超惹味👅XO 醬入面有好多蝦米乾 配埋芽菜一齊炒 真係正到不行呀 忍唔到撈晒啲汁為食羊大推呢味呀 必點❣️✨黃金炸豆腐 ($22)一口size嘅炸豆腐 細細粒好啱過下口癮

經過看到很多人排隊叫外賣看一看招牌叫糖水檔，但排隊的客人都點XＯ醬羅蔔糕原來這間有炸物，小炒和麵類大約10分鐘就安排到位置-XＯ醬羅蔔糕: 重XO醬，很夠鍋氣，配上芽菜，一流！難怪是招牌菜-豬皮羅蔔魚蛋: 魚蛋汁是微辣中帶甜，羅蔔夠入味！-鹽燒牛舌: 有牛味，厚度適中，口感很好-鴨腎菜乾豬骨粥: 是星期6限定，所以點了，足料又夠火喉，大約１０時就售罄，想點的朋友要提早去-煙燻鴨胸: 十分香煙燻味，充滿了鴨油，太邪惡了-白雪公主加芋圓: 腐竹同燉蛋白很滑，這個配搭很好，不是太甜，另外芋圓口感煙韌-桃膠木瓜雪耳: 很香的木瓜味，十分清甜，又是低糖，雪耳起膠，這個價錢，性價比十分高總結: 這家糖水主打低糖，喜歡甜的未必合適，但是他們的熟食很好，有很多不同菜色，而且營業時間到凌晨３點，宵夜必去，下次會再來

#pb食在佐敦 佐敦宵夜聚腳地😋✨文末有優惠✨今次想介紹呢個係佐敦嘅宵夜好地方😍 佢前身係開業左35年嘅糖水檔 但係因為老闆腳患 所以經營唔到🥲 依家由店主兩人接手 將傳統老店加入創新元素 而且價錢合理 希望打造一個宵夜聚腳地👍🏻 店內唔大 大約只有5張枱 裝修保留傳統糖水店風格🤪.食物由熟食到糖水都有 幾多選擇👍🏻 熟食例如有腸粉、XO醬小炒、炸物等星期六仲有限定嘅鴨菜乾豬骨粥😋 價錢$12-$35不等 好抵食😍 糖水當然有好多傳統糖水 例如綠豆沙、西米露、楊枝甘露等 價錢都係$26-$45不等🥰🔹白雪公主👸🏻🔹白雪女皇👑呢個白雪系列其實係腐竹糖水配鮮奶燉蛋白😋 「女皇」係加多左桃膠 佢仲有一款「王子」有桃膠、雪耳🤪 腐竹糖水味道幾香 鮮奶燉蛋白夠滑😍 同埋味道唔會太甜 幾好🥰🔹炸雙色小芋圓🍡明明係雙色 唔知點解最後有三色小芋圓🤪 炸小芋圓好有台灣風味 一共有16粒小芋圓 咬落好煙韌😋 佢仲配埋煉奶食 少少甜 做小食唔錯😍 $28幾抵食👍🏻🔹鹽燒牛舌🐮有4大塊牛舌 口感唔會太乾身😋 可惜凍左少少🥲.

之前曾經在這個店舖位置買過外賣糖水，現在來到感覺煥然一新，不但堂食位置多了，食物款式也多樣化了，而門面亦經裝潢過。原來是一個新故事呢📖！現時糖水店由一對年輕情侶👫接手，保留傳統，並加入創新，延續有35年歴史的老店。而店舖除了糖水外，還有小食、炸物🍤和麵食🍜等售賣。非常適合做宵夜呢～♡鴨腎菜乾豬骨粥$31 ✨️星期六限定剛好我們去那天是星期六，可以點到～加上很少糖水店會有粥售賣，當然要嚐嚐！除了鴨腎菜乾豬骨外，想不到還有蠔豉在內，這個價錢當然不是大大隻的蠔豉，但味道更加豐富！感覺很夠火候🔥呢～♡白馬王子🤴 (凍/熱)$56 🥢必點🥢(腐竹桃膠雪耳糖水配燉蛋白)很豐富啊！有腐竹、桃膠、雪耳和燉蛋白，吃下充滿口感。淡淡的腐竹味，配上可以美膚的桃膠、雪耳，還有滑溜的燉蛋白，感覺很滋潤養顏。而且不甜不漏，愛美的你一定要嚐嚐呢！♡椰汁香芋芋圓仙草西米撈(凍)$43同樣是不甜不漏，芋圓口感煙韌，除了椰汁和西米外，內裡還有芋頭粒，而仙草不是外面吃的只有淡淡仙草味道，還帶有微微的甘甜味呢～♡吉列炸流心湯圓(3粒)$25 🥢必點🥢很特別的食物～外皮炸得金黃香脆，外脆內軟，內裡是糯米包著香濃的芝麻流心，所以帶

💛好味指數:4.5/5💛💜回頭指數:4.5/5💜佐敦嘅一間老店，已經有35年歷史，糖水檔前身係車仔檔，為咗延續父親的心血，1987年轉型為糖水舖，2022年更由一對年輕情侶接手，延續三代人的心血☺️呢度可以話充滿住回憶📍為咗迎合新一代嘅大眾口味，目前主打平民價錢，除咗糖水連熟食都有😆✅白雪公主$39係腐竹糖水配鮮奶燉蛋白，成碗甜品白雪雪唔怪得叫白雪公主👸🏻燉蛋白好滑溜，配腐竹糖水好夾🤩✅楊枝甘露$33 係香港特色甜品之一🇭🇰用傳統嘅藍白碗裝住，材料有芒果、柚子、西米露，甜而不膩，夏天最正嘅甜品☺️✅桃膠木瓜燉雪耳$32 被稱為平民燕窩嘅桃膠配上木瓜和雪耳，滋潤養顏🤩女士可以食多啲 ✅XO醬炒腸粉$32叫咗個熟食，用xo醬炒的腸粉特別香🌶️連埋芽菜一齊炒，鑊氣十足😋🐻總結經過一定要支持吓，經營老店唔容易🌈推薦試吓桃膠木瓜燉雪耳😙

隨住越來越多連鎖餐廳進駐香港，唔少傳統小店都變得難以立足🙈位於佐敦文匯街嘅「糖水檔1987」，以一舖連結三代人嘅回憶💭現由兩位年輕老闆接手，加入新元素後，經典麵餐、特色小食同傳統糖水等一應俱全🥳價錢仲相當實惠，鍾意食宵夜嘅朋友絕不能錯過💓🔸蒜香安格斯牛柳粒（$35/7粒）牛柳為牛隻最嫩滑部位，入口柔軟多汁，油香滿溢，甘甜醇美又富有嚼感🐄用上蒜片快炒，更係風味十足💁🏻‍♀️🔸鹽燒牛舌（$32/4片）厚切牛舌爽口彈牙，肉味相當濃郁🥩以粉紅岩鹽同黑胡椒粒調味，食落份外惹味👏🏻🔸桃膠木瓜雪耳（$32/凍）桃膠口感爽滑煙韌，因有養顔美容功效而擁有平民燕窩之稱🎉配搭木瓜、雪耳兩款含豐富膳食纖維嘅食材，可滋陰潤肺、護膚補水之餘，更有助肌膚修復再生💥絕對係女士嘅恩物，難怪近年成為人氣甜品之一✅🔸楊枝甘露（$33/凍）由芒果、西柚同西米製成嘅經典港式甜品😻味道酸甜濃郁，口感清涼爽滑🫶🏻芒果同西柚富含維生素，西米可健脾、補肺、化痰，亦有治脾胃虛弱同消化不良嘅作用🙆🏻‍♀️受歡迎程度絕不遜色於桃膠木瓜雪耳

之前上網見到介紹佐敦有間糖水店，一對情侶見到老闆因腳患沒法經營，為了保留老店，於是毅然接手。 適逢同🐷去完西九文化區，特意走去支持下🫶🏻店內小小，除了傳統糖水外，年輕人還懂得搞搞新意思✨ 有多款特色小食及麵食，啱哂香港人鍾意食宵夜❣️💓椰汁芋圓仙草西米撈 $40有齊芋圓仙草，足料透心涼👍🏻💓桃膠木瓜雪耳 $32桃膠雪耳很足料，木瓜清甜滋潤。💓鹽燒牛舌 $32牛舌厚切大大片，爽口😋💓蒜香安格斯牛柳粒 $35牛柳粒用蒜片炒過，軟腍又有油脂香！見到情侶檔一齊為客人準備糖水，希望他們生意長做長有，繼續將35年歷史的糖水檔延續下去可以💖

今天的香港，不知道還有多少老店的存在，經得起時代的洗禮還需經得起經濟的考量。在佐敦內街的糖水檔1987，由車仔檔到入鋪，再由現在2位年輕的老闆接手，一間鋪連結了三代人的回憶，繼續在宵夜時段服務附近的街坊糖水檔除了有糖水外，還有熟食，這天特地前來咸食甜食都各點了2款外賣回家🥢 XO 醬炒蘿蔔糕（$32）色香味俱全，蘿蔔糕及炒芽菜香氣十足，都幾辣且食左蘿蔔的甜味 🥢 鹽燒牛舌（$32）厚薄適中夠爽口，簡單用鹽調味已能帶出牛味 🍡 擂沙湯丸（$24）每次見到擂沙湯丸都有種不能抗拒的感覺，軟糯的芝麻湯圓滾上黃豆粉，是傳統的滋味 🍧 椰汁桃膠西米燉蛋白（$38）桃膠及西米份量十足，奶味重，香滑養顏🥰

[ 糖水檔1987 ]睇番店舖介紹，原來前身係糖水車仔檔，已經開業35年。但因老闆腳患，沒法經營，為咗保留老店，現由年輕情侶接手，將老店承傳落去🫶🏻✿ 桃膠木瓜雪耳 $32用咗傳統嘅玻璃碗裝住呢碗糖水，隔住個碗都feel到嘅溫度，食完透心涼。而且木瓜雪耳好潤肺👍🏻✿ 鮮奶桃膠燉蛋白 $32 +雙色小芋圓 (5粒) $8鮮奶燉蛋白好順滑，食落鹹鹹地，再配埋桃膠好味又養顏🧏🏻‍♀️ 芋圓大大粒，口感係偏粉。✿ 灰姑娘 $39呢款個名好特別，面層喺生磨芝麻糊而底層喺鮮奶燉蛋白，漸層效果做得好靚，食落都幾香芝麻味。總結🫦老店傳統糖水加入日式小丸子/芋圓等配搭，主打平民價錢，一站式宵夜，由熟食到糖水任君選擇，啱哂夜晚想搵嘢食嘅你🙌🏻🙌🏻✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿糖水檔1987地址: 佐敦文匯街25號文景樓地下C號舖電話: 23882240✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿