糖水檔1987

Open Now

Now Closed

🥣鴨腎菜乾豬骨粥🌶️ XO醬炒蘿蔔糕🧀芝士撈麵🐓孜然雞翼🤍白雪女皇腐竹桃膠燉蛋白（熱）🤍白馬王子腐竹桃膠雪耳燉蛋白🌻熱杞子菊花茶先講印象最深刻嘅食物先鴨腎菜乾豬骨粥出面食個啲通常落咗好多味精但呢到真係飲得出真功夫係豬骨嘅清甜味 而且唔油粥嘅濃稠度恰到好處豬骨啲豬肉都仲食得食完係會感覺健康但有味道嘅粥😌😌😌🌶️XO 醬同出面個啲又有啲分別睇落好似唔夠多味？但其實已經好香 好夠濃都幾辣 有🌶️🌶️嘅辣度但就唔係行香濃瑤柱路線🧀芝士撈麵 都唔係食開個種韓國味另外仲落咗粟米整體唔heavy 好快Ko 個種❣️🐓雞翼先油炸過保持到雞皮嘅外脆 食落有肉汁但覺得孜然粉可以再落多少少咁就更加重口味😂😂😂🤍白雪女皇呢度嘅腐竹糖水唔知點解好似加咗檸檬食到檸檬嘅清香 腐竹真係煲得好綿滑幾乎唔使咀嚼就可以吞到意外咁發現佢加咗西米燉蛋白都幾滑 冇渣自己鍾意食桃膠係煙靭個種不過整體口感都幾豐富如果我個邊都有多啲小店就好去開呢到 一定要去食番個宵夜先走

呢間位於柯士甸站附近嘅小店，堅係禾稈冚珍珠👍🏻。樣子其貌不揚，但非常有內涵，每一款食物都有鑊氣又好味，勁有質素，好值得推介俾大家！👍🏻👍🏻佢前身係一間有啲歷史嘅糖水舖，舊老闆因為年紀大，一對情侶食客決定承傳老店。店主曾經喺日本餐廳做廚，加入左各種特色創新元素，希望為大眾帶嚟一個宵夜聚腳點😋。⭐️吉列一口豚入面嘅日本豚肉，肉質非常嫩滑，非常juicy，食得出唔係普通貨色！外面嘅粉，明顯係自己上蛋漿再上粉，炸皮好薄，即叫即炸，非常香口又新鮮！忍唔住要讚吓老闆👍🏻因為就算即炸外皮都唔油，瀝油做得好好！真好食！要encore！⭐️ XO醬炒蘿蔔糕佢哋嘅XO醬係自家秘製，落咗好多瑤柱，好惹味😋。用嚟炒蘿蔔糕，味道辣辣地，好過癮👍🏻忍唔住係咁夾😂⭐️灰姑娘灰姑娘即係芝麻糊加燉蛋白，超級香芝麻味，就算凍食，一上枱好已經好香。食落去雖然唔算係好杰身，但芝麻味十足，而且仲食到一啲磨到好幼細嘅芝麻，非常真材實料！⭐️擂沙湯丸細細粒嘅擂沙湯丸，入邊包住好濃郁嘅黑芝麻，出面灑滿黃豆粉，一上枱黃豆粉嘅香味已經飄埋嚟😋。入邊嘅黑芝麻真係好濃郁同香，一啖食落去，黑芝麻爆滿一口，得四粒真係完全唔夠喉🙈好想encore 呢個！

小妹覺得人越大，反而較喜歡食一d特別點既中式糖水😚但非常可惜既係中式糖水舖感覺越黎越少🥲呢晚去開柯士甸行街，突然口痕想食碗糖水🤤同老公行行下就比呢間有30年歷史既小店糖水檔1987吸印住😍門外見到呢間小店除了有糖水供應外，仲有炒麵、粥、小食，腸粉、雞翼尖、魚蛋、燒賣等等，款式好多；店內裝修帶點時興款式，感覺乾淨+衛生，就擇咗呢間食🤩🌶 招牌XO醬炒蘿蔔糕呢款蘿蔔糕既XO醬非常惹味，仲有好多配料，如蝦米仔🦐 芽菜等…而蘿蔔糕食落軟身口感，但唔會一夾就爛🤭 連配菜一齊食，味道更加昇華💓🍜芝士拌麵微微既辣帶點濃郁既芝士味道😚 惟小妹覺得份量少咗d🙈 但呢款芝士麵/泡菜麵都可以選擇套餐，有小食又有自家製花茶，性價相對提高，只係當日太飽…小妹冇叫到套餐，叫單點🐣🍨白馬王子呢款糖水非常足料，有腐竹、桃膠、雪耳、燉蛋白，味道好夾又好味😍小妹大愛🧡 最重要甜度合宜，唔會太甜，大推🧡吉列一口豚外皮熱辣辣，每啖都脆口，加上一咬開就會見到中間既豚肉粒好juicy😙雖然7粒細細粒，但少食多滋味🤗小妹覺得呢間係樸實經營既小店，除咗有糖水外，仲有多款香港口味既小食，而且以經濟實惠足料價錢🤩 環境亦相當唔錯，坐得舒

位於佐敦渡船角嘅糖水檔，位置比較偏僻，但都係附近街坊必去嘅聚腳點✨亦都係一間擁有36年歷史充滿人情味既糖水檔~主打懷舊港式糖水同小食。▪️ XO醬炒蘿蔔糕($36)🥢炒蘿蔔糕係必食! 亦都係呢度嘅招牌。XO醬好香，辣起黎又好惹味，最正就系有好多蝦米仔，連埋啲芽菜食，口感會更加豐富✨▪️燒香蒜汁牛粒($36)🐮大大粒一口牛，肉質嫩滑多汁，食既時候搭配炸蒜片，香味十足😋▪️椒鹽脆皮雞軟骨($34)🐤雞軟骨又香又酥脆，面粉唔會過多！係一份香口小食~▪️杞子菊花茶($19)清甜清香，唔會太甜~又可以清熱解毒，清肝明目。健康之選🤣▪️腐竹桃膠糖水配燉蛋白($49)燉蛋白做底，腐竹糖水配上滿滿嘅桃膠，估唔到咁夾！桃膠食起黎好爽口，桃膠亦都被稱為平民燕窩，營養成分豐富，養顏護膚最適合女士😋✍🏻整體:小食同糖水嘅選擇繁多，而營業時間去到2pm，適合食宵夜人士！而店舖都出名粥品，大家不妨可以試下~.📍糖水檔1987佐敦文匯街25號文景樓地下C號舖

🍲鴨腎菜乾豬骨粥粥底本身都煮得幾綿，而且都幾足料 ，味道都幾濃，估唔到一間糖水舖會煮到呢個水準嘅豬骨粥，宵夜嚟講真係有啲驚喜喎👍🏻🌶️XO醬炒蘿蔔糕XO醬本身好惹味，而且帶少少辣，炒蘿蔔糕唔會一夾就散，外層幾香脆，而且仲要左啲芽菜鋪底，芽菜加埋XO 醬嘅味，相輔相成👅🐤香辣雞軟骨雞軟骨不得了啦，首先粒粒雞軟骨都大大粒，口感爽脆唔在講，炸粉漿仲調過味，加埋炸既時間同火候都控制得幾好，入口香脆，夠味同時又唔會充滿油膩感，呢個比外面嘅小食店更出色😆🍮椰汁桃膠西米燉蛋白大量既桃膠配埋西米真係好好味，加上啲燉蛋白入口甜度好好，夠甜之餘唔會太超過，小編食完之後覺得皮膚都靚咗，心情都開朗左😃總括來講，本來諗住過嚟食糖水，估唔到其他宵夜小食都有驚喜，小編有機會都會再嚟試吓其他糖水先得😋

Food: 💛💛💛💛🤍Décor: 💛💛💛🤍🤍Service:💛💛💛💛🤍Price Value: 💛💛💛💛💛Price Range:💰 $150Favourite:💖 Pan-fried Radish Cake with XO Sauce------------------------------✅ Located at Man Wui Street, take 5 minutes walk from Austin MTR station. Quite convenient.✅ The menu offers a wide variety of delicious and mouth-watering dessert choices.✅ Sweet flavors but not too sweet✅ Their snacks are amazing too! Pan-fried Radish Cake with XO Sauce is super yummy ✅ All fresh ingredients ✅ Definitely worth a visit if you have

去完西九嚟到柯士甸站附近搵野食，原來係佐敦八文樓都有糖水食！仲開到凌晨2點，玩夜左都唔驚冇嘢食😋🍽食物✨白雪女皇 $49 8/10腐竹桃膠糖水配燉蛋白，全部都係我中意食嘅野🥹加埋一齊有咩可能會唔好食～腐竹糖水本身已經好滑，加埋燉蛋白更加滑捋捋～ 「雪」一聲就吞左落肚🤣加上桃膠增加口感又養顏，夜媽媽我都願意食2碗🥹👍🏻XO醬炒蘿蔔糕 $36 7.5/10蘿蔔糕切得比較大塊，唔係粒粒狀，咁樣比較容易食到佢嘅原味，加上佢哋嘅招牌XO醬一齊炒，味道偏辣但好惹味，食到停唔到口😋👍🏻鹽燒牛舌 $36(4塊) 7/10牛舌煎到表面微焦，肉質爽口，加上鹽同黑胡椒簡單調味已經夠好味～👍🏻擂沙湯丸 $25 7.5/10湯丸係黑芝麻口味，夠晒煙韌，咬開啲芝麻餡會流出嚟，同黃豆粉都幾夾，不過要小心唔好一下子吸太大啖，好易俾啲粉濁親😂⛩環境👍🏻鋪頭細細，枱同枱之間都比較近，最有驚喜係鋪頭入面還原左個糖水檔🤩真係係入面筆出糖水出嚟🤣💁🏼‍♀️服務👍🏻店員殷勤有禮貌📝總評 7.5/10小食即叫即整熱辣辣，糖水嘅質素都唔錯，而且選擇都幾多，睇住menu覺得樣樣都好吸引！住附近嘅街坊食宵夜又多個選擇～👛人均消費 ~$70

1987年開始嘅手藝，留存到依間第三代嘅糖水檔，集合左多款傳統嘅街頭小食，而新一代店主都加入咗創新元素，提供多款養生糖水，想食宵夜甜品嚟呢度就啱晒😎—— 燒汁蒜香牛粒 $36牛肉粒吸收哂蒜蓉燒汁嘅香氣，肥瘦均勻，嫩得黎有肉汁，油脂香四溢，夾埋蒜片食到口臭都要食🤣—— XO醬炒蘿蔔糕 $36炒得好有鑊氣，蘿蔔糕外層香脆，內裏綿密，大量芽菜好爽口，獨家嘅手工XO醬辛香濃郁，超惹味😋—— 貝兒公主 $45大推介嘅楊枝甘露‼️‼️超足料有好多金柚肉，特別加咗椰果同蘆薈，口感一流，西米爽滑，香甜可口，食完啲炒野清新吓真係perfect池💯—— 白雪女皇 (腐竹桃膠糖水燉蛋白) $49 依個糖水都好好食😍腐竹好重豆味!!!又係好良心超多桃膠!!!底層蛋白好滑，每啖都食到唔同料，甜度啱啱好🌟推薦指數：9/10▫️▫️▫️▫️▫️▫️▫️▫️▫️▫️▫️▫️▫️📍糖水檔1987 (佐敦)佐敦文匯街25號文景樓地下C號舖

晚飯後去隔離鋪頭直落食宵夜🥳 去到見到門口好多人，好熱鬧🥳 小店採用手機落單，好方便同其他甜品鋪嘅楊枝甘露比較，糖水檔嘅🥭芒果爆珠甘露($42) 比較甜，柚子甜而不酸，亦無苦味，加咗芒果爆珠令口感更豐富，好適合鍾意甜食嘅朋友😋 🥥椰汁芒果爆珠西米燉蛋白($56) 一碗有齊我鍾意嘅配料，十分豐富😍 燉蛋白係低糖製作，健康又養顏，仲可以消除水腫，啱哂愛美嘅朋友🥰老闆介紹佢地嘅XO醬係自家手工製，一於點兩款XO醬小食試吓😆 點咗炒蘿蔔糕($36)同炒燒賣($32)，兩款小食都係配芽菜、紅椒同青椒，即叫即炒，XO醬味道果然唔錯👍🏽 蘿蔔榚如果切厚一點，口感會更好

油尖旺越夜越精彩，當然有唔少宵夜勝地，其中一間就喺佐敦近柯士甸嘅位置開咗35年嘅糖水檔，主打平民宵夜佢地嘅XO醬係要試吓，配蘿蔔糕就試到醬嘅惹火，辣辣地又有香氣，蘿蔔糕厚度剛好，仲有爽口芽菜相伴，佢地嘅醬原來可以另外買牛舌都好大塊呀，雖然薄切，但咁先可以煎到夠爽彈，同時肉香唔會太膩，小小一份小食，足見廚房嘅功力食完鹹點一定要食埋佢地嘅糖水，始終係呢度嘅主打白雪女皇即係腐竹桃膠糖水配燉蛋白，就算係凍食，都係滑不溜口，桃膠超腍超滿足除咗糖水，呢度居然有炸香蕉，大胃超愛呀！粒粒都炸到超大甩，炸得勁脆咬落香蕉蓉夠綿，仲淋上大量朱古力醬𠻹呀

前兩日去咗位於佐敦有36年歷史嘅糖水檔1987佢地開到凌晨2:00好啱好似我呢啲夜鬼去食宵夜熱食同甜品都好出色!自家製XO醬炒蘿蔔糕 $36招牌嘅炒蘿蔔糕真係一試難忘, 蘿蔔糕口感唔會太爛又唔會太硬，加上佢用咗自家製嘅XO醬去炒，辣度適中，香味大於辣再加上佢用芽菜, 蝦米去炒又爽口又惹味芒果爆珠甘露 $42 (加咗椰果 $9)有好濃嘅芒果味，爆珠加埋椰果更有咬口食完感覺透心涼，好啱炎炎夏日食XO醬炒腸粉 $32不得不說佢地嘅XO醬真係好香口，不過腸粉就比起炒蘿蔔糕有一點失色 冇蘿蔔糕咁入味~柚子蜜雞軟骨$39柚子蜜好清爽，甜甜地，再加上雞軟骨好鬆脆成件事都好Match，個感覺又冇咁熱氣 超鍾意!總結性價比好高 大大份好抵食仲開到咁晏 可以過黎食宵夜!

細個嘅時候父母曾經帶過我去佐敦食糖水檔🫢 呢日好想食返當時童年嘅滋味 就同哥哥嚟回味一下☺️ 原來而家已經係第三代嘅甜品舖啦自家製XO醬炒蘿蔔糕見到人人都嗌呢一款食物 我地又跟風試吓先😝 呢度嘅XO醬真係好惹味呀 我地已經冇另外加辣 但都有返咁上下辣㗎喇 仲有蝦米喺入面🫢 呢度嘅炒蘿蔔糕都幾大份 仲配埋炒芽菜 平衡返XO醬嘅辣味貝兒公主即係楊枝甘露配椰果 蘆薈 我地再額外加咗日式小丸子 楊枝甘露本身已經好豐富 有西米同碌柚肉😝 我覺得加咗蘆薈感覺更清新 咁多配料一齊有多種層次😉 日式小丸子好煙韌 係我好鍾意嘅質感😍灰姑娘呢個就係生磨芝麻糊配燉蛋白 呢個懷舊甜品好有驚喜😳 個芝麻糊好滑 而且稠杰度剛好 同底下嘅燉蛋白一齊食 好養顏☺️ 燉蛋白有少少甜甜地 令人忍唔住一啖接住一啖咁食 呢個甜品我仲額外加芝麻湯圓 入面嘅芝麻餡料好多 好似要流晒出嚟咁😺擂沙可可面頭灑滿咗可可粉 煙韌嘅外皮入面原來係芝麻湯圓😮 芝麻同可可嘅味道出奇地夾 真係想嗌多一份嚟到第三代嘅糖水檔 坐得更舒適 但又保留到少少懷舊感 真係幾唔錯👍🏻 尤其係食物質素保持到水準 去完西九龍文化區過嚟食就啱晒😙 因為就係喺柯士甸站附近

呢間糖水店開業至今已經超過40年 係街坊嘅宵夜食堂😈而家由一對年輕情侶熟客接手老店 代代相傳🙌🏻除左有傳統港式糖水 仲加入新派糖水同小食 保留原店風格 又有新派特色✨真係唔係講笑 試咗五款嘢食 全部冇伏 仲要好食‼️.📌白馬王子(凍) $56係腐竹桃膠雪耳糖水配燉蛋白 勁大碗 好足料 超有層次感🤍腐竹熬到融晒喺冰糖水到 口感滑溜 香濃清甜🤤平民燕窩桃膠口感爽嫩 雪耳大大朵又爽脆 另外仲加左清甜多汁嘅蘆薈(+$9) 食落同椰果好似 但絕對係更健康嘅替代品👍🏻底係厚厚一層鮮奶蛋白 超滑溜 蛋白香勁濃郁🥚成個糖水就係滋潤嘅感覺🥹.📌炸三色小芋圓 $29呢個高質喎 三款都有原材料嘅天然香味 芋圓入面仲有芋頭粒添🍡炸到外脆內軟糯煙韌 口感一流 唔會好油膩 夠乾身 細細粒好可愛💜🤍💛再加埋香甜嘅煉奶 必食呀🥛.📌XO醬炒蘿蔔糕 $35估唔到糖水店都咁有水準 XO醬配上芽菜,青紅椒 加埋煎香左嘅蘿蔔糕即炒 勁惹味🌶️手工辣XO醬好足料 用上蝦米, 瑤柱, 豬肉碎 香辣得嚟又有鮮味🦐🐷每舊蘿蔔糕煎到外脆內軟 仲食到有白蘿蔔粒 唔會太重粉感 沾滿晒XO醬 好正😚旁邊嘅配菜爽脆清甜 又香口 唔好放過呀🫑.📌鴨

佐敦渡船角一帶有唔少hidden gem嘅小店，今次就發掘到一間有36年歷史嘅糖水檔，街坊格局嘅小店背後故事令人暖心🤣（真係充滿人情味架😆😆）上一代老闆承傳父親係街邊經營車仔檔嘅心血，開咗呢間糖水檔，後來仲將糖水秘方無私傳授俾一對情侶食客接手👫成為而家嘅糖水檔1987，主打懷舊港式糖水同小食，有唔少滋潤養生嘅糖水，好似煲到溶晒嘅腐竹糖水、桃膠糖水、燉蛋白，仲有新式啲嘅炸物、炸芋圓等等。舖頭由黃昏開到凌晨2:00，宵夜嚟食就啱晒😎😎白馬王子舖頭嘅招牌作，係腐竹桃膠雪耳糖水配燉蛋白。超多料！雪耳同桃膠仲多過腐竹糖水同蛋白咁滯🤪🤪雪耳好爽口，桃膠軟滑似啫喱，蛋白都幾滑溜。甜度較低，飯後甜品嚟講不會太大負擔之餘亦可養顏😙😙綠豆仙草撈綠豆沙好綿密，煲到起晒沙，啖啖綠豆蓉😗比較特別係臭草嘅味道好突出，獨特嘅香氣令糖水甜膩感減低，加上滑捋捋仙草都唔錯😛XO醬炒蘿蔔糕一系列XO醬小食都係呢度招牌，尤其炒蘿蔔糕。炒到香氣十足，辣度中挺🌶️比較刺激惹味😏落咗好多蝦米所以非常香口。豉油皇炒麵話說小學放學總喜歡買個$10豉油皇炒麵返屋企嘆，所以豉油皇炒麵真係充滿童年回憶🥰呢個都炒得唔錯，即叫即炒🔥隔住廚房都聞到

【油尖旺區】【糖水檔1987】同道歉哥特登去糖水雄飲我哋至愛嘅腐竹白果沙冰，點知去到又双叒叕摸門釘，嗰吓谷住道氣無處宣泄，見到附近有呢間就入去坐吓先啦，咁鬼熱。平時唔多覺，原來係糖水小食店嚟，仲要都係年輕老闆坐鎮，可以一戰喎。食啲小食先，有人 share 食就可以食多幾款，首先 $36 嘅「鹽燒牛舌」四片，性價比算高，吊癮一流。而 $25 嘅「吉列炸流心湯圓」三粒係呢度自創嘅，幾好食，有驚喜。個 $36 嘅「XO醬炒蘿蔔糕」味道好之餘，份量唔細。到本身想食嘅糖水喇，我食個 $48 嘅「白果腐竹雪耳桃膠」，本身腐竹白果糖水底加入雪耳、桃膠係冇違和感嘅，幾好食。而道歉哥食嘅係 $42 嘅「芒果爆珠甘露」，我見佢個樣都幾唔錯，道歉哥又冇投訴，應該係可以嘅。試道歉哥感覺就係提出叫多碗，佢冇反對，就做啦。我食 $39 嘅「椰汁香芋芋圓西米露」，佢落多咗仙草畀我，冇所謂，都 okay。道歉哥食 $27 嘅「生磨芝麻糊」食到狀甚享受咁款，就知夾埋呢 $253 冇白畀，係真係唔錯嘅。。。（地址：佐敦文匯街25號文景樓地下C號舖）#1amfoodie #foodie #hkfoodie #thatfoo