Tonkotsu 8 by 三田製麵所 (Citylink)

Open Now

Now Closed

去完香港文化博物館行咗嚟沙田搵美食港鐵站附近有間拉麵館就試吓啦下午茶時段冇咩人下午茶拉麵配熱烏龍茶或綠茶一杯～即係茶包沖嘅茶一杯黑麻油豚骨拉麵～黑麻油幾香可惜豬骨湯比較淡～拉麵彈牙～半隻糖心蛋幾入味～配少許蔥花～上面塊叉燒似水煮～細細塊賣相同味道一般～只有豬肉味原味豚骨拉麵～依碗食落仲冇味～豬骨湯實在太淡～叉燒上面嗰D辣椒醬唔知係咩食法整體拉麵湯底好淡～拉麵份量都算適中～不過勁細塊叉燒仲要唔好食～又要加一服務費～應該唔會再幫襯

🍽 Tonkotsu 8 by 三田製麵所 (Citylink) 📍地址: 沙田沙田車站圍1號Citylink 1樓111號舖💰只供參考💰人均$50-$100😋 👉🏻原味豚骨拉麵 $58（下午茶）豬骨味濃 少少鹹 少油 岩曬keep fit既人士 麵身🍜麵硬度有得揀軟硬定適中 都係揀左軟身拉麵 黃色的同彎彎的拉麵 🍜 呢個價錢竟然食到拉麵👍🏻算係唔話得 簡直係糧尾恩物 不過下午茶要2:30先開始👉🏻醬油拉麵 $58 （下午茶）麵身同其他拉麵🍜麵硬度有得揀軟硬定適中揀左軟身 個麵既樣同想像既拉麵唔係好一樣 咬口多一點 不錯唔多油 入味 唔會鹹 食完都唔會好想飲水既感覺 恰到好處 有一塊大叉燒同埋大紫菜糖心蛋😽🫰🏻至愛 發揮到水準👉🏻熱鳥龍茶 免費👉🏻熱鳥龍茶 免費不過另設加一 兩個人total $127.6好味指數: 3.5/5性價比: 3.5/5 環境: 3.5/5 日式裝修風格

沙田商場內有很多餐廳靠近地鐵站上面有家日本餐廳店舖門外已經有少許的人龍來進餐的　有情侶和一家人黃金牛肉丼洋蔥拌炒在一起洋蔥炒軟後會散發甜味　肉塊吸收後味道沒有那麼單寡肉塊的份量挺多　足夠配米飯吃米粒每顆都飽滿　有醬汁的搭配讓精華的醬汁流到米飯的每顆特製炸雞套餐炸雞份量好像不多　但每塊都很大雞肉的質地很實在　都有肉汁配上酸酸的沙律醬　能夠減膩　醬油拉麵湯底散發醬油香　清澈而且夠溫熱麵條硬軟適中　剛剛好的粗度叉燒切得薄薄的　肉質軟熟雞蛋和配料們剛剛好

依家位於沙田連城廣場嘅日式拉麵係三田製麵家的副線，店舖陳設裝修好有傳統日式風味，主打拉麵同日式小食。叉燒醬油拉麵🍜- 叉燒切得好薄身，肉質軟熟，不過比較瘦，如果脂肪比例多啲再燒香會更好食- 糖心蛋糖心效果好靚👍🏻，蛋黄蛋香味濃，蛋白嫩滑- 湯底夠晒熱，好清澈，有淡淡醬油香味- 面身爽口彈牙亦掛汁鐵板咖喱炒飯🥘- 上碟熱辣辣，聞到好香咖喱香味- 日式咖喱味唔會太濃，香而不辣幾惹味- 炒飯粒粒分明，仲會食到有飯焦- 配料有粟米，滑蛋，雞肉粒整體食物質素唔錯，價錢合理，款式選擇唔多；舖頭細細，枱與枱之間距離比較窄；服務態度不錯。

叉燒醬油拉麵 $88醬油湯底同其他拉麵店比冇咁濃同冇咁油,但一樣甜中有少少鹹味叉燒薄薄地 ,口感唔錯，最特別係佢拉麵仲可以有得揀軟硬度, 今晚選左個適中👍🏻黑麻油豚骨拉麵 $74朋友叫咗黑麻油豚骨拉麵 ，湯底都唔算太杰身，如果唔係就會好膩，飲落去都好順口 唔會好油而且豬骨味真係好濃 配料多😽煎餃子$34餃子一份5只 皮薄juicy,點埋少少餃子汁 酸酸地，食拉麵絕配小食😎特色炸雞$34炸雞外脆內軟 ，外皮乾身脆口，咬入去雞肉仍然保持肉汁 唔會好似食柴皮咁 加少少檸檬汁 感覺好清新😜忌廉蟹肉薯餅 $46呢個價錢有四件薯餅 好抵食，呢個真係絕對要叫。每件薯餅大細均勻 而且入邊嘅薯蓉好creamy 再加少少蟹柳絲 ，雖然有啲罪惡咁但係都冇阻我食多幾件😂

沙田連城廣場掋食之選，平日夜晚7點左右已經坐無虛席，拉麵🍜丼飯嘅價錢都好優惠，唔怪得知禁多人啦。見到個份糧十足嘅牛肉丼飯都只係$28😯😯😯🧡原味豚肉拉麵 $68麵可以因應個人口味，自選軟硬度（硬/適中/軟）我就揀了適中。奶白色的豬骨湯底味道濃郁，本身覺得只有一塊叉燒太少，不過都算大嘅，入口軟冧，加埋半隻糖心蛋，呢個價錢算不錯今次試了3款小食🧡煎餃子🥟 $34🧡章魚丸子 $38外層脆脆的，唔會成粒都好冧身🧡炸雞中翼（黑胡椒風味）$34非常重口味，有勁多醬汁和黑胡椒，外皮炸到有點小小over cook

Tonkotsu 8 by 三田製麵所 沙田沙田車站圍1號Citylink 1樓111號—————————————————————————沙田站一出就係 地點方便快捷Citylink一樓基本上全部都係食店今日同朋友大約7:30去都見到店舖外邊排緊隊沙田站一出多嘢食 呢個無可厚非成個新城市廣場咁大 又有食物廣場唔會搵唔到嘢食 最怕係捱貴價又食唔到好嘢一眼望晒 四四方方一入門口店員用日文說出歡迎語炸雞丼 跟餐 特製炸雞套餐豚骨拉麵🍜香辣枱頭有黑胡椒 七味粉 炒芝麻俾你慢慢調味特別食拉麵嘅時候調味料都好重要❗️

同🤴🏻食完Lady M，行陣街消化下就行到連城廣場決定試一間未食過嘅日本餐廳😀😀～～～黃金牛肉丼🍱（肉2倍）～～～🤴🏻好好奇肉2倍會有幾多肉呢？🤔🤔嚟到嘅時候冇令我哋失望，真係好有份量，肉塊可以堆成一個小肉山😂😂牛味方面正常唔算好重，另外店家落咗超多牛肉汁💦，多到可以令到每一粒飯都好濕潤🤩🤩，啱晒鍾意多汁嘅香港人🤗🤗～～～昆布清湯～～～跟牛肉丼套餐，水清見底，但飲落不得了😱😱，超濃郁嘅昆布味，全餐最有記憶點🤭🤭～～～咖喱豚骨湯拉麵🍜～～～有一塊幾厚嘅叉燒，會加有粗肉碎增加口感👍🏻👍🏻，糖心蛋🥚好好食😋😋，咖喱味唔算太濃郁，亦唔似日本咖喱帶有甜味，🤴🏻就覺得似係清湯咖喱😀😀，想要重咖喱味嘅就爭少少啦😅😅～～～炸雞中翼～～～比較瘦削嘅雞中翼🥲🥲，超級重黑椒味，炸得幾香口😚😚

沙田❣️平民高質拉麵放工後想食個快但又想食高質，就諗起係沙田火車站上面搵食🤭見到拉麵就好懷念去日本既日子！有個優惠係二人餐，有兩碗拉麵+兩款小食+兩款汽水🤭岩哂啲好似我咁有選擇困難症既人，但又想食多啲野😎🔸黑麻油豬骨拉麵黑麻油再加上豬骨湯底🤤又香又濃又惹味！落單時店員仲會問想要咩麵質（軟/適中/硬）拉麵仲有叉燒同糖心蛋半隻🥚仲要有一點點既辣汁，重點：多蔥😍🔸炸雞香辣撈麵蔥蔥蔥，超多蔥😎有辣肉碎撈埋拉麵，有另一種風味！加埋有日本蛋，撈完就平衡返濃味既肉醬😋炸雞肉質做保持到juicy👍🏻🔸煎餃子🔸特製炸雞叫左兩款小食，炸雞同先前拉麵既炸雞係一樣既😋餃子皮薄餡靚，店員仲會細心提供醋、醬油、辣油好味指數：8/10Tonkotsu 8 by 三田製麵所沙田沙田車站圍1號Citylink 1樓111號舖————————#hk #hkig #hkfood #hkfoodie #ramen #japanese #shatin #沙田美食 #沙田 #拉麵

沙田連城拉麵平時行過都見好多人入去食今次終於一試平日大約七點🕢全餐廳已差不多滿座黑麻油豚骨拉麵🍜($74)黑麻油味道香濃🖤湯底豚骨味濃🐖豚肉片雖然唔多只有一塊但肥瘦適中拉麵可以選擇軟硬度👍🏻另外一個叉燒炸雞拉麵🍜（$88）有兩件炸雞🍗三塊豚肉片🐖湯底豚骨味濃😋糖心蛋🥚熟度適中另外加$10有一件炸雞🍗只有半隻手掌大小✋🏻上枱時個有少少失望幸好外面香脆內裏有肉汁味道不錯👍🏻

🥢 事緣今日lunch諗唔到食咩，喺邊搵邊行餐廳嘅時候，突然聞到陣陣嘅豚骨湯味，原來係一間富有日本風味嘅拉麵店 👍🏻 先睇Menu有咩食，店有唔同口味嘅拉麵、日式丼飯、各類型嘅日式小食，例如章魚小丸子、炸雞同煎餃子，而且大眾化，價錢相當平民，全部兩位數字就可以享用 ✨ 咖喱豚骨湯拉麵 $84呢個拉麵係店舖期間限定，好少見拉麵有咖喱味，首先湯底濃郁，咖喱味令到成個拉麵富有香港特色，而拉麵你可以揀硬中軟，食落爽口彈牙，不過豚肉只有一塊，對於大食嘅我緊係唔夠啦✨ 吉列豬扒丼 $58試左拉麵就先試埋個丼飯，炸豬扒係水準之上，外層嘅炸皮厚度恰到好處，肉質係正常水平，配埋佢地嘅燒汁一起食就 perfect✨ 蟹肉忌廉薯餅 $46一份入面有四個，即叫即炸整出嚟，入邊充滿奶酪，加埋佢哋嘅醬汁，口感豐富，味道層次分明

今晚同爹地媽咪👨‍👩‍👧係沙田連城廣場食拉麵🍜，之後早d返屋企休息💆🏻‍♀️ + 睇I Swim大結局📺。我地3個人叫咗個2人套餐 “孖住食”。😉➡️有2個拉麵 + 2款小食 + 2款飲品。另外再加➡️“厚切叉燒咖喱飯”。3個人就好夠食啦。😎🍛 厚切叉燒咖喱飯日式咖喱汁味道甜甜地😋，撈飯食好正。😙叉燒好厚肉，而且軟腍。🥳另外再跟一個海帶湯。☺️🍜 原味豚骨拉麵店員幫我地落order嘅時候有問我地軟硬度🥰同要唔要蔥、辣。🤭我地要咗軟身拉麵唔要蔥。🤓豚骨湯底味道濃。🤗一大塊嘅叉燒軟腍。仲有半隻溫泉蛋做配菜。🤤🍜 黑麻油豚骨拉麵我地呢碗選擇嘅係軟硬度正常嘅拉麵，一樣走蔥。🤓黑色嘅湯底好香黑蒜頭同麻油嘅味道。🥹同原味嘅感覺完全唔同。😂🥟 自家製煎餃子煎餃子煎到金黃色，口感香脆。😋🍗 自家製黑胡椒雞翼食落味道鹹鹹地，好juicy。😉“孖住食”套餐飲品就揀咗罐裝可樂 + 忌廉梳打🥤。

有晚勁肚餓😂到咗沙田站見到Citylink有呢間拉麵店就即刻衝左入去食🤣結果發現原來佢係三田製麵所嘅分支拉麵店，雖然居然冇沾麵食，但啲拉麵味道都唔錯，價錢又合理！🔻🍜期間限定咖喱豚骨湯拉麵咖哩豚骨湯偏濃稠，係日式咖哩嘅味道☺️唔會太辣，偏甜嘅咖哩嚟，而啲麵好掛湯，好惹味😽仲有半隻流心蛋添🤤🔻原味豚肉拉麵湯底清得黎有豚骨味，重點係唔會太鹹！👍🏻上面仲有一塊大叉燒，口感唔會鞋，幾好味另外可以自己選擇硬/適中/軟既麵，我哋都揀左硬麵，食落爽口同埋感覺煙韌啲😗

最近先知道原來三田製麵嘅炸雞🐥喺日本🇯🇵好受歡迎，所以今日收工就去食吓～炸雞叉燒拉麵（$88）炸雞外面炸得脆卜卜，裡面肉質仍然好juicy、好嫰滑😋，仲要啖啖肉～粒糖心蛋真係好好食🥚，如果想要2半粒可以加$12；叉燒都有三大片，而且豬味好濃郁🐷～湯底係香濃嘅豚骨湯，味道啱啱好👍🏻落單嘅時候，店員會問你碗拉麵🍜嘅軟硬度想要幾多，我就揀咗適中，呢碗拉麵好彈牙、有咬口，唔會太硬或太淋～

最近好crave食拉麵😙一直都想試吓「三田製麵所」但成日見都大排長龍 今次決定嚟試試佢哋嘅分支🤓沙田都有分店！◉「孖住食」👯‍♀️ $198兩個人嚟的話可以試吓呢個2人套餐 包咗每人一碗拉麵、小食同飲品 相當抵食🤓◍「原味䐁骨拉麵」先要一個原味嘅試試水溫先😋估唔到湯底好香濃喔🤩濃郁得嚟又唔會太鹹 好食！◍「黑麻油䐁骨拉麵」另外一款要咗黑蒜油🖤開頭都好擔心會唔會好似出前一丁個隻黑蒜味😅結果又冇喎😙係真實嘅黑蒜香🧄適合中意特別啲口味嘅朋友～◍「自家製黑胡椒雞翼」🐤雞翼食落去原來係甜甜哋有啲蜜糖香 再加埋黑胡椒調味 好食到停唔到口🤤◍「自家製炸雞」🐥炸雞有三大舊 炸雞唔厚食到雞嘅鮮嫩 都值得一試！☺️📍Tonkotsu 8 by 三田製麵所 (Citylink) (沙田) #lala_foodie_shatin 沙田沙田車站圍1號Citylink 1樓111號舖