豚豚食堂

Open Now

Now Closed

今晚收工去咗北角匯行街，見肚餓去咗位於一樓嘅「豚豚食堂」醫肚先。店內裝修雅緻，讓食客可以舒適地用餐晚市時段設有自選一人套餐或二人套餐，可從多款小食、拉麵或飯類裏面選擇，另外也有單點便當、咖喱飯、丼飯等等，價錢經濟實惠白豚拉麵兩大塊厚切豚肉，肥瘦適中，香軟腍滑，啖啖肉！日式特濃豚骨湯底味道濃郁，配上爽口彈牙幼麵，好掛湯燒雞扒咖喱飯雞扒幾大件，皮薄肉厚，鮮嫩多汁，雞肉味濃！配上濃淡適中的日式咖喱汁同日本珍珠米飯，滋味又飽肚自家製餃子一客有六隻餃子，煎到金黃色，唔會太燶～餃子皮厚薄適中，菜肉餡料好飽滿，皮薄餡靚，大件夾抵食燒魚餅日式魚餅燒到啱啱好，口感彈牙，帶魚鮮味牛油炒草菇加咗牛油一齊炒嘅草菇，香口又爽脆熱咖啡

北角這間拉麵店, 性價比好高雜錦拉麵, 湯底色澤透明且呈現微黃色，聞起來味道清香誘人，而拉麵的口感爽口，還有 QQ 的咬勁，配搭昆布, 流心蛋等材料，讓每一口都能品嚐到拉麵的精華日式溏心蛋，軟滑的蛋白，非常誘人。 蛋黃味濃郁又香，日式豬軟骨, 腍軟入味, 那份入口即融的口感，實在美味到無法用言語形容。 燒多春魚 , 這種魚的個頭雖不大，肉質卻特別嫩滑，煎的表面金黃，魚骨已經煎酥，加上滿肚子的魚籽，味道十分鮮美, 入口香脆酥嫩，滿嘴魚籽發出的唆唆聲，鮮味可口，好吃得停不下來。

北角滙的聖誕裝飾「鉄道駅」，感覺去不了日本也好似去了。尤其晚上燈光效果特別靚。今晚專程去睇吓，跟隨在商場內找了一間日式料理店食晚飯。選擇多，拉麵，咖哩，丼飯，燒物，…….。黑豚拉麵見大多數食客都食呢款拉麵，必定超高人氣。好香，湯的味道樸鼻而來。嚐了一口，好甜好味。麵條幼身容易掛湯，爽彈有嚼口。豚肉軟腍有肉香。炸蠔炸漿不會太厚，即叫即做，熱辣辣新鮮，蠔隻並不大，但爆膏，正。今晚的行程好有久違的感覺啊！

Our pork cutlets were very tough and chewy. Maybe a bad day in the kitchen? We ordered a set meal for 2 and both of our pork cutlets had the same problem. Shame because everything else was ok. The service was good. Nice clean tables and hygienic.

今晚同朋友去左北角匯貶豚食堂食飯，我地叫左個二人套餐，主食可以叫兩個一個飯或一碗拉麵，小食就可以揀三款，我地揀左赤豚拉麵同咖哩吉列豬扒飯, 小食就揀左明太子雞翼，芝士年榚同煎餃子，首先講下赤豚拉麵，本身標籤左係辣嘅，不過我就覺得唔辣，麵質素一般，太腍又大粗，湯好淡，最差就係舊豚肉，好瘦又硬，冇乜配料，非常普通，不及一般拉麵店的質素。咖哩吉列豬扒飯，咖哩汁ok, 有咖哩味，豬扒夠厚，飯用珍珠米都ok小食方面。明太子雞翼有兩隻都幾脆，芝士年榚好好味，外脆內軟，裡面好多芝士，煎餃子的皮都幾薄，總結，大家唔好叫佢d拉麵就冇事。

這次去到北角的匯豚豚食堂，呢間商場人流非常多，午飯時間淨間餐廳以坐滿人。其中較為吸引到我眼球的是一款名叫吉列流心蛋豬肉餅小食，上枱時更令我眼前一亮，熱騰騰香脆的吉列外皮，裏面的雞蛋依然保存流心蛋黃漿，口感鬆化配合濃郁蛋漿和豬肉，非常好吃。另外點了一個炸雞塊奄列咖喱飯，三大塊炸雞和一大份由日本白米飯，分量十足。味道方面，咖喱汁偏甜一點都不會辣，炸雞塊也是酥脆不會太硬並保持肉汁，以$68來說非常不錯。這地點非常方便，吃完飯還可逛一逛附近的商舖，是非常適合上班一族午飯的地方。豚豚食堂 (北角)北角渣華道123號北角匯2期1樓120號舖

中午同太太去北角匯睇戲，得40分鐘時間，食個快餐，簡咗呢間日式快餐廳，簡約裝修，乾淨舒服。我叫了一個炸鷄塊奄列咖喱飯，凍㗎啡。太太叫了白豚拉麵，北海道南瓜炸薯餅、凍檸茶。典型日式咖喱飯，味道偏甜，並不辣，炸雞是即炸的，美味鬆脆。另有半隻滷水蛋、少少沙律，麵豉湯。太太的白豚拉麵，麵條軟硬適中，叉燒亦有水準，湯底濃郁。而南瓜炸薯餅也是新鮮即炸，脆卜卜，外脆內軟。二人買單只是$162，性價比很高，有機會會再光顧。

記得北角匯商場剛開個陣，呢間餐廳長期排隊，想食都要等好耐，今日再經過北角，見北角滙開多左好多餐廳，行過豚豚食堂，依然要排隊但見等候號唔算差太多，所以決定入去食，等左大概15分鍾到就入到去。睇MENU，見食物的種類多，有丼，拉面，日式咖喱，便當，壽喜燒，串燒等等一應俱全，十足居酒居，但價錢唔貴，要平的，$60-70蚊有交易。我同女友就叫左個二人餐，有兩款主食(可選丼、咖哩或拉面)再加3款小食，主食我地就叫左雜錦拉面同燒雞扒咖哩飯，而小食就要左燒雞翼燒雞軟骨兩串，炸雞肉同炒草姑，食到好飽，好滿足，以兩個人咁既價格，食日本餐真係好抵！

星期六過去北角做嘢，打算食個快午餐。見呢間餐廳裝修都幾靚，就入去試吓。我哋入去嘅時候係三點幾，基本上唔需要排隊。朋友叫咗一個$69拉麵套餐，一個拉麵配一個小食。拉麵湯底都幾濃郁，不過朋友食得偏淡，就覺得濃得滯，朋友已經食晒先同侍應姐姐講，侍應姐姐好有耐性咁同我哋解釋正宗日本拉麵味道偏濃，下次落單可以叫淡口，服務態度都幾好。個燒雞軟骨都燒得幾脆。我叫咗個便當，有燒肉同埋燒青魚，感覺都幾豐富，可以一次過食到兩個主菜。拉麵同埋飯質素都唔錯，侍應姐姐又好人，下次會再嚟幫襯。

話說今日同女友嚟到北角匯食午餐，由於呢個商場其他餐廳都差唔多食過晒，見到呢間個午餐好似都幾好食，環境都ok，於是入去試吓，起初都無乜大問題，我哋叫咗兩個餐，一路食飯一路傾下計，食物方面係正常嘅，食咗45分鐘左右，有個職員走嚟同我哋講用餐時間係一個鐘，我當時只係心諗入嚟嗰陣你又唔講明先，咁都算啦，見仲有15分鐘，打算飲埋杯嘢就走，點知過咗5分鐘又有另一個職員走埋嚟催交枱😡😡！呢個做法同趕客走有乜分別？我都明白舖頭要做生意要翻枱，但俾人連催兩次個感覺真係唔太好，即刻無晒心情，我都費事坐到夠鐘，即刻同女友埋單走人，呢啲咁嘅態度以後以後唔使旨意我再幫襯😒😒

看到評語都不差，首次決定買外賣！ 牛肉，豬肉，雞肉各叫一份！飯的份量尚算足夠，雖然未至於性價比很高！麵豉湯份量太少，而且鷄件和豬扒又真係細塊咗！所有盒打開，整個賣相都不吸引，感覺比幾間大集團的賣相還差。汁的味道正常，可惜所有肉類都很硬，要放在口內咀嚼很久才能吞嚥，而且雞件和豬扒充滿血腥味， 我個人不懂得烹調， 應該是來貨質素和烹調方法嚴重出現問題。 這種快餐類的日式便當餐廳，我真的以後不敢恭維了， 香港餐廳價錢反映一切！

雖然成日在呢區出入，但在呢個商場食嘢就好少....有幾間都想試下...上次在呢間買過外賣，都OK嘅，今晚嚟堂食....叫左壽喜燒鍋跟飯、同招牌牛油拉麵配廣島蠔....1. 拉麵先到，將牛油埋入麵中，我第1時間試個湯好吾好味，味道好味但吾多夠熱....不過食落D麵又熱喎.....豚肉ok正常，炸蠔都OK，好夠熱不過油左少少...2. 壽喜燒鍋，有4片豚肉、有D滑子菇、金菇、豆腐、小唐菜 (日式有架咩)同埋大蒜...湯底係甜甜哋鹹鹹哋……拔兄話未算好正宗 🤔🤔，不過天氣凍，食個鍋仔暖在心頭啊……而個飯，有少少失望，覺得吾夠日本米果種香同軟糯感如果星期六日呢個商場會好多人食嘢，但今日吾知六點幾係太早還是什麼，啲食肆好靜，我食呢間都冇乜客，啲員工講嘢傾計仲嘈過啲食客……

我和太太由西灣河沿海邊行到北角匯，見有啲肚餓咁就喺北角匯食個晏，剛剛見到豚豚食堂唔使點等位，咁就入去食啦! 仲可以坐到卡位，座位都算闊落，睇菜牌都有好多食物選擇，咁我哋就點左流心蛋肉餅，豆腐，叉燒拉麵和豬軟骨拉麵。出餐都算快，服務員攞到食物放枱上都係熱辣辣。流心蛋肉餅，外脆內軟仲有流心，超正。豆腐就軟滑淋， 有日本豆腐的一貫水準，都淋和滑。豬軟骨拉麵的豬軟骨，就有啲似台灣的豬軟骨，但都好淋好軟熟，至於叉燒拉麵，啲叉燒就比較薄咗啲，但都算好味，而最後嘅拉麵，亦都有一貫日本嘅水準，不過不失。總結來說都係一個很好的午餐。

今日去北角匯商場睇戲之前，打算醫下肚，見呢間餐廳大排長龍，打算入去試吓。但係都唔算等咗好耐，大概15分鐘就入到去食。我哋叫咗個壽喜燒鍋轉蕃茄湯底，個湯底幾惹味，我特登加多隻雞蛋，加埋啲飯落去煮雜熣，都唔覺意食晒成碗飯。😌豚肉就正常啦，但呢個價錢都算多料，有菜有豆腐有豚肉。再叫多左四個小食，串燒都燒得幾香口，炸豆腐就外脆內軟，幾好送飯，炒草菇同餃子就一般啦，不過不失。兩個人埋單二百零蚊，我覺得都算好抵食，會再去幫襯。👍🏻

推薦度（10👍🏻滿）：2👍🏻衞生（10⭐️滿）：2⭐️環境（10⭐️滿）：6⭐️味道（10⭐️滿）：7⭐️價錢（10⭐️滿）：7⭐️服務（10⭐️滿）：7⭐️地點（10⭐️滿）：7⭐️唔知係唔係由於疫情關係，佢嘅清潔方面好盡力，連餐具都會有少少漂白水味😅。而我老公食完，個肚都有少少唔舒服。唔乾淨其實拉低咗好多分。個人來講其實應該都唔會再去。以環境來講都相對比較逼夾同隔離位真係膠板相隔，而會聽到晒隔離講乜嘢，都有少少嘈。我哋份餐具唔算污糟正常嘅，但聽到隔離枱話佢嚟到嘅食物個碗邊有飯粒。起初我哋都冇為意照樣咁食，味道方面唔係話太突出，不過不失，正常街坊價位，正常街坊口味。我哋叫咗個$228嘅二人餐，包兩個拉麵或者飯，同三個小食。拉麵佢話可以揀硬身，但你到我唔覺得有咩特別分別，不過佢隻流心蛋就真係流心嘅。牛舌係厚身唔係薄切，所以口感唔錯。佢嘅小食相對佢嘅主食來講係出色嘅，魷魚鬚炒得都唔錯炸雞翼都好大嚿同脆口，而炸雞佢比少咗一舊都好老實同我哋主動講話未炸好，佢之後會補返一舊俾我哋。