豚豚食堂

Open Now

Now Closed

星期六過去北角做嘢，打算食個快午餐。見呢間餐廳裝修都幾靚，就入去試吓。我哋入去嘅時候係三點幾，基本上唔需要排隊。朋友叫咗一個$69拉麵套餐，一個拉麵配一個小食。拉麵湯底都幾濃郁，不過朋友食得偏淡，就覺得濃得滯，朋友已經食晒先同侍應姐姐講，侍應姐姐好有耐性咁同我哋解釋正宗日本拉麵味道偏濃，下次落單可以叫淡口，服務態度都幾好。個燒雞軟骨都燒得幾脆。我叫咗個便當，有燒肉同埋燒青魚，感覺都幾豐富，可以一次過食到兩個主菜。拉麵同埋飯質素都唔錯，侍應姐姐又好人，下次會再嚟幫襯。

話說今日同女友嚟到北角匯食午餐，由於呢個商場其他餐廳都差唔多食過晒，見到呢間個午餐好似都幾好食，環境都ok，於是入去試吓，起初都無乜大問題，我哋叫咗兩個餐，一路食飯一路傾下計，食物方面係正常嘅，食咗45分鐘左右，有個職員走嚟同我哋講用餐時間係一個鐘，我當時只係心諗入嚟嗰陣你又唔講明先，咁都算啦，見仲有15分鐘，打算飲埋杯嘢就走，點知過咗5分鐘又有另一個職員走埋嚟催交枱😡😡！呢個做法同趕客走有乜分別？我都明白舖頭要做生意要翻枱，但俾人連催兩次個感覺真係唔太好，即刻無晒心情，我都費事坐到夠鐘，即刻同女友埋單走人，呢啲咁嘅態度以後以後唔使旨意我再幫襯😒😒

看到評語都不差，首次決定買外賣！ 牛肉，豬肉，雞肉各叫一份！飯的份量尚算足夠，雖然未至於性價比很高！麵豉湯份量太少，而且鷄件和豬扒又真係細塊咗！所有盒打開，整個賣相都不吸引，感覺比幾間大集團的賣相還差。汁的味道正常，可惜所有肉類都很硬，要放在口內咀嚼很久才能吞嚥，而且雞件和豬扒充滿血腥味， 我個人不懂得烹調， 應該是來貨質素和烹調方法嚴重出現問題。 這種快餐類的日式便當餐廳，我真的以後不敢恭維了， 香港餐廳價錢反映一切！

雖然成日在呢區出入，但在呢個商場食嘢就好少....有幾間都想試下...上次在呢間買過外賣，都OK嘅，今晚嚟堂食....叫左壽喜燒鍋跟飯、同招牌牛油拉麵配廣島蠔....1. 拉麵先到，將牛油埋入麵中，我第1時間試個湯好吾好味，味道好味但吾多夠熱....不過食落D麵又熱喎.....豚肉ok正常，炸蠔都OK，好夠熱不過油左少少...2. 壽喜燒鍋，有4片豚肉、有D滑子菇、金菇、豆腐、小唐菜 (日式有架咩)同埋大蒜...湯底係甜甜哋鹹鹹哋……拔兄話未算好正宗 🤔🤔，不過天氣凍，食個鍋仔暖在心頭啊……而個飯，有少少失望，覺得吾夠日本米果種香同軟糯感如果星期六日呢個商場會好多人食嘢，但今日吾知六點幾係太早還是什麼，啲食肆好靜，我食呢間都冇乜客，啲員工講嘢傾計仲嘈過啲食客……

我和太太由西灣河沿海邊行到北角匯，見有啲肚餓咁就喺北角匯食個晏，剛剛見到豚豚食堂唔使點等位，咁就入去食啦! 仲可以坐到卡位，座位都算闊落，睇菜牌都有好多食物選擇，咁我哋就點左流心蛋肉餅，豆腐，叉燒拉麵和豬軟骨拉麵。出餐都算快，服務員攞到食物放枱上都係熱辣辣。流心蛋肉餅，外脆內軟仲有流心，超正。豆腐就軟滑淋， 有日本豆腐的一貫水準，都淋和滑。豬軟骨拉麵的豬軟骨，就有啲似台灣的豬軟骨，但都好淋好軟熟，至於叉燒拉麵，啲叉燒就比較薄咗啲，但都算好味，而最後嘅拉麵，亦都有一貫日本嘅水準，不過不失。總結來說都係一個很好的午餐。

今日去北角匯商場睇戲之前，打算醫下肚，見呢間餐廳大排長龍，打算入去試吓。但係都唔算等咗好耐，大概15分鐘就入到去食。我哋叫咗個壽喜燒鍋轉蕃茄湯底，個湯底幾惹味，我特登加多隻雞蛋，加埋啲飯落去煮雜熣，都唔覺意食晒成碗飯。😌豚肉就正常啦，但呢個價錢都算多料，有菜有豆腐有豚肉。再叫多左四個小食，串燒都燒得幾香口，炸豆腐就外脆內軟，幾好送飯，炒草菇同餃子就一般啦，不過不失。兩個人埋單二百零蚊，我覺得都算好抵食，會再去幫襯。👍🏻

推薦度（10👍🏻滿）：2👍🏻衞生（10⭐️滿）：2⭐️環境（10⭐️滿）：6⭐️味道（10⭐️滿）：7⭐️價錢（10⭐️滿）：7⭐️服務（10⭐️滿）：7⭐️地點（10⭐️滿）：7⭐️唔知係唔係由於疫情關係，佢嘅清潔方面好盡力，連餐具都會有少少漂白水味😅。而我老公食完，個肚都有少少唔舒服。唔乾淨其實拉低咗好多分。個人來講其實應該都唔會再去。以環境來講都相對比較逼夾同隔離位真係膠板相隔，而會聽到晒隔離講乜嘢，都有少少嘈。我哋份餐具唔算污糟正常嘅，但聽到隔離枱話佢嚟到嘅食物個碗邊有飯粒。起初我哋都冇為意照樣咁食，味道方面唔係話太突出，不過不失，正常街坊價位，正常街坊口味。我哋叫咗個$228嘅二人餐，包兩個拉麵或者飯，同三個小食。拉麵佢話可以揀硬身，但你到我唔覺得有咩特別分別，不過佢隻流心蛋就真係流心嘅。牛舌係厚身唔係薄切，所以口感唔錯。佢嘅小食相對佢嘅主食來講係出色嘅，魷魚鬚炒得都唔錯炸雞翼都好大嚿同脆口，而炸雞佢比少咗一舊都好老實同我哋主動講話未炸好，佢之後會補返一舊俾我哋。

北角匯，已經是區內旺點，可惜場內食肆水平參差。星期日晚上8點仍要排隊，見店外有標示豚肉喜壽燒煱，就排了半小時。坐下點餐才告知全日不做煱物，這其實已經係違反商品説明條例，犯法的。無奈下點了黑蒜豚肉拉麵，起碼店是標榜豚肉。完全冇味嘅豚肉片，就如煲湯肉，湯底亦只是普通白湯加了浮沈的蒜油，就係冇味，仲貴幾蚊！最後，清潔阿姐拿住其他檯收返嚟人家食剩的碟過來收我們的碟，將人家嘅碟在我面前晃來晃去再叠在我張檯上，非常不衛生。好可怕的用餐體驗。

行北角滙商場，隨便找間食肆醫肚。公眾假期的下午一點多，人雖多但等候時間不算長，只等了約10分鐘。不過被安排坐門口位，比較熱。叫了兩個午餐。豚軟骨拉麵的豬骨湯幾香濃不咸，麵條爽滑。可惜豬軟骨只有三小塊，肉質比較柴。其中半邊糖芯蛋不新鮮。反而跟餐的小食吉列流心蛋豬肉餅最好食，外脆內軟。另一個午餐是吉列豬扒咖哩湯烏冬。豬扒粉漿炸得夠脆但豬扒較薄，冇曬肉汁；咖哩烏冬湯就不錯，不會杰撻撻，夠香濃。烏冬質素好。

今天我公主突然說要請吃飯，因她的上司調職太開心．哈．我們每次去北角匯都不會去這間，可能不是太吸印，但今次實在再吃其他，就試試這間吧．我們工５人，叫了個2 X２人餐，這個餐都幾抵食，主食兩個＋三個小吃，我地 LEE D 喜歡吃小吃多過吃主吃的就啱晒．價錢中等.這個芝士年糕很好吃, 皮很軟, 芝士拉絲,. 這個猪扒滑旦飯就...滑旦賣相很差, 實際口感都不好吃, 反而猪扒 ok . 肉身諗.這個炸雞有驚喜, 原本以為小吃一般啦, 沒什麼期望, 點知外脆內軟, 還有不少件. 抵吃. 這個吉列猪扒旦包飯就....咖哩汁一般日式啦, 好採不是太喊, 但件吉列猪扒就...an 都咬唔開, 咬到牙都軟埋. 不知何解, 可能隻小猪很懶, 不做運動.這個炸耗&炸蝦是我大上皇指定的, 他每次去吃日式飯是都必定叫的, 我們做細的, 明知這些是超一般的, 但都是要叫的. 果然好一般.這個猪軟骨拉麵都幾夠味 (不是大重味精), 軟骨都好諗身, 我太上皇都吃到.

下午茶時間北角匯好多食肆揀，係豚豚食堂門口見到都幾多人就揀佢試，下午茶餐一個飯或麵加一個小食價錢都ok吉列流心蛋豬肉餅一上菜賣相好吸引，蛋雖然流心但完全冇腥味但暖暖地，吉列唔油膩又脆口，但叫豬肉餅就食唔出肉味，跟小小椰菜沙律清清口腔舒服招牌牛油拉麵湯底夠濃我鐘意，牛油太小香味唔夠出唔到主題，义燒夠冧但有肥膏邊邊好肥，拉麵好彈牙冇鹼水味夾埋湯好好味總結:服務有禮貌同細心，但枱與枱之間太埋好似抗疫衛生有啲危險，下午茶好多配搭可以去試好多次都未重覆，期待下次去開北角可以食

係北角滙搵食，未必一定貴，其實都有啲比較平少少嘅食店，其中有一間叫豚豚食堂。我不太清楚豚豚食堂是否連所式的日式快餐店類別，不過見其裝修，就似日版茶餐廳(我見識少)。裝修係其次，食品味道先係重點。同友人各自叫咗個丼，友人話個咖喱味度似日式咖喱，即唔太辣有少許甜味，不過就唔係香咖喱味。我就食個滑蛋豬扒丼，先評個湯，飲落味道淡，感覺似水同料分開未煲埋一齊，所以都酌量夠了。主角係豬扒，咬落去鬆脆有肉汁，唔太油不過就淡味少少，豬扒厚度適中，炸皮唔可以話薄，不過就無甩出黎。滑蛋正常、洋蔥應可以炒香少少先出嚟。至於配菜，簡單一個芝麻醬加粟米，已經幾醒胃。埋單二位都係百幾蚊，算係北角滙內平價食店，所以用正常心態去食，會滿足的。

收工近近地就係北角匯個商場食飯️，見到meun套餐好掋食就入去試下，平日夜晚去到都坐滿人好彩都唔使等位☺️♥滑蛋吉列豬扒飯吉列豬扒炸得啱啱好唔會好厚粉 好有口感啲豬排唔會太靭 滑蛋撈飯可以食到一粒飯都冇淨😋♥白豚拉麵豬骨湯底 唔算好濃 叉燒好入味 個人嫌麵底有啲太淋🙈 鍾意食硬身少少♥芝士年糕呢個真係超好食😍😍😍 外脆內流心 應該係點咗芝士粉先再炸 超濃芝士🧀😋😋😋♥燒雞軟骨同燒雞翼 (各2串)燒得啱啱好 又唔會太咸 熱辣辣食先係最好味😋♥蒜蓉炒魷魚鬚 炒得好惹味 份量都唔少♡ 以上係自選二人套餐$228，任選兩碗拉麵/ 飯➕ 任選三款小食 夜晚抵食之選😋😋😋價錢唔貴 味道都可以☺️*佢仲有印花卡儲咖，滿$50有一個印花 可以換現金卷 一至四平日仲有三倍印花添❣

每次經過豚豚食堂，外面總是大排長龍，店內環境舒適之餘，食物款式繁多😯晚市亦有提供一人及二人套餐，除了有主食之外，仲有多款小食，價錢完全唔貴。豚肉壽喜燒定食$73，加$5改配了讚岐烏冬👍👍👍👍👍壽喜燒湯底味道帶甜，鍋内有娃娃菜、大蔥、金菇、豆腐及豚肉片，非常豐富。炸雞塊咖喱烏冬$75👍👍👍雞塊炸到卜卜脆，雞肉肉質嫩滑有肉汁，食完唔覺得油膩，加少少檸檬汁更為滋味燒雞翼及燒雞軟骨$45👍👍👍👍每款各有兩串，燒雞翼燒得香口，雞軟骨香脆又有嚼勁，簡單灑上少少七味粉更惹味。雖然是比不上高級日式餐廳，但這個價錢有這麼快靚正的質素，上菜速度迅速，店員態度友善，根本是完全無法挑剔的抵食之選😍😍😍

下班後決定在家附近吃一個簡便晚餐再回家，挑了一家坐得比較舒服的日式輕食餐廳店外的餐牌圖文並茂，有定食、拉麵、烏冬、鍋物、丼物、弁當、咖哩飯、意粉、扒類等，選擇繁多店內裝潢以淺色木系為主，牆上掛上不少以日本裝飾靠近門口位置的座位還有櫻花樹作伴，充滿日系感覺每次光顧必點牛肉咖喱烏冬，烏冬麵質香滑煙韌，咖喱味香濃主角網燒雪花牛扒定食均配味噌湯、是日前菜粟米沙律、半隻熟滷蛋及白飯！牛扒肉嫩肥美，加上照燒汁配飯一流凡惠顧一款主菜，可以半價購買飲品！熱奶茶只須$8每日限量小食燒油甘魚鮫配上檸檬汁，魚皮燒得香脆，魚肉甘香嫩滑