豚豚食堂

Open Now

Now Closed

今日開心星期五lunch當然周圍去覓食！咁就行遠啲去北角匯果度睇睇，本來想食馬拉菜，點知大排長龍，咁就上多一層見到豚豚食堂！唔使等位，本來以為伏伏地，點知平均一個lunch set $60左右，味道都OK喎！我嗌左一個吉列豬扒咖喱飯，套餐會有麵豉湯、半隻蛋同埋一小份粟米沙律。前菜就一般般啦，但係食個咖喱飯嘅時候諗起日本街頭500 yen嗰啲喺吉野家牛飯旁邊嘅咖喱飯餐廳質素，豬扒都起碼有七舊，咖喱係用豚肉同薯仔煮成，咁嘅價錢好OK

放假到港島區一日遊，去到北角已經差唔多到夜晚，女朋友行到攰想入左北角滙搵下野食，行左咁多間最後決定入去豚豚屋。因為好耐都冇食過日本料理。等候人數唔多，大約15分鐘左右就可以入座，雖然職員安排左近出入口牆邊位置，但好貼心咁放個路牌，以免其他食客經過打擾到我地叫左個2人套餐，主食方面就叫左個黑豚拉麵同招牌牛油拉麵，拉麵唔會太軟身，湯有濃濃既黑蒜味，叉燒偏瘦但對我黎講就岩岩好。小食方面可以任選3款，我地分別叫左炸薯餅，炒魷魚，燒雞翼搭雞軟骨各2串。比較有驚喜既係炸薯餅，南瓜蓉帶有甘甜，唔需要額外加沙律醬食。串燒方面，雞軟骨燒得唔夠耐同埋冇乜味道，雞翼就岩岩好，有調到味。

整體中規中距，下午茶餐黎講有d慳食材所以叫完個餐覺得非常唔夠配料，比較細份。味道普通，湯底有啲濃，麵質普通，幼身拉麵，口感剛好，不過可以再突破，有改善空間。d 肉亦都可以多少少，薄薄一兩片小塊不夠伴麵。 d肉煮得好普通，熟左，冇乜味。

喺附近工作，順到試一試呢間餐廳。過咗兩点唔算十分之多人。 點咗一客吉列豬扒， 豬扒炸得幾趣，冇雪藏味， 冇油益味 ，入口唔厚粉，鎖到肉汁之餘 唔會太油，味道 十分之好， 服務員態度殷勤! 下次會同朋友嚟試晚市 睇下水準會唔會維持到!

話說，已經蒞過好多次，試咗唔少食物，有啲幾好食，有啲麻麻地。今日又係試中一啲麻麻地嘅食物。限聚期間，六點收舖，好多人都係四點零五點湧出街食下午茶當 early dinner，今日我都係大概呢啲時間食飯。今日點咗兩個咖哩蛋飯，一個炸豬扒，一個漢堡扒。先講個漢堡扒，睇睇下面張相有咩感覺，大概都中了，唔好食，腍坺坺兼無牛肉味，得果兩小件，仲要特別貴。致於個豬扒就好少少，不過記憶中，之前食過係可以再好少少，今日真係唔知咩事，連沙律都可以唔記得落醬，個炸皮係免強可以接受嘅硬，肉質有少少靭。題外話，有人即使中間有板都都唔想同人搭枱，比張面壁卡位二人枱佢又唔高慶，真心的，噉樣抗疫期間唔好出街食飯吧啦。

今次食左屋企附近嘅餐廳，開左一年今日先第一次食。佢有拉麵，有咖哩飯，有便當，好多選擇。兩點去食冇咩人，唔洗等直接入去，餐廳環境乾淨，員工態度友善。叫左個白豚肉拉麵，朋友叫左個鯖魚豚肉便當。等左5分鐘就有，上餐速度好快。白豚拉麵，$69包含一碗拉麵同埋一份小食，份量適中。拉麵麵質有啲似即食麵，有啲淋。但係都可以接受。個湯好濃郁，有豬骨味。豬肉有三塊，好厚好大塊，但係稍微有點硬。拉麵仲有甘荀同木耳，正！雞軟骨好有咬口，配合檸檬汁，味道唔錯。朋友叫左鯖魚豚肉便當，魚冇腥味，豚肉甜甜地，幾好食。粟米淋上麻醬，好夾。

日式小食輕食餐，由於唔係好肚餓，但係六點後冇堂食，唯有趁仲有得食，就搵嘢食。好多餐廳都截咗單，好彩仲有呢間。餐廳選擇種類好多，拉麵，飯，炸物...佢哋有下午茶，但係真係唔係好肚餓所以唯有選擇小食。鯖魚- 腥腥地，一直都唔係好鍾意佢，但係我朋友鍾意食，陪下佢啦。沙律唔錯，份量多，醬汁好食，開胃之選。餃子-熱辣辣好好味，早知叫6隻啦。炸雞 - 真心抵食，分量多，炸得剛剛好，太邪惡啦！食物質素唔錯，坐得舒服，值得一試。

日本北角匯外的紫藤花隨道成為大家的打卡熱點、趁放假又跟姐姐去湊湊熱鬧、順道到旁邊商場午餐。經過豚豚食堂、發現這裡套餐選擇配搭超級多、有拉麵、丼飯、日本咖喱等、小食也多達數十款！點了白豚拉麵、奶白色的豚骨湯底也算濃郁、豚肉微微燒過、肉質仍保持軟嫩、若果多加玉子就更美味了。明太子雞翼外皮炸得香脆、飽滿大隻、雞肉嫩滑juicy ! 每次吃日本料理也必點。這裡的炸物不錯、炸雞有一定水準、唔乾而且仲有肉汁幾好味！

外賣自取圖左上角嘅午市雞扒set, 返到屋企先發現漢堡扒冇比到外賣又好難喺現場逐盒打開睇有冇比漏嘢味道係ok嘅，不過比漏食物有點失望，返到屋企冇理由再返去追，希望餐廳多加留意

以前去北角滙都係為咗去一田百貨買下野，依家真係越來越多食肆進駐，以亞洲美食為主，其中吃日本野就有好幾間，每逢假日經過都要排隊仲以家庭客多今次平日過咗午餐高峰去就唔洗排隊，直接安排坐位俾我，我睇咗午餐牌，係有主餐配小食，加飲品另計。主餐就有差不多10款拉麵選，小食仲有飯類選，咁我就選咗豚肉拉麵，小食選叉燒炒飯，係我係吃八番拉麵既組合個豚骨拉麵湯底唔錯，麵質屬小硬，我鍾意，個炒飯味道都唔錯，不過份量唔係好夠我食下次可能要再加其他小食啦

北角匯行緊日本超市之際，自然想搵番日本餐食。係北角匯外面，已經見到店外掛左吾少燈籠掛飾。秋風漸起，好想食暖笠笠既壽喜燒，牛肉壽喜燒鍋，吾貴，$79。加5蚊，就可以配烏冬或飯。大大份牛肉，金菇，豆腐。每一口都暖笠笠，壽喜燒汁其實真係好好味，配飯或烏冬都一流。難怪咁多人喜歡食。一份一人套餐，可選一款飯，加小食。豚肉丼飯其實都幾大碗下，豚肉份量好足，肚餓既寶寶就岩曬。豚肉都好滑好入味。小食選了餃子4件，沾上餃子汁。另外，加了一份小食燒雞翼拼雞軟骨。各兩串，好岩我這款樣樣想食既人，兩人食飯，一人一串。雞翼燒得黎，吾會油膩，少少鹽調味已經好夠。

北角匯依個商場開左一段時間，終於有機會去行下順便食lunch。商場唔算好大，所以餐廳其實都唔多。假日黎到都要等一陣先入到餐廳，見佢menu都頗多選擇，有啲選擇困難症。不過我最後都係諗住試下佢啲拉麵，於是就叫左個午市自選拉麵套餐($69)，有8款拉麵可以揀，但好多都要再額外加幾蚊，係得兩款唔洗，我揀左個招牌牛油拉麵(唔洗加錢)，個湯底係味增豬骨湯。另外個套餐會包埋一款小食，好多選擇而且亦都可以揀迷你飯。我試左個平時比較少機會見到嘅吉列流心蛋豬肉餅。拉麵黎到嘅時候真係有塊牛油喺到，感覺好邪惡。不過食落又唔會話好heavy嘅，味道算係正正常常咁，但唔會話令我印象特別深刻。不過啲拉麵分量真係頗多下，好大碗，食到最後超飽。至於個小食真心覺得唔錯，流心蛋啲蛋漿流哂出黎令人食慾大開，而且覺得佢同豬肉餅都好match，勁好味。屋企人另外叫左炸雞塊+燒牛肉丼($72)，依個set望落都好吸引，而且雞同牛嘅分量都唔少，可以一次過滿足兩個願望，再加埋其他配菜，簡直就係抵食，屋企人都話食完都勁飽。不過唯一有樣野無咁好嘅係佢啲雞塊嘅炸粉同平時食開嗰啲唔係好同，我係覺得個texture有啲怪(可能平時食開唐揚炸雞

北角匯有間豚豚食堂，好多唔同種類既日式定食，而且價位唔高，選擇又多！所以餐廳都好多人幫襯呀！我就點了$89自選一人套餐！點了赤豚拉麵， 湯底為豬骨湯底， 味道突出！豬骨味香濃！而拉麵係幼面，非常容易入口！ 麵質爽口彈下， 配料有木耳絲口感爽脆！ 叉燒片都幾嫩滑！有好幾片！ 整體個湯頭和拉麵配合得幾好！而小食配了細嘅叉燒飯，飯有叉燒，青椒，洋蔥，蛋！ 炒得幾香~口感豐富！唔會油潤感，食完個餐都非常飽肚，再點了份餃子，餃皮煎得香脆！內層餡餅肉質 juicy, 幾高質。

等咗好耐終於嚟到呢個北角嘅新商場行，喺北角來講呢個都算係最大型同埋最靚嘅商場，所以今日嘅晚餐都決定喺呢個新商場入面搵食。見到呢間都好多人排隊，所以就跟人拎飛去試吓呢間。佢啲嘢食都上得好快，係咁肚餓嘅情況底下非常好。我就叫咗呢個青魚豬肉定食。我朋友就叫咗個燒牛肉定食，兩個餐都算吸引。另外仲叫咗一串牛舌嚟食，都燒得幾香嘅嘢味。當然跟餐可以有個優惠價錢叫嘢飲。總括嚟講呢間都算係一間有質素嘅日式料理，而且價錢唔算貴，晚餐來講$100多少少可以買單👍🏻

北角碼頭有個商場北角匯 睇落以為係一個無咩野食既地方 點知原來幾多野食 來到呢間食日本野 我地都算早到但已經坐無虛席。入到去見到其他客人點既令樣食物份量都非常大，而家賣相極吸引，好想全部都試，最後係咁多選擇簡左幾款，要經歷幾次選擇困難先簡到午市雜錦拉麵套餐-拉麵上枱份量超大 值得一讚既係幾十蚊lunch 竟然有豬軟骨 叉燒同蟹柳 每樣都好淋稔入味 而本身湯底係豚骨湯底加日本拉麵 已經好夠味 每條麵都包裹著湯汁 真係享受！套餐仲可以自選一份小食 選了吉列流心蛋豬肉餅 係即叫即炸 入邊既流心旦依然非常流心 個蛋汁同埋豬肉餅真係一流！大推介網燒雪花牛扒定食-份量又係好大，女仔真心share 都可以個牛超級juicy 質素可以媲美出邊幾百蚊嘅牛扒 個餐仲跟埋麵豉湯同埋沙律終於明白點解座無虛席，真係又平又抵食