開心坊·親子餐廳 (Closed)

星期日晚係最唔想煮飯嘅一晚，上網找到這間隱世嘅親子餐廳，話明隱世，即係唔係好多人知、位置不太張揚，的確，人不太多，星期日都唔使訂位，Walk in🚶‍♂️就有得食，位置係何文田，雖然都叫係鐵路沿線🚉，但出咗站都要行一段路架！雖然係咁，但去到有驚喜，坐到個靚位，店員一見到我囡囡，就話：「不如坐近遊戲的地方，不用小朋友走得太遠，又可以容易看管到小朋友。」十分體貼細心😘食物方面，有set、有散叫，我哋就叫咗兩個set：1. 煙三文魚忌廉汁意粉：味道不太濃，好啱小朋友食2. 肉眼牛扒飯：五成熟，煎得好好，恰到好處可配湯🍵或沙律🥗及跟兩杯飲品，個湯係無味精嘅亞媽靚湯，亞囡勁鍾意❤️遊戲位置有Lego牆，小廚房等玩具，好適合3-6歲小朋友玩，不得不讚下囡囡，佢好乖，食嘢唔會扭計，食完晒嘢先去玩，抵錫😘大家都來試下啦！

同我家男人黎到何文田廣場到諗下晚餐食咩，咁岩見到依間餐廳，就走入黎試下啦，入到黎見到地方都算大，仲有好多俾小朋友玩的遊戲，拎左餐牌睇下，因為唔知食咩好，有個同事就走埋黎推薦左個佢地晚餐入面的祖傳五香焗雞，因為我懶，就決定食依個，就跟左個薯菜，而男人就叫左肉眼扒，男人個肉眼扒就上左先，我當然就有叉隻叉吉黎食下，估唔到好有驚喜，個扒煎得幾好，肉質鮮嫩，真係煎到7成熟，跟住到焗雞，肉質都好嫩，雞胸都唔好”鞋”，果然係唔錯，最後食埋個巨型焦糖燉蛋，真心勁滿足，下次一定會再幫襯。因為食晒啲嘢先醒起影相，所以只可以影到個甜品。

欣賞這家餐廳的店員工作賣力亦很有禮貌.今次在中午時候到訪, 點了一客雜菜蒜蓉意粉, 午市亦奉送沙拉和飲料.蒜蓉煎得很香口, 份量很足, 令整道菜更惹味.不合格的地方是意粉量太多而餸的份量太少. 整碟意粉幾乎都真的只有意粉, 雜菜的部份真的只有幾條幼青瓜, 露筍和一粒小蕃茄.

The restaurant is located on the second floor of Ho Man Tin Plaza, and is themed to be a family friendly cafe. There is a play area specifically for kids to play video games and have fun, which is one of the major selling points of the cafe. The concept of the restaurant is quite good and unique to the district of hmt, but the quality of food definitely have rooms of improvement.The first dish was Black truffle seafood risotto. The portion was very small and the plate was not appealing. The only

終於明白點解噤易搵位，原來完全唔值這個價囉。碟黑松露海鮮飯一來到，我&同事啞口無言、碟野細份到連女仔都唔夠。完全同之前大家POST 出來既相有差十萬八千里。以為佢隻碟好深啦，點知連2CM 都俾多佢。真係兩啖就可以食完。同個職員講啦，佢話Menu 既相只供參考，又話有齊黑松露、蝦、飯啦。我地話「個份量會唔會細份過頭啊?」職員就話「厭細份之嘛...」就一手攞走左去。語氣勁唔滿意囉。怪唔得之噤易搵到位啦。總之，無下次。

呢間餐廳已經開咗幾個月，終於嚟試一試。見到佢嘅午餐Menu價錢唔算特別平，大概$70-$90，我叫咗黑松露海鮮意大利飯，同加咗$18羽衣甘藍汁。個餐湯標榜冇味精，估唔到連渣都冇剩係得清湯，飲落好似水咁。羽衣甘藍汁味道正常。終於等到個意大利飯嚟，一擺低我嚇親，目測半碗飯都冇，成碟野三啖就食完。作為一個唔算大食嘅女仔，我食曬成個飯，好似乜嘢都冇落過肚。味道係唔差，但係$97一個空氣咁嘅lunch，唔會再去食。

一直都想試試呢間餐廳因爲在公司對面 而好像標榜健康大概1點10分到達環境都還可以 但是覺得的原素不足得足球機 同 入面有幾隻毛公仔價錢看來就合理吧 $49 - $169 的Lunch Set今天品嘗了兩份Set Lunch + 一份薯條 Set Lunch 菜乾豬骨湯 - 正常黑松露海鮮飯 ($79)- 超級細份 成年人可以兩口食曬D海鮮 得蜆 同蝦蜆肉仲細過手指尾的指甲蝦 就完全冇味 香蒜大蝦意粉 ($69)都係好細份仲要好咸 得三隻雪蝦薯條(跟餐加$8) -好咸 可以Dun到好多鹽出來這個價錢 食樓下的Itamama好好多

去完附近工作完，隨便一行，見到佢地有lunch and tea set menu. 由於本人很餓，店員介紹下，於是決定要一個Lunch set 烤雞個湯好清香，不是平時送的那種是但的餐湯。菜乾足料，不會油，不過如果你係咸底會嫌淡。（我諗如果唔夠咸你可以問佢加少計鹽的)由於平時老媽子煲油都係少鹽少油，同老媽子煲的差不多，無味精。 主角烤雞個樣子睇下來去好一般，伴菜雖然得四條，不過有heart用欖油煎，少少鹽，非常ok.平時我係唔會吃伴菜，那些蘿白同栗米的。炸雞殗得幾好，有香草味，肉肉不鞋口，剛剛熟那種，份量有半隻雞都夠飽。相反那個汁不用點雞。個飯煮得幾好一粒粒，唔係hea一pat pat那種，旁邊個汁撈下飯都不錯。星期六吃好D,89蚊 都合理。

由於在facebook無意中見到有early bird優惠，所以book定有85折。母親節有折比少有，而且有停車場可以開車去，消費後有一小時免費，比較方便同母親大人去。個包黑炭色正，個薯條夠脆。牛肉調得唔錯 , 本人是漢堡Fan,雖然同Burger XXXM 比，一定還有距進，以這店環境同地點，真係不錯 。黑炭塗的牛油底剛好不太油有香味，外型不錯。評:8/10個湯堅正，個渣好林，真係煲左好來差，飲完無口渴，所以真係無味精HKD35碗，還好，一碗都飽左D. 可以share。評:9/10個底汁不錯，包住D意大利粉很好，不過我覺得應該要多少少份量，煙肉剛好不會太多不會太油的感覺。評:8/10意大利飯，份量不太多，少少辣帶出香味，希望可以大份少少。真係做到意大利飯的感覺，不是Hea的。 評:7/10呢個豬扒是母親大人最喜歡的，有chewing的肉感，說是什麼黑毛豬類，因為我們平時都有吃開，所以佢地係用好貨的。個汁剛好不會太少又太多影響個味太咸或淡。我對豬一般，評:7/10烤雞： 個肉滑同醃得很入味，我比較喜歡脆皮的感覺 8/10送給ma ma 的 意大利芝士蛋糕，咖啡一般，但中間的那層芝士味

嬲到我，我外賣叫了一個芝士海鮮局飯，買到番屋企，一打開，成盒白飯咁，海得一粒，細得可憐，縮水縮到好似蝦干咁，魷魚又係縮水，細到一粒手指尾咁，唔知以為自己用40蚊買左盒白飯番黎，我番去同個店員投訴，佢話個廚師好忙，唔得閒出黎同我講，叫我下次買過第二樣食，咩態度呀？唔會再去幫襯。極差整差，估唔到服務差，食物貨不對板，不是良心企業，係咪要去消費者委員會投訴？呢個飯20蚊都俾多左佢啦，仲要買成40蚊，太差了。

感謝閨蜜帶我來何文田廣場開餐🍴🍺—開心坊.親子餐廳，坐下來第一時間看到餐牌的菜譜就覺得很棒很正！前菜先來一個煙三文魚芒果沙律🥭🥗，吃下去感覺很新鮮很清新自然的感覺！然後老闆特別推介了他們的招牌我們吃祖傳五香烤雞🍗和香草羊架🥩，真的是熱辣辣 香噴噴🔥，惹味十足！再來炒波菜溫泉蛋🍳，黑松露帶子意大利飯🍛，柚子雞翼，真的超級好吃，還有意式番茄醬長通粉🍝特別濃厚好味道！🧀Cheers 🍻每人都特別點了杯健康又超好喝的蘋果羽衣甘藍，特別新鮮，還有點果汁蔬菜可以吃到🍎🍹最後當然少不了甜品啦，濃厚的提拉米蘇，甜甜的法式焦糖燉蛋，未入口即溶的朱古力心太軟，我最喜歡吃這個西班牙甜脆條，很特別很香脆美味，吃完甜品人都開心點，哈哈！👍🏻😍今晚真的飽到上心口，還有其他菜式下次再來吃過吧，正啊！

上次係何文田廣場食野都見到有少餐廳，上次經過E間覺得Dset幾吸引想試下，但上次最後去左第二間，今次終於尼左鋪頭幾開揚，坐得幾舒服，我同朋友兩點幾去到，冇人唔洗等位我地3個都係叫左菠菜海鮮焗飯因為係即叫即做，所以要等等，我地大約等左10分鐘，都算快菠菜的意思應該係菠菜蓉菠菜汁，因為我地食唔到有菠菜，但佢成個汁都係綠色，所以應該係菠菜汁的意思芝士味幾香，不過如果可以再多少少就好海鮮就有蜆同魷魚因為我冇撈勻食，所以底下的飯冇汁，只係白飯，撈勻D會比較好

輕鬆Din 一Din, 你會去邊？ 我今次就揀左好似開心樂園咁既開心坊。「香烤豬肋骨配薯菜」豬肋骨，鬆軟，好入味，美式燒烤醬酸酸甜甜好開胃😋😋😋 薯條又大條又香口！價錢較其他餐廳平🍴👍🏻👍🏻「紐西蘭肉眼扒8安士」部位好靚！ 勁大塊！肉係粉紅色的，鮮美！ 配菜健康，我食曬啦～ 「法式焦糖燉蛋」酸酸的紅桑子配上脆蕉糖加滑嘟嘟既燉蛋，濃濃蛋香，仲有酸甜口感，好似談緊戀愛咁😻「雜果賓治」色彩繽紛，味道不錯。👍🏻蘋果羽衣甘藍就好健康，健康人生由依刻開始！但我希望下次有更多配搭！食飽，睇下環境，我就最欣賞呢個親子樂園區，好多小朋友都未必肯乖乖地坐定定食野，有咩法寶？ 玩下又食下，小朋友最愛

今日去左何文田探朋友，夜晚經過何文田廣場發現一間特別既餐廳，叫Top Fun Cafe,門口隔離有個game area可以俾小朋友同爸爸媽媽食完飯玩下switch 同足球機整間餐廳環境都算寬敞，坐得好舒服，晚餐有9款選擇，仲跟頭盤及飲品，我朋友叫左一個香烤豬肋骨，我就食紐西蘭肉眼排，豬肋骨好中份，有一隻手臂咁長，肉質鮮嫩，而且焗到好淋，離哂骨好易食，食落有香濃既燒烤味，我既肉眼扒叫左5成熟，廚師功力非常好，真係岩岩5成，食落去好嫩滑，一啲都唔un，兩份都配薯條，薯條炸到岩岩好非常香脆，飲品我加錢叫左杯雜果賓治，滿滿既雜果係底，另外我地再加左個甜品，法式焦糖燉蛋，因為即叫即做，上桌熱辣辣，焦糖燒到好靚，上面配襯左2粒紅莓，蛋味濃郁，兩個人埋單約300蚊，抵食雜果賓治 勁多雜果香烤豬肋骨 鮮嫩入味，肉質軟淋離骨紐西蘭肉眼扒 5成熟，嫩滑唔un 法式焦糖燉蛋 焦糖脆，蛋味香濃

呢間餐廳位置較隱蔽，係何文田果頭，所以比較少人發現。我同朋友兩個叫左total 兩個餐，三個小食同兩杯飲品，多到食唔曬😂😂頭盤可以揀沙律或者老火湯，我揀左沙律，水準一般。但朋友揀左湯，幾清同無味精👍🏼然後就黎左杯蘋果羽衣甘藍汁，好清甜同特別😆😆推介!第三樣野食係柚子雞翼，新鮮炸出黎，好脆，雞都好滑🥰第四樣係芝士薯條，中規中矩，少少林左，但都幾香口;)之後就係主菜-忌廉蝦長通粉，但我地轉左意粉，幾濃忌廉味，唔乾，蝦亦都好大舊🤩第二樣主菜係烤雞伴雞，雞估佢唔到咁滑!都幾juicy!!同埋份量幾大下，推薦💕最後係溫泉蛋菠菜，呢個真係好好味😭半熟蛋加芝士忌廉焗菠菜，配飯一流😋😋👍🏼👍🏼💕💕勁推薦!Overall 既評價係好唔錯，服務態度亦好好!服務員好細心。呢間餐廳特別既地方係有個area提供switch 同其他遊戲玩，好適合小朋友同一家大細黎一試^^🤓