滔滔甜品

Open Now

Now Closed

💜豆花紫花圓🍨 $38紫薯雪糕 芋圓 黑糖水晶 紫米 豆腐花💖全部都係我中意既野👻個雪糕好有驚喜 超香濃紫薯既甜味 夠軟滑🤩芋圓口感煙韌 但芋香味係淡淡的😗黑糖水晶口感似寒天 黑糖味香😚滿足👍🏻💯朋友叫左玄米茶雪糕 都好食! 但紫薯味夾d 有驚喜d!😁😍

武漢肺炎仲未完，食乜都要10 點前走，如果唔係就只可以買外賣 食完dinner, 都要快手食個甜品~ 響上環食完， 搵吓有咩甜品鋪， 點知睇吓睇吓，都係揀咗滔滔， 就行返去滔滔食鋪仔細細，個叔叔都好細心咁俾張凳仔我放背囊， 坐低之後先諗，原來我好耐都冇響度堂食過喇，次次都買外賣，唔知d味有冇咁同呢？！ 梗係冇啦，講出嚟都覺得自己白痴.我本來想揀雪糕，但係又唔捨得愛玉。。。。 所以，最後我又係食返黑糖珍珠檸檬愛玉食完之後覺得。。。 同外賣食嘅係一樣架！！！ 甜度剛剛好，愛玉又好好食， 食極都仲有咁，正呀！！！ 唔正我都唔會食咁多次啦個friend就食即制蛋白杏仁茶，見佢食嘅時候啖啖都係蛋白，好似好正咁， 真係隔離飯香不過我唔會放棄我嘅愛玉架！！ 愛玉世一！！

滔滔鋪仔細細，不過裝修懷舊有特色，有好多懷舊嘅物件而家都見唔到，等糖水嘅時候可以欣賞吓，而且甜品質素一啲都唔差，值得你一食再食椰汁西米配包心芋圓 - 芋圓有成5粒，好夠飽😅黑糖薑茶配包心芋圓 - 薑茶好夠辣，正👍🏻花糰子 - 一碗咩都有嘅甜品，有芝麻湯圓、小丸子、芋圓、桃膠，真係一次過食晒所有嘢，但又真係有少少鹹鹹地好得意椰果檸檬愛玉 - 愛玉清爽，椰果咬落有口感，配埋檸檬好開胃，我嘅至愛👍🏻👍🏻晚上六點至八點外賣甜品仲有八折，見到好多街坊都趕住八點前落嚟買，咁又係好抵食喎

武漢肺炎爆完又爆，而家仲用武漢肺炎做藉口搞限聚令，慶祝生日真係好麻煩。。。。 好彩呢個世界有樣嘢叫take away..... 我地食完嘢， 打陣機，緊係要食糖水啦~ 老點兩個人落去買糖水~ 首選滔滔~ yeah!!! 我就緊係食黑糖珍珠檸檬愛玉啦~ 都有friend跟機， 有d就食蛋白杏仁茶加桃膠， 木瓜燉雪耳， 紅豆沙拼綠豆沙~ 黑糖珍珠檸檬愛玉上面有粒熊仔糖， 食完塊檸檬之後食就啱啱好， 酸完之後甜返晒~ 細粒珍珠有口感， 有咬口 d愛玉先係我嘅至愛， 有好清新嘅檸檬味， 又唔係太甜， 真係冇得頂， 連跟我機嘅friend都話好好食~ 其他friend嘅糖水都話好好味，大家都好滿意一齊食糖水真係好開心~~~ 希望武漢肺炎快d走啦， 你快d返武漢啦。。。。。 唔好再出嚟害人咁我地就可以回復正常生活， 出去行街食飯喇

之前自從晚市無咗堂食之後都無出街食過糖水/甜品，早排心血來潮喺6點前衝入滔滔食咗碗😂 枯燥的生活需要一點甜🤪😋 紫玉園愛玉 $38呢碗即係芋圓+啫喱+黑糖水晶+蜜桃+雪糕。我哋兩碗都叫咗同一款，但雪糕就叫咗唔同～ 一碗要紫薯一碗要咗玄米茶，兩個雪糕味道真係超濃味同唔假，紫薯雪糕入面仲有粒粒紫薯肉😝 食雪糕嘅時候難免會畀啲糖水浸到，咁樣沾埋啲甜味反而仲正！黑糖水晶食落幾surprise，黑糖味濃但唔係死甜味，黑糖水晶同芋圓口感都係好煙韌😗 不過蜜桃都係罐頭貨，偏甜。

自從係元朗食個滔滔之後對佢哋嘅紫薯系列一有念念不忘！！原來佢哋係西環都有分店！！即刻沖去食～今次叫咗仙草紫草園 &豆花紫花園（各$38）嗰個紫薯雪糕真係超好食，仲有啲紫薯肉係入邊！我想講而家喺出邊食一球雪糕都可能要$30啦～佢每碗仲要有咁多其他配料超級抵食❤️佢嘅芋圓都幾煙煙銀銀～豆花紫花園入邊啲紫米好香又唔會太甜令我心思思下次你想食佢個紫米露🤤整體紫薯雪糕配仙草就清新啲配豆花呢就奶香多啲～其實上次食佢嘅清心丸都好正點解一個人嘅為要咁有限呢!?搞到我每次都心大心細唔知食咩好🤨

可能佢地唔熟西環街坊，最緊要親民，店沒有電話下單都算，外賣平台沒有自取都算，支付寶付費想叫第三方幫手比唔肯比人影個QR code都算，還要態度很不好，請他攞手機幫我跟家人談談處理付款都很不合作，大佬，呢度唔係油尖旺呀！開分店都好，都要熟識下民情，西環人要親民，唔係悔氣。好食都冇用，不懂服務之道，最終都會吃虧！

武漢肺炎爆完又爆，我地work from home完又再work from home, 不停咁loop...... 真係留響屋企都留到人都癲。。。。 玩咗成年喇， 武漢肺炎你快d返武漢啦我返開office, 收工都係例牌， 買外賣返去食啦~ 鬼咩， 而家武漢肺炎定埋d垃圾rule, 6 點後冇堂食， 唔買外賣唔通企響鋪頭門口食咩。。。。 我平時食開滔滔甜品嘅檸檬愛玉呀， 黑糖珍珠檸檬愛玉咁， 但係我今次想揀第二樣嘢。。。。 於是我又再睇menu, 睇嚟睇去， 我都係離唔開愛玉， 所以我揀咗愛玉仙草凍，好快就拎得~愛玉淡黃色又透明，仙草凍黑色， 再加埋d花奶，好似黑白咁， 都幾好睇。 做人最緊要識分是非黑白！！！其實呢個愛玉仙草凍都幾好食， 但係我都係鐘情於佢嘅檸檬愛玉嗰堆series, 等我下次睇吓會唔會試其他嘢先~小店要加油呀！！

武漢肺炎仲未爆完， 仲未可以約friend食飯， 成日屈響屋企食面真係人都癲。。。。 久唔久都要食吓出面街嘅嘢。 今日出開去拎團購嘢， 順手買個甜品返去食先~~~ 有個幾兩個月冇食滔滔甜品，一去到都真係唔駛揀， 黑糖珍珠檸檬愛玉吖唔該~ 我自備餐盒，算係用少d膠盒啦。。。。。。 大家呢一年嘅武漢肺炎已經用好多口罩同外賣盒，可以用少一個就一個啦~返到屋企沖完涼已經急不及待想拎出嚟食， 一食~ em...... 久違嘅味道呀 真係好卦住水準依然keep到， 唔太甜， 好香嘅檸檬味， 黑糖味~ 當然仲有好好食嘅珍珠同愛玉啦~ yummy~~~~

今次已經不知道是第幾次來到滔滔甜品,西環分店可能是5次吧？幾個月取得元朗國永久簽證又去了此店的主店。吸引我去完又去再去再三去的原因,就是他們最主打的產品 - 參元豆花!參元豆花  34元(1元外賣費 / 晚上8點前33元)   4.5/5分1. 配料有: 豆花,芋圓,地瓜圓,紫薯西米,愛玉2. 最推介的必定是滑過滑嘟嘟的豆花,入口即融好味到痴左線3. 芋圓,地瓜圓,紫薯西米都好唔錯架,不過真係俾豆花搶哂風頭4. 由於外賣只能選擇愛玉,其實我會建議大家選雪糕,因為都是另一好味之選!我在7點幾買的時間無人,當落單後突然有百萬大軍蜂擁而至,確實厲害,證明我有吸引手足的魅力?

今日專登去西環食好西，食完主餐就搵糖水食。路過見到呢間糖水店裝修懷舊幾特別，決定入去試試！叁元豆花碗野一上枱先發現原來份量都幾大，非常足料。豆腐花、西米、黑糖珍珠、芋圓、雪糕，呢個配搭可以話係天衣無縫，芋圓好煙韌，加上雪糕慢慢溶化，一個字 正！最後你會發覺碗野食極都食唔完，真係貨真價實！紫草園紅豆、仙草、芋圓、黑糖水晶、紫薯雪糕。每樣配料都十分多，女仔完全食唔哂，真係好大碗。紫薯雪糕超重紫薯味，咬落去真係有紫薯粒P.S. 好扺食！今次試既都係台式糖水，下次一於試下佢既傳統椰子糊先😂！

滔滔甜品西環食好細，門口長時間都有人排隊。照舊帶餐具買外賣。點了叄元豆花，材料有豆腐花、芋圓、地瓜圓、黑糖珍珠和紫薯西米。另外再在雪糕、紅豆、芒果、愛玉四選一；而我選了無味但口感似涼粉的愛玉。由於用料豐富，令口感有多種不同的味道，芋圓、地瓜圓、黑糖珍珠的甜味亦食得出不同層次。豆腐花很香荳味，亦非常滑身，但跟愛玉的滑又有不同。若要跟附近的木子作比較，滔滔的口感是比較好的一間。食完才知道，原來滔滔甜品來自元朗，幸好跟721白衣人無關，不是藍店呢。

無意中食到間超好食既糖水黃店♡————————————————————豆花紫花園 $38配料勁豐富，有黑糖水晶🔮、椰汁紫米、芋圓、地瓜圓🍠 、雪糕同豆花🍧。-味道以黑糖為主調，當中夾雜微微椰汁同桂花香🌼，豆花清甜夠凍，好好食✨！芋圓地瓜圓🍡味道唔算明顯，但勝在夠煙韌。反而黑糖水晶爽彈有口感🤎，黑糖味重，幾有驚喜(˶‾᷄ ⁻̫ ‾᷅˵)-雪糕可以揀紫薯🍠、玄米茶同雲呢拿味，個人大推玄米茶🍵！茶味濃而不澀，即使同豆花拼埋一齊食，隻味都好夾🤩！超推薦🎈！-紅豆沙拼綠豆沙 $22海帶爽口清香😚，帶微微陳皮香氣，雖然質感較稀薄，但整體味道清甜，都唔錯٩(˘◡˘)۶！

呢日食咗個late lunch, 仲好飽~ dinner又唔多想食，不過。。。 點少得甜品呢. 行吓行吓， 對腳自己行咗去滔滔.隔咗幾個星期冇食， 又要探吓我嘅至愛~ 愛玉！！！ 我又揀咗黑糖珍珠檸檬愛玉， 自備餐盒環保d 俾完錢， 等咗一陣， 叔叔就好好笑容咁拎俾我 (利申：佢有戴口罩，對眼笑晒咁), 我拎住呢盒重重嘅愛玉，自己好似傻咗咁， 咀角向上， 笑住咁返屋企.食極都仲有嘅愛玉， 真係好開心. 我八卦， search吓愛玉係咩嚟， 發現原來係有益嘅嘢食嚟架， 不愧我咁鍾意你. 愛玉可以降低膽固醇，預防高血壓，消水腫，肌膚有彈性，瘦身，消暑，改善便秘。。。。 真係好有用，我真係變咗個愛玉打手.

當晚西環打冷飯局後，到區內此店食甜品，店仔地方不大，只有三、四張枱，可能疫情關係，客人多選擇外賣，好快安排了入座。仙草紫草園 $38配料有仙草、黑糖水晶、蜜紅豆、芋圓，再加上一球冰烤紫薯味雪糕。芋圓煙韌彈牙，粒粒紅豆甜度適中，半溶雪糕與配料混埋一口食，享受到冰涼甜美多重口感，正呀！一碗份量都幾多一個子食唔晒，若二人享用會較好。另外值得一提的是紫薯味雪糕，市面上比較少見，微微烤過的紫薯香味，真值得一試。