十和田總本店

Open Now

Now Closed

朋友上個月生日但一直未夾到時間食飯咁啱今晚得閒所以搵咗三間餐廳俾佢揀睇到啲食評同食物相都好似OK 所以佢就話去呢間試吓 我哋坐兩人枱 ，枱面擺咗一個裝筷子盒 ，兩隻碟同埋兩個杯 職員再擺咗個水壺 其實都已經冇乜位開頭就嚟咗個火炙壽司拼盤 五件壽司 擺喺一隻長碟 同埋海膽手卷一件 都係同一個size嘅碟呢兩隻碟已經擺滿晒成張枱 😅 跟住好快就嚟多一碟同樣size裝住兩件玉子壽司 朋友就即刻拎起件海膽手卷先有位擺 跟住朋友就笑住咁問職員 ： 你哋會唔會有啲細d嘅碟 ，因為你見到冇乜位啦 職員就答佢： 暫時未有無幾耐又嚟多碟松葉蟹三味壽司 都係同一個size嘅碟 我哋都O咗嘴 ，張枱有咁細 呢碟都唔知點擺，但仲叫咗其他嘢未嚟🤦🏻‍♀️另外一個職員行過嚟講都唔講就拎走嗰盒筷子同上面嘅嘢 ，擺咗個水壺喺隔籬嗰張吉枱然後擺返嗰樽豉油去我個frd張枱嘅角落頭位 ， 但豉油樽個底係好污糟都唔理照擺低跟住就兩隻明太子雞翼 都夾硬擺喺我個frd嗰邊個位 燒茄子嚟到嘅時候，當然冇位擺啦 個職員見我面前嗰碟蝦三味壽司仲有一件 好唔客氣咁同我講： 你夾起佢啦 🤷🏻‍♀️ 唔係茶餐廳架，係咪啲嘢一出就要立刻食晒先 ？

以前係尖東出Job 係必食~原因絕對係佢嘅午市套餐定食性價比極高~🤩前幾日帶朋友仔去食🤭估唔到壽司定食仲keep住同價午市壽司定食套餐($128)點解話佢性價比高？係因為除咗六件青瓜卷魷魚帶子三文魚油甘魚同吞拿魚壽司外,仲有海膽軍艦三文魚子軍艦~海膽仲要味道唔差的~驚喜既係過左幾年依個Set 都冇變過🥹海鮮丼($218)少見丼飯都會用赤醋飯👍仲有海量吞拿魚茸三文魚籽份量都唔少~依個Set 仲包左個茶碗蒸🤭

環境舒適，地點便利日式壽司店✨上班一族午餐之選😍火炙左口魚邊丼左口魚邊的魚肉新鮮晶瑩，經過火炙後散發出獨特的香氣。每一口都可以感受到柔軟而細膩的魚肉，加上甘香的魚油，滋味更加豐富。米飯的質地恰到好處，每粒米飯都吸收了醬油精華，多重滋味粒粒分明而有嚼勁。隨行附上的麵豉湯味道醇厚，帶有淡淡的豆香，令整體用餐體驗更加完美。日式蒸蛋口感滑嫩，味道清新，剛好平衡了魚的濃郁味道。鰻魚飯鰻魚外皮炙烤至酥脆，內裡卻保持了鮮嫩的口感，每一口都能感受到炭火香氣與新鮮鰻魚的完美結合。醬汁調味適中，甜鹹得當，與米飯搭配得天衣無縫。麵豉湯和日式蒸蛋在這套餐點中同樣出色，蒸蛋依然是那般滑嫩，湯汁濃郁卻不過重，簡直是結合了視覺與味覺的雙重享受。

尖沙咀🚇呢間十和田總本店，食物質素好得來👍環境又大又舒適，尤其係佢哋嘅🍱午市套餐選擇豐富性價比又高🤩。午市壽司套餐 🍣 只係$128，入面有咩壽司完全係由👨‍🍳廚師發板，而且佢啲壽司飯🍚係用赤醋製作而成味道幾有層次🤤，加上每一件壽司用嘅🐟刺身都好新鮮，所以十分美味！個餐有包埋個🥣麵豉湯，食完壽司🍣再飲埋個麵豉湯十分之滿足🥰。西京味噌🔥燒銀鱈魚定食$158份量十足， 銀鱈魚🐟有兩大件十分慷慨，西京味噌醬汁香濃入味😍而且燒得啱啱好外脆內嫩，令人回味無窮👍！呢個餐有包埋少少🥗沙律、麵豉湯同埋香滑嘅🥚茶碗蒸，係十分之豐富嘅午餐之選😋。

尖沙咀高質壽司店❤️午餐勁抵食😍餐廳環境寬敞舒適，入去好日式嘅感覺🥰估唔到尖沙咀都可以食到咁抵食嘅壽司lunch午市壽司套餐 $128有牡丹蝦、帶子、海膽、魷魚、鯛魚、三文魚、三文魚籽、吞拿魚、青瓜小卷刺身好新鮮又足料🤩仲配埋赤醋飯，好滿足💖刺身拼鰻魚飯 $128呢個餐都勁抵，配埋茶碗蒸、麵豉湯茶碗蒸好好味！好嫩滑🤤鰻魚飯份量都唔少，女仔食啱啱好，鰻魚肥美軟滑👍🏻三款刺身勁厚切🤯仲有牡丹蝦！真係好豐富好抵食‼️

【尖沙咀•十和田總本店】@ππππππππππππππππππππππππππππππ尖沙咀平民日式料理餐廳壽司拼叉燒湯烏冬(配湯，蛋)火炙牛肉烏冬（配壽司)香蔥吞拿魚腩丼(配湯，蛋)餐廳精湛的廚藝使得火炙牛肉烏冬和香蔥吞拿魚腩飯也成為了絕佳的選擇。壽司拼盤呈現了新鮮、美味的海鮮，每一片都充滿了深邃的風味。叉燒湯烏冬濃郁的湯頭搭配著口感鮮嫩的叉燒，讓人回味無窮。火炙牛肉烏冬則完美地展現了烤牛肉的鮮美風味，配上烏冬的QQ口感，絕對令人驚艷。香蔥吞拿魚腩飯則帶給人健康美味的感受，魚肉鮮嫩，配上香氣四溢的香蔥，美味無比。餐廳環境：🔥🔥🔥🔥🔥服務質素：⛄⛄⛄⛄⛄食物味道：🍾🍾🍾🍾🍾性價比：🎟️🎟️🎟️🎟️🎟️消費 HKD 350✨✨✨✨✨✨✨✨✨✨✨✨✨#尖沙咀美食 #十和田總本店 #web3尖沙咀十和田總本店尖沙咀金馬倫道42號華懋金馬倫中心地舖

今日剛剛外地回香港，真係好唔習慣天氣咁鬼熱，所以諗住喺尖沙咀搵一間夠冷氣嘅餐廳食中午飯。經過呢間日本餐廳，記得以前係要大排長龍，今日竟然唔使排隊，就即刻入去啦，呢度冷氣真係超足夠，地方仲要好乾淨企理整齊！太耐冇食日本餐啦，所以一下子叫咗幾樣嘢，全部都超好食！香蔥吞拿魚腩don份量都唔細，吞拿魚腩夠新鮮，啲飯同醋嘅比例剛剛好，正！另外都叫左一個鰻魚飯，鰻魚超好食，加埋醬汁甜甜地，同埋用埋個日本pepper粉，好好食。兩個lunchset其實都有跟miso soup同茶碗蒸，但係因為茶碗蒸實在太好食啦，所以最後再花點咗一個，超級滑身，好香蛋味！lunchset嚟講都真係幾抵食。

帆立貝松葉蟹丼$168刺身拼鰻魚飯$128好味指數：😋😋😋😋😋抵食指數：💲💲💲💲💲環境舒適：😌😌😌😌環境衛生：🧹🧹🧹🧹🧹服務質素：💁🏼‍♀️ 💁🏼‍♀️ 💁🏼‍♀️ 💁🏼‍♀️一直好想試這間壽司🍣店，也未有機會。終於有日因為有事去尖沙咀佐敦一帶，午飯時間，發現有午市套餐，價錢又不太貴，就試一試。點了2份午市套餐。每份套餐有茶碗蒸及麵豉湯。茶碗蒸的蛋表面光滑，口感細緻滑順，味道清甜又夠熱。麵豉湯不會過咸。凡立貝松葉蟹丼好多蟹🦀肉，整碗飯上面都是蟹肉，口感軟滑，帶點海水🌊的咸鮮味！帆立貝肉身厚實，味道鮮甜，口感滑嫩。充滿醬香的鰻魚肉質厚實，沒有腥味，也沒有泥味，帶點油脂。如想味道更香，可加點餐廳提供的山椒粉。刺身有三文魚、吞拿魚、油甘魚及赤蝦。全部厚切，口感非常好。赤蝦鮮甜有蝦膏。

《十和田總本店の食評》 by@ihungry.hk懷念日本嘅味道🔥？由擁有20多年經驗嘅資深日籍壽司師傅主理嘅十和田總本店👺，務求用最傳統手法打造日本料理，餐廳主打多款壽司、刺身、丼飯、燒物與定食等等，嚴格挑選新鮮食材，精心製作日本料理，食物質素與價錢同樣咁吸引，絕對值得一試🥰！🔸『前菜 - FREE』▶️包括茶碗蒸及麵豉湯　茶碗蒸堅用上等貨料，蒸汽溫潤香氣撲鼻，每口都係幸福滋味；而麵豉湯湯頭濃郁，非常地道☺️！🔸『香蔥吞拿魚腩丼 - $128』吞拿魚腩🐟經過精心處理，保留魚肉原有鮮甜，配以清香撲鼻嘅香蔥，清香四溢，唔會太膩！🔸『雜錦魚生丼 - $128』魚生丼匯聚多款新鮮魚類，每款都係現切現上．爽甜彈牙！🔸『三文魚三味壽司 - $42』三文魚三味壽司包括中三文魚腩、火炙三文魚、三文魚壽司，三文魚油脂比例豐富，有入口即融嘅感覺，如果你係三文魚迷，就絕對唔可以錯過🐟！🤪iHungry肚餓指數：8/10

🧡三色丼 配麵豉湯、茶碗蒸蛋 $188三色丼中的三色分別為蟹膏蟹肉、海膽和吞拿魚蓉。蟹膏味道濃郁，蟹肉亦十分鮮甜，份量毫不吝嗇。海膽鮮甜無腥味；吞拿魚蓉配上Wasabi豉油更為惹味。看似細小的三碗丼飯，實際飯量也頗多，胃口不大的朋友可以選擇少飯。另外，麵豉湯不會太鹹；茶碗蒸蛋亦非常嫩滑，內裡還有冬菇等食材，整個套餐非常豐富🤗🦪吉列生蠔湯烏冬 配壽司 $88吉列生蠔有四件，炸漿脆薄，生蠔肥美。昆布湯清甜，烏冬滑溜，加上新鮮且肥厚的三文魚壽司，性質比非常高😋

餐廳環境是走日系風格，舒服自在，中午經過就決定一個人吃日式料理，滿足自己的肚午市套餐選擇都幾多款，蔥吞拿魚腩丼，雜錦魚生丼，三文魚親子丼，壽司拼叉燒湯烏冬，刺身拼鰻魚飯今次就叫了刺身拼鰻魚飯，因為可以一次過滿足兩個願望：刺身&鰻魚味噌湯擺盤非常出色，有齊味噌湯同茶碗蒸蛋，同主菜刺身：吞拿魚、三文魚腩、油甘魚腩刺身好新鮮，三文魚好厚身，厚切程度令人好有驚喜，而且肉質鮮嫩，不錯！鰻魚飯鰻魚配靈魂醬汁，再吃一啖飯，一流！鰻魚肉質軟滑，不怕有刺，處理不錯茶碗蒸最後整返個茶碗蒸，這家餐廳的用料講究，蛋有蛋香、蟹柳，足料！叫了一份穴子，很大塊，好滿足。

十和田都開左好多年, 間唔中都會嚟幫襯下. 呢日黃雨, 就行過尖沙咀嘅商場入嚟避雨順便食個飯. 之前每次都係晚市先去, 每次都要排長龍先入得, 相對中午時段就容易啲有位🫰🏻餐廳嘅設計係地道日式風格, 用咗原木系列裝修, 燈光柔和, 喺度悠閒咁坐低飲杯茶, 感覺舒服. 我地點咗兩個午市套餐🍣午市壽司套餐 配 麵豉湯 十和田一向都好注重品質, 壽司睇落已經非常新鮮. 呢個拼盤有我鍾意食嘅海膽、赤蝦、墨魚、吞拿魚同埋帆立貝壽司, 仲有用赤飯配搭嘅青瓜卷, 可以俾我喺品嚐唔同種類嘅魚壽司之間轉換口味, 細細品味每種食材嘅風味🥢🐟刺身拼鰻魚飯 配麵豉湯 茶碗蒸呢個套餐真係可以滿足你對日式料理嘅多個願望, 有鰻魚飯, 有精緻刺身, 同埋好受歡迎嘅茶碗蒸同埋麵豉湯. 刺身方面有油甘魚, 三文魚同埋吞拿魚, 仲有鮮美嘅赤蝦. 一啖鰻魚飯配一啖刺身, 大滿足💆🏻‍♂️💛個人必食推介: 刺身拼鰻魚飯返食指數: 🥑🥑🥑🥑(5🥑滿分) #刺身拼鰻魚飯 ($138)#午市壽司套餐 ($128)@towada_sushi______________________________📍 十和田總本店 (尖沙咀)尖沙咀

食物質素不俗，但員工態度極差，無下次亦唔會推薦。餐廳四點半落場，我哋三點半入座，都未坐好男侍應就埋嚟黑面講咗句嘢，聽唔清，我哋要問另一位侍應先知道佢講四點last order。同一位男侍應上菜，黑面兼無禮，其間亦聽到佢同其他職員大聲講「做埋食得飯」，令我哋感覺不被歡迎。我哋最後食咗半個鐘就走，埋單$300+。我哋唔係第一次食，但經過今次以後都唔會再黎，亦唔會推薦。

午巿壽司套餐(配湯)墨魚,三文魚，帶子,海膽,三文魚子，赤蝦，青瓜卷，油甘魚,吞拿魚壽司套餐有好多多款唔同嘅壽司就唔使諗食啲咩都係幾好嘅選擇呢個價錢就已經食到靚吞拿魚同海膽呢啲貴價貨真係幾唔錯牛油果 (一件)自從唔知邊間壽司店開始出咗牛油果壽司之後基本上我每見到都會叫，畢竟我真係鍾意食牛油果而且靚嘅牛油果真係好難，加上牛油果配壽司又幾夾，有啲人仲會覺得點豉油Wasabi嘅牛油果係三文魚味信州蘋果梳打雖然蘋果梳打出咗好耐，但真係第一次飲，味道有幾唔錯唔會好甜

.十和田大概2017年開業，已經係香港開業左7年，成日經過，今次食左軍艦三味壽司、穴子丼、火炙魚生飯🤤埋單$433，人均216左右。..火炙魚生飯$138魚生種類多，三文魚、吞拿魚、蝦、左口魚、穴子、油甘魚、帶子、魷魚🦑、三文魚子，用左江戶前嘅做法加入赤醋..穴子丼$118價錢好抵食，脂肪少，口感相對較為清淡爽口，肉質纖細，清甜味鮮，配搭醋飯更添鮮味..軍艦三味壽司$138海膽軍艦、三文魚子軍艦、蟹肉蟹膏軍艦，海膽味道鮮甜，三文魚子軍艦帶咸香..地址：十和田總本店 (尖沙咀)尖沙咀金馬倫道42號華懋金馬倫中心地舖..