富山居 (Under Renovation)

一日之計在於晨 早餐係我哋最需要吸取嘅營養來源 所以一定要食好啲👍🏻呢間位於大元街市嘅居酒屋 估唔到日式居酒屋竟然有早餐食 抱着好奇嘅心態下試吓佢先😋珍寶煙肉全餐呢個全餐嘅食物種類好豐富 全部都係早餐必備嘅 咁就啱晒啲選擇困難㗎啦🙈可以一次過食晒咁多款！呢個全餐裏面嘅食物都好新鮮 全部都熱辣辣 即叫即整 特別要提下佢個豬柳漢堡同炒蛋 漢堡大大塊 煎到啱啱好 鹹香味十足 炒蛋好滑嫩 特別要講吓 佢哋嘅蛋係用咗唔同種類嘅新鮮蛋炒制而成 亦都好多蛋汁 照燒十勝豬扒脆脆豬餐廳既招牌菜！日式生果蔬菜醃料烹調，豬扒特別厚切同埋嫩滑juicy 再配埋好脆口既包 食落口口感豐富🥰總括嚟講 呢一間值得推介！

今日朝早反工前 想食個早餐精神下 住左起大埔咁耐 想發掘下啲好食既早餐😍見到呢間位於大元街市既居酒屋🏮 最有驚喜既系有各式各樣既早餐 好抵食啊😍茄汁焗豆加脆薯餅配網燒牛扒 配農場煎蛋/脆皮腸/火腿/豬柳漢堡呢個網燒牛扒雖然系薄切 但系好有肉味 再加埋燒汁 食落好滿足🙈薯餅炸到好脆 唔會好油膩 再加埋茄汁頭好豐富！吉列魚柳 + 香滑炒蛋 + 輕量級蕃茄肉碎通粉 炸魚柳好大塊 炸粉薄身好食 魚柳新鮮 再配埋靈魂沙律醬 無敵😍炒蛋用左唔同既蛋製成 口感好豐富 好正！ 通粉好入味 蕃茄配肉碎好夾 無得輸！下次想食早餐一定會念起呢間😍因為價錢好抵 質素都好高！

今日出去考完試 返嚟大埔都仲係好早 就去咗謂語大元街市嘅《富山居》呢間已經成日聽啲街坊講好好食 份量又足料 價錢又唔貴 今日一於到我試吓佢先！牧場烤多士加茄汁焗豆配照燒雞肉奄列 因為朝頭早唔想食太多野 所以叫咗呢個照燒雞肉奄列 好似比較特別 出邊都唔係好聽到有啲咁嘅款式😍 雞肉好滑 同個奄列一齊食啖啖肉 估唔到佢哋咁夾 除此之外個烤多士都好熱辣辣 烘到卜卜脆 唔會太窿 同茄汁豆一齊食好惹味滿足！茄汁焗豆加脆薯餅配網燒牛扒 配農場煎蛋/脆皮腸/火腿/豬柳漢堡我揀咗配豬柳漢堡 網燒牛扒雖然薄切 但係味道都唔錯 有肉味 唔算乾 薯餅卜卜脆 炸到好熱辣辣 最緊要係個薯餅唔會太油膩 味道都唔錯！總括嚟講 如果諗唔到食咩早餐 可以過嚟呢度！真係捧住個肚返屋企啊🙈

上網見到好多人推介呢間餐廳 佢哋話呢度嘅午市套餐好抵食！加上今日經過大埔 所以一於試吓呢間餐廳先🥰我哋今日叫咗兩個壽司set 叫左個加州反卷伴雜錦壽司同金龍蝦反卷伴火炙雙目壽司 我覺得嗰個金龍蝦反卷壽司有驚喜 裏面全部都係我鍾意食嘅食物 有我最鍾意食嘅火炙三文魚 無骨啖啖肉嘅鰻魚 同炸到好邪惡嘅吉列炸蝦飯卷🥰火隻三文魚好新鮮 雖然三文魚唔厚 但係充滿魚油香 鰻魚啖啖肉 冇碎骨 而吉列炸蝦反卷個蝦肉好新鮮大牙 出邊嘅炸粉好薄 再配埋沙律醬同蟹子 好惹味 雖然食壽司已經好飽 但係佢仲會配一個迷你烏冬！😋真係好抵食 成餐飯都好豐富好滿足！友人就叫咗加州反卷 佢話味道都唔錯啊份量好足 真係食完一個lunch就好飽🥰 下次一定要再過嚟食！

今日同朋友去大埔行街 晏晝諗唔到食咩 朋友想平平哋但係又可以食日式午餐 於是上網見到呢間餐廳好多好評 試吓佢好唔好食先😋呢度嘅環境非常之特別 牆上面有好多唔同嘅壁畫 有一幅令我10分深刻嘅櫻花樹 令到個環境充滿晒日式嘅風味😍好掛住日本呀！慢煮燒豬軟骨湯手打烏冬 呢個豬軟骨係慢煮 所以豬軟骨好入味軟淋 入口即溶 再加上鎖住啲肉汁 所以呢個豬軟骨係好好食👍🏻 簡直係心機之作 烏冬好爽口彈牙 一睇就知呢個烏冬好高質 再加上豬骨湯 味道濃郁好入味 真係想成碗湯飲晒佢啊🥰加州反卷伴雜錦壽司共八件另外我哋叫咗個壽司套餐烏冬 壽司方面有三件加州反卷 仲有三文魚、玻璃蝦、熟蝦等 全部都好新鮮 味道都唔差 全部都好大舊！！仲會配埋一個小食中華沙律 成個套餐都好抵食呀😍👍🏻總括嚟講 呢間餐廳我都推薦大家去！

呢一間位於大元街市美食廣場嘅居酒屋晨早流流已經有早餐可以供應🙈唔係唔試吓佢呀嘛！價錢唔貴 份量又足！因為比較肚餓嘅關係 我叫左珍寶煙肉全餐 裏面有煙肉，豬柳漢堡，火腿，炒蛋，茄汁豆，薯餅 真係集齊晒早餐必有嘅食物！瀦留漢堡煎得好香 即叫即做熱辣辣 薯餅好香口 微微嘅炸脆皮 唔會好油膩 滑蛋同煙肉都整到岩岩好 唔會過熟👍🏻茄汁焗豆加脆薯餅配網燒牛扒 配農場煎蛋/脆皮腸/火腿/豬柳漢堡牛扒比較薄身 但係好有肉味 牛扒上邊有啲燒汁 令到個牛扒唔會太乾 反而好嫩滑有咬口 再配埋脆皮腸同薯餅 都只不過係$40 仲會有埋嘢飲添！真係好抵食下次經過大元街市一定要食佢哋嘅早餐 亦都可以試吓佢哋嘅lunch set 價錢好實惠！

呢間居酒屋放置咁一棵仿櫻花樹可以比客人掛上一啲心願牌好似真係去咗日本祈求心願一樣☺️呢間居酒屋嘅早餐相當唔錯，即使係簡單早餐，但係一啲都唔馬虎，就好似我叫嘅呢個珍寶煙肉全餐，煙肉煎得剛剛好，煎到金黃色嘅邊微微脆，好咁微脆又夠油香，炒蛋夠滑唔會老，薯餅薄脆，一粒粒嘅薯仔粒👍🏼全部用心製作🥰仲叫咗另外一個餐牧場烤多士、香滑炒蛋加蕃茄肉碎通粉配豬柳漢堡，相信多士烘過兩次，所以外皮特別脆！但唔會咬落硬身，加上牛油真係絕配👍🏼蕃茄肉碎通粉用料好足，蕃茄同肉碎份量都較多，令整個湯底都好濃郁，通粉煮到好入味😋掛住日本嘅人不妨嚟呢度掛個許願牌許個願，當去咗日本一趟都唔錯，又可以試到餐廳用心製作嘅食物☀️

【大埔• 富山居】————————————————————————呢個熟食平台細個成日會上嚟食嘢已經好耐冇嚟過呢度 啲餐廳當然轉晒啦今次朋友帶我試一間新開冇半年日本餐廳 門口餐牌睇落好似食緊放題咁樣 睇見都吸引好彩早嚟 之後又係勁多人排隊食物選擇都算多 日式午餐 冷麵 撈麵 壽司 定食等等今次同朋友都揀咗十勝豚系列熱飲+HKD5 凍飲+HKD8飲品比平時茶餐廳大杯啲🍯鐵板原塊豬扒炒日式烏冬 HKD58鐵板成日覺得夜晚先食得 估唔到晏晝都有一見到塊豬扒O咗咀😵會唔會太大塊呢比平時食大成倍 成塊豬扒遮住塊鐵板🤭🤭🤭仲要係厚切‼️真心唔係講笑切落去已經知道好軟熟 食落去正到呢😍心心眼厚切豬扒非常軟淋多汁 唔會煎過龍呢個價錢呢個質素五⭐️⭐️⭐️⭐️⭐️爆燈‼️個炒烏冬仲要好有鑊氣 本身見到咁大份以為食唔晒最後好食到成碟清唒🐷🐷🐷🍯碳燒厚切豬扒飯 HKD52仲有配菜同醬汁選擇配菜：韓國餐肉蛋/瑞士雞翼兩隻/七味炸雞/脆皮腸醬汁：洋蔥汁/黑椒汁/秘製蔥油汁朋友揀咗七味炸雞配秘製蔥油汁蔥油撈飯正呀😍佢塊豬扒同我一樣勁厚切 炸雞都入味Juice 見佢食到咁快就知啦🙈🍯串燒拼盤 五品 HKD55雞翼。蘆筍牛肉串。京

而家疫情好嚴重 夜晚冇得出去外出食晚餐 咁唯有晏晝補返數 上網見到呢間位於大埔嘅居酒屋 佢哋嘅lunch set都可以食到好豐富 同晚市套餐一樣咁高質🙈板燒雞扒香蔥醬油撈麵 呢啲茶餐廳先會出現嘅食物 竟然係居酒屋見到 但係質素比茶餐廳高好多！雞扒好香口 嫩滑 雖然好厚但係一啲都唔鞋 食落啖啖肉 雞皮唔會好油膩 香蔥味好出 再配埋蒜蓉 重口味人士必食 個撈麵真係好入味 好食😋 岩鹽燒牛舌伴溫室蕃茄手工扁意粉 呢度嘅牛舌味道真係好高質 牛舌雖然薄薄一層 但係一咬落去好淋 入口即溶 完全唔使好大力就可以咬開 岩鹽落得岩岩好 唔會太鹹 手工扁意粉好入味 意粉好彈牙 呢個真係唔錯！總括嚟講呢間 居酒屋嘅質素真係唔錯 好值得再嚟！

今日朝頭早做完運動 行過大埔想食早餐 見到呢間日式居酒屋竟然有早餐 一於去試吓睇吓好唔好食先🙈牧場烤多士+香滑炒蛋 +蕃茄肉碎通粉 配: 豬柳漢堡/法蘭克福腸/韓式午餐肉 可以選擇一款呢個早餐非常豐富 多士烘到脆卜卜 唔會太窿 反而好有咬口 滑蛋好嫩滑 蛋味好重 再加上我最鍾意食嘅法蘭克福腸😍呢個早餐真係冇得彈！番茄肉碎通粉都係我嘅至愛 蕃茄味好濃郁 通粉好入味 份量都好大 食完都飽到唔想食lunch🙈同行嘅仲叫咗另外一個餐吉列魚柳 + 香滑炒蛋 + 輕量級蕃茄肉碎通粉 吉列魚柳炸到脆卜卜 魚肉好嫩滑新鮮 再配埋沙律醬一齊食真係好正 香滑炒蛋好滑 有蛋味 真係食完仲想再食啊👍🏻估唔到大埔竟然有啲咁高質嘅早餐！下次做完運動一定要再過嚟試🙈

好多時候一早起身出去食個早餐，個人都未瞓醒咁，茶餐廳通常都會又多人環境又唔算明亮，但今次嚟到呢間餐廳食早餐，外面自然嘅陽光打入嚟，令成個人都精神起嚟！再食埋美滿嘅早餐叉叉電，全日都充滿力量咁😆牧場烤多士加茄汁焗豆配照燒雞肉奄列比想像中大，裏面包住嘅豬肉份量都唔少，加上豬肉用咗照燒汁去整，令整個奄列更惹味烘過嘅多士咬落好卜卜脆，店員會自動揸咗牛油係多士表面，用咗喺多士入面嘅牛油香好正！仲有茄汁豆感覺好美滿☺️茄汁焗豆加脆薯餅配網燒牛扒有茄汁豆，同埋早餐必食之選其中一款嘅薯餅同樣炸得脆卜卜，煎蛋係窿邊嘅太陽蛋，雞蛋用咗日本蛋即是生食蛋黃都冇問題，所以蛋味特別濃郁，另外仲有網燒牛扒，即使燒過嘅牛扒都仲係肉汁滿滿☺️另外仲叫咗一個火腿通粉，豬骨湯底，淡淡滿足🥰

講到食早餐🥣，我一定要向大家推介大埔呢一間餐廳，價錢平民，質素高質，絕對會令你瘋狂回頭嘅餐廳吉列魚柳 + 香滑炒蛋 + 輕量級蕃茄肉碎通粉 $36魚柳炸得好脆，魚柳比好多餐廳都厚身，真係有食到魚柳嘅味道並唔係剩係得炸粉😋點埋沙律醬食更開胃，炒蛋都真係好滑身，仲有個輕量級番茄肉碎通粉，完全係用新鮮食材製作嘅湯底冇味精味道😌每一啖都食到番茄同肉碎而且呢個價錢超貼地！茄汁焗豆加脆薯餅配網燒牛扒 $40可以喺農場煎蛋/脆皮腸/火腿/豬柳漢堡入面再揀一款，我哋揀咗豬柳漢堡，牛扒用咗餐廳秘製嘅醬汁一齊煎，所以表面嘅醬汁都融入左牛扒入面，牛扒入味之餘仲好嫩，牛味都算出😋，最鍾意嘅瀦留漢堡，煎得夠香又唔會好乾，仲有少量嘅油香食落美味，薯餅都好脆，價錢都只係$40！平民價又好食嚟講呢間餐廳絕對係數一數二！呢個食物質素就算再貴少少我都會每日嚟食🤤

之前應承咗個朋友會請佢食飯，佢就話之前有食過一間大埔好好食嘅居酒屋，所以就帶咗我嚟呢度請佢食飯加州飯卷伴雜錦壽司呢個係午餐定食，八件壽司加一碗烏冬同中華沙律都只需要$65，超抵食😋壽司方面用了新鮮，壽司飯搓得好厚實，唔容易鬆散，個人超鍾意加州卷、玻璃蝦同北寄貝☺️烏冬吸晒湯嘅味道，每條烏冬嘅味道都好濃郁，仲有中華沙律呢啲開胃小食，呢個餐真係冇得頂！炭火燒牛扒伴珍珠飯配達米加燒肉汁 成隻手掌咁大塊嘅牛扒，呢個餐都只係$62！唔知係咪炭燒嘅關係，牛扒嘅肉汁完美咁鎖住咗喺裏面，每一啖都充滿着肉汁超正！加上店舖獨特嘅燒肉汁，令牛扒味道更加惹味，啲汁仲可以拎嚟撈飯，食到舔舔脷😋如果唔係朋友帶我嚟食都唔知道原來大埔呢間居酒屋咁高質😙

餐廳環境闊落，光線充足，店舖裏面仲掛咗一大幅手繪櫻花樹嘅畫，顏色鮮艷得來仲好陽光☀️，一早嚟食個早餐望到呢幅畫個人特別醒神🤩我就叫咁個茄汁焗豆加脆薯餅配網燒牛扒 呢個餐可以配農場煎蛋/脆皮腸/火腿/豬柳漢堡，我就配左煎蛋🍳，牛扒同一般出面嘅差唔多大細，但肉質明顯比出面嘅嫩口容易咬，另外在配左佢哋特製嘅醬汁，食起嚟咁Juicy，煎蛋係太陽蛋仲有流心效果，蛋黃偏橙色相信係用咗日本嘅雞蛋🥚所以蛋味都好濃，至於薯餅同蕃茄豆味道亦不錯👍🏼屋企人就叫咗個吉列魚柳、香滑炒蛋加輕量級蕃茄肉碎通粉，魚柳同外面食嘅有少少唔同，肉質較厚魚味較出，更為出色，番茄肉碎通粉份量都唔算好少，蕃茄湯味好濃，輕輕食到肉碎嘅味道，通粉更加係超入味！推薦！

哥哥今日話我要帶我去食好西，就帶咗我嚟大埔食日本嘢😋加州反卷伴雜錦壽司 食物一上枱賣相已經好吸引，有中華沙律呢個前菜同烏冬呢款主食，烏冬彈牙湯底小小嘅甜味唔會好鹹，用肉眼影睇到烏冬吸收晒湯嘅精華，好味道☺️另外每款壽司都好新鮮，三文魚油脂均勻唔會好肥，北寄貝同墨魚新鮮有咬口，熟蝦肉質彈牙，玻璃蝦好通透食落爽口🥰至於加州卷本身層次已經好豐富加上表面一點嘅沙律醬令鮮味更出 讚🤤十勝厚切吉列豬扒飯哥哥就叫做呢款豬扒飯，豬扒有足足手掌咁大塊，淨係睇都已經覺得炸得好酥脆，側面睇炸粉好薄，豬扒好厚肉果然係厚切🤩而咖喱汁係另上，店員仲好有心思喺咖喱汁上面畫咗一個心心😆咖喱嘅味道唔會好辣，咖喱汁煮得好細緻，口感好滑身，撈飯真係一流🤤真心推介大家一定要嚟試呢間日本嘢，份量極足，絕對唔會為咗節省成本用唔新鮮或者細分嘅嘢❗️