富山居 (Under Renovation)

呢間裝修好日式嘅日式店舖，裝修別緻之餘，食物都好有特色😍吉列魚柳 + 香滑炒蛋 + 輕量級蕃茄肉碎通粉 餐廳通常用嘅魚柳較少肉，但呢間選用嘅魚柳嘅肉相對地多，外皮脆得酥脆加上厚厚嘅魚肉夠嫩滑，口感好豐富，炒蛋真係做到滑蛋嘅效果😋，而蕃茄番茄肉碎通粉新鮮蕃茄味道較多，肉碎份量都唔少，食得出係真材實料👍🏼照燒十勝豬扒脆脆豬 呢款餐廳嘅招牌菜係用咗日式生果蔬菜醃料烹調，所以味道特別清新，油膩感唔高，而且仲超厚切！豬扒超Juicy又唔韌，初初冇諗過咁大份所以額外仲叫咗一個火腿通粉，食完真係抱住個肚走🤣推介大家嚟食呢間餐廳嘅早餐，飽肚又好味😋

我同男朋友特登過嚟大埔就係為咗食呢一間居酒屋，因為呢間店舖嘅食物質素高價錢又唔會好貴，想平平地食到好食嘅食物又可以同男朋友撐枱腳呢到都係一個唔錯嘅選擇🥰加州飯卷伴雜錦壽司 $65一共有八件壽司🍣分別由加州卷三件，三文魚、北寄貝、熟蝦、玻璃蝦同墨魚，壽司用了全部好新鮮，玻璃蝦晶瑩剔透，肉質微爽口👍🏼三文魚油脂分布都幾靚，加州卷上面仲會有小小嘅沙律醬，更加美味！另外仲有細碗嘅烏冬中華沙律🥗，烏冬煮得好入味，口感煙韌🥰板燒雞扒香蔥醬油撈麵 $50大大塊板燒雞扒！外皮燒得好香好脆，肉質亂口夠Juicy，撈麵方面選用左日本烏冬，用醬汁拌勻，表面仲有滿滿嘅香蔥同炸蒜，撈埋一齊食極香口！放假特登過嚟食到呢間嘅美食真係好開心！分享俾大家希望大家同我一樣可以食到好食嘅嘢🤩

前排開始同男朋友愛上左食呢一間店舖嘅早餐，初初因為見到都幾多人食所以諗住試吓，估唔到食過一次之後我哋都愛上左🤣一有時間就會落去食個早餐🤤珍寶煙肉全餐 $39對於細食又鍾意食肉嘅我來講，呢個煙肉全餐啱晒我，煙肉唔會煎得好乾口，微微嘅脆邊加上煙肉嘅油香，已經食到舔舔脷😋同樣煎過嘅火腿同漢堡扒嘅油香都好好味，炒蛋炒得好滑👍🏼薯餅炸粉唔口厚，薄薄一層夠酥脆，仲有茄汁豆，早餐極為豐富🥰吉列魚柳 + 香滑炒蛋 + 輕量級蕃茄肉碎通粉 $36有兩塊魚柳，魚柳嘅炸粉同樣唔厚炸得又夠酥脆，裏面滑滑嘅魚柳連同沙律醬一齊食真係絕配！炒蛋蛋味夠出夠滑👍🏼至於輕量級嘅蕃茄肉碎通粉，個人應為都唔算好輕量，通粉煮得好入味，每一啖除咗食到通粉仲會食到肉碎粒同好香嘅蕃茄味，絕對係用咗新鮮蕃茄而唔係番茄醬，必食之選！

估唔到大埔街市美食廣場呢間日式店舖有露天座位！座位旁邊仲要放滿左紫色嘅花！下次一定要帶埋男朋友過嚟打卡🤣照燒十勝豬扒脆脆豬既然第一次嚟到就梗係要叫佢哋嘅招牌菜嚟試吓，呢款招牌菜都真係令我有啲大開眼界，完全冇諗過一塊豬扒可以咁厚切，最神奇嘅係咁厚切但肉質依然好嫩好易咬，而且豬扒兩面都煎過好香脆，仲有部份嘅油脂食落勁惹味，包入面仲有煎過嘅洋蔥，而烤過嘅豬仔包搽咗少量牛油，令整個包嘅味道層次更豐富❗️食完都真係感受到有飽嘅感覺，換言之份量都唔少，鍾意豬扒包嘅你一定要過嚟試吓👍🏼另外仲叫咗一杯凍咖啡，奶同咖啡嘅比例均勻，咖啡味道香濃奶味亦夠出，相當唔錯相信呢間餐廳絕對可以討得男朋友歡心🤩

呢間舖面掛滿日本字嘅招紙，喺出餐處仲放咗一幅櫻花樹嘅掛畫，令我相當懷念喺日本睇櫻花嘅時候，所以每次我都會同家姐落嚟呢間店舖食早餐，睇咗當去咗日本🥰牧場烤多士加返茄汁豆配照燒雞肉奄列 $32多士係我最鍾意嘅牛油多士，牛油份量都唔少，食落特別惹味☺️我自己好鍾意單獨食茄汁豆，所以見到店舖將茄汁豆用一個碗仔裝住，唔會令到茄汁豆同其他嘢食混合就覺得好讚👍🏼奄列裏面嘅雞肉係用照燒汁煮製，令整個奄列嘅味道冇咁寡，連同雞蛋一齊食真係好香口🤤牧場烤多士+香滑炒蛋 +蕃茄肉碎通粉配豬柳漢堡/法蘭克福腸/韓式午餐肉 $33家姐同我一樣覺得牛油多士好香好脆，炒蛋火候啱啱好，真係炒得好滑溜蛋味仲好出💯二家姐就揀咗佢最愛嘅法蘭克福腸，輕輕煎過嘅表面另外皮更脆更惹味！通粉嘅湯底味道濃郁煮到每條通粉都好入味，而且番茄同肉碎嘅份量都唔少，令味道更豐富😋

我同男朋友都好鍾意食居酒屋，經朋友口中得知大埔有一間居酒屋質素唔錯叫我哋去試，所以就約埋男朋友一齊過去試吓呢間係咪真係咁好食😆岩鹽燒牛舌半溫室蕃茄手工扁意粉 $56燒過嘅牛舌已經好香加上有岩鹽作一個吊味令整個牛舌味道更昇華，而牛舌嘅質感超嫩有咬口，仲有三大塊咁多！師傅成功將醬汁鎖住喺每一條意粉嘅表面，令每一條意粉味道都好濃郁，加上蕃茄、蘑菇同青椒作伴菜，增加整道菜嘅味道，冇咁單調🤤炭火燒牛扒半珍珠飯配達米加燒肉汁 $62牛扒都幾大塊，由於用炭火燒過嘅關係都食得出有微微嘅炭香，嫩嫩嘅口感已經好正，但最估唔到嘅係燒肉汁咁出色，越食越開胃！連埋珍珠飯一齊撈汁食真係冇得彈！食完呢次呢間居酒屋已經成為我最愛嘅top10🥰

今日比屋企人捉咗落嚟大埔呢一間居酒屋度食早餐🥣，屋企人話呢一間居酒屋食物質素好高好好食，話一定要試吓😙我就叫咗個茄汁焗豆加脆薯餅配網燒牛扒，叻外再配咗條脆皮腸，如果唔想要脆皮腸仲可以揀煎蛋、火腿及豬柳漢堡，薯餅大大塊外皮微微脆，一粒粒嘅薯仔粒好好味😋脆皮腸外皮好脆，唔係啲食落霉嘅腸👍🏼另外仲有早餐必備嘅茄汁豆🥰牛扒肉質嫩滑，食落一啲都唔乾口仲幾Juicy😍屋企人就叫咗照燒十勝豬扒脆脆豬，豬扒有成隻手掌咁大仲要勁厚😍豬扒有少量嘅脂肪食落又香好正而麵包軟綿綿，食得好滿足☺️飲品方面叫咗凍朱古力同熱檸水，朱古力味道唔會好淡又唔會好甜，值得一試👍🏼

每日最苦惱嘅就係放飯時間食咩，有日同同事諗住去大元街市美食廣場逛下睇吓有咩岩食，點知就俾我哋見到呢一間日式居酒屋🏮，啱晒唔知食咩又可以試新野嘅我地🤣蒲燒鰻魚定食 $68呢款定食會配一碗麵豉湯同一碗中華沙律🥗，味道都屬於正常水平，蒲燒鰻魚就好值得一讚！鰻魚有我大半隻手掌咁大舊，另外食鰻魚最怕就係遇到好多骨，即使軟骨都係咁話，但呢條鰻魚只係得好少量嘅軟骨，食咗都唔多覺嗰啲，而佢個鋪燒汁做得好好，質地夠杰味道夠濃，但唔會好鹹，鰻魚連同啲飯一齊食絕對冇問題👍🏼慢煮醬燒豬軟骨湯手打烏冬 $55慢煮嘅豬軟骨煮得好淋好入味！豬軟骨唔會好肥好膩，味道係食完會好想再食🥰湯底用肉眼睇已經感受到好濃郁，果然食落口都係好濃郁嘅豬骨味，烏冬用咗日式烏冬煙靭又有咬口唔容易斷💯呢間餐廳將會係我哋嚟緊呢一排嘅穩定飯堂😆

位於大埔嘅呢一間居酒屋，店內佈置好有日本地道感覺，橫樑上面掛滿日本風嘅招紙，感覺置身日本一樣🤩但萬萬估唔到呢間居酒屋嘅早餐係港式早餐，竟然仲可以做到好過好多茶餐廳嘅味道，值得一讚👍🏼講到早餐沙嗲牛肉麵絕對係早餐之選！呢個餐仲配搭咗烤多士及火腿炒蛋，色水方面已經比出面嘅茶餐廳好唔同，原來店舖嘅湯底係用咗日式豬骨湯，即使係港式早餐都混合左佢哋居酒屋嘅特色😆豬骨湯嘅味道同沙嗲味嘅味道好濃郁而且好夾！公仔麵更係煮得軟硬適中😋炒蛋蛋味重都幾厚身唔係薄薄一片，火腿煎過味道更香，多士烘得好香脆面頭仲有滿滿嘅牛油🧈好好食☺️另外仲叫咗個蕃茄肉碎通粉，同樣配搭多士炒蛋而呢款可以喺三款(豬柳漢堡、法蘭克福腸、韓式午餐肉)入面揀一款配搭，而我就揀咗法蘭克福腸，相信呢款同樣用咗豬骨湯做底，加上蕃茄嘅濃郁同肉碎嘅香味，整個通粉味道好出色👍🏼 必試必試！

呢間同老公食過幾次，就係知道佢內部有個露天座位可以好chill咁食住早餐感受下早晨氣息，所以都幾鍾意呢間餐廳茄汁焗豆加取薯餅配網燒牛扒 $40呢款早餐另外仲可以喺煎蛋、脆皮腸、火腿、豬柳漢堡四款入面揀一款配搭，我就揀咗煎蛋🍳佢哋煎蛋係我最鍾意嘅燶邊太陽蛋🥰薯餅好香脆👍🏼牛扒肉質一啲都唔韌，加上餐廳嘅牛肉汁，味道又夾又好食，仲可以喺微微嘅陽光之下鋸扒真係一件好嘆嘅事😆朝燒十勝豬扒脆脆豬 $36店員拎上枱嗰時有少少唔敢相信，因為塊豬扒真係好厚❗️即使佢咁厚但好容易就爆開一啲都唔韌一咬仲好多汁😍重點係豬扒嘅味道好清新！味道有少少似用水果去醃製過，而且麵包亦都好軟熟💯另外仲有一個火腿通粉，味道亦相當唔錯，食完都唔係話唔飽😆推介情侶可以過嚟食，無論環境定食物都會令你有一個新體驗

前排見到呢間大埔日式餐廳試業中，作為一個大埔人見到有新嘅餐廳咁當然要支持下啦農場烤多士加火腿炒蛋配沙嗲牛肉麵冇諗過日式餐廳都有啲咁港式茶餐廳嘅菜式，最驚喜嘅係雖然佢係港式菜式但係味道一啲都唔似，單憑沙嗲牛肉麵嘅湯底，已經完美擊敗好多唔同嘅港式餐廳，湯底係豬骨味，沙嗲汁聽店員講係佢哋自己烹調，所以味道會特別濃郁，多士火腿同炒蛋都係高水準，成個餐眨吓眼就食晒友人就叫咗個農場烤多士加茄汁焗豆配照燒雞肉奄列，茄汁豆係早餐嘅必備，連同烤得好脆嘅多士一齊食，不錯不錯，至於照燒雞肉奄列都係第一次試，蛋汁同表面煎得香口嘅雞蛋吊出左雞肉嘅味道，加上照燒汁令整個奄列更升一個層次

之前同屋企人食過一次，已經覺得呢一間居酒屋食物質素極高，所以今日拉埋男朋友過嚟一齊再食🥰首先我哋叫咗一個板燒雞扒香蔥醬油撈麵，板燒過嘅雞扒雞皮炸得好香脆，而且雞扒好厚身，一食落口層次好豐富，肉質嫩口☺️至於撈麵方面餐廳用咗日式烏冬，上面放咗香蔥同炸蒜，食起上嚟味道更香手，要烏冬嘅醬汁係特別調製，味道極為出色🤤另外仲叫咗一個炭火燒牛扒半珍珠飯配搭米加燒肉汁，落單嘅時候見到個名好吸引，一上枱牛扒同燒肉汁嘅味道已經撲鼻😍牛扒叫咗5成熟，肉質依然嫩口，連埋燒肉汁一齊食好惹味🤩珍珠米粒粒分明份量都唔少👍🏼另外仲有一份蟹籽沙律🥗，令整到菜更清新😋

諗住落街食個早餐，就見到呢一間居酒屋🏮賣相唔錯之餘價錢仲好抵，於是就入咗去試茄汁焗豆加薯餅配網銷牛扒配豬柳漢堡 $40牛扒雖然薄新但勝在夠大塊，肉質易咬係未夠出，肉質唔會霉霉爛爛夠厚實👍🏼，表面仲有少少照燒汁煎牛扒更香更好食，薯餅炸得脆卜卜，裏面好軟熟，漢堡扒煎得好香，亦唔會好乾😋仲有我最愛嘅茄汁豆，呢個價錢冇得彈❗️牧場烤多士加火腿炒蛋配沙嗲牛肉麵 $35呢個牛肉麵同其他餐廳嘅好唔同，飲得出係用豬骨湯熬製，令整個面吸晒湯嘅精華，另外沙嗲汁嘅味道好濃郁，超正！另外多士烤得好脆口，炒蛋亦唔會好老，呢個價錢食到呢個質素係相當唔錯🤤

見今日要去大埔搵個friend，順便諗住喺大埔食埋個lunch 😆會合左個friend之後，我問佢有冇邊間餐廳好介紹，佢話有間新開嘅富山居近日幾受歡迎，佢就帶咗我去啦🥰呢間餐廳真係好靚😍勁多位都好適合打卡📸勁肚餓嘅我就即刻點咗我最愛既蒲燒鰻魚定食配麵豉湯😚我個friend 點咗個炭火燒牛扒伴珍珠飯配達米加燒肉汁。蒲燒鰻魚定食，鰻魚算大塊又有厚度，鰻魚碎骨又唔多，醬汁鹹甜得宜，唔會蓋過咗魚嘅味道🤤🤤炭火燒牛扒伴珍珠飯，牛扒燒得啱啱好，食落唔會韌，珍珠飯粒粒飽滿，有咬口👍呢間水準都幾高，下次可以再黎💗

有時候都要好好享受一個人嘅時間，今日放假我就選擇自己去咗一間位於大元街嘅富山居食早餐🍽呢排屋企人都有去呢間餐廳食嘢，佢哋都好推介！咁我今次去到覺得餐廳環境唔錯，見佢嘅裝修都好舒服☺️早餐選擇都比想像中多，而我叫咗個$35牧場烤多士加火腿炒蛋配沙嗲牛肉麵。🍜沙嗲牛肉麵上枱後，濃濃嘅沙嗲湯香味，未食已經流晒口水！沙嗲牛肉麵湯底係用日式豬骨湯🥩牛肉沙嗲味道濃郁又肉質嫩滑！🥚炒蛋都非常之不錯！發覺其實呢度食物價錢都幾抵，餐牌入面仲有其他嘢食都會搵機會再嚟試吓🥰🥰